3వ రోజుకు చేరిన సింగరేణి మారుపేర్ల బాధితుల నిరసన దీక్ష సింగరేణి మారుపేర్లు మరియు విజిలెన్స్ పెండింగ్ కేసుల సమస్యను తక్షణమే పరిష్కరించాలని డిమాండ్ చేస్తూ రామగుండం ఆర్జీ-1 జీఎం కార్యాలయం ఎదుట నిర్వహిస్తున్న నిరసన దీక్ష మూడో రోజు కూడా కొనసాగుతోంది. మూడో రోజు నిరసనలో భాగంగా బాధితులు నల్ల బ్యాడ్జీలు ధరించి, నల్ల కండువాలు వేసుకొని నిరసన వ్యక్తం చేస్తున్నారు. ఈ నిరసన దీక్షకు ఈరోజు బీఆర్ఎస్ పార్టీ నాయకులు పూర్తి మద్దతు తెలిపారు. బీఆర్ఎస్ పార్టీకి చెందిన కౌశిక్ హరన్, పర్లపల్లి రవి, జివి రాజు, కర్క శ్రీనివాస్ రెడ్డి (కార్పొరేటర్), నిమ్మరాజుల రవి (కార్పొరేటర్), కల్వాల సాగర్ తదితరులు పాల్గొని బాధితులకు తమ సంఘీభావాన్ని ప్రకటించారు. సింగరేణి మారుపేర్లు మరియు విజిలెన్స్ పెండింగ్ కేసుల సమస్య పరిష్కారం అయ్యే వరకు పోరాటానికి బీఆర్ఎస్ పార్టీ అండగా ఉంటుందని వారు తెలిపారు. ఈ నిరసన దీక్ష లక్కా శ్రావణ్ గౌడ్ అధ్యక్షతన శాంతియుతంగా కొనసాగుతోంది. బాధితులకు న్యాయం జరిగే వరకు తమ పోరాటం ఆగదని నాయకులు స్పష్టం చేశారు.

21 hrs ago

Telangana reporter

Local News Reporter రామగుండం, పెద్దపల్లి, తెలంగాణ•

21 hrs ago

ఆదివాసీలను అడవికి దూరం చేసే కుట్ర చేస్తున్న మోడీ ప్రభుత్వం : జూపాక శ్రీనివాస్ CPI ML మాస్ లైన్ ప్రజాపంథా కరీంనగర్ ఉమ్మడి జిల్లా కార్యదర్శి ప్రపంచ ఆదివాసీ దినోత్సవం సందర్భంగా గోదావరిఖని కార్యాలయంలో ఆదివాసీ దినోత్సవ సభ జరిగింది. ఆదివాసీల హక్కులను పరిరక్షించడంతో పాటు, రాజ్యాంగం కల్పించిన హక్కులను పూర్తిస్థాయిలో అమలు చేయాలని, జల్–జంగల్–జమీన్‌పై ఆదివాసీల హక్కులను కాపాడాలని *సీపీఐ(ఎంఎల్) మాస్ లైన్ ప్రజాపంథా కరీంనగర్ ఉమ్మడి జిల్లా కార్యదర్శి జూపాక శ్రీనివాస్ డిమాండ్ చేశారు* భారతదేశానికి స్వాతంత్ర్యం వచ్చి దశాబ్దాలు గడిచినా ఆదివాసీ సమాజం ఇప్పటికీ భూమి, అటవీ హక్కులు, విద్య, వైద్యం, ఉపాధి, తాగునీరు, రహదారులు వంటి అనేక సమస్యలను ఎదుర్కొంటోంది. అభివృద్ధి పేరుతో గనులు, పరిశ్రమలు, ప్రాజెక్టుల కోసం ఆదివాసీల భూములను తీసుకోవడం వల్ల అనేక కుటుంబాలు తమ జీవనాధారాన్ని కోల్పోతున్నాయి. ఆదివాసీల సంప్రదాయ హక్కులను గుర్తించి అటవీ హక్కుల చట్టం–2006ను సమర్థవంతంగా అమలు చేయాలి. అర్హులైన ప్రతి ఆదివాసీ కుటుంబానికి వ్యక్తిగత, సామూహిక అటవీ హక్కుల పట్టాలు ఇవ్వాలి. పోడు సాగుదారులసమస్యలను పరిష్కరించి, వారి సాగు భూములకు హక్కులు కల్పించాలి. ఆదివాసీల అనుమతి, గ్రామసభ నిర్ణయాలను పక్కన పెట్టి వారి భూములను ఇతర అవసరాలకు బదలాయించకుండా ఆదివాసీ ప్రాంతాల్లో నాణ్యమైన ప్రభుత్వ విద్య, హాస్టళ్లు, వైద్య సదుపాయాలు, తాగునీరు, రహదారులు, విద్యుత్ వంటి మౌలిక సదుపాయాలను మెరుగుపరచాలి. అటవీ ఉత్పత్తులకు గిట్టుబాటు ధర కల్పించి, మధ్యవర్తుల దోపిడీని అరికట్టాలి. ఆదివాసీ యువతకు ఉపాధి, నైపుణ్య శిక్షణ, ఉన్నత విద్యలో మరిన్ని అవకాశాలు కల్పించాలి. గనులు, ప్రాజెక్టులు, పరిశ్రమల కారణంగా నిర్వాసితులయ్యే ఆదివాసీలకు న్యాయమైన పరిహారం, భూమి, పునరావాసం, ఉపాధి కల్పించిన తర్వాతే అభివృద్ధి కార్యక్రమాలను చేపట్టాలి. ఆదివాసీ భాషలు, సంస్కృతి,సంప్రదాయాలుజీవన విధానాన్ని పరిరక్షించాలి. మా ప్రధాన డిమాండ్లు జల్–జంగల్–జమీన్‌పై ఆదివాసీల హక్కులను కాపాడాలి.అర్హులైన ప్రతి ఆదివాసీ కుటుంబానికి అటవీ హక్కుల పట్టాలు ఇవ్వాలి.పోడుసాగుదారులపై వేధింపులు, అక్రమ కేసులు నిలిపివేయాలి. గిరిజన ప్రాంతాల్లో విద్య, వైద్యం,తాగునీరు,రహదారులు వంటి మౌలిక సదుపాయాలుకల్పించాలి ఆదివాసీ యువతకు విద్య, ఉపాధి అవకాశాలు పెంచాలి.ఆదివాసీల హక్కుల కోసం ఐక్యంగా నిలుద్దాంజల్–జంగల్–జమీన్‌ను కాపాడుకుందాం అని పిలుపునిచ్చారు. *ఇంకా ఈ సభలో CPI ML మాస్ లైన్ ప్రజాపంథా పెద్దపెల్లి డివిజన్ కార్యదర్శి తోకల రమేష్, జిల్లా నాయకులు మార్త రాములు, గొల్లపల్లి చంద్రయ్య, కోడిపుంజుల లక్ష్మి, మార్త రాద, కలవల రాయమల్లు బత్తుల రాజన్న , శనగరపు రామస్వామి, సునీత, ఉడిగమ్మ తదితరులు పాల్గొన్నారు.

Telangana reporter

Local News Reporter రామగుండం, పెద్దపల్లి, తెలంగాణ•

21 hrs ago