గుజరాత్‌లోని భావ్‌నగర్ జిల్లా గరాజియా గ్రామంలో ఒక వ్యక్తిపై సింహం దాడికి పాల్పడింది. పశువులను కాచుకుంటున్న సమయంలో పొదల్లో దాక్కున్న సింహం ఒక్కసారిగా అతనిపైకి దూకింది. ఈ దాడిలో తీవ్రంగా గాయపడిన వ్యక్తిని వెంటనే చికిత్స నిమిత్తం స్థానిక ప్రభుత్వ ఆసుపత్రికి తరలించారు. అయితే, స్థానికులు అప్రమత్తమై గట్టిగా కేకలు వేయడంతో సింహం అక్కడి నుంచి అడవిలోకి పారిపోయింది. సింహం నోటి వరకు వెళ్లిన ప్రాణాలు దక్కడంతో ఆ వ్యక్తి సురక్షితంగా బయటపడ్డాడు.

ప్రభుత్వ జూనియర్ కళాశాల పెనుబల్లిలో ఎన్ఎస్ఎస్ ఆధ్వర్యంలో ఈరోజు మొక్కలు నాటే కార్యక్రమం నిర్వహించారు. ఖమ్మం జిల్లా డిస్టిక్ ప్రోగ్రాం ఆఫీసర్ శ్రీ నర్సింగ్ శ్రీనివాసరావు ఈ కార్యక్రమంలో పాల్గొని మొక్కలు నాటారు. ఈ కార్యక్రమం 'వృక్షో రక్షతి రక్షతిహా' అనే నినాదంతో సాగింది. శ్రీ నర్సింగ్ శ్రీనివాసరావు ఎన్ఎస్ఎస్ వాలంటీర్లను ఉద్దేశించి మాట్లాడుతూ, కేవలం మొక్కలు నాటడమే కాకుండా వాటిని పెంచి పోషించే బాధ్యతను కూడా తీసుకోవాలని సూచించారు. కళాశాల ప్రిన్సిపాల్ శ్రీ వేము ప్రవీణ్ కుమార్ గారు కూడా ఈ కార్యక్రమంలో పాల్గొని మొక్కలు నాటారు, పర్యావరణాన్ని రక్షించాలంటే ప్రతి విద్యార్థి ఒక చెట్టును నాటాలని సూచించారు. ఈ కార్యక్రమంలో NSS PO రత్నాకర్ గారు, సీనియర్ అద్యాపకులు తిరుమలయ్య గారు, నాగేశ్వరరావు గారు, కాషా రావు గారు, దుర్గా మేడం గారు, శేషగిరిరావు గారు, మోహన్ బాబు సార్, హరీష్ బాబు గారు, సుప్రియ మేడం గారు, మీనా మేడం గారు, ప్రకాష్ గారు, సత్యవతి గారు కూడా పాల్గొన్నారు.

తెలంగాణ ముఖ్యమంత్రి రేవంత్ రెడ్డి తన మనవడు రేయాన్ష్ కోసం స్వయంగా వంటగదిలోకి వెళ్లి పూరీలు చేస్తున్న వీడియో ఒకటి సోషల్ మీడియాలో వైరల్ అవుతోంది. ఈ వీడియోలో ఆయన గరిటె పట్టి, నూనెలో పూరీలు వేయిస్తూ మనవడితో సరదాగా మాట్లాడుతుండటం కనిపిస్తోంది. ఈ సందర్బంగా తన మనవడితో ఆయన జరిపిన సంభాషణ అందరినీ ఆకట్టుకుంటోంది. ముఖ్యంగా తన అమ్మమ్మ కోసం పూరీలు కావాలని మనవడు అడగడం ఈ వీడియోలో ప్రత్యేక ఆకర్షణగా నిలిచింది.

ఐటిసి పిఎస్పిడి గేటు వద్ద మృతి చెందిన వ్యక్తి కుటుంబానికి ఐటిసి పిఎస్పిడి యాజమాన్యం ₹25 లక్షల పరిహారం, ఐటిసి పిఎస్పిడి బిపిఎల్ స్కూల్ నందు ఒక అటెండర్ ఉద్యోగం, మరియు మృతుని పిల్లలకు ఇంటర్మీడియట్ వరకు ఉచిత విద్య అందించేందుకు ఒప్పందం కుదిరినది. ఈ ఒప్పందానికి కుటుంబ సభ్యులు అంగీకరించడంతో, ఐటీసీ పీఎస్పీడీ గేటు వద్ద మృతదేహంతో జరుగుతున్న ధర్నాను ఈరోజు సాయంత్రం 6:30 గంటలకు నిలిపివేశారు. ఐటిసి కర్మాగారంలో మృతి చెందిన వ్యక్తికి ₹25 లక్షలు అందిస్తున్నట్లు ఐటిసి యాజమాన్యం ప్రకటించిందని, ఈ సమాచారం కుటుంబ సభ్యుల ద్వారా అందినట్లు తెలిసింది. దీంతో ధర్నాను నిలిపివేస్తున్నట్లు కుటుంబ సభ్యులు తెలియజేశారు.

ఎమ్మెల్యే కూనంనేని సాంబశివరావు గ్రామ పంచాయతీల అభివృద్ధి కోసం సర్పంచ్‌లు మరియు పంచాయతీ కార్యదర్శులు సమన్వయంతో పనిచేయాలని సూచించారు. బుధవారం కొత్తగూడెంలో నిర్వహించిన శిక్షణ కార్యక్రమంలో పాల్గొని ఆయన ఈ మేరకు మాట్లాడారు. ప్రజలకు మరింత మెరుగైన సేవలను అందించేందుకు పరస్పర సహకారంతో విధులు నిర్వహించడం అత్యవసరమని ఆయన ఉద్ఘాటించారు. సమన్వయంతోనే గ్రామాల అభివృద్ధి సాధ్యమని ఎమ్మెల్యే కూనంనేని స్పష్టం చేశారు.

మంత్రి సీతక్క గారి పుట్టినరోజును పురస్కరించుకొని, ఆమె అభిమాని ఒకరు వినూత్న రీతిలో శుభాకాంక్షలు తెలియజేశారు. సీతక్క గారి అభిమాని వాటర్ లో ఆమె బొమ్మను ఏర్పాటు చేసి, ఈ ప్రత్యేకమైన పద్ధతిలో మంత్రి గారికి జన్మదిన శుభాకాంక్షలు అందించారు.

విద్యారంగంలోని సమస్యలను పరిష్కరించాలని కోరుతూ రాష్ట్రవ్యాప్త విద్యాసంస్థల బంద్‌లో భాగంగా, శుక్రవారం ఖమ్మం నగరంలో విద్యార్థి సంఘాల నాయకులు ప్రభుత్వ పాఠశాలలను బంద్ చేయించి నిరసన వ్యక్తం చేశారు. విద్యా వ్యవస్థపై ప్రభుత్వం తీవ్ర నిర్లక్ష్యం వహిస్తోందని PDSU జిల్లా అధ్యక్షులు మస్తాన్ మరియు SFI జిల్లా కార్యదర్శి ప్రవీణ్ ఆరోపించారు. ప్రైవేట్ మరియు కార్పొరేట్ విద్యా సంస్థల్లో అడ్డగోలుగా పెరుగుతున్న ఫీజులను నియంత్రించేందుకు కఠినమైన చట్టాన్ని తీసుకురావాలని ఈ సందర్భంగా డిమాండ్ చేశారు. అలాగే, ప్రభుత్వ పాఠశాలలు, జూనియర్, డిగ్రీ మరియు పీజీ కళాశాలల్లో ఖాళీగా ఉన్న ఉపాధ్యాయ, అధ్యాపక పోస్టులను తక్షణమే భర్తీ చేయాలని వారు ప్రభుత్వాన్ని కోరారు. ఖమ్మంలో ఈ విద్యాసంస్థల బంద్ ప్రశాంతంగా కొనసాగింది.

భద్రాద్రి కొత్తగూడెం జిల్లాలోని బూర్గంపాడు మండలం, సారపాకలో ఉన్న శ్రీశ్రీశ్రీ శిరిడి పుష్కర ద్వారకా సాయిబాబా మందిరంలో గురువారం అన్నప్రసాద వితరణ కార్యక్రమం ప్రత్యేకంగా నిర్వహించారు. ఈ సందర్భంగా సాయిబాబా వారికి ఉదయం అభిషేకం, పూల అలంకరణ, హారతి, భజన కార్యక్రమాలు జరిగాయి. మధ్యాహ్నం హారతి అనంతరం అన్నప్రసాద వితరణ కార్యక్రమం చేపట్టారు. ఈ కార్యక్రమంలో అన్నప్రసాద వితరణ దాతలైన వల్లూరిపల్లి వంశీ కృష్ణ, విజయరేణుక దంపతులు, మాజీ ఎంపీటీసీ ఇరవైండి పాల్గొని బాబా వారికి ప్రత్యేక పూజలు నిర్వహించారు. ఈ సందర్బంగా వల్లూరిపల్లి వంశీ కృష్ణ సాయిబాబా వారిని దర్శించుకోవడం, పూజలు నిర్వహించడం చాలా సంతోషంగా ఉందని తెలిపారు. ఆయన మాట్లాడుతూ, కొన్ని రోజుల క్రితం ఆలయ కమిటీ వారు సాయిబాబా ఊరేగింపు రథం కోసం తమను సంప్రదించారని పేర్కొన్నారు. ఈ విషయమై తాళ్లూరి పంచాక్షరయ్య కుమారుడు, యూఎస్ఏ తానా మాజీ అధ్యక్షులు అయిన తాళ్లూరు జయశేఖర్, నీలిమ దంపతులు ఊరేగింపు రథం కోసం సుమారు 3,50,000 రూపాయలు ఇస్తామని ప్రకటించారని, అందులో భాగంగా రెండు లక్షల రూపాయలు తమ దంపతుల ద్వారా ఆలయ కమిటీకి అందించినట్లు తెలిపారు. ఆలయ కమిటీ వారు మాట్లాడుతూ, ప్రతి సంవత్సరం బాబా వారి ఊరేగింపుకు రథం లేక అనేక ఇబ్బందులు పడుతున్నామని, ఈ విషయమై తాళ్లూరు జయశేఖర్, వల్లూరిపల్లి వంశీ కృష్ణలను సంప్రదించగా, వారు సానుకూలంగా స్పందించి 3,50,000 రూపాయలతో ఊరేగింపు రథం తయారు చేయించడం ఎంతో సంతోషంగా ఉందని చెప్పారు. సాయిబాబా వారి ఆశీస్సులు వారికి ఎల్లవేళలా ఉండాలని మనస్ఫూర్తిగా కోరుకుంటున్నామని తెలిపారు. వల్లూరిపల్లి వంశీ కృష్ణ, విజయరేణుక దంపతులకు ఆలయ కమిటీ వారు శాలువా, పూలదండలతో చిరు సన్మానం చేశారు. ఈ కార్యక్రమంలో భక్తులు, మహిళలు, ఆలయ కమిటీ సభ్యులు, గ్రామ ప్రజలు అధిక సంఖ్యలో పాల్గొన్నారు.

గుజరాత్‌లోని భావ్‌నగర్ జిల్లా గరాజియా గ్రామంలో ఒక వ్యక్తిపై సింహం దాడికి పాల్పడింది. పశువులను కాచుకుంటున్న సమయంలో పొదల్లో దాక్కున్న సింహం ఒక్కసారిగా అతనిపైకి దూకింది. ఈ దాడిలో తీవ్రంగా గాయపడిన వ్యక్తిని వెంటనే చికిత్స నిమిత్తం స్థానిక ప్రభుత్వ ఆసుపత్రికి తరలించారు. అయితే, స్థానికులు అప్రమత్తమై గట్టిగా కేకలు వేయడంతో సింహం అక్కడి నుంచి అడవిలోకి పారిపోయింది. సింహం నోటి వరకు వెళ్లిన ప్రాణాలు దక్కడంతో ఆ వ్యక్తి సురక్షితంగా బయటపడ్డాడు.