ଜମନକିରା ବ୍ଲକ ଅଧୀନସ୍ଥ ଫାସିମାଲ ଗ୍ରାମ ପଞ୍ଚାୟତ ଅଞ୍ଚଳର ଜନୈକ ନାବାଳିକାକୁ ଗତ ୨ ତାରିଖରୁ ଅପହରଣ କରାଯାଇଥିବା ନେଇ ପରିବାର ଲୋକେ ଜମନକିରା ଥାନାରେ ଅଭିଯୋଗ କରିଥିଲେ। ଏହି ଅଭିଯୋଗ ଆଧାରରେ ଜମନକିରା ପୋଲିସ ତଦନ୍ତ ଜାରି ରଖିଥିଲା। ଆଜି ମହୁଲପାଳି ଥାନା ଅନ୍ତର୍ଗତ ଲଇଗୁରା ଗ୍ରାମରୁ ନାବାଳିକାକୁ ଉଦ୍ଧାର କରାଯାଇଛି। ନାବାଳିକାର ବୟାନ ଅନୁସାରେ, ଅଭିଯୁକ୍ତ ଗୋପାଳ ପେଣ୍ଠେଇ ତାକୁ ଅନିଚ୍ଛା ସତ୍ତ୍ୱେ ଅପହରଣ କରି ଗତ ୨ ତାରିଖରୁ ଦୁଷ୍କର୍ମ କରିଆସୁଥିଲା। ଅପହରଣ ପରେ ଯୁବକ ଜଣକ ନାବାଳିକା ସହିତ ଶାରୀରିକ ସମ୍ପର୍କ ରଖୁଥିଲା। ପରିବାର ଲୋକଙ୍କ ଅଭିଯୋଗ କ୍ରମେ ପୋଲିସ ଅଭିଯୁକ୍ତ ଗୋପାଳ ପେଣ୍ଠେଇକୁ ଗିରଫ କରିବା ପରେ ତା' ବିରୋଧରେ ପସ୍କୋ ଏକ୍ଟ-୨୦୧୨ ଅନୁଯାୟୀ ମାମଲା ରୁଜୁ କରି କୋର୍ଟଚାଲାଣ କରିଛି।

ଜମନକିରା ବ୍ଲକ ଅଧୀନସ୍ଥ ଫାସିମାଲ ଗ୍ରାମ ପଞ୍ଚାୟତ ଅଞ୍ଚଳର ଜନୈକ ନାବାଳିକାକୁ ଗତ ୨ ତାରିଖରୁ ଅପହରଣ କରାଯାଇଥିବା ନେଇ ପରିବାର ଲୋକେ ଜମନକିରା ଥାନାରେ ଅଭିଯୋଗ କରିଥିଲେ। ଏହି ଅଭିଯୋଗ ଆଧାରରେ ଜମନକିରା ପୋଲିସ ତଦନ୍ତ ଜାରି ରଖିଥିଲା। ଆଜି ମହୁଲପାଳି ଥାନା ଅନ୍ତର୍ଗତ ଲଇଗୁରା ଗ୍ରାମରୁ ନାବାଳିକାକୁ ଉଦ୍ଧାର କରାଯାଇଛି। ନାବାଳିକାର ବୟାନ ଅନୁସାରେ, ଅଭିଯୁକ୍ତ ଗୋପାଳ ପେଣ୍ଠେଇ ତାକୁ ଅନିଚ୍ଛା ସତ୍ତ୍ୱେ ଅପହରଣ କରି ଗତ ୨ ତାରିଖରୁ ଦୁଷ୍କର୍ମ କରିଆସୁଥିଲା। ଅପହରଣ ପରେ ଯୁବକ ଜଣକ ନାବାଳିକା ସହିତ ଶାରୀରିକ ସମ୍ପର୍କ ରଖୁଥିଲା। ପରିବାର ଲୋକଙ୍କ ଅଭିଯୋଗ କ୍ରମେ ପୋଲିସ ଅଭିଯୁକ୍ତ ଗୋପାଳ ପେଣ୍ଠେଇକୁ ଗିରଫ କରିବା ପରେ ତା' ବିରୋଧରେ ପସ୍କୋ ଏକ୍ଟ-୨୦୧୨ ଅନୁଯାୟୀ ମାମଲା ରୁଜୁ କରି କୋର୍ଟଚାଲାଣ କରିଛି।

ସମ୍ବଲପୁର ଜିଲ୍ଲାର କୁଚିଣ୍ଡାସ୍ଥିତ ଜରାବଗା ପଞ୍ଚାୟତ ଅଧୀନରେ ଥିବା ସର୍ଗିଡିହିରେ ମୁଣ୍ଡା ଆଦିବାସୀମାନଙ୍କ ଉତ୍ସବ ଅନୁଷ୍ଠିତ ହୋଇଛି।

ଆଡମିରାଲ କୃଷ୍ଣା ସ୍ୱାମୀନାଥନ ଦେଶର ନୂଆ ନୌସେନା ମୁଖ୍ୟ ଭାବେ ଦାୟିତ୍ୱ ଗ୍ରହଣ କରିଛନ୍ତି। ସେ ପୂର୍ବ ନୌସେନା ମୁଖ୍ୟ ଆଡମିରାଲ ଦିନେଶ ତ୍ରିପାଠୀଙ୍କ ଠାରୁ ଦାୟିତ୍ୱ ଗ୍ରହଣ କରିବା ପରେ ନ୍ୟାସନାଲ ୱାର୍ ମେମୋରିଆଲରେ ପୁଷ୍ପଚକ୍ର ଅର୍ପଣ କରିଛନ୍ତି।

ଆଜି ମଳ ପୂର୍ଣ୍ଣିମା ଅବସରରେ ଆକାଶରେ ଏକ ନୀଳ ଜହ୍ନ ଦେଖିବାକୁ ମିଳିଛି। ଏହି ବିରଳ ଦୃଶ୍ୟକୁ ନେଇ ଅଯୋଧ୍ୟାକୁ ଆସିଥିବା ପର୍ଯ୍ୟଟକମାନେ ନିଜ ନିଜ ପ୍ରତିକ୍ରିୟା ପ୍ରକାଶ କରିଛନ୍ତି।

କେନ୍ଦୁଝର ଜିଲ୍ଲାର ଯୋଡା ସହରରେ ଖାଦ୍ୟ ସୁରକ୍ଷାକୁ ନେଇ ଏକ ଚିନ୍ତାଜନକ ଘଟଣା ସାମ୍ନାକୁ ଆସିଛି। ସୋସିଆଲ ମିଡିଆରେ ଭାଇରାଲ୍ ହୋଇଥିବା ଏକ ଭିଡିଓରେ ରାସ୍ତାକଡ଼ରେ ପଡ଼ିଥିବା ପନିର୍‌କୁ ବୁଲା ଗାଈ, ଗୋରୁ ଓ ଷଣ୍ଡ ଖାଉଥିବା ଦୃଶ୍ୟ ଦେଖିବାକୁ ମିଳିଛି। ଏହି ଭିଡିଓକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ଓ ଚିନ୍ତା ପ୍ରକାଶ ପାଇଛି। ସୂଚନା ଅନୁଯାୟୀ, କଟକରୁ ରାତ୍ରୀକାଳୀନ ବସ୍‌ରେ ଅଖା ଭିତରେ ଆସୁଥିବା ପନିର୍‌କୁ ବସ୍ କର୍ମଚାରୀମାନେ ଯୋଡା ବସଷ୍ଟାଣ୍ଡ ନିକଟରେ ଏକ ଅପରିସ୍କାର ସ୍ଥାନରେ ରଖି ଚାଲିଯାଉଛନ୍ତି। ଏହି ପନିର୍ ଭୋର ୪ଟାରୁ ସକାଳ ୯ଟା ପର୍ଯ୍ୟନ୍ତ ସେଠାରେ ପଡ଼ି ରହୁଥିବା ବେଳେ ବୁଲା ପଶୁମାନେ ତାହାକୁ ଖାଉଥିବା ଅଭିଯୋଗ ହୋଇଛି। ସ୍ଥାନୀୟ ଲୋକଙ୍କ ଅଭିଯୋଗ ରହିଛି ଯେ, ପରେ ସେହି ପନିର୍‌କୁ ଦୋକାନୀମାନେ ନେଇ ବିକ୍ରି କରୁଛନ୍ତି। ଯଦିଓ ଏହି ଅଭିଯୋଗର ସ୍ୱାଧୀନ ସତ୍ୟତା ଯାଞ୍ଚ ହୋଇନାହିଁ, ତଥାପି ଭାଇରାଲ୍ ଭିଡିଓ ଲୋକଙ୍କ ମନରେ ଅନେକ ପ୍ରଶ୍ନ ସୃଷ୍ଟି କରିଛି। କିଛି ଦିନ ପୂର୍ବରୁ ଚମ୍ପୁଆ ବସଷ୍ଟାଣ୍ଡରେ ଜଣେ ଦହିବରା ବିକ୍ରେତା ଆଇଁଠା ଦହିବରା ବିକ୍ରି କରୁଥିବା ଭିଡିଓ ଭାଇରାଲ୍ ହୋଇ ଚର୍ଚ୍ଚାର ବିଷୟ ହୋଇଥିଲା। ସେହି ଘଟଣାର ଚର୍ଚ୍ଚା ଥମି ନଥିବା ବେଳେ ଯୋଡାର ଏହି ନୂଆ ଘଟଣା ଖାଦ୍ୟର ଗୁଣବତ୍ତା ଓ ସ୍ୱାସ୍ଥ୍ୟ ସୁରକ୍ଷାକୁ ନେଇ ପୁଣିଥରେ ପ୍ରଶ୍ନ ଉଠାଇଛି। ଏହି ଘଟଣାର ତଦନ୍ତ କରି ଆବଶ୍ୟକ ପଦକ୍ଷେପ ନେବା ସହିତ ଖାଦ୍ୟ ସାମଗ୍ରୀର ସୁରକ୍ଷିତ ପରିବହନ ଓ ସଂରକ୍ଷଣ ନିଶ୍ଚିତ କରିବାକୁ ସ୍ଥାନୀୟ ବାସିନ୍ଦାମାନେ ପୌରପାଳିକା ଓ ପ୍ରଶାସନ ନିକଟରେ ଦାବି କରିଛନ୍ତି।

ଢେଙ୍କାନାଳର ଭାଗୀରଥୀ ଆର୍ଟ ଆଣ୍ଡ କ୍ରାଫ୍ଟ ଅଡିଟୋରିୟମ୍‌ଠାରେ 31/05/2026 ରେ ଆୟୋଜିତ ଏକ ବ୍ୟବସାୟ ବିକାଶ ଓ ସମ୍ମାନ ସମାରୋହରେ ଇଣ୍ଡିଆ ପୋଷ୍ଟ ଓ ଇଣ୍ଡିଆ ପୋଷ୍ଟ ପେମେଣ୍ଟସ ବ୍ୟାଙ୍କ (IPPB) ମାଧ୍ୟମରେ ଉପଲବ୍ଧ ଆଦିତ୍ୟ ବିର୍ଲା ଗ୍ରୁପ୍ ପର୍ସନାଲ ଆକ୍ସିଡେଣ୍ଟ ଇନସ୍ୟୁରାନ୍ସ ପଲିସି ଅନ୍ତର୍ଗତ ଢେଙ୍କାନାଳ ଜିଲ୍ଲାର ଜଣେ ମୃତ ବୀମାଧାରୀ ଶ୍ରୀ ଜିତେନ୍ଦ୍ର ନାୟକଙ୍କ ପରିବାରକୁ 10 ଲକ୍ଷ ଟଙ୍କାର ଦୁର୍ଘଟଣାଜନିତ ମୃତ୍ୟୁ ବୀମା ରାଶି ପ୍ରଦାନ କରାଯାଇଛି। ଶ୍ରୀ ଜିତେନ୍ଦ୍ର ନାୟକ ଢେଙ୍କାନାଳ ଜିଲ୍ଲା ଅଦାଲତରେ କାର୍ଯ୍ୟରତ ଥିବାବେଳେ ଏକ ସଡ଼କ ଦୁର୍ଘଟଣାରେ ପ୍ରାଣ ହରାଇଥିଲେ। ସେ IPPB ମାଧ୍ୟମରେ ବାର୍ଷିକ ମାତ୍ର 549 ଟଙ୍କା ପ୍ରିମିୟମ ଦେଇ ଏହି ବୀମା ଯୋଜନାରେ ସାମିଲ ହୋଇଥିଲେ। ପଲିସି ଅନୁଯାୟୀ ତାଙ୍କର ନାମିତ ବ୍ୟକ୍ତି ଶ୍ରୀମତୀ ସୁରମଣି ନାୟକଙ୍କୁ ଏହି 10 ଲକ୍ଷ ଟଙ୍କାର ବୀମା ରାଶି ହସ୍ତାନ୍ତର କରାଯାଇଛି। ଏହି ସମାରୋହରେ ଢେଙ୍କାନାଳ ଡାକ ମଣ୍ଡଳ ଅଧୀକ୍ଷକ ଶ୍ରୀ ଜମେଶ୍ୱର ଗଡନାୟକ, ସହାୟକ ଡାକ ଅଧୀକ୍ଷକ ଶ୍ରୀ ମୁକୁନ୍ଦ ଗୋଠାଇତ, IPPB ଓଡ଼ିଶା ରାଜ୍ୟ ମୁଖ୍ୟ ଶ୍ରୀ ସୁଶାନ୍ତ କୁମାର ବେହେରା, IPPB ଢେଙ୍କାନାଳର ବରିଷ୍ଠ ପ୍ରବନ୍ଧକ ଶ୍ରୀ ପ୍ରଶାନ୍ତ ପଣ୍ଡା, IPPB ଅନୁଗୁଳର ବରିଷ୍ଠ ପ୍ରବନ୍ଧକ ଶ୍ରୀ କୁଠାଡ଼ି ଜ୍ଞାନେଶ୍ୱର, ଆଦିତ୍ୟ ବିର୍ଲା ହେଲ୍ଥ ଇନସ୍ୟୁରାନ୍ସ ଓଡ଼ିଶା ମୁଖ୍ୟ ଶ୍ରୀ ସନ୍ତୋଷ କୁମାର ବେହେରା ଏବଂ ତାଙ୍କ ସହଯୋଗୀ ଶ୍ରୀ ସମୀର କୁମାର ମିଶ୍ର ପ୍ରମୁଖ ଉପସ୍ଥିତ ଥିଲେ। ଅତିଥିମାନେ ଏହି ଯୋଜନାର ଉପଯୋଗିତା ଉପରେ ମତ ଦେଇ କହିଥିଲେ ଯେ, ଏହି ଦୁର୍ଘଟଣା ବୀମା ଯୋଜନା ଅତ୍ୟନ୍ତ କମ୍ ପ୍ରିମିୟମରେ ଅପ୍ରତ୍ୟାଶିତ ବିପଦ ସମୟରେ ପରିବାରକୁ ଆର୍ଥିକ ସୁରକ୍ଷା ପ୍ରଦାନ କରିଥାଏ। ସେମାନେ ଏହାକୁ ସାଧାରଣ ଲୋକଙ୍କ ପାଇଁ ଏକ ଉପଯୋଗୀ ଓ ଭରସାଯୋଗ୍ୟ ବୀମା ଯୋଜନା ବୋଲି ବର୍ଣ୍ଣନା କରିଥିଲେ। ଏହି ଯୋଜନାରେ ଦୁର୍ଘଟଣାଜନିତ ମୃତ୍ୟୁ କଭରେଜ୍ ବ୍ୟତୀତ ଦୁର୍ଘଟଣା ପରେ ହସ୍ପିଟାଲରେ ଭର୍ତ୍ତି ପାଇଁ 1 ଲକ୍ଷ ଟଙ୍କା ପର୍ଯ୍ୟନ୍ତ ସହାୟତା, OPD ଚିକିତ୍ସା ପାଇଁ 30,000 ଟଙ୍କା ପର୍ଯ୍ୟନ୍ତ ସୁବିଧା ଏବଂ ସନ୍ତାନଙ୍କ ଶିକ୍ଷା ପାଇଁ ଚାଇଲ୍ଡ ଏଜୁକେସନ ବେନିଫିଟ୍ ଭାବେ 1 ଲକ୍ଷ ଟଙ୍କା ପର୍ଯ୍ୟନ୍ତ ସହାୟତା ଉପଲବ୍ଧ ରହିଛି। ଏହି ଯୋଜନାର ସୁବିଧା ପାଇବା ପାଇଁ ଇଚ୍ଛୁକ ବ୍ୟକ୍ତିମାନେ ନିଜ ନିକଟସ୍ଥ ଡାକଘର କିମ୍ବା ଇଣ୍ଡିଆ ପୋଷ୍ଟ ପେମେଣ୍ଟସ ବ୍ୟାଙ୍କ ସେବା କେନ୍ଦ୍ର ସହ ଯୋଗାଯୋଗ କରିପାରିବେ। ଏହି ବୀମା ଯୋଜନାରେ ସାମିଲ ହେବା ପାଇଁ ବୟସ ସୀମା 18ରୁ 65 ବର୍ଷ ମଧ୍ୟରେ ହେବା ଆବଶ୍ୟକ। ଡାକ ବିଭାଗ ଓ IPPB ପକ୍ଷରୁ ଅଧିକରୁ ଅଧିକ ଲୋକଙ୍କୁ ଏହି ସୁଲଭ ଓ ଲାଭଦାୟକ ବୀମା ଯୋଜନାର ସୁବିଧା ନେବାକୁ ଆହ୍ୱାନ କରାଯାଇଛି।

ବରଗଡ଼ ଜିଲ୍ଲାର ନାଗେନପାଲିରେ ଥିବା ଶ୍ରୀକୃଷ୍ଣ ଚୈତନ୍ୟା ଆଶ୍ରମ ରାଧା କୃଷ୍ଣ ମନ୍ଦିରରେ ପ୍ରତିମାସ ପୂର୍ଣ୍ଣିମା ଏବଂ ସଂକ୍ରାନ୍ତିରେ ଅଷ୍ଟପ୍ରହରୀ ନାମ ସଂକୀର୍ତ୍ତନ ଆୟୋଜିତ ହୋଇଥାଏ। ସକାଳ ୬ଟାରୁ ଆରମ୍ଭ ହୋଇ ପରବର୍ତ୍ତୀ ଦିନ ସକାଳ ୬ଟା ପର୍ଯ୍ୟନ୍ତ ଏହି ନାମ ସଂକୀର୍ତ୍ତନ ଚାଲିଥାଏ, ଯେଉଁଥିରେ ବରଗଡ଼ ତଥା ଆଖପାଖ ଅଞ୍ଚଳରୁ ଶହ ଶହ ପୁରୁଷ ଓ ମହିଳା ଶ୍ରଦ୍ଧାଳୁ ଯୋଗଦାନ କରି ଭଗବାନଙ୍କ ନାମରେ ମଜ୍ଜି ଯାଇଥାନ୍ତି। ସୂଚନାଯୋଗ୍ୟ ଯେ, ଏହି ଅନୁଷ୍ଠାନର ପୂର୍ବତନ ମୁଖ୍ୟ ସନ୍ଥ ଶିରୋମଣି ସଚ୍ଚିଦାନନ୍ଦ ଦାସ ମହାରାଜଙ୍କ ସ୍ୱର୍ଗବାସ ପରେ ବର୍ତ୍ତମାନର ମହନ୍ତ ଶ୍ରୀ ପରମାନନ୍ଦ ଦାସ ମହାରାଜ ଭଗବାନଙ୍କ ସେବା ଓ ପୂଜା ସହିତ ସମସ୍ତ ଦାୟିତ୍ୱକୁ ଅତ୍ୟନ୍ତ ଶୃଙ୍ଖଳିତ ଭାବେ ପରିଚାଳନା କରିଛନ୍ତି। ଏହି କାର୍ଯ୍ୟ ପାଇଁ ସେ ଭକ୍ତମାନଙ୍କର ସ୍ନେହ ଓ ପ୍ରଶଂସାର ପାତ୍ର ହୋଇପାରିଛନ୍ତି।

କୁଚିଣ୍ଡା ଉପଖଣ୍ଡରେ ପ୍ରେମ, ବିବାହର ପ୍ରତିଶ୍ରୁତି, ଶାରୀରିକ ସମ୍ପର୍କ ଏବଂ ଶେଷରେ ଧୋକାକୁ ନେଇ ଚର୍ଚ୍ଚା ଜୋର ଧରିଛି। ବିବାହର ପ୍ରତିଶ୍ରୁତି ଦେଇ ଜଣେ ଯୁବତୀଙ୍କ ସହ ଶାରୀରିକ ସମ୍ପର୍କ ରଖିବା ପରେ ସେ ୬ ମାସର ଗର୍ଭବତୀ ହୋଇଥିବା ବେଳେ ଯୁବକ ଜଣକ ବିବାହ କରିବାକୁ ମନା କରି ଦେଇଛନ୍ତି। ଏହି ଅଭିଯୋଗ ଆଧାରରେ ପୋଲିସ ସମ୍ପୃକ୍ତ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛି। ସୂଚନା ଅନୁଯାୟୀ, ମହୁଲପାଲି ଥାନା ଅନ୍ତର୍ଗତ ବାବୁମାଲଟି ଗ୍ରାମର ନରେନ୍ଦ୍ର ପରୁଆ ଏବଂ ଜମନକିରା ଥାନା ଅନ୍ତର୍ଗତ ନୁଆଡ଼ିହି ଗ୍ରାମର ଜଣେ ଯୁବତୀଙ୍କ ମଧ୍ୟରେ ୨୦୨୩ ମସିହାରୁ ପ୍ରେମ ସମ୍ପର୍କ ଗଢ଼ି ଉଠିଥିଲା। ଯୁବତୀଙ୍କ ଅଭିଯୋଗ ଅନୁସାରେ, ନରେନ୍ଦ୍ର ତାଙ୍କୁ ବିବାହ କରିବାର ପ୍ରତିଶ୍ରୁତି ଦେଇ ଦୀର୍ଘଦିନ ଧରି ଶାରୀରିକ ସମ୍ପର୍କ ରଖି ଆସୁଥିଲେ, ଯାହା ଫଳରେ ଯୁବତୀ ବର୍ତ୍ତମାନ ୬ ମାସର ଗର୍ଭବତୀ ହୋଇଛନ୍ତି। ଗର୍ଭବତୀ ହେବା ପରେ ଯୁବତୀ ବିବାହ ପାଇଁ କହିବାରୁ ନରେନ୍ଦ୍ର ତାହାକୁ ପ୍ରତ୍ୟାଖ୍ୟାନ କରିଥିଲେ। ଏହାପରେ ଯୁବତୀ ଜମନକିରା ଥାନାରେ ଏକ ଲିଖିତ ଅଭିଯୋଗ ଦାଖଲ କରିଥିଲେ। ଅଭିଯୋଗକୁ ଭିତ୍ତି କରି ଜମନକିରା ପୋଲିସ ତଦନ୍ତ ଆରମ୍ଭ କରି ଅଭିଯୁକ୍ତ ନରେନ୍ଦ୍ର ପରୁଆଙ୍କୁ ଗିରଫ କରିଥିଲା ଏବଂ ଡାକ୍ତରୀ ପରୀକ୍ଷା ପରେ ତାଙ୍କୁ କୋର୍ଟ ଚାଲାଣ କରାଯାଇଛି।