राष्ट्रीय महामार्ग ५३ वर खामगाव-नांदुरा दरम्यान झालेल्या भीषण अपघातात पंढरी बगाडे यांचा मृत्यू झाला. धक्कादायक म्हणजे, त्यांच्या मुलाचे आज तर मुलीचे उद्या लग्न होते. यामुळे बुलढाणा जिल्ह्यातील लग्नघरावर शोककळा पसरली आहे.

साताऱ्यातील कोरेगाव-रहिमतपूर रोड परिसरात एका बोगस कॉल सेंटरवर स्थानिक गुन्हे शाखेने मध्यरात्री मोठी कारवाई करत एका आंतरराज्यीय सायबर टोळीचा पर्दाफाश केला आहे. अमेरिकन नागरिकांना 'डिजिटल अरेस्ट'ची भीती दाखवून लाखो डॉलरची फसवणूक केल्याच्या गंभीर आरोपाखाली या धाडीत १७ आरोपींसह चार महिलांना ताब्यात घेण्यात आले आहे. पोलिसांनी दिलेल्या माहितीनुसार, ही टोळी अमेरिकन नागरिकांना फोन करून 'तुमच्या नावाने अमेझॉनवरून ऑर्डर करण्यात आली आहे' अशी खोटी माहिती देत असे. त्यानंतर बनावट मेसेज आणि बनावट ऑर्डर नंबर वापरून, त्यांना 'डिजिटल अरेस्ट'ची भीती दाखवली जात होती. याच भीतीचा फायदा घेत, गिफ्ट व्हाऊचरच्या माध्यमातून डॉलरमध्ये मोठी रक्कम उकळली जात होती. ही कारवाई पोलीस अधीक्षक निखील पिंगळे आणि अपर पोलीस अधीक्षक वैशाली कडुकर यांच्या मार्गदर्शनाखाली करण्यात आली. स्थानिक गुन्हे शाखा आणि कोरेगाव पोलिसांच्या संयुक्त पथकाने रिलायबल अपार्टमेंटमध्ये सुरू असलेले हे बोगस कॉल सेंटर उघडकीस आणले. या प्रकरणी भारतीय न्याय संहिता आणि माहिती तंत्रज्ञान कायद्यांतर्गत गुन्हा दाखल करण्यात आला आहे. ताब्यात घेतलेल्या आरोपींमध्ये मुंबई, नवी मुंबई, ठाणे, रायगड आणि राजस्थानमधील व्यक्तींचा समावेश आहे. सायबर फसवणुकीच्या वाढत्या जाळ्यावर सातारा पोलिसांनी दिलेला हा एक मोठा धक्का मानला जात असून, तपास सुरू असल्याने आणखी धक्कादायक माहिती समोर येण्याची शक्यता व्यक्त केली जात आहे.

बुलढाणा जिल्ह्यात डिझेल भरण्याच्या कारणावरून एका पेट्रोल पंपावर हाणामारी झाल्याची घटना समोर आली आहे. या घटनेमुळे नागरिकांमध्ये 'इंधन टंचाईमुळे हा प्रकार घडला की लोकांच्या संयमाचा अंत झाला?' असा प्रश्न निर्माण झाला आहे.

जेव्हा कुटुंबाचे प्रमुख, राज्याचे मुख्यमंत्री आणि देशाचे पंतप्रधान आव्हान देतात, तेव्हा त्यांच्या मताशी सहमत असलेली जनता ते आव्हान स्वीकारते.

जालना जिल्ह्यातील भोकरदन येथे पोलिसांनी एका देहव्यापार अड्ड्यावर छापा टाकला. या कारवाईत पोलिसांनी पती, पत्नी आणि खोलीच्या मालकाविरुद्ध गुन्हा दाखल केला आहे. या छाप्यात एका महिलेची सुटका करण्यात आली.

वंचित बहुजन आघाडीने गाढे गव्हाण येथील गावगुंडांवर तात्काळ कारवाई करण्याची मागणी केली आहे. ही मागणी वंचित बहुजन आघाडीने पोलीस अधीक्षक तेघबीर सिंह सिंधू यांना निवेदन देऊन केली.

मंठा शहरातील जवाहर कॉलनी परिसरात एका धक्कादायक घटनेत देशी दारूच्या दुकानातून झालेल्या वादातून एका २२ वर्षीय युवकाचा दुर्दैवी खून झाल्याची घटना समोर आली आहे. या घटनेमुळे संपूर्ण मंठा शहरात मोठी खळबळ उडाली असून नागरिकांमध्ये भीती आणि संतापाचे वातावरण निर्माण झाले आहे. मिळालेल्या माहितीनुसार, जवाहर कॉलनीतील देशी दारूच्या दुकानात काही कारणावरून वाद झाला. हा वाद विकोपाला गेल्यानंतर संबंधित युवकावर जीवघेणा हल्ला करण्यात आला. गंभीर जखमी झालेल्या या युवकाला तातडीने उपचारासाठी रुग्णालयात दाखल करण्यात आले, परंतु उपचारादरम्यान त्याचा मृत्यू झाला. या घटनेनंतर परिसरात मोठ्या प्रमाणात गर्दी जमली होती. संतप्त नागरिकांनी प्रशासनाविरोधात तीव्र नाराजी व्यक्त करत संबंधित देशी दारूचे दुकान तात्काळ बंद करण्याची मागणी केली आहे. स्थानिक नागरिकांनी “अजून किती निरपराध जीव गेल्यानंतर प्रशासन जागे होणार?” असा संतप्त सवाल उपस्थित केला. नागरिकांनी या घटनेच्या पार्श्वभूमीवर, देशी दारूचे दुकान बंद करणे, आरोपींवर कठोर कारवाई करणे, परिसरात कायदा व सुव्यवस्था मजबूत करणे आणि अशा घटनांना आळा घालण्यासाठी पोलिसांची गस्त वाढवणे या प्रमुख मागण्या केल्या आहेत. दरम्यान, पोलिसांनी तात्काळ घटनास्थळी धाव घेतली, पंचनामा केला आणि पुढील तपास सुरू केला आहे. या दुर्दैवी घटनेमुळे मंठा शहरात सर्वत्र हळहळ व्यक्त होत असून, युवकाच्या मृत्यूबद्दल शोककळा पसरली आहे.

चंद्रपूर जिल्ह्यात गेल्या काही दिवसांपासून दहशत माजवून चार महिलांचा जीव घेणारी टी-२ वाघीण अखेर वनविभागाच्या विशेष पथकाने यशस्वीरित्या जेरबंद केली आहे. शनिवारी रात्री (२३ मे) सुमारे ७.१५ वाजता सिंदेवाही तालुक्यातील पवनपार तलाव परिसरातील (वनक्षेत्र क्र. २८२) ट्रॅन्क्युलायझर डार्टच्या सहाय्याने तिला बेशुद्ध करण्यात आले. रात्री ८ वाजेपर्यंत ही संपूर्ण कारवाई यशस्वीपणे पूर्ण झाली. वनविभागाने अवघ्या दोन दिवसांत ट्रॅप कॅमेरे, सीसीटीव्ही, पायी गस्त आणि डार्ट गनचा वापर करून ही मोठी मोहीम फत्ते केली. सुमारे १४ वर्षांची ही प्रौढ वाघीण असल्याचे समोर आले आहे. विशेष म्हणजे, जेरबंद करताना तिच्यासोबत कोणतेही बछडे आढळून आले नाहीत, मात्र संभाव्य बछड्यांच्या शोधासाठी वनविभागाकडून स्वतंत्र मोहीम सुरू करण्यात आली आहे. पकडण्यात आलेल्या वाघिणीला पुढील उपचार व देखरेखीसाठी नागपूर येथील गोरेवाडा वन्यजीव बचाव केंद्रात हलवण्यात आले आहे. चंद्रपूर जिल्ह्यात मानवी व वाघ यांच्यातील वाढत्या संघर्षामुळे निर्माण झालेल्या भीतीवर या कारवाईने मोठा दिलासा मिळाला असून, परिसरातील ग्रामस्थांनी समाधान व्यक्त केले आहे.

सिंदखेड राजा तालुक्यातील किनगावं राजा पोलीस स्टेशनच्या हद्दीतील सोयनदेव गावामध्ये अवैध देशी दारूची विक्री सुरू असल्याची माहिती समोर आली आहे.