రాష్ట్రవ్యాప్తంగా నేతన్నలు, హస్తకళాకారులు గౌరవప్రదమైన జీవనం సాగించడమే కూటమి ప్రభుత్వ లక్ష్యమని, త్వరలో 'నేతన్న భరోసా' పథకానికి శ్రీకారం చుట్టనున్నామని రాష్ట్ర చేనేత, జౌళి శాఖ మంత్రి ఎస్. సవిత వెల్లడించారు. విదేశాల్లో కూడా 'లేపాక్షి' షోరూమ్‌లు ఏర్పాటు చేయనున్నామని, అమరావతిలోని శాఖమూరులో పది ఎకరాల విస్తీర్ణంలో నేషనల్ ఇన్‌స్టిట్యూట్ ఆఫ్ ఫ్యాషన్ టెక్నాలజీ (నిఫ్ట్) ఏర్పాటుకు నిర్ణయించామని తెలిపారు. ఖాదీ, గ్రామీణ పరిశ్రమల మండలి ద్వారా యువతకు పెద్ద ఎత్తున ఉపాధి అవకాశాలు కల్పిస్తున్నామని మంత్రి సవిత పేర్కొన్నారు. రాష్ట్ర సచివాలయంలో చేనేత, జౌళి శాఖ ఆధ్వర్యంలో కూటమి ప్రభుత్వం ఏర్పడిన రెండేళ్ల ప్రగతిపై శనివారం జరిగిన విలేకరుల సమావేశంలో ఆమె మాట్లాడుతూ, అన్న ఎన్టీఆర్ నినాదం స్ఫూర్తితో సీఎం చంద్రబాబు నేతన్నల సంక్షేమానికి ప్రాధాన్యమిస్తున్నారని, చేనేత రంగానికి పూర్వవైభవం తీసుకురావడమే ప్రభుత్వ లక్ష్యమన్నారు. ప్రభుత్వం అధికారంలోకి రాగానే టెక్స్‌టైల్స్ అపారెల్ & గార్మెంట్స్ పాలసీ 2024-29 తీసుకొచ్చామని, ఈ పాలసీ ద్వారా రాష్ట్రంలో టెక్స్‌టైల్స్ రంగంలో ₹10 వేల కోట్ల పెట్టుబడులు ఆకర్షించడంతో పాటు 2 లక్షల మందికి పైగా ఉపాధి అవకాశాలు కల్పించడమే లక్ష్యంగా పెట్టుకున్నామన్నారు. గతేడాది విశాఖలో జరిగిన సీఐఐ సమ్మిట్‌లో టెక్స్‌టైల్స్ రంగంలో ఐదు ఒప్పందాలు జరిగాయని, ₹4,700 కోట్ల పెట్టుబడులు వచ్చాయని, వాటిలో కొన్ని పరిశ్రమలకు భూములు, ఇతర మౌలిక సదుపాయాలు కేటాయించామని మంత్రి వివరించారు. 50 ఏళ్లు నిండిన నేతన్నలకు పెన్షన్లు అందజేస్తున్నామని, బడ్జెట్‌లో థ్రిఫ్ట్ ఫండ్ నిధులు కేటాయించామని మంత్రి తెలిపారు. 2024-25లో 90 సంఘాలకు ₹71.21 కోట్ల విలువైన నూలు సరఫరా చేశామని, 2025-26లో 109 సంఘాలకు ₹175.20 కోట్ల విలువైన నూలు సరఫరా చేశామని, రెండేళ్లలో కలిపి ₹246.41 కోట్ల విలువైన నూలు అందించి ఉత్పత్తి వ్యయాన్ని తగ్గించామన్నారు. గత సంవత్సరం వన్ డిస్ట్రిక్ట్-వన్ ప్రొడక్ట్ కింద ఏపీకి 10 అవార్డులు వస్తే, వాటిలో నాలుగు చేనేత రంగానికే వచ్చాయన్నారు. నేతన్నలకు ఉచిత విద్యుత్ సరఫరా హామీని నెరవేర్చామని, ఈ ఏడాది ఏప్రిల్ 1వ తేదీ నుంచి 50,565 చేనేత కుటుంబాలకు ఉచిత విద్యుత్ పథకం అమలు చేస్తున్నామని చెప్పారు. మగ్గాలకు 200 యూనిట్లు, మరమగ్గాలకు 500 యూనిట్లు అందిస్తున్నామని, మగ్గం నేతన్నలకు నెలకు ₹720లు (ఏడాదికి ₹8,640లు), మరమగ్గం నేతన్నలకు నెలకు ₹1,860లు (ఏడాదికి ₹21,600లు) లబ్ధి కలుగుతోందని వివరించారు. ఉచిత విద్యుత్ పథకం కోసం ₹150 కోట్లు వెచ్చిస్తున్నామని, ఈ పథకం అమలుతో నేతన్నల కుటుంబాల్లో వెలుగులు నిండాయని మంత్రి అన్నారు. చేనేత కార్మికులకు రంగులు వేయడం, బ్లీచింగ్ ఛార్జీల వేతనాలు పెంచామని, 90 శాతం సబ్సిడీతో మగ్గం పనిముట్లు అందజేస్తున్నామని, చేనేత కార్మికుల గుర్తింపు కార్డులు ఇస్తున్నామని తెలిపారు. వస్త్రాలకు క్యూఆర్ కోడింగ్ ఇచ్చి, నేతన్నల కష్టం, వస్త్రం తయారీ గురించి ఆ కోడ్‌లో పేర్కొంటున్నామని, ఈ కోడింగ్‌తో నకిలీ వస్త్రాల అమ్మకాలకు అడ్డుకట్టపడుతుందని చెప్పారు. నేతన్నలకు ఉపాధి కల్పనే లక్ష్యంగా ₹10.44 కోట్లతో 10 చిన్న క్లస్టర్లు ఏర్పాటు చేస్తున్నామని, ధర్మవరంలో ₹38.31 కోట్లతో మెగా చేనేత క్లస్టర్ నిర్మిస్తున్నామని మంత్రి సవిత వెల్లడించారు. అమరావతిలో చేనేత, హస్తకళల మ్యూజియం నిర్మించబోతున్నామని, పిఠాపురంలోని ఉప్పాడలో ₹15.01 కోట్లతో, మంగళగిరిలో హ్యాండ్లూమ్ ప్రాజెక్టుకు ₹22.50 కోట్లతో చేనేత పార్క్‌లు ఏర్పాటు చేస్తున్నామని తెలిపారు. అమరావతిలోని శాఖమూరులో పది ఎకరాల విస్తీర్ణంలో నేషనల్ ఇన్‌స్టిట్యూట్ ఆఫ్ ఫ్యాషన్ టెక్నాలజీ (నిఫ్ట్) ఏర్పాటుకు నిర్ణయించామన్నారు. 7 వేల మంది చేనేతలకు ₹65.35 కోట్లు ముద్ర రుణాలు మంజూరు చేశామని, నేత వస్త్రాల అమ్మకాలు పెంచేలా ఆద్యం, టాటా తనేరియా, కో ఆప్టెక్స్ వంటి సంస్థలతో పాటు తిరుమల తిరుపతి దేవస్థానంతో కూడా ఒప్పందం చేసుకున్నామని తెలిపారు. చేనేత వస్త్రాలు, హస్త కళారూపాలు ఒకే చోట విక్రయించేలా షోరూమ్‌లు ఏర్పాటు చేస్తున్నామని మంత్రి పేర్కొన్నారు. ఆప్కో బ్రాండ్‌ను నిలబెట్టేలా షోరూమ్‌లలో కేవలం మగ్గం మీద నేసే వస్త్రాలనే విక్రయాలకు చర్యలు తీసుకుంటున్నామని, ఆప్కో షోరూమ్‌లను ప్రక్షాళన చేస్తున్నామని, రెడీమేడ్ వస్త్రాల అమ్మకాలతో పాటు కొత్త స్టాక్ ఉండేలా చర్యలు తీసుకుంటున్నామని తెలిపారు. పారదర్శకత పెంచేలా ఆప్కోలో కంప్యూటరీకరణ చేపట్టామని, డిజిటల్ పేమెంట్లను చెల్లించేలా చర్యలు తీసుకున్నామని, ఆప్కోలో డిజిటలైజేషన్‌కు ప్రతిష్టాత్మక స్కోచ్ అవార్డు 2025 లభించిందని సవిత తెలియజేశారు. ఆప్కో ద్వారా 24 నెలల కాలంలో ₹190 కోట్ల అమ్మకాలు చేశామని, కూటమి ప్రభుత్వం వచ్చిన తర్వాత రాష్ట్రంలో ఐదు చోట్ల (పుట్టపర్తి, ఎమ్మిగనూరు, ప్రొద్దుటూరు, టెక్కలి, అనకాపల్లి) ఆప్కో షోరూమ్‌లు ఏర్పాటు చేశామన్నారు. జాతీయ, రాష్ట్ర స్థాయిలో ప్రదర్శనలు నిర్వహిస్తున్నామని, రెండేళ్లలో ప్రదర్శనల ద్వారా ₹20 కోట్ల మేర చేనేత వస్త్రాల అమ్మకాలు జరిపామని తెలిపారు. 40, 50 శాతం డిస్కౌంట్లతో చేనేత వస్త్రాల అమ్మకాలు చేస్తున్నామని, సోషల్ మీడియాలో విస్తృతంగా ప్రచారం చేస్తున్నామని చెప్పారు. చేనేత సహకార సంఘాలకు ఆప్కో బకాయిలు చెల్లిస్తున్నామని, గత డిసెంబర్, జనవరి నెలల్లో ₹9 కోట్లకు పైగా బకాయిలను చేనేత సహకార సంఘాల ఖాతాల్లో జమ చేశామని మంత్రి వివరించారు. రాష్ట్రంలో 2.05 లక్షల హస్తకళాకారులను గుర్తించామని, వారికి ఆర్థిక భరోసా కల్పిస్తూ గౌరవప్రద జీవనం అందించడమే కూటమి ప్రభుత్వ లక్ష్యమని మంత్రి సవిత తెలిపారు. రాష్ట్రంతో పాటు జాతీయ స్థాయిలో 19 లేపాక్షి షోరూమ్‌లు ఉన్నాయని, వాటన్నింటినీ ఆధునీకరిస్తున్నామని, ఇటీవలే రాజమండ్రి ఎయిర్‌పోర్టులో లేపాక్షి షోరూమ్ ఏర్పాటు చేశామని తెలిపారు. విదేశాల్లోనూ లేపాక్షి షోరూమ్‌లు ఏర్పాటు చేయనున్నట్లు పేర్కొన్నారు. కళాక్షి వాట్సాప్, తరంగ సేవ పేరుతో ఆన్‌లైన్‌లోనూ హస్తకళల విక్రయాలు చేస్తున్నామని, లేపాక్షి షోరూమ్‌ల పారదర్శకంగా నిర్వహణకు తరంగ ఏపీ ఆధారిత రియల్ టైమ్ వ్యవస్థ రూపకల్పన చేశామన్నారు. హస్తకళారూపాల అమ్మకాలు పెరిగేలా జాతీయ, అంతర్జాతీయ స్థాయిలో 65 ప్రదర్శనలు ఏర్పాటు చేశామని, 2024-25లో ₹56.47 కోట్లు, 2025-26లో ₹60.78 కోట్ల అమ్మకాలు జరిపామని చెప్పారు. హస్తకళాకారులను ప్రోత్సహించేలా అవార్డులు బహూకరించామని, 20 మంది కళాకారులకు ₹3 లక్షల వరకు నగదు బహుమతి అందజేశామని తెలిపారు. వన్ డిస్ట్రిక్ట్-వన్ ప్రొడక్ట్ (ఓడీఓపీ) కింద ప్రతి జిల్లా నుంచి హస్తకళలకు గుర్తింపునకు కృషి చేస్తున్నామన్నారు. విశాఖపట్నం సీఐఐ - 2025 సదస్సు, సింగపూర్‌లో జరిగిన భారతదేశ గణతంత్ర వేడుకలకు, హాంకాంగ్ మరియు ఇతర అంతర్జాతీయ వేడుకలకు ఏపీ హస్తకళల గిఫ్ట్ బాక్స్‌లు సరఫరా చేశామని మంత్రి వివరించారు. ఖాదీ, గ్రామీణ పరిశ్రమల మండలి ద్వారా రాష్ట్రంలో నిరుద్యోగ యువతకు పెద్ద ఎత్తున ఉపాధి కల్పిస్తున్నామని మంత్రి తెలిపారు. ప్రధానమంత్రి ఉపాధి కల్పన కార్యక్రమం (పీఎంఈజీపీ) పథకం కింద 2024-25లో 974 యూనిట్లు స్థాపించి, ₹38.51 కోట్ల మార్జిన్ మనీ అందజేసి, 10,714 మందికి ఉపాధి అవకాశాలు కల్పించామన్నారు. 2025-26లో 2,319 యూనిట్ల ఏర్పాటుకు నిర్ణయించామని, వాటికి ₹70.15 కోట్ల మార్జిన్ మనీ మంజూరు చేశామని, ఈ యూనిట్ల స్థాపన ద్వారా 25,509 మందికి ఉపాధి అవకాశాలు లభించనున్నాయని మంత్రి చెప్పారు. నైపుణ్యాభివృద్ధి కార్యక్రమాల ద్వారా 463 మంది యువతకు, మహిళలకు టైలరింగ్, ఫ్యాషన్ డిజైనింగ్, మగ్గం వర్క్, కాగితం తయారీ, కొవ్వొత్తుల తయారీ తదితర ఉపాధి ఆధారిత కోర్సుల్లో శిక్షణ ఇచ్చి స్వయం ఉపాధి అవకాశాలను కల్పిస్తున్నామని మంత్రి సవిత పేర్కొన్నారు. 2014-19 మధ్య కాలం చేనేత రంగానికి స్వర్ణయుగమని, ఆనాటి తెలుగుదేశం ప్రభుత్వం నేతన్నల మేలు కోసం అభివృద్ధి, సంక్షేమ కార్యక్రమాలు చేపట్టిందని మంత్రి సవిత తెలిపారు. ఆ తరువాత వచ్చిన వైఎస్సార్‌సీపీ ప్రభుత్వంలో అన్ని రంగాల మాదిరిగానే చేనేత రంగానికి తీవ్ర నష్టం కలిగిందని, కూటమి ప్రభుత్వం అధికారంలోకి రావడంతో నేతన్నలు ఊపిరిపీల్చుకోగలిగారని మంత్రి సవిత అన్నారు. ఈ కార్యక్రమంలో రాష్ట్ర చేనేత, జౌళి శాఖ ముఖ్య ప్రధాన కార్యదర్శి ఆర్పీ సిసోడియా, ఖాదీ, గ్రామీణ పరిశ్రమల మండలి సీఈవో సింహాచలం, కమిషనర్ రేఖారాణి, లేపాక్షి ఎండీ విశ్వ తదితర సిబ్బంది పాల్గొన్నారు.

జేమ్స్

Vijayawada East, Ntr•

12 hrs ago

రాష్ట్రవ్యాప్తంగా నేతన్నలు, హస్తకళాకారులు గౌరవప్రదమైన జీవనం సాగించడమే కూటమి ప్రభుత్వ లక్ష్యమని, త్వరలో 'నేతన్న భరోసా' పథకానికి శ్రీకారం చుట్టనున్నామని రాష్ట్ర చేనేత, జౌళి శాఖ మంత్రి ఎస్. సవిత వెల్లడించారు. విదేశాల్లో కూడా 'లేపాక్షి' షోరూమ్‌లు ఏర్పాటు చేయనున్నామని, అమరావతిలోని శాఖమూరులో పది ఎకరాల విస్తీర్ణంలో నేషనల్ ఇన్‌స్టిట్యూట్ ఆఫ్ ఫ్యాషన్ టెక్నాలజీ (నిఫ్ట్) ఏర్పాటుకు నిర్ణయించామని తెలిపారు. ఖాదీ, గ్రామీణ పరిశ్రమల మండలి ద్వారా యువతకు పెద్ద ఎత్తున ఉపాధి అవకాశాలు కల్పిస్తున్నామని మంత్రి సవిత పేర్కొన్నారు. రాష్ట్ర సచివాలయంలో చేనేత, జౌళి శాఖ ఆధ్వర్యంలో కూటమి ప్రభుత్వం ఏర్పడిన రెండేళ్ల ప్రగతిపై శనివారం జరిగిన విలేకరుల సమావేశంలో ఆమె మాట్లాడుతూ, అన్న ఎన్టీఆర్ నినాదం స్ఫూర్తితో సీఎం చంద్రబాబు నేతన్నల సంక్షేమానికి ప్రాధాన్యమిస్తున్నారని, చేనేత రంగానికి పూర్వవైభవం తీసుకురావడమే ప్రభుత్వ లక్ష్యమన్నారు. ప్రభుత్వం అధికారంలోకి రాగానే టెక్స్‌టైల్స్ అపారెల్ & గార్మెంట్స్ పాలసీ 2024-29 తీసుకొచ్చామని, ఈ పాలసీ ద్వారా రాష్ట్రంలో టెక్స్‌టైల్స్ రంగంలో ₹10 వేల కోట్ల పెట్టుబడులు ఆకర్షించడంతో పాటు 2 లక్షల మందికి పైగా ఉపాధి అవకాశాలు కల్పించడమే లక్ష్యంగా పెట్టుకున్నామన్నారు. గతేడాది విశాఖలో జరిగిన సీఐఐ సమ్మిట్‌లో టెక్స్‌టైల్స్ రంగంలో ఐదు ఒప్పందాలు జరిగాయని, ₹4,700 కోట్ల పెట్టుబడులు వచ్చాయని, వాటిలో కొన్ని పరిశ్రమలకు భూములు, ఇతర మౌలిక సదుపాయాలు కేటాయించామని మంత్రి వివరించారు. 50 ఏళ్లు నిండిన నేతన్నలకు పెన్షన్లు అందజేస్తున్నామని, బడ్జెట్‌లో థ్రిఫ్ట్ ఫండ్ నిధులు కేటాయించామని మంత్రి తెలిపారు. 2024-25లో 90 సంఘాలకు ₹71.21 కోట్ల విలువైన నూలు సరఫరా చేశామని, 2025-26లో 109 సంఘాలకు ₹175.20 కోట్ల విలువైన నూలు సరఫరా చేశామని, రెండేళ్లలో కలిపి ₹246.41 కోట్ల విలువైన నూలు అందించి ఉత్పత్తి వ్యయాన్ని తగ్గించామన్నారు. గత సంవత్సరం వన్ డిస్ట్రిక్ట్-వన్ ప్రొడక్ట్ కింద ఏపీకి 10 అవార్డులు వస్తే, వాటిలో నాలుగు చేనేత రంగానికే వచ్చాయన్నారు. నేతన్నలకు ఉచిత విద్యుత్ సరఫరా హామీని నెరవేర్చామని, ఈ ఏడాది ఏప్రిల్ 1వ తేదీ నుంచి 50,565 చేనేత కుటుంబాలకు ఉచిత విద్యుత్ పథకం అమలు చేస్తున్నామని చెప్పారు. మగ్గాలకు 200 యూనిట్లు, మరమగ్గాలకు 500 యూనిట్లు అందిస్తున్నామని, మగ్గం నేతన్నలకు నెలకు ₹720లు (ఏడాదికి ₹8,640లు), మరమగ్గం నేతన్నలకు నెలకు ₹1,860లు (ఏడాదికి ₹21,600లు) లబ్ధి కలుగుతోందని వివరించారు. ఉచిత విద్యుత్ పథకం కోసం ₹150 కోట్లు వెచ్చిస్తున్నామని, ఈ పథకం అమలుతో నేతన్నల కుటుంబాల్లో వెలుగులు నిండాయని మంత్రి అన్నారు. చేనేత కార్మికులకు రంగులు వేయడం, బ్లీచింగ్ ఛార్జీల వేతనాలు పెంచామని, 90 శాతం సబ్సిడీతో మగ్గం పనిముట్లు అందజేస్తున్నామని, చేనేత కార్మికుల గుర్తింపు కార్డులు ఇస్తున్నామని తెలిపారు. వస్త్రాలకు క్యూఆర్ కోడింగ్ ఇచ్చి, నేతన్నల కష్టం, వస్త్రం తయారీ గురించి ఆ కోడ్‌లో పేర్కొంటున్నామని, ఈ కోడింగ్‌తో నకిలీ వస్త్రాల అమ్మకాలకు అడ్డుకట్టపడుతుందని చెప్పారు. నేతన్నలకు ఉపాధి కల్పనే లక్ష్యంగా ₹10.44 కోట్లతో 10 చిన్న క్లస్టర్లు ఏర్పాటు చేస్తున్నామని, ధర్మవరంలో ₹38.31 కోట్లతో మెగా చేనేత క్లస్టర్ నిర్మిస్తున్నామని మంత్రి సవిత వెల్లడించారు. అమరావతిలో చేనేత, హస్తకళల మ్యూజియం నిర్మించబోతున్నామని, పిఠాపురంలోని ఉప్పాడలో ₹15.01 కోట్లతో, మంగళగిరిలో హ్యాండ్లూమ్ ప్రాజెక్టుకు ₹22.50 కోట్లతో చేనేత పార్క్‌లు ఏర్పాటు చేస్తున్నామని తెలిపారు. అమరావతిలోని శాఖమూరులో పది ఎకరాల విస్తీర్ణంలో నేషనల్ ఇన్‌స్టిట్యూట్ ఆఫ్ ఫ్యాషన్ టెక్నాలజీ (నిఫ్ట్) ఏర్పాటుకు నిర్ణయించామన్నారు. 7 వేల మంది చేనేతలకు ₹65.35 కోట్లు ముద్ర రుణాలు మంజూరు చేశామని, నేత వస్త్రాల అమ్మకాలు పెంచేలా ఆద్యం, టాటా తనేరియా, కో ఆప్టెక్స్ వంటి సంస్థలతో పాటు తిరుమల తిరుపతి దేవస్థానంతో కూడా ఒప్పందం చేసుకున్నామని తెలిపారు. చేనేత వస్త్రాలు, హస్త కళారూపాలు ఒకే చోట విక్రయించేలా షోరూమ్‌లు ఏర్పాటు చేస్తున్నామని మంత్రి పేర్కొన్నారు. ఆప్కో బ్రాండ్‌ను నిలబెట్టేలా షోరూమ్‌లలో కేవలం మగ్గం మీద నేసే వస్త్రాలనే విక్రయాలకు చర్యలు తీసుకుంటున్నామని, ఆప్కో షోరూమ్‌లను ప్రక్షాళన చేస్తున్నామని, రెడీమేడ్ వస్త్రాల అమ్మకాలతో పాటు కొత్త స్టాక్ ఉండేలా చర్యలు తీసుకుంటున్నామని తెలిపారు. పారదర్శకత పెంచేలా ఆప్కోలో కంప్యూటరీకరణ చేపట్టామని, డిజిటల్ పేమెంట్లను చెల్లించేలా చర్యలు తీసుకున్నామని, ఆప్కోలో డిజిటలైజేషన్‌కు ప్రతిష్టాత్మక స్కోచ్ అవార్డు 2025 లభించిందని సవిత తెలియజేశారు. ఆప్కో ద్వారా 24 నెలల కాలంలో ₹190 కోట్ల అమ్మకాలు చేశామని, కూటమి ప్రభుత్వం వచ్చిన తర్వాత రాష్ట్రంలో ఐదు చోట్ల (పుట్టపర్తి, ఎమ్మిగనూరు, ప్రొద్దుటూరు, టెక్కలి, అనకాపల్లి) ఆప్కో షోరూమ్‌లు ఏర్పాటు చేశామన్నారు. జాతీయ, రాష్ట్ర స్థాయిలో ప్రదర్శనలు నిర్వహిస్తున్నామని, రెండేళ్లలో ప్రదర్శనల ద్వారా ₹20 కోట్ల మేర చేనేత వస్త్రాల అమ్మకాలు జరిపామని తెలిపారు. 40, 50 శాతం డిస్కౌంట్లతో చేనేత వస్త్రాల అమ్మకాలు చేస్తున్నామని, సోషల్ మీడియాలో విస్తృతంగా ప్రచారం చేస్తున్నామని చెప్పారు. చేనేత సహకార సంఘాలకు ఆప్కో బకాయిలు చెల్లిస్తున్నామని, గత డిసెంబర్, జనవరి నెలల్లో ₹9 కోట్లకు పైగా బకాయిలను చేనేత సహకార సంఘాల ఖాతాల్లో జమ చేశామని మంత్రి వివరించారు. రాష్ట్రంలో 2.05 లక్షల హస్తకళాకారులను గుర్తించామని, వారికి ఆర్థిక భరోసా కల్పిస్తూ గౌరవప్రద జీవనం అందించడమే కూటమి ప్రభుత్వ లక్ష్యమని మంత్రి సవిత తెలిపారు. రాష్ట్రంతో పాటు జాతీయ స్థాయిలో 19 లేపాక్షి షోరూమ్‌లు ఉన్నాయని, వాటన్నింటినీ ఆధునీకరిస్తున్నామని, ఇటీవలే రాజమండ్రి ఎయిర్‌పోర్టులో లేపాక్షి షోరూమ్ ఏర్పాటు చేశామని తెలిపారు. విదేశాల్లోనూ లేపాక్షి షోరూమ్‌లు ఏర్పాటు చేయనున్నట్లు పేర్కొన్నారు. కళాక్షి వాట్సాప్, తరంగ సేవ పేరుతో ఆన్‌లైన్‌లోనూ హస్తకళల విక్రయాలు చేస్తున్నామని, లేపాక్షి షోరూమ్‌ల పారదర్శకంగా నిర్వహణకు తరంగ ఏపీ ఆధారిత రియల్ టైమ్ వ్యవస్థ రూపకల్పన చేశామన్నారు. హస్తకళారూపాల అమ్మకాలు పెరిగేలా జాతీయ, అంతర్జాతీయ స్థాయిలో 65 ప్రదర్శనలు ఏర్పాటు చేశామని, 2024-25లో ₹56.47 కోట్లు, 2025-26లో ₹60.78 కోట్ల అమ్మకాలు జరిపామని చెప్పారు. హస్తకళాకారులను ప్రోత్సహించేలా అవార్డులు బహూకరించామని, 20 మంది కళాకారులకు ₹3 లక్షల వరకు నగదు బహుమతి అందజేశామని తెలిపారు. వన్ డిస్ట్రిక్ట్-వన్ ప్రొడక్ట్ (ఓడీఓపీ) కింద ప్రతి జిల్లా నుంచి హస్తకళలకు గుర్తింపునకు కృషి చేస్తున్నామన్నారు. విశాఖపట్నం సీఐఐ - 2025 సదస్సు, సింగపూర్‌లో జరిగిన భారతదేశ గణతంత్ర వేడుకలకు, హాంకాంగ్ మరియు ఇతర అంతర్జాతీయ వేడుకలకు ఏపీ హస్తకళల గిఫ్ట్ బాక్స్‌లు సరఫరా చేశామని మంత్రి వివరించారు. ఖాదీ, గ్రామీణ పరిశ్రమల మండలి ద్వారా రాష్ట్రంలో నిరుద్యోగ యువతకు పెద్ద ఎత్తున ఉపాధి కల్పిస్తున్నామని మంత్రి తెలిపారు. ప్రధానమంత్రి ఉపాధి కల్పన కార్యక్రమం (పీఎంఈజీపీ) పథకం కింద 2024-25లో 974 యూనిట్లు స్థాపించి, ₹38.51 కోట్ల మార్జిన్ మనీ అందజేసి, 10,714 మందికి ఉపాధి అవకాశాలు కల్పించామన్నారు. 2025-26లో 2,319 యూనిట్ల ఏర్పాటుకు నిర్ణయించామని, వాటికి ₹70.15 కోట్ల మార్జిన్ మనీ మంజూరు చేశామని, ఈ యూనిట్ల స్థాపన ద్వారా 25,509 మందికి ఉపాధి అవకాశాలు లభించనున్నాయని మంత్రి చెప్పారు. నైపుణ్యాభివృద్ధి కార్యక్రమాల ద్వారా 463 మంది యువతకు, మహిళలకు టైలరింగ్, ఫ్యాషన్ డిజైనింగ్, మగ్గం వర్క్, కాగితం తయారీ, కొవ్వొత్తుల తయారీ తదితర ఉపాధి ఆధారిత కోర్సుల్లో శిక్షణ ఇచ్చి స్వయం ఉపాధి అవకాశాలను కల్పిస్తున్నామని మంత్రి సవిత పేర్కొన్నారు. 2014-19 మధ్య కాలం చేనేత రంగానికి స్వర్ణయుగమని, ఆనాటి తెలుగుదేశం ప్రభుత్వం నేతన్నల మేలు కోసం అభివృద్ధి, సంక్షేమ కార్యక్రమాలు చేపట్టిందని మంత్రి సవిత తెలిపారు. ఆ తరువాత వచ్చిన వైఎస్సార్‌సీపీ ప్రభుత్వంలో అన్ని రంగాల మాదిరిగానే చేనేత రంగానికి తీవ్ర నష్టం కలిగిందని, కూటమి ప్రభుత్వం అధికారంలోకి రావడంతో నేతన్నలు ఊపిరిపీల్చుకోగలిగారని మంత్రి సవిత అన్నారు. ఈ కార్యక్రమంలో రాష్ట్ర చేనేత, జౌళి శాఖ ముఖ్య ప్రధాన కార్యదర్శి ఆర్పీ సిసోడియా, ఖాదీ, గ్రామీణ పరిశ్రమల మండలి సీఈవో సింహాచలం, కమిషనర్ రేఖారాణి, లేపాక్షి ఎండీ విశ్వ తదితర సిబ్బంది పాల్గొన్నారు.