સુરતના સચિન વિસ્તારમાંથી પોલીસે ₹૨૧ લાખની કિંમતનો ગેરકાયદેસર ગાંજો જપ્ત કરીને ત્રણ મહિલા આરોપીઓની ધરપકડ કરી છે. આ કાર્યવાહી સચિન પોલીસ સ્ટેશન દ્વારા કરવામાં આવી હતી. સચિન પોલીસ સ્ટેશનના પોલીસ ઇન્સ્પેક્ટર શ્રી પી.એન. વાઘેલા, પોલીસ સબ-ઇન્સ્પેક્ટર શ્રી એન.ડી. દામોર અને કનકપુર પોલીસ પોસ્ટના ઇન્ચાર્જ પોલીસ સબ-ઇન્સ્પેક્ટર શ્રી એસ.ડી. સિંહના માર્ગદર્શન હેઠળ સર્વેલન્સ ટીમે ગુપ્ત માહિતીના આધારે આ ઓપરેશન પાર પાડ્યું હતું. પોલીસ ટીમે સચિન વિસ્તારના અંબિકાનગર, પારડી-કાનાડેમાં આવેલા મકાન નંબર-૨૪૦માંથી આ ત્રણ મહિલા આરોપીઓને ઝડપી પાડી હતી.

સુરતના કાપોદ્રા વિસ્તારમાં આવેલી મહાત્મા ઇન્ડસ્ટ્રીયલમાં બે કર્મચારીઓને વીજ કરંટ લાગ્યો હતો. આ કરંટ એટલો જોરદાર હતો કે તેના પ્રભાવથી કારખાનાની લાદી પણ ઉખડી ગઈ હતી. ઘટના બાદ બંને કર્મચારીઓની સ્થિતિ ગંભીર હોવાથી તેમને તાત્કાલિક સારવાર માટે હોસ્પિટલમાં દાખલ કરવામાં આવ્યા હતા. આ બનાવની જાણ થતા DGVCLની ટીમ તાત્કાલિક ઘટનાસ્થળે પહોંચી હતી અને વીજ કંપની દ્વારા કરંટ લાગવાની આ ઘટના અંગે જાણવાના પ્રયાસો શરૂ કરવામાં આવ્યા છે.

MLA ચૈતર વસાવાને સાત વર્ષની જેલની સજા સંભળાવવામાં આવી છે. આ સજાનો આદેશ વડોદરા સેન્ટ્રલ જેલને મોકલી દેવામાં આવ્યો છે.

સુરત પોલીસે "NO DRUGS IN SURAT CITY" અભિયાન હેઠળ નશાના કારોબાર સામે મોટી કાર્યવાહી કરી છે. આ અંતર્ગત સચિન વિસ્તારના પારડી-કણદે સ્થિત અંબિકા નગરથી ત્રણ આરોપીઓની ધરપકડ કરવામાં આવી છે. પોલીસને મળેલી બાતમીના આધારે દરોડા પાડવામાં આવતા આરોપીઓના કબજામાંથી 42.02 કિલોગ્રામ ગાંજો જપ્ત કરવામાં આવ્યું હતું, જેની અંદાજિત કિંમત ₹21,01,000 આંકવામાં આવી છે. ઝડપાયેલા આરોપીઓની ઓળખ કૃપાસિંધુ લડ્ડુ કિશોર બરાડ (29), સુકાંતિ રામા નાહક (54) અને આરતી કૃપાસિંધુ બરાડ (40) તરીકે થઈ છે. આ ત્રણેય મૂળ ઓડિશાના ગંજામ જિલ્લાના રહેવાસી છે અને હાલમાં સચિનના અંબિકા નગર વિસ્તારમાં વસવાટ કરતા હતા. પોલીસે આરોપીઓ વિરુદ્ધ એનડીપીએસ એક્ટ હેઠળ ગુનો નોંધી વધુ તપાસ હાથ ધરી છે. સુરત પોલીસ દ્વારા શહેરને નશામુક્ત બનાવવા માટે ચલાવવામાં આવી રહેલા અભિયાન અંતર્ગત આ કાર્યવાહીને ખૂબ જ મહત્વપૂર્ણ ગણવામાં આવી રહી છે.

સુરત શહેરના રાંદેર પોલીસ સ્ટેશન દ્વારા મોહરમ-તાજિયા તહેવારને શાંતિપૂર્ણ, સુરક્ષિત અને સૌહાર્દપૂર્ણ વાતાવરણમાં ઉજવવા માટે જાહેર માર્ગદર્શિકા બહાર પાડવામાં આવી છે. આ સૂચનાઓમાં તાજિયા જુલુસ દરમિયાન પોલીસ અને વહીવટી તંત્ર દ્વારા મંજૂર કરાયેલા રૂટ અને સમયપત્રકનું કડક પાલન કરવા અપીલ કરવામાં આવી છે. પોલીસે સ્પષ્ટ જણાવ્યું છે કે જુલુસ દરમિયાન કોઈપણ પ્રકારના શસ્ત્રો, ઘાતક હથિયારો અથવા જોખમી વસ્તુઓ સાથે રાખવાની મંજૂરી રહેશે નહીં. આ ઉપરાંત, ઉશ્કેરણીજનક ભાષણો, સૂત્રોચ્ચારો, ગીતો અથવા ધાર્મિક લાગણી દુભાય તેવા કૃત્યો કરવાથી દૂર રહેવાની સૂચના પણ આપવામાં આવી છે. જાહેર રસ્તાઓ પર ટ્રાફિકને અવરોધ ન થાય તે માટે પોલીસની સૂચનાઓનું પાલન કરવા જણાવાયું છે, અને લાઉડસ્પીકર તેમજ ડી.જે.નો ઉપયોગ સરકારના નિયમો તથા નિર્ધારિત સમયમર્યાદા મુજબ જ કરવાનો રહેશે. પોલીસે સોશિયલ મીડિયા પર અફવા, ભ્રામક માહિતી અથવા વાંધાજનક પોસ્ટ અને વિડિયો શેર ન કરવાની ચેતવણી આપી છે. દારૂ, નશીલા પદાર્થો અથવા અન્ય કેફી દ્રવ્યોના સેવનથી પણ દૂર રહેવાની સલાહ આપવામાં આવી છે, કારણ કે આવા કૃત્યો કાયદેસર ગુનો ગણાશે. કોઈપણ શંકાસ્પદ ઘટના અથવા કાયદો-વ્યવસ્થાને લગતી માહિતી માટે તાત્કાલિક રાંદેર પોલીસનો સંપર્ક કરવા અપીલ કરાઈ છે. ઇમરજન્સી સ્થિતિમાં 112 હેલ્પલાઇન પર સંપર્ક કરી શકાય છે.

સચિન પોલીસે ઓડિશાની ત્રણ મહિલાઓને 42 કિલોગ્રામથી વધુ ગાંજા સાથે પકડી પાડી છે. આ કાર્યવાહી દરમિયાન પોલીસે આશરે ₹21 લાખનો કિંમતી મુદ્દામાલ પણ જપ્ત કર્યો છે.

16 જૂનના રોજ, સ્વપન શર્મા અને જસનદીપ ગુરુગ્રામ પહોંચ્યા હતા અને ક્રાઉન પ્લાઝા હોટલમાં ફોરેન્સિક લેબના માલિકો સાથે મુલાકાત કરીને આમ આદમી પાર્ટીનું કાળું ધન લેબ માલિકોને આપીને ડીલ પાકી કરી હતી. જોકે, આ સમગ્ર બેઠક ક્રાઉન પ્લાઝાના CCTV ફૂટેજમાં કેદ થઈ ગઈ હતી. ત્યારબાદ ગુરુગ્રામ પોલીસે FIR નોંધી બંને લેબ માલિકોની ધરપકડ કરી છે. આ મામલો સિખોના પવિત્ર સ્વરૂપના અપમાન અને ફરજી રિપોર્ટ બનાવીને અકાલ તખ્તના આદેશને પડકારવા સાથે સંબંધિત છે. 15 જૂનના રોજ શ્રી અકાલ તખ્ત સાહિબ દ્વારા આદેશ જારી કર્યા બાદ પંજાબના મુખ્યમંત્રી ભગવંત માનએ લુધિયાણાના પોલીસ કમિશનર સ્વપન શર્મા અને એસપી જસનદીપ સાથે મળીને ફરજી ફોરેન્સિક રિપોર્ટ તૈયાર કરાવી હતી. સત્ય ગમે તેટલો દબાવવાનો પ્રયાસ કરવામાં આવે, તે હંમેશા બહાર આવે છે. હવે એક પછી એક ભગવંત માનના કાળા કારનામા અને આમ આદમી પાર્ટીનો સિખ વિરોધી ચહેરો બેનકાબ થઈ રહ્યો છે.

લખનઉમાં બનેલી આગની ઘટના બાદ, સુરત ફાયર વિભાગ દ્વારા શહેરભરની શાળાઓ અને ટ્યુશન ક્લાસમાં સઘન ચેકિંગ હાથ ધરવામાં આવ્યું છે. આ તપાસનો મુખ્ય ઉદ્દેશ્ય શાળામાં લગાવવામાં આવેલ ફાયર સેફ્ટી સાધનો કાર્યરત છે કે નહીં તે સુનિશ્ચિત કરવાનો છે. ફાયર સેફ્ટીના સાધનો અને એલાર્મ સિસ્ટમની યોગ્ય રીતે ચકાસણી કરવામાં આવી રહી છે, તેમજ શાળાના સ્ટાફ દ્વારા ફાયર એનઓસી (NOC) સમયસર લેવામાં આવે છે કે નહીં તેની પણ તપાસ ચાલી રહી છે. વિદ્યાર્થીઓની સુરક્ષાને ધ્યાનમાં રાખીને, ફાયર ઓફિસરો દ્વારા શાળાના વિદ્યાર્થીઓને કોઈ પણ દુર્ઘટના સમયે પોતાનો બચાવ કેવી રીતે કરવો તે અંગે માર્ગદર્શન પૂરું પાડવામાં આવ્યું. આ ઉપરાંત, ફાયર સેફ્ટીના સાધનોનો યોગ્ય રીતે ઉપયોગ કેવી રીતે કરવો તેની પણ તાલીમ આપવામાં આવી રહી છે. ફાયર વિભાગની ટીમે શાળાના દરેક ફ્લોર પરના અલગ અલગ ક્લાસરૂમમાં જઈને ઝીણવટભરી તપાસ કરી છે. સમગ્ર સુરતમાં વિદ્યાર્થીઓની સલામતી સુનિશ્ચિત કરવા માટે આ વ્યાપક અભિયાન ચલાવવામાં આવી રહ્યું છે.

સુરત જિલ્લા પ્રાથમિક શિક્ષક સંઘ દ્વારા માંડવી ખાતે એક ધરણાં કાર્યક્રમનું આયોજન કરવામાં આવ્યું હતું, જેમાં ૨૦૧૦ પહેલા ભરતી થયેલા પ્રાથમિક શિક્ષકોને ફરજિયાત કરવામાં આવેલી અન્યાયી ટેટ પરીક્ષામાંથી મુક્તિ આપવાની માંગ કરવામાં આવી હતી. આ કાર્યક્રમ અખિલ ભારતીય પ્રાથમિક શિક્ષક સંઘ અને ગુજરાત રાજ્ય પ્રાથમિક શિક્ષક સંઘના આદેશ અનુસાર માંડવી ટાઉન સ્થિત શિક્ષક સહકારી ભવન ખાતે યોજાયો હતો, જેમાં મોટી સંખ્યામાં શિક્ષક ભાઈ-બહેનો ઉપસ્થિત રહ્યા હતા. ધરણાં કાર્યક્રમ બાદ, સુરત જિલ્લા પ્રાથમિક શિક્ષક સંઘના હોદ્દેદારો દ્વારા માંડવી પ્રાંત કચેરી ખાતે જઈ પ્રાંત અધિકારીને આવેદનપત્ર સુપરત કરવામાં આવ્યું હતું. આ ધરણાં કાર્યક્રમમાં ગુજરાત રાજ્ય પ્રાથમિક શિક્ષક સંઘના સિનિયર ઉપપ્રમુખ અને સુરત જિલ્લા પ્રાથમિક શિક્ષક સંઘના પ્રમુખ કિરીટ પટેલ, જિલ્લા સંઘના મહામંત્રી અરવિંદ ચૌધરી, સિનિયર કાર્યવાહક પ્રમુખ બળવંત પટેલ સહિત જિલ્લા પ્રાથમિક શિક્ષક સંઘ અને દરેક તાલુકા ઘટક સંઘના પ્રમુખ, મંત્રીઓ અને હોદ્દેદારો જોડાયા હતા. આ પ્રસંગે કિરીટભાઈ પટેલે ટેટ પરીક્ષામાંથી મુક્તિ માટે અખિલ ભારતીય પ્રાથમિક શિક્ષક સંઘ અને ગુજરાત રાજ્ય પ્રાથમિક શિક્ષક દ્વારા આયોજિત થનારા વિવિધ આંદોલનાત્મક કાર્યક્રમોની રૂપરેખા રજૂ કરી હતી, એમ જિલ્લાના પ્રચાર-પ્રસાર પ્રતિનિધિ વિજય પટેલ દ્વારા એક અખબારી યાદીમાં જણાવાયું છે.

સુરતના સચિન વિસ્તારમાંથી પોલીસે ₹૨૧ લાખની કિંમતનો ગેરકાયદેસર ગાંજો જપ્ત કરીને ત્રણ મહિલા આરોપીઓની ધરપકડ કરી છે. આ કાર્યવાહી સચિન પોલીસ સ્ટેશન દ્વારા કરવામાં આવી હતી. સચિન પોલીસ સ્ટેશનના પોલીસ ઇન્સ્પેક્ટર શ્રી પી.એન. વાઘેલા, પોલીસ સબ-ઇન્સ્પેક્ટર શ્રી એન.ડી. દામોર અને કનકપુર પોલીસ પોસ્ટના ઇન્ચાર્જ પોલીસ સબ-ઇન્સ્પેક્ટર શ્રી એસ.ડી. સિંહના માર્ગદર્શન હેઠળ સર્વેલન્સ ટીમે ગુપ્ત માહિતીના આધારે આ ઓપરેશન પાર પાડ્યું હતું. પોલીસ ટીમે સચિન વિસ્તારના અંબિકાનગર, પારડી-કાનાડેમાં આવેલા મકાન નંબર-૨૪૦માંથી આ ત્રણ મહિલા આરોપીઓને ઝડપી પાડી હતી.