नागपूर विभागातील आयटीआय निदेशकांचा भव्य विभागीय मेळावा रविवार, ३१ मे रोजी सकाळी १० वाजता नागपूर शहरातील श्रद्धानंद पेठ येथील मुंडले पब्लिक स्कूल परिसरात, शासकीय आयटीआय समोर आयोजित करण्यात आला आहे. महाराष्ट्र राज्य आयटीआय निदेशक संघटना, नागपूर विभागातर्फे आयोजित या मेळाव्यात विभागातील सर्व सहा जिल्ह्यांमधील आयटीआय निदेशक मोठ्या संख्येने सहभागी होणार आहेत. या मेळाव्याचे उद्घाटन शिक्षक आमदार सुधाकर अडबाले यांच्या हस्ते होणार असून, पदवीधर आमदार अभिजीत वंजारी प्रमुख अतिथी म्हणून उपस्थित राहणार आहेत. कार्यक्रमाच्या अध्यक्षस्थानी संघटनेचे माजी सरचिटणीस भोजराज काळे असतील, तर व्यवसाय शिक्षण व प्रशिक्षण विभागाचे सहसंचालक पुरुषोत्तम देवतळे यांच्यासह इतर मान्यवरही उपस्थित राहतील. संघटनेने दिलेल्या माहितीनुसार, नागपूर विभागात सध्या ७८ शासकीय आयटीआय कार्यरत असून, राज्यभरात शासनाच्या एकूण ४१९ आयटीआय संस्था सुरू आहेत. कौशल्य विकासाला राष्ट्रीय स्तरावर मिळत असलेले महत्त्व आणि औद्योगिक क्षेत्रातील वाढती मागणी पाहता, कुशल मनुष्यबळ निर्मितीसाठी आयटीआय संस्थांची भूमिका अत्यंत महत्त्वाची असल्याचे संघटनेने नमूद केले आहे. या मेळाव्यात आयटीआय शिक्षक व निदेशकांच्या विविध समस्या, प्रलंबित मागण्या, हक्क आणि जबाबदाऱ्या यावर सविस्तर चर्चा केली जाईल. तसेच, व्यवसाय शिक्षण विभागाशी संबंधित अनेक विषयांवर विचारमंथन होणार आहे. शिक्षक व कर्मचाऱ्यांचे प्रश्न सातत्याने संचालनालय, मंत्रालय आणि शासन स्तरावर मांडले जात असून, या मेळाव्यात पुढील कृतीची दिशा ठरवली जाईल. शिक्षक आमदार सुधाकर अडबाले यांचे मार्गदर्शन आणि पदवीधर आमदार अभिजीत वंजारी यांचे संबोधन ऐकण्यासाठी निदेशकांमध्ये विशेष उत्सुकता असल्याचे संघटनेने सांगितले. विभाग संपर्कप्रमुख तथा राज्य सहचिटणीस शिवाजी ढुमणे, राज्य सदस्य साहेबराव गूडधे, विभागीय अध्यक्ष प्रेमानंद भैसारे आणि जिल्हाध्यक्ष जयंत टालाटुले यांनी सर्व निदेशकांना मोठ्या संख्येने उपस्थित राहण्याचे आवाहन केले आहे.

राहुल पाटील (मराठीचे शिलेदार)

Co-ed school हिंगणा, नागपूर, महाराष्ट्र•

1 hr ago

नागपूर विभागातील आयटीआय निदेशकांचा भव्य विभागीय मेळावा रविवार, ३१ मे रोजी सकाळी १० वाजता नागपूर शहरातील श्रद्धानंद पेठ येथील मुंडले पब्लिक स्कूल परिसरात, शासकीय आयटीआय समोर आयोजित करण्यात आला आहे. महाराष्ट्र राज्य आयटीआय निदेशक संघटना, नागपूर विभागातर्फे आयोजित या मेळाव्यात विभागातील सर्व सहा जिल्ह्यांमधील आयटीआय निदेशक मोठ्या संख्येने सहभागी होणार आहेत. या मेळाव्याचे उद्घाटन शिक्षक आमदार सुधाकर अडबाले यांच्या हस्ते होणार असून, पदवीधर आमदार अभिजीत वंजारी प्रमुख अतिथी म्हणून उपस्थित राहणार आहेत. कार्यक्रमाच्या अध्यक्षस्थानी संघटनेचे माजी सरचिटणीस भोजराज काळे असतील, तर व्यवसाय शिक्षण व प्रशिक्षण विभागाचे सहसंचालक पुरुषोत्तम देवतळे यांच्यासह इतर मान्यवरही उपस्थित राहतील. संघटनेने दिलेल्या माहितीनुसार, नागपूर विभागात सध्या ७८ शासकीय आयटीआय कार्यरत असून, राज्यभरात शासनाच्या एकूण ४१९ आयटीआय संस्था सुरू आहेत. कौशल्य विकासाला राष्ट्रीय स्तरावर मिळत असलेले महत्त्व आणि औद्योगिक क्षेत्रातील वाढती मागणी पाहता, कुशल मनुष्यबळ निर्मितीसाठी आयटीआय संस्थांची भूमिका अत्यंत महत्त्वाची असल्याचे संघटनेने नमूद केले आहे. या मेळाव्यात आयटीआय शिक्षक व निदेशकांच्या विविध समस्या, प्रलंबित मागण्या, हक्क आणि जबाबदाऱ्या यावर सविस्तर चर्चा केली जाईल. तसेच, व्यवसाय शिक्षण विभागाशी संबंधित अनेक विषयांवर विचारमंथन होणार आहे. शिक्षक व कर्मचाऱ्यांचे प्रश्न सातत्याने संचालनालय, मंत्रालय आणि शासन स्तरावर मांडले जात असून, या मेळाव्यात पुढील कृतीची दिशा ठरवली जाईल. शिक्षक आमदार सुधाकर अडबाले यांचे मार्गदर्शन आणि पदवीधर आमदार अभिजीत वंजारी यांचे संबोधन ऐकण्यासाठी निदेशकांमध्ये विशेष उत्सुकता असल्याचे संघटनेने सांगितले. विभाग संपर्कप्रमुख तथा राज्य सहचिटणीस शिवाजी ढुमणे, राज्य सदस्य साहेबराव गूडधे, विभागीय अध्यक्ष प्रेमानंद भैसारे आणि जिल्हाध्यक्ष जयंत टालाटुले यांनी सर्व निदेशकांना मोठ्या संख्येने उपस्थित राहण्याचे आवाहन केले आहे.