दहावीचा निकाल जाहीर झाल्यानंतर अनेक विद्यार्थ्यांना अद्याप मूळ गुणपत्रक व शाळा सोडल्याचा दाखला (LC) प्राप्त झालेला नसल्यामुळे अकरावी प्रवेश प्रक्रियेत अडचणी निर्माण होऊ नयेत, यासाठी शालेय शिक्षण विभागाने एक महत्त्वाचा निर्णय घेतला आहे. शालेय शिक्षण मंत्री दादाजी भुसे यांच्या निर्देशानुसार, अकरावी प्रवेश निश्चित करताना ही कागदपत्रे तात्काळ सादर करण्याची सक्ती न करण्याचे आदेश देण्यात आले आहेत, ज्यामुळे दहावी उत्तीर्ण झालेल्या हजारो विद्यार्थ्यांना मोठा दिलासा मिळाला आहे. या संदर्भात शिक्षण संचालक (माध्यमिक व उच्च माध्यमिक) यांनी सर्व विभागीय शिक्षण उपसंचालक, शिक्षणाधिकारी (माध्यमिक) तसेच कनिष्ठ महाविद्यालयांना सूचना जारी केल्या आहेत. सन २०२६-२७ च्या अकरावी ऑनलाइन प्रवेश प्रक्रियेअंतर्गत नियमित फेरी क्रमांक १ सध्या सुरू असून, २९ मे २०२६ रोजी गुणवत्ता यादीही जाहीर करण्यात आली आहे. ज्या विद्यार्थ्यांना अद्याप मूळ गुणपत्रक किंवा शाळा सोडल्याचा दाखला मिळालेला नाही, त्यांच्याकडून संबंधित कागदपत्रे उपलब्ध होताच सादर करण्यात येतील, असे हमीपत्र घेऊन प्रवेश निश्चित करता येणार आहे. याव्यतिरिक्त, आधार-व्हेरिफाइड विद्यार्थ्यांच्या गुणपत्रिका डिजीलॉकरवर उपलब्ध करून देण्यात आल्या आहेत. दरम्यान, निर्धारित कालावधीत गुणपत्रक व शाळा सोडल्याचा दाखला सादर न केल्यास संबंधित विद्यार्थ्यांचा प्रवेश रद्द होऊ शकतो, याची जाणीव विद्यार्थी व पालकांना करून देण्याच्या सूचनाही शिक्षण विभागाने दिल्या आहेत. या निर्णयामुळे राज्यातील हजारो दहावी उत्तीर्ण विद्यार्थ्यांना मोठा दिलासा मिळाला असून, अकरावी प्रवेश प्रक्रियेत कोणताही अडथळा येणार नसल्याचे स्पष्ट झाले आहे.

महेश झेंडे (संपादक)

Local News Reporter इंदापूर, पुणे, महाराष्ट्र•

2 hrs ago

दहावीचा निकाल जाहीर झाल्यानंतर अनेक विद्यार्थ्यांना अद्याप मूळ गुणपत्रक व शाळा सोडल्याचा दाखला (LC) प्राप्त झालेला नसल्यामुळे अकरावी प्रवेश प्रक्रियेत अडचणी निर्माण होऊ नयेत, यासाठी शालेय शिक्षण विभागाने एक महत्त्वाचा निर्णय घेतला आहे. शालेय शिक्षण मंत्री दादाजी भुसे यांच्या निर्देशानुसार, अकरावी प्रवेश निश्चित करताना ही कागदपत्रे तात्काळ सादर करण्याची सक्ती न करण्याचे आदेश देण्यात आले आहेत, ज्यामुळे दहावी उत्तीर्ण झालेल्या हजारो विद्यार्थ्यांना मोठा दिलासा मिळाला आहे. या संदर्भात शिक्षण संचालक (माध्यमिक व उच्च माध्यमिक) यांनी सर्व विभागीय शिक्षण उपसंचालक, शिक्षणाधिकारी (माध्यमिक) तसेच कनिष्ठ महाविद्यालयांना सूचना जारी केल्या आहेत. सन २०२६-२७ च्या अकरावी ऑनलाइन प्रवेश प्रक्रियेअंतर्गत नियमित फेरी क्रमांक १ सध्या सुरू असून, २९ मे २०२६ रोजी गुणवत्ता यादीही जाहीर करण्यात आली आहे. ज्या विद्यार्थ्यांना अद्याप मूळ गुणपत्रक किंवा शाळा सोडल्याचा दाखला मिळालेला नाही, त्यांच्याकडून संबंधित कागदपत्रे उपलब्ध होताच सादर करण्यात येतील, असे हमीपत्र घेऊन प्रवेश निश्चित करता येणार आहे. याव्यतिरिक्त, आधार-व्हेरिफाइड विद्यार्थ्यांच्या गुणपत्रिका डिजीलॉकरवर उपलब्ध करून देण्यात आल्या आहेत. दरम्यान, निर्धारित कालावधीत गुणपत्रक व शाळा सोडल्याचा दाखला सादर न केल्यास संबंधित विद्यार्थ्यांचा प्रवेश रद्द होऊ शकतो, याची जाणीव विद्यार्थी व पालकांना करून देण्याच्या सूचनाही शिक्षण विभागाने दिल्या आहेत. या निर्णयामुळे राज्यातील हजारो दहावी उत्तीर्ण विद्यार्थ्यांना मोठा दिलासा मिळाला असून, अकरावी प्रवेश प्रक्रियेत कोणताही अडथळा येणार नसल्याचे स्पष्ट झाले आहे.