దసరా నవరాత్రి వేడుకల్లో భాగంగా అమ్మవారికి ప్రత్యేక పూజలు నిర్వహించేందుకు కాలనీలకు విగ్రహాలను తరలిస్తున్నారు దసరా నవరాత్రి వేడుకల్లో భాగంగా అమ్మవాళ్లను ప్రతిష్టించి పూజలు నిర్వహించేందుకు అత్యంత భక్తి శ్రద్ధలతో శోభాయాత్రలతో కాలనీలకు గ్రామాలకు దుర్గామాతను తరలిస్తున్నారు. గురువారం వికారాబాద్ జిల్లా కేంద్రంలో ఇంద్ర నగర్ లో ప్రతిష్టించనున్న దుర్గామాత విగ్రహాన్ని అత్యంత భక్తిశ్రద్ధలతో భక్తులు తరలించారు. దసరా నవరాత్రి వేడుకల్లో భాగంగా అమ్మవారు నిత్య పూజలు అందుకోనున్నారు.

ఎలాంటి సంఘటనలు చోటు చేసుకోకుండా ప్రశాంతంగా కొనసాగుతున్న ఆర్టీసీ యూనియన్ ఎన్నికలు వికారాబాద్ ఆర్టీసీ డిపోలో ఆర్టీసీ యూనియన్ ఎన్నికలు ప్రశాంతంగా కొనసాగుతున్నాయి. శుక్రవారం తెలంగాణ ఆర్టీసీ యూనియన్ ఎన్నికల్లో భాగంగా వికారాబాద్ ఆర్టీసీ డిపోలో యూనియన్ ఎన్నికల్లో భాగంగా ఉద్యోగులు ఉదయం నుంచి ఓటు హక్కును ప్రశాంత వాతావరణంలో వినియోగించుకుంటున్నారు. ఎలాంటి సంఘటనలు చోటు చేసుకోకుండా పోలీస్ శాఖ ఆధ్వర్యంలో పటిష్ట బంధ బస్సు ఏర్పాటు చేసి పర్యవేక్షిస్తున్నారు.

కుక్కకు ప్రాణం పోసిన యువకులు - మానవత్వం చాటిన వికారాబాద్ జర్నలిస్ట్, కారు డ్రైవర్. రంగారెడ్డి జిల్లా మొయినాబాద్ మండలంలో మానవత్వానికి నిదర్శనంగా నిలిచిన ఘటన చోటుచేసుకుంది. ఒక ఫామ్ హౌస్ దగ్గర ఓ కుక్క పడుకుని తీవ్రంగా వణుకుతూ, శ్వాస తీసుకోవడానికి ఇబ్బంది పడుతోంది. అటుగా వెళ్తున్న 7వ తరగతి విద్యార్థి దీనిని గమనించి తన తండ్రికి చెప్పగా, ఆయన దగ్గరికి వెళ్లడానికి భయపడుతూ చుట్టూ తిరుగుతున్నాడు. అదే సమయంలో అటుగా వెళ్తున్న మీ 24 న్యూస్ వికారాబాద్ జిల్లా ఇంచార్జ్ బండి ఆపి ఏం జరిగిందో అని ఆరా తీశారు. వెంటనే కుక్క దగ్గరికి వెళ్లి పరిశీలించగా నోరు తెరుచుకుని ఉండిపోయి, శ్వాస ఆడక విలవిలలాడుతోంది. నోట్లో ఏదో ఇరుక్కున్నట్లు కనిపించడంతో దగ్గరగా చూడగా, అది మటన్ ఎముక (బొక్క) ఒక దవడ నుండి మరో దవడకు అడ్డంగా ఇరుక్కుపోయింది. వెంటనే అక్కడే ఉన్న కారు డ్రైవర్ రాకేష్ తో కలిసి నలుగురు యువకులు ధైర్యంగా ముందుకు వచ్చారు. మొబైల్ లైట్ వెలుగులో కుక్కను గట్టిగా పట్టుకుని, రెండు దవడలను బలంగా తెరిచి, నోట్లో ఇరుక్కున్న ఎముకను బయటకు తీశారు. దీంతో కుక్కకు ప్రాణం లేచి వచ్చినట్లయింది. ఈ దృశ్యాన్ని చూసిన స్థానికులు ఊపిరి పీల్చుకున్నారు. ఈ సందర్భంగా వారు మాట్లాడుతూ. మూగజీవాల ప్రాణం కూడా మన ప్రాణంతో సమానమే. భయపడి వదిలేయకుండా ఒక అడుగు ముందుకేస్తే ఒక నిండు ప్రాణాన్ని కాపాడిన వాళ్లమవుతాం. ఈరోజు ఆ చిన్నారి విద్యార్థి చూపిన జాలి, డ్రైవర్ రాకేష్ చూపిన ధైర్యం నిజంగా అభినందనీయం. మానవత్వం ఇంకా బతికే ఉంది"* అని పేర్కొన్నారు. మూగజీవం పట్ల కరుణ చూపిన యువకులను పలువురు ప్రశంసిస్తున్నారు.

షాద్ నగర్ లో ఘనంగా బతుకమ్మ ఉత్సవాలు పాల్గొన్న ఎమ్మెల్యే వీర్లపల్లి శంకర్ *షాద్‌నగర్‌ ఎమ్మెల్యే వీర్లపల్లి శంకర్ ఆటా పాట* *షాద్‌నగర్‌లో ఘనంగా ఎన్ఎస్‌యూఐ, యూత్ కాంగ్రెస్ బతుకమ్మ* *బుగ్గారెడ్డి గార్డెన్ లో మారుమోగిన బతుకమ్మ ఆటా పాట* *హాజరైన మున్సిపల్ చైర్మన్ అగ్గనూర్ బసవేశ్వర్, వైస్ చైర్మన్ అందె మోహన్* రంగారెడ్డి జిల్లా షాద్‌నగర్ మున్సిపాలిటీ పరిధిలోని బుగ్గారెడ్డి గార్డెన్స్‌లో ఎస్‌ఎస్‌యూఐ, యూత్ కాంగ్రెస్ ఆధ్వర్యంలో నిర్వహించిన బతుకమ్మ సంబరాలు ఘనంగా జరిగాయి. ఈ వేడుకలకు షాద్‌నగర్ ఎమ్మెల్యే వీర్లపల్లి శంకర్, మున్సిపల్ చైర్మన్ అగ్గనూరు బసవేశ్వర్, వైస్ చైర్మన్ అందె మోహన్ ముదిరాజ్ హాజరయ్యారు. తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగను పురస్కరించుకుని నిర్వహించిన ఈ వేడుకలు ఉత్సాహభరిత వాతావరణంలో సాగాయి. బతుకమ్మ పాటలు, మహిళల సందడి, పండుగ కోలాహలం మధ్య వేడుకలు ఆహ్లాదకరంగా కొనసాగాయి. తెలంగాణ ఆడపడుచుల ఆత్మగౌరవానికి, ప్రకృతిని ఆరాధించే సంప్రదాయానికి బతుకమ్మ పండుగ ప్రతీకగా నిలుస్తుందని ఈ సందర్భంగా నాయకులు పేర్కొన్నారు. మన సంస్కృతి, సంప్రదాయాలను భావితరాలకు అందించడంలో ఇలాంటి వేడుకలు కీలక పాత్ర పోషిస్తాయని తెలిపారు. ఈ కార్యక్రమంలో మాజీ జడ్పీటీసీ విశాల శ్రావణ్ రెడ్డి, పట్టణ కాంగ్రెస్ అధ్యక్షుడు నల్లమోని శ్రీధర్ ముదిరాజ్, గిరిజన ఆదివాసీ రాష్ట్ర సమన్వయకర్త రఘు నాయక్, కౌన్సిలర్ సి. పెంటయ్య, మురళీమోహన్, కొప్పునూరి ప్రవీణ్, దిలీప్, రాజు నాయక్, ముబారక్ అలీ ఖాన్, చందులాల్, బాలరాజు గౌడ్, కేకే కృష్ణ, కత్తి చంద్రశేఖరప్ప, గుట్ట రాజు, మధువులు యాదవ్, కరుణాకర్, మంగ మధు, యూత్ కాంగ్రెస్ జిల్లా కార్యదర్శి నరేందర్ తదితరులు పాల్గొన్నారు. కళాశాల విద్యార్థులు, మహిళలు, యువత పెద్ద సంఖ్యలో పాల్గొని బతుకమ్మ సంబరాలను విజయవంతం చేశారు..

శ్రీ ఏడుపాయల వనదుర్గ భవాని అమ్మవారి ప్రత్యేక మంగళహారతి శ్రీ ఏడుపాయల మండల దుర్గ భవాని అమ్మవారిని శుక్రవారం ప్రత్యేకంగా అలంకరించారు. మెదక్ జిల్లా పాపన్నపేట మండల పరిధిలోని నాగసానుపల్లి గ్రామంలోని ప్రముఖ పుణ్యక్షేత్రం శ్రీ ఏడుపాయల వన దుర్గ భవాని అమ్మవారి ఆలయంలో అమ్మవారిని ప్రత్యేకంగా అలంకరించి, ప్రత్యేక పూజలు, అభిషేకాలు, ఆరుతులను నిర్వహించిన అనంతరం భక్తులకు దర్శనం కల్పించారు.

చటాన్‌పల్లి రైల్వే గేట్ వద్ద గుంతలమయం.. వాహనదారులకు తప్పని తిప్పలు! షాద్‌నగర్: చటాన్‌పల్లి రైల్వే గేట్ వద్ద రహదారి గుంతలమయంగా మారడంతో నిత్యం ప్రయాణించే వాహనదారులు తీవ్ర ఇబ్బందులు ఎదుర్కొంటున్నారు. రోడ్డుపై ఏర్పడిన గుంతల కారణంగా వాహనాల రాకపోకలకు అంతరాయం కలుగుతోందని ఆవేదన వ్యక్తం చేస్తున్నారు. ముఖ్యంగా రాత్రివేళ గుంతలు సరిగా కనిపించకపోవడంతో ప్రమాదాలు జరిగే అవకాశం ఉందని ఆందోళన చెందుతున్నారు. ద్విచక్ర వాహనదారులు ఈ మార్గంలో ప్రయాణించేందుకు ఇబ్బందులు పడుతున్నారు. రహదారి దుస్థితి కారణంగా వాహనాలు దెబ్బతినే ప్రమాదం కూడా ఉందని పేర్కొంటున్నారు. సంబంధిత అధికారులు సమస్యను గుర్తించి వెంటనే స్పందించాలని స్థానికులు కోరుతున్నారు. రోడ్డుకు మరమ్మతులు చేపట్టి గుంతలను పూడ్చడంతో పాటు, ప్రయాణికులకు సురక్షితమైన రాకపోకలు కల్పించాలని నిత్యం ఈ మార్గంలో ప్రయాణించే వాహనదారులు విజ్ఞప్తి చేస్తున్నారు.

SHE POWER Women’s Safety Bike Rally 2026: What Did Apoorva Ji Say About Women’s Safety & Empowerment? Let’s Hear It From Her! 🏍️💪 SHE POWER Women’s Safety Bike Rally 2026: What Did Apoorva Ji Say About Women’s Safety & Empowerment? Let’s Hear It From Her! 🏍️💪

రేవంత్ రెడ్డి 818 ఎకరాల భూములు తాకట్టు పెట్టి పదివేల కోట్లు అప్పు తెచ్చాడు రేవంత్ రెడ్డి 818 ఎకరాల భూములు తాకట్టు పెట్టి రూ.10 వేల కోట్లు అప్పు తెచ్చుకున్నాడు ఒక్క ఎకరం రూ.200 కోట్లు ఉన్న భూమిని, ఎకరానికి రూ.17 కోట్లకే తాకట్టు పెట్టారు ఇజ్జత్‌నగర్ (శేరిలింగంపల్లి)లో సర్వే నంబర్ 5/2–5/23లోని 26 ఎకరాలు, మొకిలాలో సర్వే నంబర్ 96లోని 41 ఎకరాలు, మియాపూర్ సర్వే నంబర్ 21లోని 105 ఎకరాలు, ఇస్నాపూర్‌లో సర్వే నంబర్ 496లోని 27 ఎకరాలు, ఇంజాపూర్ 126/Pలోని 22 ఎకరాలు, చిలుకూరు సర్వే నంబర్ 472లోని 49 ఎకరాలు, పఠాన్‌చెరు సర్వే నంబర్ 639లోని 17 ఎకరాలు, గాజులరామారంలో సర్వే నంబర్ 220/Pలోని 44 ఎకరాలు, జవహర్‌నగర్ సర్వే నంబర్ 12లోని 449 ఎకరాలు, జవహర్‌నగర్ సర్వే నంబర్ 706లోని 35 ఎకరాలు 31-03-2026 నాటికి హెచ్‌ఎండీఏ బ్యాంకు ఖాతాలో రూ.275 కోట్లు మాత్రమే ఉన్నాయి. కానీ, జూన్ 30 నాటికి అదే బ్యాంకు ఖాతాలో రూ.10 వేల కోట్లు జమ అయ్యాయి అంటే అతి తక్కువ ధరకు మన భూములను రేవంత్ రెడ్డి తాకట్టు పెట్టి రూ.10 వేల కోట్లు తెచ్చుకున్నాడు – బీఆర్ఎస్ నాయకుడు మన్నె క్రిశాంక్

దసరా నవరాత్రి వేడుకల్లో భాగంగా అమ్మవారికి ప్రత్యేక పూజలు నిర్వహించేందుకు కాలనీలకు విగ్రహాలను తరలిస్తున్నారు దసరా నవరాత్రి వేడుకల్లో భాగంగా అమ్మవాళ్లను ప్రతిష్టించి పూజలు నిర్వహించేందుకు అత్యంత భక్తి శ్రద్ధలతో శోభాయాత్రలతో కాలనీలకు గ్రామాలకు దుర్గామాతను తరలిస్తున్నారు. గురువారం వికారాబాద్ జిల్లా కేంద్రంలో ఇంద్ర నగర్ లో ప్రతిష్టించనున్న దుర్గామాత విగ్రహాన్ని అత్యంత భక్తిశ్రద్ధలతో భక్తులు తరలించారు. దసరా నవరాత్రి వేడుకల్లో భాగంగా అమ్మవారు నిత్య పూజలు అందుకోనున్నారు.