జనగామ జిల్లా పాలకుర్తి నియోజకవర్గంలోని పలు గ్రామాల్లో పర్యటించిన రాష్ట్ర మాజీ మంత్రి ఎర్రబెల్లి దయాకర్ రావు, పాలకుర్తి మండలం తొర్రూరు గ్రామంలోని ధాన్యం కొనుగోలు కేంద్రాన్ని పరిశీలించారు. కల్లాలో కొనుగోలు కాక నిల్వ ఉన్న వడ్లను చూసి ఆయన తన వాహనాన్ని ఆపి నేరుగా రైతులతో మాట్లాడి వారి సమస్యలను తెలుసుకున్నారు. ఈ సందర్భంగా రైతులు మాట్లాడుతూ గత 40 రోజులుగా తమ ధాన్యం రాశులు అక్కడే పేరుకుపోయాయని ఆవేదన వ్యక్తం చేశారు. లారీల కొరత, గన్నీ బ్యాగుల సమస్యల కారణంగా కొనుగోళ్లు జరగడం లేదని, సరైన వసతులు లేక తీవ్ర ఇబ్బందులు ఎదుర్కొంటున్నామని తెలిపారు. అధికారులు వచ్చి వెళ్తున్నారే తప్ప తమ సమస్యలను పరిష్కరించడం లేదని రైతులు ఆరోపించారు. రైతుల సమస్యలను విన్న మాజీ మంత్రి ఎర్రబెల్లి దయాకర్ రావు వెంటనే జిల్లా కలెక్టర్ సందీప్ కుమార్‌తో ఫోన్‌లో మాట్లాడి పరిస్థితిని వివరించారు. దీనిపై స్పందించిన కలెక్టర్, రైతుల వడ్ల కొనుగోళ్లను త్వరగా పూర్తి చేయిస్తామని హామీ ఇచ్చారు. అలాగే మరిన్ని పెండింగ్ కొనుగోలు ప్రాంతాల వివరాలను అందించాలని సూచించారు. ఈ సందర్భంగా ఎర్రబెల్లి దయాకర్ రావు మాట్లాడుతూ రాష్ట్రంలో రైతుల పట్ల నిర్లక్ష్య వైఖరి కొనసాగుతోందని ఆరోపించారు. వడ్ల కొనుగోలు విషయంలో ప్రభుత్వం ముందస్తు సమీక్షలు చేయకపోవడం వల్లనే రైతులు తీవ్రంగా నష్టపోతున్నారని విమర్శించారు. తక్షణమే అన్ని కేంద్రాల్లో ధాన్యం కొనుగోళ్లను పూర్తి చేయాలని ఆయన డిమాండ్ చేశారు. ఈ కార్యక్రమంలో మండల నాయకులు, రైతులు తదితరులు పాల్గొన్నారు.

M D Azizuddin

జర్నలిస్ట్ వర్ధన్నపేట, వరంగల్, తెలంగాణ•

1 hr ago

జనగామ జిల్లా పాలకుర్తి నియోజకవర్గంలోని పలు గ్రామాల్లో పర్యటించిన రాష్ట్ర మాజీ మంత్రి ఎర్రబెల్లి దయాకర్ రావు, పాలకుర్తి మండలం తొర్రూరు గ్రామంలోని ధాన్యం కొనుగోలు కేంద్రాన్ని పరిశీలించారు. కల్లాలో కొనుగోలు కాక నిల్వ ఉన్న వడ్లను చూసి ఆయన తన వాహనాన్ని ఆపి నేరుగా రైతులతో మాట్లాడి వారి సమస్యలను తెలుసుకున్నారు. ఈ సందర్భంగా రైతులు మాట్లాడుతూ గత 40 రోజులుగా తమ ధాన్యం రాశులు అక్కడే పేరుకుపోయాయని ఆవేదన వ్యక్తం చేశారు. లారీల కొరత, గన్నీ బ్యాగుల సమస్యల కారణంగా కొనుగోళ్లు జరగడం లేదని, సరైన వసతులు లేక తీవ్ర ఇబ్బందులు ఎదుర్కొంటున్నామని తెలిపారు. అధికారులు వచ్చి వెళ్తున్నారే తప్ప తమ సమస్యలను పరిష్కరించడం లేదని రైతులు ఆరోపించారు. రైతుల సమస్యలను విన్న మాజీ మంత్రి ఎర్రబెల్లి దయాకర్ రావు వెంటనే జిల్లా కలెక్టర్ సందీప్ కుమార్‌తో ఫోన్‌లో మాట్లాడి పరిస్థితిని వివరించారు. దీనిపై స్పందించిన కలెక్టర్, రైతుల వడ్ల కొనుగోళ్లను త్వరగా పూర్తి చేయిస్తామని హామీ ఇచ్చారు. అలాగే మరిన్ని పెండింగ్ కొనుగోలు ప్రాంతాల వివరాలను అందించాలని సూచించారు. ఈ సందర్భంగా ఎర్రబెల్లి దయాకర్ రావు మాట్లాడుతూ రాష్ట్రంలో రైతుల పట్ల నిర్లక్ష్య వైఖరి కొనసాగుతోందని ఆరోపించారు. వడ్ల కొనుగోలు విషయంలో ప్రభుత్వం ముందస్తు సమీక్షలు చేయకపోవడం వల్లనే రైతులు తీవ్రంగా నష్టపోతున్నారని విమర్శించారు. తక్షణమే అన్ని కేంద్రాల్లో ధాన్యం కొనుగోళ్లను పూర్తి చేయాలని ఆయన డిమాండ్ చేశారు. ఈ కార్యక్రమంలో మండల నాయకులు, రైతులు తదితరులు పాల్గొన్నారు.