સાબરકાંઠા જિલ્લામાં 'રક્તદાન મહાદાન'નો અભિગમ વેગવંતો બન્યો,બેરણા ખાતે યોજાયેલ રક્તદાન કેમ્પમાં ૭૧ યુનિટ રક્ત એકત્ર તાલુકાના બેરણા ખાતે સ્વૈચ્છિક રક્તદાન કેમ્પનું સફળ આયોજન કરવામાં આવ્યું હતું, જેમાં ગ્રામજનોએ અનેરો ઉત્સાહ દાખવી કુલ ૭૧ યુનિટ રક્તનું દાન કર્યું હતું. આ કેમ્પ પ્રાથમિક આરોગ્ય કેન્દ્ર દેસાસણ, જી.એમ.એ.આર.એસ. મેડિકલ કોલેજ હિંમતનગર અને જાયન્ટ્સ સહિયર હિંમતનગરના સંયુક્ત સહયોગથી યોજાયો હતો. જિલ્લા વિકાસ અધિકારી શ્રી હર્ષદ વોરાની સૂચના અને મુખ્ય જિલ્લા આરોગ્ય અધિકારી ડો. રાજ સુતરીયાના માર્ગદર્શન હેઠળ જિલ્લામાં “સેફ બ્લડ એન્ડ બ્લડ કોમ્પોનન્ટ થેરાપી”ને મજબૂત બનાવવાના ઉમદા હેતુથી આ પ્રવૃત્તિ હાથ ધરવામાં આવી છે.જિલ્લામાં રક્તની ઉપલબ્ધતા વધારવા માટે આરોગ્ય વિભાગ દ્વારા સતત પ્રયાસો કરવામાં આવી રહ્યા છે. જે અંતર્ગત એપ્રિલ-૨૦૨૫ થી જાન્યુઆરી-૨૦૨૬ સુધીના સમયગાળામાં કુલ ૪૧૩ રક્તદાન કેમ્પો દ્વારા ૧૩,૬૦૯ યુનિટ રક્ત સંગ્રહિત કરવામાં આવ્યું છે. આ વ્યવસ્થા દ્વારા ખાસ કરીને માતા-શિશુ આરોગ્ય, ગંભીર બીમારીઓનું સંચાલન અને તાત્કાલિક સારવારની સેવાઓને વધુ અસરકારક બનાવવામાં આવી રહી છે.બેરણા ખાતેના આ કાર્યક્રમમાં જિલ્લા વિકાસ અધિકારી શ્રી હર્ષદ વોરા, મુખ્ય જિલ્લા આરોગ્ય અધિકારી ડો. રાજ સુતરીયા, જિલ્લા મેલેરિયા અધિકારી ડો. પ્રવીણ અસારી, તાલુકા આરોગ્ય અધિકારી ડો. રાજેશ પટેલ, મેડિકલ ઓફિસર ડો. કશ્યપ સહિત સ્થાનિક સરપંચશ્રી, અગ્રણીઓ અને આરોગ્ય કર્મચારીઓ ઉપસ્થિત રહ્યા હતા. મહાનુભાવોએ રક્તદાતાઓના ઉત્સાહને બિરદાવી રક્તદાનના મહત્વ વિશે સમજ આપી હતી.

રીપોર્ટર ધ્રુવ માળી

Local News Reporter ઇડર, સાબરકાંઠા, ગુજરાત•

2 hrs ago

સાબરકાંઠા જિલ્લામાં 'રક્તદાન મહાદાન'નો અભિગમ વેગવંતો બન્યો,બેરણા ખાતે યોજાયેલ રક્તદાન કેમ્પમાં ૭૧ યુનિટ રક્ત એકત્ર તાલુકાના બેરણા ખાતે સ્વૈચ્છિક રક્તદાન કેમ્પનું સફળ આયોજન કરવામાં આવ્યું હતું, જેમાં ગ્રામજનોએ અનેરો ઉત્સાહ દાખવી કુલ ૭૧ યુનિટ રક્તનું દાન કર્યું હતું. આ કેમ્પ પ્રાથમિક આરોગ્ય કેન્દ્ર દેસાસણ, જી.એમ.એ.આર.એસ. મેડિકલ કોલેજ હિંમતનગર અને જાયન્ટ્સ સહિયર હિંમતનગરના સંયુક્ત સહયોગથી યોજાયો હતો. જિલ્લા વિકાસ અધિકારી શ્રી હર્ષદ વોરાની સૂચના અને મુખ્ય જિલ્લા આરોગ્ય અધિકારી ડો. રાજ સુતરીયાના માર્ગદર્શન હેઠળ જિલ્લામાં “સેફ બ્લડ એન્ડ બ્લડ કોમ્પોનન્ટ થેરાપી”ને મજબૂત બનાવવાના ઉમદા હેતુથી આ પ્રવૃત્તિ હાથ ધરવામાં આવી છે.જિલ્લામાં રક્તની ઉપલબ્ધતા વધારવા માટે આરોગ્ય વિભાગ દ્વારા સતત પ્રયાસો કરવામાં આવી રહ્યા છે. જે અંતર્ગત એપ્રિલ-૨૦૨૫ થી જાન્યુઆરી-૨૦૨૬ સુધીના સમયગાળામાં કુલ ૪૧૩ રક્તદાન કેમ્પો દ્વારા ૧૩,૬૦૯ યુનિટ રક્ત સંગ્રહિત કરવામાં આવ્યું છે. આ વ્યવસ્થા દ્વારા ખાસ કરીને માતા-શિશુ આરોગ્ય, ગંભીર બીમારીઓનું સંચાલન અને તાત્કાલિક સારવારની સેવાઓને વધુ અસરકારક બનાવવામાં આવી રહી છે.બેરણા ખાતેના આ કાર્યક્રમમાં જિલ્લા વિકાસ અધિકારી શ્રી હર્ષદ વોરા, મુખ્ય જિલ્લા આરોગ્ય અધિકારી ડો. રાજ સુતરીયા, જિલ્લા મેલેરિયા અધિકારી ડો. પ્રવીણ અસારી, તાલુકા આરોગ્ય અધિકારી ડો. રાજેશ પટેલ, મેડિકલ ઓફિસર ડો. કશ્યપ સહિત સ્થાનિક સરપંચશ્રી, અગ્રણીઓ અને આરોગ્ય કર્મચારીઓ ઉપસ્થિત રહ્યા હતા. મહાનુભાવોએ રક્તદાતાઓના ઉત્સાહને બિરદાવી રક્તદાનના મહત્વ વિશે સમજ આપી હતી.