ભાભર તાલુકાના અસાણા ગામે ગત ૧૦ જુલાઈના રોજ બપોરના સમયે એક વૃદ્ધની લાકડી મારીને કરપીણ હત્યા કરવાની ઘટના સામે આવતા સમગ્ર પંથકમાં ચકચાર મચી ગઈ છે. અસાણા ગામે રહેતા આશરે ૬૦ વર્ષીય વૃદ્ધ તખાજી સોનાજી ઠાકોરે તેમના ઘર પાસે દોડાદોડી ન કરવા બાબતે કહેતા, ઉશ્કેરાયેલા આરોપી પ્રતાપજી બબાજી ઠાકોરે તેમના પર લાકડી વડે નિર્દયતાથી હુમલો કરી દીધો હતો. આ હુમલામાં ગંભીર રીતે લોહીલુહાણ થયેલા વૃદ્ધને કારણે ગામમાં ભારે અરેરાટી વ્યાપી ગઈ હતી અને ઘટનાસ્થળે લોકોના ટોળા એકઠા થઈ ગયા હતા. ગંભીર રીતે ઘાયલ વૃદ્ધને તાત્કાલિક ભાભર સામુહિક આરોગ્ય કેન્દ્ર ખાતે સારવાર અર્થે લઈ જવામાં આવ્યા હતા, જ્યાં હાજર તબીબોએ તપાસ બાદ તેમને મૃત જાહેર કર્યા હતા. ઘટનાની જાણ થતાં જ ભાભર પોલીસ હોસ્પિટલ દોડી ગઈ હતી અને મૃતદેહનું પોસ્ટમોર્ટમ કરાવી મોડી રાત્રે પરિવારજનોને સોંપ્યો હતો. આ મામલે મૃતકના પુત્ર જેસંગભાઈ તખાભાઈ ઠાકોરે આરોપી પ્રતાપજી બબાજી વિરુદ્ધ ફરિયાદ નોંધાવતા, પોલીસે ગુનો નોંધીને હત્યારા આરોપીની ધરપકડ કરી તેને જેલહવાલે કર્યો છે અને આગળની તપાસ હાથ ધરી છે.

Journalist bharmal mali

News Anchor ભાભર, બનાસકાંઠા, ગુજરાત•

4 hrs ago

ભાભર તાલુકાના અસાણા ગામે ગત ૧૦ જુલાઈના રોજ બપોરના સમયે એક વૃદ્ધની લાકડી મારીને કરપીણ હત્યા કરવાની ઘટના સામે આવતા સમગ્ર પંથકમાં ચકચાર મચી ગઈ છે. અસાણા ગામે રહેતા આશરે ૬૦ વર્ષીય વૃદ્ધ તખાજી સોનાજી ઠાકોરે તેમના ઘર પાસે દોડાદોડી ન કરવા બાબતે કહેતા, ઉશ્કેરાયેલા આરોપી પ્રતાપજી બબાજી ઠાકોરે તેમના પર લાકડી વડે નિર્દયતાથી હુમલો કરી દીધો હતો. આ હુમલામાં ગંભીર રીતે લોહીલુહાણ થયેલા વૃદ્ધને કારણે ગામમાં ભારે અરેરાટી વ્યાપી ગઈ હતી અને ઘટનાસ્થળે લોકોના ટોળા એકઠા થઈ ગયા હતા. ગંભીર રીતે ઘાયલ વૃદ્ધને તાત્કાલિક ભાભર સામુહિક આરોગ્ય કેન્દ્ર ખાતે સારવાર અર્થે લઈ જવામાં આવ્યા હતા, જ્યાં હાજર તબીબોએ તપાસ બાદ તેમને મૃત જાહેર કર્યા હતા. ઘટનાની જાણ થતાં જ ભાભર પોલીસ હોસ્પિટલ દોડી ગઈ હતી અને મૃતદેહનું પોસ્ટમોર્ટમ કરાવી મોડી રાત્રે પરિવારજનોને સોંપ્યો હતો. આ મામલે મૃતકના પુત્ર જેસંગભાઈ તખાભાઈ ઠાકોરે આરોપી પ્રતાપજી બબાજી વિરુદ્ધ ફરિયાદ નોંધાવતા, પોલીસે ગુનો નોંધીને હત્યારા આરોપીની ધરપકડ કરી તેને જેલહવાલે કર્યો છે અને આગળની તપાસ હાથ ધરી છે.