कर्जतमध्ये मेंढपाळांना मारहाण करण्यात आल्याचा प्रकार समोर आला आहे. या घटनेच्या पार्श्वभूमीवर लक्ष्मण हाके यांनी कर्जतमधून थेट इशारा दिला आहे.

कर्जतमध्ये मेंढपाळांना मारहाण करण्यात आल्याचा प्रकार समोर आला आहे. या घटनेच्या पार्श्वभूमीवर लक्ष्मण हाके यांनी कर्जतमधून थेट इशारा दिला आहे.

ओबीसी नेते लक्ष्मण हाके यांनी थेट इशारा देत स्पष्ट केले आहे की, जर आमच्यावर अन्याय होत असेल तर आम्हाला हातात कुऱ्हाड घ्यावी लागेल.

आता या देशावर 'इंग्रज तरी बरे होते' असे म्हणण्याची वेळ आली आहे, असे वक्तव्य प्रा. लक्ष्मण हाके यांनी केले आहे. साप्ताहिक समृद्ध कर्जतचे राशीन प्रतिनिधी जावेद काझी यांनी हे वृत्त दिले आहे.

केंद्रीय शिक्षण मंत्री धर्मेंद्र प्रधान यांच्या राजीनाम्यानंतर बारामतीमध्ये मेलोडी वाटून जोरदार जल्लोष साजरा करण्यात आला आहे. शिक्षण मंत्र्यांच्या राजीनाम्याच्या निर्णयानंतर बारामतीत लोकांनी मेलोडी वाटून आपला आनंद व्यक्त केला.

मावळ तालुक्यातील एका कार्यक्रमादरम्यान अजितदादांवरील निस्सीम प्रेमाचा एक अत्यंत भावूक क्षण पाहायला मिळाला. व्यासपीठावर अनेक मान्यवर उपस्थित असताना, एका आजींनी अजितदादांच्या प्रतिमेवर अतिशय प्रेमाने हात फिरवत त्यांना अभिवादन केले. या माऊलीच्या निःशब्द प्रेमाने आणि आदराने तिथे उपस्थित असलेल्या उपस्थितांच्या डोळ्यांत पाणी आणले. हा संपूर्ण प्रसंग उपस्थितांच्या मनात कायमचा घर करून गेला असून या अत्यंत भावूक क्षणाचा व्हिडिओ समोर आला आहे.

महसूल मंत्री चंद्रशेखर बावनकुळे यांच्या कडून मतदारांसाठी मतदारयादीसंदर्भात विशेष आवाहन करण्यात आले आहे.

शिरूर शहरातील वजू खाना येथे बांधकाम व अनुषंगिक कामांसाठी सुमारे ३५ लाख रुपयांच्या निधीचा विचार करण्यात आला होता. काल या ठिकाणी प्रत्यक्ष भेट देऊन झालेल्या विकासकामांची पाहणी करण्यात आली. या महत्त्वपूर्ण कामासाठी निधी उपलब्ध करून दिल्याबद्दल मुस्लिम बांधवांनी भेट घेऊन अभिनंदन केले. या पाहणीच्या वेळी माजी खासदार शिवाजीराव आढळराव पाटील, भाजपा अल्पसंख्याकचे अध्यक्ष हुसैन भाई शाह, शिवसेनेचे शहर अध्यक्ष मयूरजी थोरात आणि राहुलजी पाचरने उपस्थित होते. याशिवाय अल मदद बैतूलमाल कमिटी अध्यक्ष हाजी फिरोज भाई बागवान, ह्यूमन राइट तालुका अध्यक्ष शाबान भाई शाह, पत्रकार धुमाळ सर, घावटे सर, लोकनायक पत्रकार तनवीर भाई शाह, मकानदार समीर शेख, उमर खान, नजीर शाह व समीर शाह यांच्यासह अधिक लोक उपस्थित होते.

बारामती-पाटस मार्गावरील उंडवडी टोलनाक्यापुढे आज झालेल्या रस्ते अपघातात एक व्यक्ती जखमी झाली. अपघात घडला त्याच वेळी पुण्याकडे निघालेले युवा नेते जय पवार घटनास्थळावरून जात होते. अपघात पाहताच त्यांनी आपला ताफा तात्काळ थांबवला. जय पवार यांनी जखमी व्यक्तीची विचारपूस केली आणि त्याला तातडीने वैद्यकीय उपचार मिळावेत यासाठी तत्परतेने मदत केली. त्यांनी स्वतःच्या स्वीय सहाय्यकाला जखमीसोबत पाठवून उपचाराची संपूर्ण व्यवस्था करण्याच्या सूचना दिल्या.