છોટાઉદેપુર જિલ્લાના બોડેલી નજીક નર્મદા મુખ્ય કેનાલ પાસેથી ગૌ પશુધન ભરેલી એક પીક-અપ ગાડી ઝડપાતા ચકચાર મચી ગઈ છે. આ ગાડીમાં પાણી અને ચારા જેવી જરૂરી સુવિધા વગર સાત જેટલા ગૌ પશુધનને લઈ જવામાં આવી રહ્યા હતા. સ્થાનિક ગૌરક્ષકો દ્વારા આ ગાડીને રોકી પોલીસને જાણ કરવામાં આવતા સમગ્ર મામલો પ્રકાશમાં આવ્યો હતો. બોડેલીના નર્મદા કેનાલ વિસ્તારમાંથી પસાર થતી આ પીક-અપ ગાડીમાં ગૌ પશુધન હોવાની જાણ થતાં હિન્દુ અને મુસ્લિમ સમાજના ગૌરક્ષકો એકત્રિત થયા હતા. તેમણે ગાડીને અટકાવી તપાસ કરતા અંદર સાત જેટલા ગૌ પશુધન મળી આવ્યા હતા, અને પશુઓ માટે પાણી કે ચારાની કોઈ વ્યવસ્થા ન હોવાનું પણ સામે આવ્યું હતું. ઘટનાની જાણ થતાં બોડેલી પોલીસ સ્થળ પર પહોંચી હતી અને ગાડીમાં સવાર ચાર વ્યક્તિઓને પૂછપરછ માટે કસ્ટડીમાં લીધા હતા. કસ્ટડીમાં લેવાયેલા વ્યક્તિઓમાં લાલજી મોહનભીલ, રીમઝી બદિયા ભીલ, ડેડકા ઈરમા પાડવી અને મોના વાગરી વડવીનો સમાવેશ થાય છે. પોલીસે તેમની પૂછપરછ શરૂ કરી છે. આ કાર્યવાહીમાં બોડેલીના શહીદભાઈ મનસુરી, ગોકુળ ભરવાડ, ગોપાલભાઈ સહિતના ગૌરક્ષકો જોડાયા હતા. પોલીસે પીક-અપ ગાડી જપ્ત કરી છે અને સમગ્ર મામલે કાયદેસરની કાર્યવાહી શરૂ કરી છે. ગૌ પશુધન સાથે પંચાયતના દાખલાઓ રજૂ કરવામાં આવ્યા હોવા છતાં પશુઓને કતલખાને લઈ જવાતા હોવાની શંકાના આધારે વધુ તપાસ હાથ ધરવામાં આવી રહી છે. પશુઓને સુરક્ષિત સ્થળે ખસેડી તેમની સંભાળની વ્યવસ્થા કરવામાં આવી હોવાનું જાણવા મળ્યું છે. હાલ પોલીસ દ્વારા દસ્તાવેજોની ચકાસણી અને પશુધનના પરિવહન અંગેની હકીકતો તપાસવામાં આવી રહી છે.

Reporter MIRZA IMRAN.973789415

છોટા ઉદેપુર, છોટાઉદેપુર, ગુજરાત•

17 hrs ago

છોટાઉદેપુર જિલ્લાના બોડેલી નજીક નર્મદા મુખ્ય કેનાલ પાસેથી ગૌ પશુધન ભરેલી એક પીક-અપ ગાડી ઝડપાતા ચકચાર મચી ગઈ છે. આ ગાડીમાં પાણી અને ચારા જેવી જરૂરી સુવિધા વગર સાત જેટલા ગૌ પશુધનને લઈ જવામાં આવી રહ્યા હતા. સ્થાનિક ગૌરક્ષકો દ્વારા આ ગાડીને રોકી પોલીસને જાણ કરવામાં આવતા સમગ્ર મામલો પ્રકાશમાં આવ્યો હતો. બોડેલીના નર્મદા કેનાલ વિસ્તારમાંથી પસાર થતી આ પીક-અપ ગાડીમાં ગૌ પશુધન હોવાની જાણ થતાં હિન્દુ અને મુસ્લિમ સમાજના ગૌરક્ષકો એકત્રિત થયા હતા. તેમણે ગાડીને અટકાવી તપાસ કરતા અંદર સાત જેટલા ગૌ પશુધન મળી આવ્યા હતા, અને પશુઓ માટે પાણી કે ચારાની કોઈ વ્યવસ્થા ન હોવાનું પણ સામે આવ્યું હતું. ઘટનાની જાણ થતાં બોડેલી પોલીસ સ્થળ પર પહોંચી હતી અને ગાડીમાં સવાર ચાર વ્યક્તિઓને પૂછપરછ માટે કસ્ટડીમાં લીધા હતા. કસ્ટડીમાં લેવાયેલા વ્યક્તિઓમાં લાલજી મોહનભીલ, રીમઝી બદિયા ભીલ, ડેડકા ઈરમા પાડવી અને મોના વાગરી વડવીનો સમાવેશ થાય છે. પોલીસે તેમની પૂછપરછ શરૂ કરી છે. આ કાર્યવાહીમાં બોડેલીના શહીદભાઈ મનસુરી, ગોકુળ ભરવાડ, ગોપાલભાઈ સહિતના ગૌરક્ષકો જોડાયા હતા. પોલીસે પીક-અપ ગાડી જપ્ત કરી છે અને સમગ્ર મામલે કાયદેસરની કાર્યવાહી શરૂ કરી છે. ગૌ પશુધન સાથે પંચાયતના દાખલાઓ રજૂ કરવામાં આવ્યા હોવા છતાં પશુઓને કતલખાને લઈ જવાતા હોવાની શંકાના આધારે વધુ તપાસ હાથ ધરવામાં આવી રહી છે. પશુઓને સુરક્ષિત સ્થળે ખસેડી તેમની સંભાળની વ્યવસ્થા કરવામાં આવી હોવાનું જાણવા મળ્યું છે. હાલ પોલીસ દ્વારા દસ્તાવેજોની ચકાસણી અને પશુધનના પરિવહન અંગેની હકીકતો તપાસવામાં આવી રહી છે.