राज्यातील जनतेच्या आरोग्याशी खेळणाऱ्या भ्रामक औषध जाहिराती आणि मिसब्रँडेड औषधांविरोधात अन्न व औषध प्रशासनाने (FDA) मोठी मोहीम हाती घेतली आहे. नवीन FDA आयुक्त तुकाराम मुंढे यांच्या निर्देशानुसार, औषध व जादुई उपचार (आक्षेपार्ह जाहिराती) अधिनियम, १९५४ अंतर्गत मुंबई, कोकण, पुणे, नाशिक, नागपूर, अमरावती आणि छत्रपती संभाजीनगर या सात विभागांमधील १२ आयुर्वेदिक औषध विक्री आस्थापनांवर एकाचवेळी धाडी टाकण्यात आल्या. या कारवाईत तब्बल ७३ लाख २४ हजार ६५६ रुपयांचा औषधसाठा जप्त करण्यात आला आहे. तपासादरम्यान, अनेक आयुर्वेदिक औषधांच्या जाहिरातींमध्ये गंभीर आजारांवर हमखास उपचार, चमत्कारिक परिणाम आणि दिशाभूल करणारे दावे आढळून आले. अशा उत्पादनांचा मोठा साठा जप्त करून संबंधितांवर कायदेशीर कारवाई सुरू करण्यात आली आहे. FDA आयुक्त तुकाराम मुंढे यांनी स्पष्ट इशारा दिला आहे की, जनतेच्या आरोग्याशी खेळ करणाऱ्या कोणत्याही व्यक्तीला किंवा आस्थापनेला प्रशासन कोणतीही सवलत देणार नाही. भ्रामक जाहिराती, अवैध औषध उत्पादन आणि विक्रीविरोधातील कारवाई अधिक कठोर व सातत्यपूर्ण राहील असेही त्यांनी नमूद केले. दरम्यान, FDA ने नागरिकांना आवाहन केले आहे की, केवळ जाहिरातींवर विश्वास ठेवून स्वतःहून औषधोपचार करू नयेत. संशयास्पद औषधे, भ्रामक जाहिराती किंवा अवैध विक्रीबाबत तात्काळ प्रशासनाला माहिती द्यावी, असेही या आवाहनात म्हटले आहे.

महेश झेंडे (संपादक)

Local News Reporter इंदापूर, पुणे, महाराष्ट्र•

11 hrs ago

राज्यातील जनतेच्या आरोग्याशी खेळणाऱ्या भ्रामक औषध जाहिराती आणि मिसब्रँडेड औषधांविरोधात अन्न व औषध प्रशासनाने (FDA) मोठी मोहीम हाती घेतली आहे. नवीन FDA आयुक्त तुकाराम मुंढे यांच्या निर्देशानुसार, औषध व जादुई उपचार (आक्षेपार्ह जाहिराती) अधिनियम, १९५४ अंतर्गत मुंबई, कोकण, पुणे, नाशिक, नागपूर, अमरावती आणि छत्रपती संभाजीनगर या सात विभागांमधील १२ आयुर्वेदिक औषध विक्री आस्थापनांवर एकाचवेळी धाडी टाकण्यात आल्या. या कारवाईत तब्बल ७३ लाख २४ हजार ६५६ रुपयांचा औषधसाठा जप्त करण्यात आला आहे. तपासादरम्यान, अनेक आयुर्वेदिक औषधांच्या जाहिरातींमध्ये गंभीर आजारांवर हमखास उपचार, चमत्कारिक परिणाम आणि दिशाभूल करणारे दावे आढळून

आले. अशा उत्पादनांचा मोठा साठा जप्त करून संबंधितांवर कायदेशीर कारवाई सुरू करण्यात आली आहे. FDA आयुक्त तुकाराम मुंढे यांनी स्पष्ट इशारा दिला आहे की, जनतेच्या आरोग्याशी खेळ करणाऱ्या कोणत्याही व्यक्तीला किंवा आस्थापनेला प्रशासन कोणतीही सवलत देणार नाही. भ्रामक जाहिराती, अवैध औषध उत्पादन आणि विक्रीविरोधातील कारवाई अधिक कठोर व सातत्यपूर्ण राहील असेही त्यांनी नमूद केले. दरम्यान, FDA ने नागरिकांना आवाहन केले आहे की, केवळ जाहिरातींवर विश्वास ठेवून स्वतःहून औषधोपचार करू नयेत. संशयास्पद औषधे, भ्रामक जाहिराती किंवा अवैध विक्रीबाबत तात्काळ प्रशासनाला माहिती द्यावी, असेही या आवाहनात म्हटले आहे.