70 കഴിഞ്ഞ കർഷകർക്ക് നെല്ലിന്റെ പണം കിട്ടാൻ ബാങ്ക് നിബന്ധന; എസ്ബിഐക്കെതിരെ പ്രതിഷേധം ആലത്തൂർ: സംഭരിച്ച നെല്ലിന്റെ വില ലഭിക്കാൻ ബാങ്കിന്റെ പുതിയ നിബന്ധനകൾ പാലിക്കണമെന്ന ആവശ്യത്തെ തുടർന്ന് 70 വയസ്സ് കഴിഞ്ഞ കർഷകർക്ക് ബുദ്ധിമുട്ട്. എസ്ബിഐയുടെ നടപടിക്കെതിരെ കർഷകസംഘത്തിന്റെ നേതൃത്വത്തിൽ ബാങ്കിൽ പ്രതിഷേധം. സംഭരിച്ച നെല്ലിന്റെ പണം ലഭിക്കുന്നതിനായി എസ്ബിഐ ശാഖയിലെത്തിയ 70 വയസ്സ് കഴിഞ്ഞ കർഷകരോടാണ് കുടുംബത്തിലെ 70 വയസ്സ് പൂർത്തിയാകാത്തതും ബാങ്ക് അക്കൗണ്ടുള്ളതുമായ ഒരാൾ ജാമ്യം നിൽക്കണമെന്ന നിബന്ധന മുന്നോട്ടുവച്ചത്. ഇതിന് പുറമെ ആശ്രിതന്റെ പേരിൽ പുതിയ അപേക്ഷ നൽകുകയും അപേക്ഷ മുംബൈയിലെ ഹെഡ്ക്വാർട്ടേഴ്സിൽ സമർപ്പിച്ച് അനുമതി ലഭിച്ചതിന് ശേഷമേ തുക അനുവദിക്കൂ എന്നും ബാങ്ക് അധികൃതർ അറിയിച്ചതായി കർഷകർ പറയുന്നു. പുതിയ വായ്പാ നടപടിയുടെ ഭാഗമായി കർഷകന്റെയും ജാമ്യം നിൽക്കുന്ന ആശ്രിതന്റെയും സിബിൽ സ്കോറിൽ വായ്പ രേഖപ്പെടുത്തുമെന്നും അറിയിച്ചതായാണ് ആരോപണം. നടപടികൾ പൂർത്തിയാകാൻ ഒരു മാസത്തോളം സമയമെടുക്കുമെന്നത് ഓണം അടുത്തിരിക്കെ കർഷകരെ കൂടുതൽ ആശങ്കയിലാക്കി. പണം ലഭിക്കാതെ കർഷകർ ബാങ്കിൽനിന്ന് മടങ്ങേണ്ടിവന്നതിനെ തുടർന്ന് കർഷകസംഘം ജില്ലാ പ്രസിഡന്റ് കെ.ഡി. പ്രസേനൻ, എക്സിക്യൂട്ടീവ് അംഗം സി. സുരേഷ്ബാബു എന്നിവരുടെ നേതൃത്വത്തിൽ പ്രവർത്തകർ ബാങ്കിലെത്തി പ്രതിഷേധിച്ചു. തുടർന്ന് ബാങ്ക് മാനേജരുമായി ചർച്ച നടത്തി. കൺസോർഷ്യം ഉടമ്പടിയിൽ വ്യക്തമാക്കിയിട്ടില്ലാത്ത നിബന്ധനകൾ കർഷകരുടെ മേൽ അടിച്ചേൽപ്പിക്കുന്നത് അംഗീകരിക്കാനാകില്ലെന്ന് കർഷകസംഘം നേതാക്കൾ പറഞ്ഞു. മറ്റു ബാങ്കുകളിൽ ഇല്ലാത്ത തരത്തിലുള്ള നടപടികളിലൂടെ കർഷകരെ ബുദ്ധിമുട്ടിക്കരുതെന്നും അവർ ആവശ്യപ്പെട്ടു. പ്രതിഷേധത്തെ തുടർന്ന് ബാങ്കിലെത്തിയ കർഷകർക്ക് പരസ്പര ജാമ്യത്തിന്റെ അടിസ്ഥാനത്തിൽ സംഭരണവില നൽകാൻ ബാങ്ക് നടപടി സ്വീകരിച്ചു. ഓണത്തിന് മുമ്പ് കർഷകർക്ക് നെല്ലിന്റെ സംഭരണവില നൽകുമെന്ന് സപ്ലൈകോ വ്യക്തമാക്കിയിരുന്നെങ്കിലും ബാങ്കിന്റെ നടപടികൾ കാരണം പണം ലഭിക്കുന്നതിന് കാലതാമസം നേരിടുകയാണെന്ന് കർഷകസംഘം ആരോപിച്ചു. പ്രശ്നത്തിന് ശാശ്വത പരിഹാരം ഉണ്ടായില്ലെങ്കിൽ തുടർപ്രക്ഷോഭങ്ങൾ സംഘടിപ്പിക്കുമെന്നും കർഷകസംഘം ജില്ലാ പ്രസിഡന്റ് കെ.ഡി. പ്രസേനൻ അറിയിച്ചു.

Risban Mohamed

ആലത്തൂർ, പാലക്കാട്, കേരളം•

2 hrs ago

70 കഴിഞ്ഞ കർഷകർക്ക് നെല്ലിന്റെ പണം കിട്ടാൻ ബാങ്ക് നിബന്ധന; എസ്ബിഐക്കെതിരെ പ്രതിഷേധം ആലത്തൂർ: സംഭരിച്ച നെല്ലിന്റെ വില ലഭിക്കാൻ ബാങ്കിന്റെ പുതിയ നിബന്ധനകൾ പാലിക്കണമെന്ന ആവശ്യത്തെ തുടർന്ന് 70 വയസ്സ് കഴിഞ്ഞ കർഷകർക്ക് ബുദ്ധിമുട്ട്. എസ്ബിഐയുടെ നടപടിക്കെതിരെ കർഷകസംഘത്തിന്റെ നേതൃത്വത്തിൽ ബാങ്കിൽ പ്രതിഷേധം. സംഭരിച്ച നെല്ലിന്റെ പണം ലഭിക്കുന്നതിനായി എസ്ബിഐ ശാഖയിലെത്തിയ 70 വയസ്സ് കഴിഞ്ഞ കർഷകരോടാണ് കുടുംബത്തിലെ 70 വയസ്സ് പൂർത്തിയാകാത്തതും ബാങ്ക് അക്കൗണ്ടുള്ളതുമായ ഒരാൾ ജാമ്യം നിൽക്കണമെന്ന നിബന്ധന മുന്നോട്ടുവച്ചത്. ഇതിന് പുറമെ ആശ്രിതന്റെ പേരിൽ പുതിയ അപേക്ഷ നൽകുകയും അപേക്ഷ മുംബൈയിലെ ഹെഡ്ക്വാർട്ടേഴ്സിൽ സമർപ്പിച്ച് അനുമതി ലഭിച്ചതിന് ശേഷമേ തുക അനുവദിക്കൂ എന്നും ബാങ്ക് അധികൃതർ അറിയിച്ചതായി കർഷകർ പറയുന്നു. പുതിയ വായ്പാ നടപടിയുടെ ഭാഗമായി കർഷകന്റെയും ജാമ്യം നിൽക്കുന്ന ആശ്രിതന്റെയും സിബിൽ സ്കോറിൽ വായ്പ രേഖപ്പെടുത്തുമെന്നും അറിയിച്ചതായാണ് ആരോപണം. നടപടികൾ പൂർത്തിയാകാൻ ഒരു മാസത്തോളം സമയമെടുക്കുമെന്നത് ഓണം അടുത്തിരിക്കെ കർഷകരെ കൂടുതൽ ആശങ്കയിലാക്കി. പണം ലഭിക്കാതെ കർഷകർ ബാങ്കിൽനിന്ന് മടങ്ങേണ്ടിവന്നതിനെ തുടർന്ന് കർഷകസംഘം ജില്ലാ പ്രസിഡന്റ് കെ.ഡി. പ്രസേനൻ, എക്സിക്യൂട്ടീവ് അംഗം സി. സുരേഷ്ബാബു എന്നിവരുടെ നേതൃത്വത്തിൽ പ്രവർത്തകർ ബാങ്കിലെത്തി പ്രതിഷേധിച്ചു. തുടർന്ന് ബാങ്ക് മാനേജരുമായി ചർച്ച നടത്തി. കൺസോർഷ്യം ഉടമ്പടിയിൽ വ്യക്തമാക്കിയിട്ടില്ലാത്ത നിബന്ധനകൾ കർഷകരുടെ മേൽ അടിച്ചേൽപ്പിക്കുന്നത് അംഗീകരിക്കാനാകില്ലെന്ന് കർഷകസംഘം നേതാക്കൾ പറഞ്ഞു. മറ്റു ബാങ്കുകളിൽ ഇല്ലാത്ത തരത്തിലുള്ള നടപടികളിലൂടെ കർഷകരെ ബുദ്ധിമുട്ടിക്കരുതെന്നും അവർ ആവശ്യപ്പെട്ടു. പ്രതിഷേധത്തെ തുടർന്ന് ബാങ്കിലെത്തിയ കർഷകർക്ക് പരസ്പര ജാമ്യത്തിന്റെ അടിസ്ഥാനത്തിൽ സംഭരണവില നൽകാൻ ബാങ്ക് നടപടി സ്വീകരിച്ചു. ഓണത്തിന് മുമ്പ് കർഷകർക്ക് നെല്ലിന്റെ സംഭരണവില നൽകുമെന്ന് സപ്ലൈകോ വ്യക്തമാക്കിയിരുന്നെങ്കിലും ബാങ്കിന്റെ നടപടികൾ കാരണം പണം ലഭിക്കുന്നതിന് കാലതാമസം നേരിടുകയാണെന്ന് കർഷകസംഘം ആരോപിച്ചു. പ്രശ്നത്തിന് ശാശ്വത പരിഹാരം ഉണ്ടായില്ലെങ്കിൽ തുടർപ്രക്ഷോഭങ്ങൾ സംഘടിപ്പിക്കുമെന്നും കർഷകസംഘം ജില്ലാ പ്രസിഡന്റ് കെ.ഡി. പ്രസേനൻ അറിയിച്ചു.