नेर तालुक्यात हजरला जयंती मिरवणुकीत सोळा वर्षे विद्यार्थ्यांचा खून नेर तालुका हादरला; जयंती मिरवणुकीत १६ वर्षीय विद्यार्थ्याचा खून, आरोपी जंगलातून जेरबंद नेर, तालुक्यातील वीरगव्हाण येथे डॉ. बाबासाहेब आंबेडकर जयंती मिरवणुकीदरम्यान किरकोळ धक्काबुक्कीच्या कारणावरून अवघ्या १६ वर्षीय विद्यार्थ्याचा चाकूने भोसकून निर्घृण खून करण्यात आल्याची धक्कादायक घटना घडली. या घटनेमुळे संपूर्ण नेर तालुका हादरला असून नागरिकांमध्ये भीतीचे वातावरण निर्माण झाले आहे. दरम्यान, घटनेनंतर फरार झालेल्या आरोपीला पोलिसांनी जंगलात लपून बसलेल्या अवस्थेत अटक करत मोठे यश मिळवले. मृतक लकी हरिचंद्र ढोले (वय १६) हा दहावीचा विद्यार्थी होता. तो जयंती मिरवणुकीत उत्साहाने सहभागी झाला होता. याचवेळी आरोपी ओम दिनेश मनवर (वय १९, रा. वडगाव गाढवे, ता. दारव्हा), जो गेल्या तीन महिन्यांपासून वीरगव्हाण येथे आपल्या नातेवाईकांकडे वास्तव्यास होता, तोही मिरवणुकीत सहभागी झाला होता. माहितीनुसार, काही दिवसांपूर्वी लकी व ओम यांच्यात किरकोळ कारणावरून वाद झाला होता. त्यावेळी आरोपीने लकीला जीवे मारण्याची धमकी दिल्याचेही समोर आले आहे. १४ एप्रिल रोजी सायंकाळी जयंती मिरवणुकीत नाचताना धक्का लागल्याच्या कारणावरून दोघांमध्ये पुन्हा वाद उफाळला. या क्षुल्लक कारणावरून संतापलेल्या आरोपीने थेट चाकू काढून लकीवर जीवघेणा हल्ला केला. या हल्ल्यात लकी गंभीर जखमी होऊन रक्ताच्या थारोळ्यात कोसळला. उपस्थितांनी तत्काळ त्याला नेर येथील शासकीय रुग्णालयात दाखल केले; मात्र उपचारापूर्वीच डॉक्टरांनी त्याला मृत घोषित केले. या घटनेने मिरवणुकीचा उत्साह क्षणात शोककळेत बदलला. घटनेनंतर आरोपीने घटनास्थळावरून पळ काढत जंगलाचा आसरा घेतला. पोलिसांनी तातडीने शोधमोहीम हाती घेत बोथगव्हाण परिसरातील जंगलात सखोल तपास सुरू केला. अखेर आरोपी एका शेतातील झोपडीत ताडपत्री टाकून लपून बसल्याचे निष्पन्न झाले. ठाणेदार अनिल बेहराणी यांच्या मार्गदर्शनाखाली पोलिसांनी सापळा रचत आरोपीला ताब्यात घेतले. या संपूर्ण कारवाईत पीएसआय प्रकाश आडे, दामोदर वाघमारे, पोलीस पाटील योगेश राऊत व पोलीस पथकाने महत्त्वपूर्ण भूमिका बजावली. या प्रकरणी आरोपीविरुद्ध भादवी कलम १०३ (१) अन्वये गुन्हा दाखल करण्यात आला असून पुढील तपास सुरू आहे. दरम्यान, नेर परिसरात क्षुल्लक कारणांवरून वाढत चाललेल्या खूनाच्या घटनांमुळे नागरिकांमध्ये तीव्र चिंता व्यक्त होत आहे. यापूर्वीही नेर येथे शहेबाज या पानटपरी चालकाचा अशाच कारणावरून खून झाला होता. या पार्श्वभूमीवर कायदा-सुव्यवस्था अधिक कडक करण्याची आणि अशा प्रवृत्तींवर कठोर कारवाई करण्याची मागणी नागरिकांकडून जोर धरत आहे.

Nilesh Wanjari

नेर, यवतमाळ, महाराष्ट्र•

5 hrs ago

नेर तालुक्यात हजरला जयंती मिरवणुकीत सोळा वर्षे विद्यार्थ्यांचा खून नेर तालुका हादरला; जयंती मिरवणुकीत १६ वर्षीय विद्यार्थ्याचा खून, आरोपी जंगलातून जेरबंद नेर, तालुक्यातील वीरगव्हाण येथे डॉ. बाबासाहेब आंबेडकर जयंती मिरवणुकीदरम्यान किरकोळ धक्काबुक्कीच्या कारणावरून अवघ्या १६ वर्षीय विद्यार्थ्याचा चाकूने भोसकून निर्घृण खून करण्यात आल्याची धक्कादायक घटना घडली. या घटनेमुळे संपूर्ण नेर तालुका हादरला असून नागरिकांमध्ये भीतीचे वातावरण निर्माण झाले आहे. दरम्यान, घटनेनंतर फरार झालेल्या आरोपीला पोलिसांनी जंगलात लपून बसलेल्या अवस्थेत अटक करत मोठे यश मिळवले. मृतक लकी हरिचंद्र ढोले (वय १६) हा दहावीचा विद्यार्थी होता. तो जयंती मिरवणुकीत उत्साहाने सहभागी झाला होता. याचवेळी आरोपी ओम दिनेश मनवर (वय १९, रा. वडगाव गाढवे, ता. दारव्हा), जो गेल्या तीन महिन्यांपासून वीरगव्हाण येथे आपल्या नातेवाईकांकडे वास्तव्यास होता, तोही मिरवणुकीत सहभागी झाला होता. माहितीनुसार, काही दिवसांपूर्वी लकी व ओम यांच्यात किरकोळ कारणावरून वाद झाला होता. त्यावेळी आरोपीने लकीला जीवे मारण्याची धमकी दिल्याचेही समोर आले आहे. १४ एप्रिल रोजी सायंकाळी जयंती मिरवणुकीत नाचताना धक्का लागल्याच्या कारणावरून दोघांमध्ये पुन्हा वाद उफाळला. या क्षुल्लक कारणावरून संतापलेल्या आरोपीने थेट चाकू काढून लकीवर जीवघेणा हल्ला केला. या हल्ल्यात लकी गंभीर जखमी होऊन रक्ताच्या थारोळ्यात कोसळला. उपस्थितांनी तत्काळ त्याला नेर येथील शासकीय रुग्णालयात दाखल केले; मात्र उपचारापूर्वीच डॉक्टरांनी त्याला मृत घोषित केले. या घटनेने मिरवणुकीचा उत्साह क्षणात शोककळेत बदलला. घटनेनंतर आरोपीने घटनास्थळावरून पळ काढत जंगलाचा आसरा घेतला. पोलिसांनी तातडीने शोधमोहीम हाती घेत बोथगव्हाण परिसरातील जंगलात सखोल तपास सुरू केला. अखेर आरोपी एका शेतातील झोपडीत ताडपत्री टाकून लपून बसल्याचे निष्पन्न झाले. ठाणेदार अनिल बेहराणी यांच्या मार्गदर्शनाखाली पोलिसांनी सापळा रचत आरोपीला ताब्यात घेतले. या संपूर्ण कारवाईत पीएसआय प्रकाश आडे, दामोदर वाघमारे, पोलीस पाटील योगेश राऊत व पोलीस पथकाने महत्त्वपूर्ण भूमिका बजावली. या प्रकरणी आरोपीविरुद्ध भादवी कलम १०३ (१) अन्वये गुन्हा दाखल करण्यात आला असून पुढील तपास सुरू आहे. दरम्यान, नेर परिसरात क्षुल्लक कारणांवरून वाढत चाललेल्या खूनाच्या घटनांमुळे नागरिकांमध्ये तीव्र चिंता व्यक्त होत आहे. यापूर्वीही नेर येथे शहेबाज या पानटपरी चालकाचा अशाच कारणावरून खून झाला होता. या पार्श्वभूमीवर कायदा-सुव्यवस्था अधिक कडक करण्याची आणि अशा प्रवृत्तींवर कठोर कारवाई करण्याची मागणी नागरिकांकडून जोर धरत आहे.