सफाई कामगारांवरील अन्यायाविरोधात राज्य सफाई कर्मचारी आयोगाकडे निवेदन; चौकशी करुन दोषींवर कारवाईसाठी शिफारशीचे उपाध्यक्ष मुकेश सारवान यांचे आश्वासन चांदवड नगरपरिषद हद्दीत गेल्या पाच वर्षांपासून स्वच्छता व घनकचरा व्यवस्थापनाचे काम करणार्‍या सफाई कामगार व महिला मजुरांचे प्रश्न व समस्यांबाबत महाराष्ट्र राज्य सफाई कर्मचारी आयोग मुंबईचे उपाध्यक्ष मुकेश सारवान यांनी गुरुवारी सफाई कर्मचार्‍यांसमवेत येथील तहसील कार्यालयात आढावा बैठक घेतली. यावेळी सफाई कामगारांनी ठेकेदाकडून अन्याय होत असल्याचा आरोप करत निवेदन सादर केले. आयोगाचे उपाध्यक्ष सारवान यांनी या प्रकरणाची उच्चस्तरीय चौकशी करुन संबंधीत ठेकेदारामार्फत सफाई कामगारांचे थकीत वेतन व किमान वेतनाचा फरक वसूल करण्याबरोबरच दोषींवर कारवाई करण्याबाबत संबंधीत विभागाकडे शिफारस करण्याचे आश्वासन कर्मचार्‍यांना दिले. या बैठकीस उपाध्यक्ष सारवान यांचे स्वीय सहाय्यक राजेश सोनवणे, नगराध्यक्ष वैभव बागूल, मुख्याधिकारी दिनेश सिनारे, शिवसेना गटनेते तथा नगरसेवक संदिप उगले व सफाई कामगार उपस्थित होते. यावेळी शिवसेना गटनेते तथा नगरसेवक संदिप उगले यांच्या मार्गदर्शनाखाली सफाई कामगारांनी आयोगाचे उपाध्यक्ष मुकेश सारवान यांच्याकडे ठेकेदारामार्फत सफाई कामगारांचे होत असलेल्या आर्थिक व श्रमिक शोषणाबाबतच्या समस्यांचे निवेदन सादर केले. त्यानुसार याबाबत उच्चस्तरीय चौकशी करुन संबंधीत ठेकेदारामार्फत सफाई कामगारांचे थकीत वेतन व किमान वेतनाचा फरक वसूल करण्याबाबत तसेच याप्रकरणी दोषींवर कारवाई करण्याची शिफारस आयोगामार्फत सहायक कामगार आयुक्त नाशिक तसेच संचालक नगरपरिषद संचालनालय मुंबई व अप्पर मुख्य सचिव नगरविकास विभाग मंत्रालय मुंबई यांच्याकडे करण्यात येईल, असे आश्वासन यावेळी कामगारांना देण्यात आले.

Mahendra kantubhai Gujrathi

Local News Reporter चांदवड, नाशिक, महाराष्ट्र•

1 hr ago

सफाई कामगारांवरील अन्यायाविरोधात राज्य सफाई कर्मचारी आयोगाकडे निवेदन; चौकशी करुन दोषींवर कारवाईसाठी शिफारशीचे उपाध्यक्ष मुकेश सारवान यांचे आश्वासन चांदवड नगरपरिषद हद्दीत गेल्या पाच वर्षांपासून स्वच्छता व घनकचरा व्यवस्थापनाचे काम करणार्‍या सफाई कामगार व महिला मजुरांचे प्रश्न व समस्यांबाबत महाराष्ट्र राज्य सफाई कर्मचारी आयोग मुंबईचे उपाध्यक्ष मुकेश सारवान यांनी गुरुवारी सफाई कर्मचार्‍यांसमवेत येथील तहसील कार्यालयात आढावा बैठक घेतली. यावेळी सफाई कामगारांनी ठेकेदाकडून अन्याय होत असल्याचा आरोप करत निवेदन सादर केले. आयोगाचे उपाध्यक्ष सारवान यांनी या प्रकरणाची उच्चस्तरीय चौकशी करुन संबंधीत ठेकेदारामार्फत सफाई कामगारांचे थकीत वेतन व किमान वेतनाचा फरक वसूल करण्याबरोबरच दोषींवर कारवाई करण्याबाबत संबंधीत विभागाकडे शिफारस करण्याचे आश्वासन कर्मचार्‍यांना दिले. या बैठकीस उपाध्यक्ष सारवान

यांचे स्वीय सहाय्यक राजेश सोनवणे, नगराध्यक्ष वैभव बागूल, मुख्याधिकारी दिनेश सिनारे, शिवसेना गटनेते तथा नगरसेवक संदिप उगले व सफाई कामगार उपस्थित होते. यावेळी शिवसेना गटनेते तथा नगरसेवक संदिप उगले यांच्या मार्गदर्शनाखाली सफाई कामगारांनी आयोगाचे उपाध्यक्ष मुकेश सारवान यांच्याकडे ठेकेदारामार्फत सफाई कामगारांचे होत असलेल्या आर्थिक व श्रमिक शोषणाबाबतच्या समस्यांचे निवेदन सादर केले. त्यानुसार याबाबत उच्चस्तरीय चौकशी करुन संबंधीत ठेकेदारामार्फत सफाई कामगारांचे थकीत वेतन व किमान वेतनाचा फरक वसूल करण्याबाबत तसेच याप्रकरणी दोषींवर कारवाई करण्याची शिफारस आयोगामार्फत सहायक कामगार आयुक्त नाशिक तसेच संचालक नगरपरिषद संचालनालय मुंबई व अप्पर मुख्य सचिव नगरविकास विभाग मंत्रालय मुंबई यांच्याकडे करण्यात येईल, असे आश्वासन यावेळी कामगारांना देण्यात आले.