అనంతపురం జిల్లా రాయదుర్గం పట్టణంలో మొహరం వేడుకలు భక్తిశ్రద్ధలతో ప్రారంభమయ్యాయి. కోటలోని పెద్ద మసీదు చావడిలో పీర్ల చావిడి ముందు గుద్దలి కార్యక్రమాన్ని ఘనంగా నిర్వహించారు. ఈ కార్యక్రమం అనంతరం భక్తులందరికీ స్వామివారి మొదటి దర్శనాన్ని కల్పించారు. ఒక సంవత్సరం తర్వాత పీరును మొదటిసారి దర్శించుకోవడానికి భక్తులు పెద్ద సంఖ్యలో క్యూ కట్టారు. భక్తులు చక్కెర చదివింపులు చదివించి తమ మొక్కులను తీర్చుకున్నారు. ముజావర్లు నిజాముద్దీన్, అల్లా బకాష్ తదితరులు ఈ నెల 27న పెద్దసరగత్తు, చక్కెర చదివింపులు, అలాయి వేడుకలు నిర్వహించనున్నట్లు తెలిపారు. అలాగే, 28న పీర్లను జలదికి తరలించనున్నట్లు చెప్పారు. భక్తులు ఈ మొహరం వేడుకలను జయప్రదం చేయాలని వారు కోరారు.

రాయదుర్గం నియోజకవర్గంలో కూటమి పాలనలో అధిక ధరలకు మద్యం విక్రయాలు జరుగుతున్నాయని కాంగ్రెస్ పార్టీ ఇన్‌ఛార్జి గౌని ప్రతాపరెడ్డి ఆరోపించారు. ఈ ఆరోపణలపై ప్రస్తుత ఎమ్మెల్యే సమాధానం ఇవ్వకుండా, సోషల్ మీడియా వ్యక్తులతో తనను ఇష్టమొచ్చినట్లుగా మాట్లాడించడం దుర్మార్గమని ఆయన ఖండించారు. తనను కుక్కతో పోలుస్తూ దుర్భాషలాడటాన్ని ప్రతాపరెడ్డి తీవ్రంగా ఖండించారు. అయితే, తాను ప్రజలకు సేవ చేయడం కోసం విశ్వాసపాత్రమైన కుక్కలా పనిచేస్తానని, ప్రజలకు సేవ చేయడానికి ఇదే తన నిబద్ధత అని ఆయన పేర్కొన్నారు.

శ్రీ సత్యసాయి జిల్లాలోని కదిరిలో గురువారం అంతర్జాతీయ యోగ దినోత్సవాన్ని బిజెపి నాయకులు విష్ణువర్ధన్ రెడ్డి ఆధ్వర్యంలో ఘనంగా నిర్వహించారు. ఈ వేడుకలో విద్యార్థులు, నాయకులు, ఉద్యోగులు పెద్ద ఎత్తున పాల్గొన్నారు. ఈ సందర్భంగా మాట్లాడిన విష్ణువర్ధన్ రెడ్డి, ప్రపంచానికి యోగాను అందించిన ఘనత భారతదేశానిదవడం గర్వకారణమని పేర్కొన్నారు.

ఎమ్మిగనూరులో టీడీపీ, బీజేపీ, జనసేన కూటమి ఆధ్వర్యంలో రెండేళ్ల విజయోత్సవాన్ని ఘనంగా నిర్వహించారు. ఎన్డీఏ పక్షాలు ఈ సందర్భంగా భారీ మోటార్ బైక్ ర్యాలీతో పాటు భారీ ప్రదర్శన చేపట్టాయి.

నిన్న కర్ణాటక, తెలంగాణ, ఆంధ్రప్రదేశ్ రాష్ట్రాల కృష్ణా నది బోర్డు సభ్యుల సమావేశం జరిగిన నేపథ్యంలో, తెలుగుదేశం పార్టీ సీనియర్ నాయకులు, రాష్ట్ర కార్యనిర్వహణ కార్యదర్శి పాలకుర్తి తిక్కారెడ్డి స్పందించారు. రాయలసీమ ప్రాంత అభివృద్ధిని, అక్కడి కరువు పరిస్థితులను దృష్టిలో ఉంచుకొని, తెలంగాణ, కర్ణాటక ప్రభుత్వాలు ఆర్డీఎస్, వేదవతి, గుండ్రేవుల ప్రాజెక్టులను అడ్డుకోవద్దని ఆయన అన్నారు. ముఖ్యంగా తమ కర్నూలు జిల్లా ప్రాంతాన్ని పరిగణనలోకి తీసుకొని, ఒక్కసారి ఆలోచించి సహకరించాలని పాలకుర్తి తిక్కారెడ్డి విజ్ఞప్తి చేశారు. ఆర్డీఎస్, వేదవతి, గుండ్రేవుల ప్రాజెక్టులకు అడ్డుచెప్పవద్దని ఆయన పునరుద్ఘాటించారు.

జోగులాంబ గద్వాల జిల్లా కేంద్రంలోని పాత బస్టాండ్ వద్ద గురువారం జిల్లా కలెక్టర్ రిజ్వాన్ బాషా షేక్ ఆకస్మికంగా విత్తనాలు, ఎరువుల దుకాణాలను సందర్శించి తనిఖీ చేశారు. ఈ సందర్భంగా పలు కంపెనీలకు చెందిన విత్తన ప్యాకెట్లను పరిశీలించారు. రైతుల సంక్షేమాన్ని దృష్టిలో ఉంచుకొని దుకాణాలను ప్రభుత్వ నిబంధనల ప్రకారం నడుపుకోవాలని డీలర్లకు సూచించిన కలెక్టర్, నకిలీ విత్తనాలు విక్రయిస్తే కఠిన చర్యలు తప్పవని హెచ్చరించారు. వానాకాలం 2026 సీజన్‌కు సంబంధించి వ్యవసాయ శాఖ సూచించిన ఎనిమిది రకాల వరి వంగడాలను మాత్రమే రైతులు సాగు చేయాల్సి ఉన్నందున, డీలర్లు వాటిని మాత్రమే విక్రయించాలని ఆయన స్పష్టం చేశారు. బిపిటి 5204, ఆర్ఎన్ఆర్ 15048, కేఎన్ఎం 1638, డబ్ల్యూ జిఎల్ 962, డబ్ల్యూజిఎల్ 44, జేజిఎల్ 1798, జైశ్రీరామ్, హెచ్ఎంటి (సోనా) రకాలకు మాత్రమే ప్రభుత్వం ఈ ఏడాది బోనస్ చెల్లిస్తుందని తెలిపారు. రైతులు నానో యూరియాను సద్వినియోగం చేసుకునేలా ప్రోత్సహించాలని, ప్రతి పెస్టిసైడ్, సీడ్స్ దుకాణాల వద్ద స్టాక్ బోర్డులు తప్పనిసరిగా ఏర్పాటు చేసి అందులో సమగ్ర వివరాలను పొందుపరచాలని ఆదేశించారు. అంతేకాకుండా, ఆయా రిజిస్టర్లను సక్రమంగా నిర్వహించాలని సూచించారు. రైతులకు ఇచ్చే రసీదుల్లో డీలర్లు ఇష్టానుసారం సొంత నిబంధనలను ముద్రించడంపై కలెక్టర్ తీవ్ర ఆగ్రహం వ్యక్తం చేశారు. ఈ విషయంలో సంబంధిత డీలర్లకు నోటీసులు జారీ చేయాలని వ్యవసాయ శాఖ అధికారులకు ఆదేశించారు. గడువు ముగిసిన, విడిగా ఉండే లేదా నకిలీ విత్తనాలను రైతులకు అంటగడితే సహించేది లేదని, అటువంటి డీలర్లపై కఠిన చర్యలు తీసుకుంటామని కలెక్టర్ రిజ్వాన్ బాషా షేక్ స్పష్టంగా హెచ్చరించారు. ఈ పర్యటనలో భాగంగా, గద్వాల పట్టణంలోని ప్రధాన రహదారుల్లో, ముఖ్యమైన కూడళ్లలో ఇష్టానుసారం ఫ్లెక్సీలను ఏర్పాటు చేయడంపై జిల్లా కలెక్టర్ సంబంధిత అధికారులపై ఆగ్రహం వ్యక్తం చేశారు. అనుమతులు లేకుండా ఏర్పాటు చేసే ప్రకటనల బోర్డులను, ఫ్లెక్సీలను తక్షణమే తొలగించాలని మున్సిపల్ కమిషనర్ జానకిరామ్ సాగర్‌కు సూచించారు. ఈ తనిఖీలో జిల్లా వ్యవసాయశాఖ అధికారి వీరప్ప, మండల వ్యవసాయ అధికారి ప్రతాప్ కుమార్, టెక్నికల్ ఏవోలు చంద్రశేఖర్, భవాని తదితరులు పాల్గొన్నారు.

కేటీదొడ్డి మండలంలోని వెంకటపురం గ్రామంలో ఉన్న ఇండియన్ బ్యాంక్‌లో విద్యుత్ సరఫరా నిలిచిపోవడంతో బ్యాంకింగ్ సేవలు గంటల పాటు పూర్తిగా స్తంభించాయి, దీంతో వినియోగదారులు తీవ్ర ఇబ్బందులు ఎదుర్కొన్నారు. బ్యాంకులో జనరేటర్ సౌకర్యం లేకపోవడం వల్లే సాంకేతిక పరికరాలు పనిచేయకుండా పోయాయి. వెంకటపురం పరిసర గ్రామాలకు ఈ బ్యాంకు ప్రధాన కేంద్రంగా ఉంది. దీంతో రైతులు, గోల్డ్ లోన్ ఖాతాదారులు, పెన్షన్ లబ్ధిదారులు సహా అనేక మంది ప్రజలు అధిక సంఖ్యలో బ్యాంకుకు వచ్చారు. అయితే మధ్యాహ్నం నుంచి విద్యుత్ సరఫరా నిలిచిపోవడంతో నగదు లావాదేవీలు, ప్రింటింగ్, ఇతర బ్యాంకింగ్ సేవలు పూర్తిగా ఆగిపోయాయి. వ్యవసాయ పనుల కోసం, ఆర్థిక అవసరాల కోసం వచ్చిన ప్రజలు గంటల తరబడి వేచి ఉండాల్సి వచ్చిందని ఆవేదన వ్యక్తం చేశారు. ప్రతిసారి విద్యుత్ అంతరాయం ఏర్పడినప్పుడల్లా ఇదే పరిస్థితి ఎదురవుతోందని పేర్కొంటూ, బ్యాంకులో తక్షణమే జనరేటర్ లేదా ప్రత్యామ్నాయ విద్యుత్ సౌకర్యం ఏర్పాటు చేయాలని ప్రజలు కోరుతున్నారు. ఇప్పటికైనా బ్యాంకు ఉన్నతాధికారులు స్పందించి, జనరేటర్ ఏర్పాటు చేసి వినియోగదారులకు ఇబ్బందులు లేకుండా చర్యలు తీసుకోవాలని వారు విజ్ఞప్తి చేస్తున్నారు.

అనంతపురం జిల్లా రాయదుర్గం పట్టణంలో మొహరం వేడుకలు భక్తిశ్రద్ధలతో ప్రారంభమయ్యాయి. కోటలోని పెద్ద మసీదు చావడిలో పీర్ల చావిడి ముందు గుద్దలి కార్యక్రమాన్ని ఘనంగా నిర్వహించారు. ఈ కార్యక్రమం అనంతరం భక్తులందరికీ స్వామివారి మొదటి దర్శనాన్ని కల్పించారు. ఒక సంవత్సరం తర్వాత పీరును మొదటిసారి దర్శించుకోవడానికి భక్తులు పెద్ద సంఖ్యలో క్యూ కట్టారు. భక్తులు చక్కెర చదివింపులు చదివించి తమ మొక్కులను తీర్చుకున్నారు. ముజావర్లు నిజాముద్దీన్, అల్లా బకాష్ తదితరులు ఈ నెల 27న పెద్దసరగత్తు, చక్కెర చదివింపులు, అలాయి వేడుకలు నిర్వహించనున్నట్లు తెలిపారు. అలాగే, 28న పీర్లను జలదికి తరలించనున్నట్లు చెప్పారు. భక్తులు ఈ మొహరం వేడుకలను జయప్రదం చేయాలని వారు కోరారు.

అనంతపురం జిల్లా నార్పల మండలం గూగూడులో కుళ్లాయి స్వామి బ్రహ్మోత్సవాలు నేటి నుంచి ప్రారంభం కానున్నాయని ఎండోమెంట్ అధికారి శోభా తెలిపారు. జూన్ 17న స్వామివారి ప్రథమ దర్శనంతో మొదలయ్యే ఈ ఉత్సవాలు జూన్ 29న ముగుస్తాయని ఆమె పేర్కొన్నారు. బ్రహ్మోత్సవాల షెడ్యూల్ ప్రకారం, జూన్ 19న అగ్నిగుండ ఏర్పాటు, జూన్ 24న చిన్న సరిగద్దు, జూన్ 26న పెద్ద సరిగెత్తు, జూన్ 27న అగ్నిగుండ ప్రవేశం జరుగనున్నాయి. ఈ వేడుకలు జూన్ 29న చివరి దర్శనంతో సమాప్తమవుతాయి.