దేశవ్యాప్తంగా 2026 రుతుపవనాలు పూర్తిగా విస్తరించినట్లు ఐఎండీ (IMD) ప్రకటించింది. దీని ప్రభావంతో రానున్న రోజుల్లో పలు రాష్ట్రాల్లో భారీ నుండి అతి భారీ వర్షాలు కురిసే అవకాశం ఉందని పేర్కొంది. ముఖ్యంగా తీర ప్రాంతాలలో గంటకు 40-50 కిలోమీటర్ల వేగంతో బలమైన గాలులు వీచే అవకాశం ఉన్నందున, ఎవరూ చేపల వేటకు వెళ్లవద్దని ఐఎండీ హెచ్చరించింది. లోతట్టు ప్రాంతాల ప్రజలు కూడా ఎంతో అప్రమత్తంగా ఉండాలని సూచించింది. ఏయే రాష్ట్రాల్లో భారీ వర్షాలు కురుస్తాయి, ఏ జిల్లాలకు రెడ్ మరియు ఆరెంజ్ అలర్ట్‌లు జారీ చేశారు, వరదల ముప్పు ఉన్న ప్రాంతాలు ఏవి మరియు రైతులకు సంబంధించిన పలు ముఖ్యమైన సూచనలను ఐఎండీ వెల్లడించింది.

దేశవ్యాప్తంగా 2026 రుతుపవనాలు పూర్తిగా విస్తరించినట్లు ఐఎండీ (IMD) ప్రకటించింది. దీని ప్రభావంతో రానున్న రోజుల్లో పలు రాష్ట్రాల్లో భారీ నుండి అతి భారీ వర్షాలు కురిసే అవకాశం ఉందని పేర్కొంది. ముఖ్యంగా తీర ప్రాంతాలలో గంటకు 40-50 కిలోమీటర్ల వేగంతో బలమైన గాలులు వీచే అవకాశం ఉన్నందున, ఎవరూ చేపల వేటకు వెళ్లవద్దని ఐఎండీ హెచ్చరించింది. లోతట్టు ప్రాంతాల ప్రజలు కూడా ఎంతో అప్రమత్తంగా ఉండాలని సూచించింది. ఏయే రాష్ట్రాల్లో భారీ వర్షాలు కురుస్తాయి, ఏ జిల్లాలకు రెడ్ మరియు ఆరెంజ్ అలర్ట్‌లు జారీ చేశారు, వరదల ముప్పు ఉన్న ప్రాంతాలు ఏవి మరియు రైతులకు సంబంధించిన పలు ముఖ్యమైన సూచనలను ఐఎండీ వెల్లడించింది.

కామారెడ్డి జిల్లా బోధన్ బెల్లాల గ్రామంలోని ఇందిరమ్మ కాలనీలో బెల్ట్ షాపులకు వ్యతిరేకంగా వికలాంగుల జాతీయ అధ్యక్షురాలు సూర్యవంశం సుజాత పోరాటం చేపట్టారు. గ్రామంలో పర్యటించిన ఆమెతో స్థానిక మహిళలు తమ ఆవేదనను పంచుకున్నారు. తమ ఊరిలో బెల్ట్ షాపులు అస్సలు ఉండకూడదని వారు సుజాతకు స్పష్టం చేశారు. ఉదయం 6 గంటల నుంచే ఇక్కడ ప్రజలు మద్యానికి బానిసవుతున్నారని, యువత గంజాయి, ఇతర మత్తు పదార్థాల బారిన పడుతున్నారని మహిళలు ఆరోపించారు. కిరాణా షాపుల పేర్లు చెప్పుకుంటూ అక్రమంగా మద్యం అమ్ముతున్నారని, యువకులు ఎక్కడబడితే అక్కడ తాగుతూ తిరుగుతుండటంతో దొంగతనాలు పెరిగిపోయి ఆడవాళ్లకు రక్షణ లేకుండా పోయిందని ఆందోళన వ్యక్తం చేశారు. ఈ చిన్న గ్రామంలో ఉన్న దాదాపు 8 బెల్ట్ షాపులపై కఠిన చర్యలు తీసుకోవాలని ఎక్సైజ్ అధికారుల దృష్టికి తీసుకెళ్లారు. అధికారులు వెంటనే స్పందించి ఈ బెల్ట్ షాపులను తొలగించేలా తగిన చర్యలు తీసుకోవాలని గ్రామస్తులు డిమాండ్ చేస్తున్నారు.

బోధన్ పట్టణంలో ప్రతి ఆదివారం జరిగే వారాంతపు సంతలో మరోసారి తాయ్ బజారీ వసూళ్ల పేరుతో ప్రధాన రహదారిపై తీవ్ర ట్రాఫిక్ సమస్య ఏర్పడింది. గ్రామాల నుంచి కూరగాయలు అమ్మేందుకు వచ్చిన రైతులు, వ్యాపారుల వాహనాలను రోడ్డుపైనే ఆపి వసూళ్లు చేస్తుండటంతో భారీగా ట్రాఫిక్ జామ్ ఏర్పడి ప్రజలు తీవ్ర ఇబ్బందులు ఎదుర్కొన్నారు. సంఘటన స్థలంలో విధులు నిర్వహిస్తున్న ఒక ట్రాఫిక్ కానిస్టేబుల్ పలుమార్లు ట్రాఫిక్‌ను క్లియర్ చేయడానికి ప్రయత్నించినప్పటికీ, వసూళ్లు చేస్తున్న సిబ్బంది అతని సూచనలను పట్టించుకోకుండా ప్రధాన రహదారిపైనే తమ వసూళ్లను కొనసాగించారు. ఇది ఒక్కరోజు సమస్య కాదని, ప్రతి ఆదివారం సంత రోజున ఇదే పరిస్థితి పునరావృతమవుతోందని స్థానికులు చెబుతున్నారు. ఈ విషయంపై మున్సిపల్ కమిషనర్‌కు పలుమార్లు ఫిర్యాదులు చేసినప్పటికీ ఇప్పటివరకు ఎలాంటి సమర్థవంతమైన చర్యలు తీసుకోలేదని ప్రజలు ఆవేదన వ్యక్తం చేస్తున్నారు. టెండర్‌ను మున్సిపాలిటీ ఇచ్చినందున దాని అమలు, పర్యవేక్షణ కూడా అధికారుల బాధ్యతేనని వారు పేర్కొంటున్నారు. ప్రధాన రహదారిపైనే వాహనాలను ఆపి వసూళ్లు చేయడం వల్ల ట్రాఫిక్‌కు తీవ్ర అంతరాయం కలుగుతున్నప్పుడు, దీనికి బాధ్యత ఎవరిది? చట్టం సాధారణ ప్రజలకేనా? లేక టెండర్ పొందిన వారూ చట్టాన్ని పాటించాలా? అనే ప్రశ్నలు స్థానికుల నుంచి వినిపిస్తున్నాయి. జిల్లా పరిపాలన, మున్సిపల్ అధికారులు, పోలీసు శాఖ వెంటనే స్పందించి ఈ వ్యవహారంపై విచారణ జరిపి, ప్రధాన రహదారిపై వసూళ్లను నిలిపివేసి, ట్రాఫిక్‌కు అంతరాయం కలగకుండా తగిన చర్యలు తీసుకోవాలని ప్రజలు కోరుతున్నారు.

తెలంగాణలో రేవంత్ రెడ్డికి మాజీ మంత్రి హరీష్ రావు గారు గట్టిగా కౌంటర్ ఇచ్చారు. నీకు రక్తమే కావాలనుకుంటే, రైతుల కోసం మా రక్తాన్ని కూడా ధారపోస్తామంటూ హరీష్ రావు గారు స్పష్టం చేశారు.

తెలంగాణలోని నిర్మల్ జిల్లా బాసర శ్రీ జ్ఞాన సరస్వతి దేవి ఆలయ పునర్నిర్మాణ పనులు శరవేగంగా కొనసాగుతున్నాయి. ఈ నెల 5వ తేదీ నుంచి ప్రధాన రాజగోపురం తొలగింపు పనులను ప్రారంభించగా, ప్రస్తుతం గర్భగుడి పరిసరాలు మరియు పాత గోపురాల కూల్చివేత పనులు అత్యంత వేగంగా సాగుతున్నాయి. శృంగేరి పీఠాధిపతుల ఆదేశాల మేరకు, సంప్రదాయ శిల్పకళకు అనుగుణంగా ఈ ఆలయ పునర్నిర్మాణ పనులను చేపట్టడం విశేషం. ఈ నిర్మాణ పనుల వల్ల భక్తులకు ఎలాంటి ఇబ్బందులు కలగకుండా ఆలయ అధికారులు ప్రత్యేక ఏర్పాట్లు చేశారు. హైదరాబాద్‌కు చెందిన సూర్యమనేని సునంద్, పద్మ ప్రియ దంపతులు సుమారు 31 కోట్ల రూపాయలకు పైగా సొంత నిధులతో అమ్మవారి ఆలయ గర్భగుడి పునర్నిర్మాణ పనులకు అంకురార్పణ చేశారు. గర్భగుడి నిర్మాణం పూర్తయిన తర్వాత, రెండవ విడతలో భాగంగా తెలంగాణ రాష్ట్ర ప్రభుత్వం తరఫున సుమారు ₹225 కోట్ల నిధులతో ఆలయాన్ని సర్వాంగ సుందరంగా తీర్చిదిద్దనున్నారు. దీని ద్వారా బాసర క్షేత్రం మరింత అభివృద్ధి పథంలోకి అడుగులు వేయనుంది. ఈ అభివృద్ధి పనులను నిర్ణీత గడువులోగా పూర్తి చేస్తామని ఆలయ అధికారులు వెల్లడించారు. ఇప్పటికే ఆలయ ఈవో అంజనీదేవి, ఏఈఓ శ్రీనివాస్ నిరంతరం అభివృద్ధి పనులను సమీక్షిస్తూ, క్షేత్రస్థాయిలో అవసరమైన సూచనలు అందిస్తూ పనులను పర్యవేక్షిస్తున్నారు.

మెదక్ జిల్లా కౌడిపల్లి మండలం వెల్మకన్న గ్రామంలోని శ్రీ భ్రమరాంబ మల్లికార్జున స్వామి దేవాలయంలో 32వ వార్షిక బ్రహ్మోత్సవాలు ఆధ్యాత్మిక వైభవంతో కొనసాగుతున్నాయి. ఈ ఉత్సవాల్లో భాగంగా ఆలయం ముందు ధ్వజస్తంభ ప్రతిష్ఠాపన, పూర్ణాహుతి కార్యక్రమాలను వేదమంత్రోచ్ఛారణల మధ్య అత్యంత ఘనంగా నిర్వహించారు. అర్చక ధర్మకర్త గంటబొట్ల మురళీశర్మ ఆధ్వర్యంలో ఈ పూజా కార్యక్రమాలు జరిగాయి. ఈ కార్యక్రమాల అనంతరం భక్తులకు అన్నప్రసాదం పంపిణీ చేశారు. బ్రహ్మోత్సవాల సందర్భంగా పెద్ద సంఖ్యలో భక్తులు ఆలయానికి తరలివచ్చి ప్రత్యేక పూజల్లో పాల్గొని స్వామివారి ఆశీర్వాదాలు పొందారు. భక్తుల రాకతో ఆలయ పరిసరాలన్నీ భక్తి పారవశ్యంతో కళకళలాడాయి.

ప్రభుత్వం చేపడుతున్న ఎస్ఐఆర్ కార్యక్రమంపై హమారా సహారా యూత్ అండ్ వెల్ఫేర్ సొసైటీ సభ్యులు అవగాహన సదస్సు నిర్వహిస్తున్నారు. నిర్మల్ జిల్లా కేంద్రంలో ప్రతిరోజు ఒక కాలనీని ఎంచుకుని, సొసైటీ స్థాపకుడు ఇర్షాన్ ఆధ్వర్యంలో ఈ కార్యక్రమాన్ని సాగిస్తున్నారు. ఇందులో భాగంగా స్థానిక ప్రజలకు ఎస్ఐఆర్ కార్యక్రమంపై అవగాహన కల్పిస్తూ ఫారాలను పూర్తి చేయిస్తున్నారు. ఓటర్లు తమ సరైన ధ్రువపత్రాలను పరిశీలించుకుని, అవసరమైన సమాచారాన్ని ప్రభుత్వానికి అందించాలని ఈ సందర్భంగా సొసైటీ ప్రతినిధులు సూచించారు. ఈ కార్యక్రమంలో సొసైటీ సభ్యులు ఇర్షాన్, ఫహీమ్, ఆఫ్రిన్, మహీం, రజాక్ తదితరులు పాల్గొంటున్నారు.

తెలంగాణలో మరోసారి భారీ వర్షాలు కురిసే అవకాశం ఉందని హైదరాబాద్ వాతావరణ కేంద్రం హెచ్చరించింది. నైరుతి రుతుపవనాల ప్రభావంతో రాగల మూడు రోజుల పాటు రాష్ట్రవ్యాప్తంగా ఉరుములు, మెరుపులు, ఈదురుగాలులతో కూడిన వర్షాలు కురుస్తాయని వాతావరణ శాఖ వెల్లడించింది. వాతావరణ మార్పుల నేపథ్యంలో వికారాబాద్, సంగారెడ్డి, మహబూబ్ నగర్, నాగర్ కర్నూల్ జిల్లాలకు ఎల్లో అలర్ట్ జారీ చేశారు. ఇవాళ, రేపు నాగర్ కర్నూల్, నల్గొండ, సూర్యాపేట, యాదాద్రి భువనగిరి జిల్లాల్లో మోస్తరు నుండి భారీ వర్షాలు కురిసే అవకాశం ఉంది. వీటితో పాటు రంగారెడ్డి, మెదక్, కామారెడ్డి, ఆదిలాబాద్, నిర్మల్, నిజామాబాద్, జగిత్యాల, సిరిసిల్ల, భూపాలపల్లి, ములుగు, మహబూబాబాద్, వరంగల్, హన్మకొండ, జనగాం, సిద్దిపేట, యాదాద్రి భువనగిరి జిల్లాల్లో కూడా వర్షాలు పడతాయని అంచనా వేశారు. హైదరాబాద్ నగరంలో సాయంత్రం లేదా రాత్రి సమయంలో తేలికపాటి నుండి మోస్తరు వర్షాలతో పాటు భారీ జల్లులు పడే అవకాశం ఉంది. వర్షాల సమయంలో గంటకు 30 నుంచి 40 కిలోమీటర్ల వేగంతో ఈదురు గాలులు వీచే అవకాశం ఉందని, ఉరుములు, మెరుపులు వచ్చేటప్పుడు ప్రజలు చెట్ల కింద, విద్యుత్ స్తంభాల దగ్గర నిలబడవద్దని వాతావరణ కేంద్రం ప్రత్యేకంగా హెచ్చరించింది.