Shuru
Apke Nagar Ki App…
জাৰ্ণেলিষ্ট ইউনিয়ন অফ আছাম, তিনিচুকীয়া জিলা সমিতিৰ এখন কাৰ্যনিৰ্বাহক সভা মাকুম প্ৰেছ ক্লাৱত অনুষ্ঠিত হৈছে। এই সভাত জিলা সমিতিৰ ষষ্ঠ বাৰ্ষিক প্ৰতিষ্ঠা দিৱস আৰু সাধাৰণ সভা আয়োজনৰ সিদ্ধান্ত গ্ৰহণ কৰা হৈছে। অহা ২৫ জুলাইত জাগুনত এই অনুষ্ঠান অনুষ্ঠিত হ'ব। অনুষ্ঠানত "স্তম্ভ" শীৰ্ষক এখন মুখপত্ৰ প্ৰকাশ কৰাৰ প্ৰস্তাৱো গ্ৰহণ কৰা হৈছে, যাৰ সম্পাদক হিচাপে পাপুল গগৈয়ে দায়িত্ব পালন কৰিব। এই প্ৰতিষ্ঠা দিৱসৰ কাৰ্যসূচীত সাংস্কৃতিক অনুষ্ঠান, আলোচনা সভা আৰু সম্বৰ্ধনা অনুষ্ঠান অনুষ্ঠিত হ'ব। ইয়াৰ লগতে জিলাভিত্তিক বিভিন্ন প্ৰতিযোগিতাও আয়োজন কৰা হ'ব বুলি জানিব পৰা গৈছে। জিলা সমিতিখনৰ হৈ সভাপতি অখিল চন্দ্ৰ বৰুৱাই সমূহ ৰাইজৰ সহায় সহযোগিতা কামনা কৰিছে।
জেৰিণা আৰ হাজৰিকা
জাৰ্ণেলিষ্ট ইউনিয়ন অফ আছাম, তিনিচুকীয়া জিলা সমিতিৰ এখন কাৰ্যনিৰ্বাহক সভা মাকুম প্ৰেছ ক্লাৱত অনুষ্ঠিত হৈছে। এই সভাত জিলা সমিতিৰ ষষ্ঠ বাৰ্ষিক প্ৰতিষ্ঠা দিৱস আৰু সাধাৰণ সভা আয়োজনৰ সিদ্ধান্ত গ্ৰহণ কৰা হৈছে। অহা ২৫ জুলাইত জাগুনত এই অনুষ্ঠান অনুষ্ঠিত হ'ব। অনুষ্ঠানত "স্তম্ভ" শীৰ্ষক এখন মুখপত্ৰ প্ৰকাশ কৰাৰ প্ৰস্তাৱো গ্ৰহণ কৰা হৈছে, যাৰ সম্পাদক হিচাপে পাপুল গগৈয়ে দায়িত্ব পালন কৰিব। এই প্ৰতিষ্ঠা দিৱসৰ কাৰ্যসূচীত সাংস্কৃতিক অনুষ্ঠান, আলোচনা সভা আৰু সম্বৰ্ধনা অনুষ্ঠান অনুষ্ঠিত হ'ব। ইয়াৰ লগতে জিলাভিত্তিক বিভিন্ন প্ৰতিযোগিতাও আয়োজন কৰা হ'ব বুলি জানিব পৰা গৈছে। জিলা সমিতিখনৰ হৈ সভাপতি অখিল চন্দ্ৰ বৰুৱাই সমূহ ৰাইজৰ সহায় সহযোগিতা কামনা কৰিছে।
More news from অসম and nearby areas
- দুলীয়াজানৰ নাওহলীয়া অঞ্চলৰ 'নাওহলীয়া ডি-এডিচন কাম ৰিহেবিলিটেচন চেণ্টাৰ'ত সংঘটিত ১৮ বছৰীয়া অমন সোণাৰৰ হত্যাকাণ্ডৰ ন্যায় বিচাৰি আজি দুলীয়াজানৰ ১৬ নম্বৰ তিনিআলিত তীব্ৰ প্ৰতিবাদ সাব্যস্ত কৰা হয়। যোৱা ১৯ জুনত সংঘটিত হোৱা এই হত্যাকাণ্ডৰ পাঁচ দিন উকলি যোৱাৰ পিছতো মূল অভিযুক্ত তথা নিচামুক্তি কেন্দ্ৰটোৰ স্বত্বাধিকাৰী সন্তোষ লিম্বুক আৰক্ষীয়ে কৰায়ত্ত কৰিব নোৱাৰাত এই প্ৰতিবাদ আৰম্ভ হৈছিল। সদৌ অসম গোৰ্খা ছাত্ৰ সন্থা আৰু গোৰ্খা নাৰী পৰিষদৰ দুলীয়াজান আঞ্চলিক সমিতিৰ উদ্যোগত এই প্ৰতিবাদ কাৰ্যসূচী ৰূপায়ণ কৰা হৈছিল। প্ৰতিবাদকাৰীসকলে পথ অৱৰোধ কৰি 'অমন সোণাৰৰ হত্যাক গ্ৰেপ্তাৰ কৰক', 'হত্যাকাৰীক ফাঁচী দিয়ক', আৰু 'আমাক ন্যায় লাগিবই' আদি শ্লোগানেৰে পৰিৱেশ উত্তাল কৰি তোলে। পিছত, জিলা দণ্ডাধীশৰ উপস্থিতিত প্ৰতিবাদস্থলীত এক আলোচনা অনুষ্ঠিত হোৱাৰ পিছতেই প্ৰতিবাদকাৰীসকলে পথ অৱৰোধ প্ৰত্যাহাৰ কৰে।1RAJIB Gogoi
- অল ইণ্ডিয়া জাৰ্নেলিষ্ট ইউনিয়নে এক বঁটা প্ৰদান অনুষ্ঠানৰ আয়োজন কৰে, য'ত বহু সংখ্যক ব্যক্তিক সন্মানিত কৰা হয়। এই অনুষ্ঠানত নিউজ লাইভৰ সাংবাদিক প্ৰাঞ্জল গগৈকো বঁটা প্ৰদান কৰা হয়। তেওঁৰ লগতে সমাজৰ হকে কাম কৰি অহা আন বহু ব্যক্তিকো এই বিশেষ বঁটাৰে বিভূষিত কৰা হয়।1Pranjal Gogoi
- শিৱসাগৰ আৰু চৰাইদেউ জিলাৰ সীমাৰ, লগতে দুয়োখন জিলাৰ জনসাধাৰণৰ বাবে অতি প্ৰয়োজনীয় ব্যস্ততাপূৰ্ণ চেপন চূণপোৰা পথত ঠিকাদাৰৰ দায়িত্বহীনতা আৰু গাফিলতিৰ ফলত দৈনিক দুৰ্ঘটনা সংঘটিত হৈ আহিছে। পথটোৰ চাইভ বাম নিৰ্মাণৰ দায়িত্ব পোৱা ঠিকাদাৰ প্ৰতিষ্ঠানৰ বিৰুদ্ধে গুৰুত্বপূৰ্ণ অভিযোগ উত্থাপন হৈছে যে তেওঁলোকে পথ নিৰ্মাণৰ সমান্তৰালভাৱে পথৰ কাষৰ চাইড বামবোৰ দকৈ খান্দি দীৰ্ঘদিন ধৰি পেলাই থৈছে। ইয়াৰ ফলত বৰষুণৰ পানী জমা হৈ চাইড বামত সোমাই দৈনিক দুৰ্ঘটনা সংঘটিত হৈছে। ঠিকাদাৰৰ এই গাফিলতিৰ বাবে স্থানীয় ৰাইজৰ লগতে আটাছু সৰৱ হৈ পৰিছে। তেওঁলোকে প্ৰশাসনক উপযুক্ত ব্যৱস্থা গ্ৰহণৰ আহ্বান জনাইছে আৰু আটাছুৱে অতি শীঘ্ৰেই চেপন চূণপোৰা পথৰ কাম সম্পূৰ্ণ কৰাৰ দাবী উত্থাপন কৰিছে।1Charaideo news
- অসমীয়া যুৱ মঞ্চ আৰু অসমীয়া মহিলা মঞ্চই আমগুৰিৰ হালোৱাটিং অঞ্চলৰ বিভিন্ন স্থানত অবৈধ ড্ৰাগছৰ অবাধ প্ৰচলন, সুৰাৰ ৰমৰমীয়া বেহা আৰু অবৈধ গৰুৰ চোৰাং সৰবৰাহৰ বিৰুদ্ধে তীব্ৰ প্ৰতিবাদ সাব্যস্ত কৰিছে। সংগঠন দুটাৰ মতে, ড্ৰাগছৰ কবলত পৰি উঠি অহা যুৱ প্ৰজন্ম ধ্বংসৰ দিশে গতি কৰিছে। ইয়াৰ উপৰি, অঞ্চলটোত দিনে-নিশাই অবৈধ সুৰাৰ বেহা আৰু গৰুৰ চোৰাং সৰবৰাহ চলি আছে। হালোৱাটিং অঞ্চলত এনে ঘটনা দৈনিক বৃদ্ধি পোৱাত প্ৰতিবাদকাৰীসকলে চৰকাৰ আৰু স্থানীয় প্ৰশাসনক এই অবৈধ কাৰ্যকলাপ বন্ধ কৰিবলৈ দাবী জনাইছে। এই প্ৰতিবাদী কাৰ্যসূচীত সংগঠন দুটাৰ অৰ্ধশতাধিক নেতা-কৰ্মীয়ে হালোৱাটিং নগৰত অংশগ্ৰহণ কৰি এক উত্তাল পৰিৱেশ সৃষ্টি কৰে। প্ৰতিবাদকাৰীসকলে হাতে হাতে প্লে-কাৰ্ড লৈ ড্ৰাগছ ব্যৱসায়ী আৰু চৰকাৰক কৰ ফাঁকি দি চোৰাং বেহা চলোৱা চক্ৰৰ বিৰুদ্ধে বিভিন্ন শ্ল'গানেৰে গগণ ফালি তোলে। তেওঁলোকে হুংকাৰ দিছে যে যদি অতি সোনকালে হালোৱাটিং অঞ্চলত ড্ৰাগছ, অবৈধ সুৰা আৰু গৰুৰ চোৰাং চিণ্ডিকেট সম্পূৰ্ণৰূপে বন্ধ কৰা নহয়, তেন্তে অনাগত দিনত ইয়াতকৈও তীব্ৰ গণ-আন্দোলন গঢ়ি তোলা হ'ব।1News
- চিত্ৰ শিল্পী মাৰ্শ্বেল বৰুৱাৰ আত্মগোপনক কেন্দ্ৰ কৰি শিৱসাগৰৰ বিধায়ক তথা ‘ৰাইজৰ দল’ৰ সভাপতি অখিল গগৈয়ে চৰকাৰক তীব্ৰ ভাষাৰে আক্ৰমণ কৰিছে। সংবাদ মাধ্যমৰ আগত এক বিস্ফোৰক মন্তব্য কৰি বিধায়ক গগৈয়ে স্পষ্ট কৰিছে যে মাৰ্শ্বেল বৰুৱা বৰ্তমান পলাই আছে। ইয়াৰোপৰি, তেওঁ চৰকাৰ আৰু প্ৰশাসনক একপ্ৰকাৰ প্ৰত্যাহ্বান জনাই হুংকাৰ দিছে যে যদিহে আৰক্ষীয়ে মাৰ্শ্বেল বৰুৱাক গ্ৰেপ্তাৰ কৰে, তেন্তে তেওঁ প্ৰতিবাদস্বৰূপে পোনপটীয়াকৈ মুখ্যমন্ত্ৰীৰ চৰকাৰী বাসগৃহত উপস্থিত হ’বগৈ। বিধায়কগৰাকীৰ এই মন্তব্যই ৰাজ্যৰ ৰাজনৈতিক মহলত তীব্ৰ চাঞ্চল্যৰ সৃষ্টি কৰিছে।1Farid Ali.
- উমৰাংছ’স্থিত খান্দং বান্ধৰ ৭খন গেট পুনৰ খুলি দিয়া হৈছে। অতিৰিক্ত পানী মোকলাই দিয়াৰ বাবেই বান্ধটোৰ গেটসমূহ খোলা হয়। বান্ধৰ গেটসমূহ খুলি দিয়াৰ ফলত কপিলী নৈৰ পানী যথেষ্ট বৃদ্ধি পাইছে। ইয়াৰ পৰিপ্ৰেক্ষিতত প্ৰশাসনে নামনিৰ ৰাইজক সতৰ্ক কৰি দিছে।1Shyam Jadhav
- দুলীয়াজান আৰু নাহৰকটীয়া সংযোগী একমাত্ৰ প্ৰথমখন উৰণীয়া সেঁতুক লৈ দুলীয়াজানৰ স্থানীয় ৰাইজে গভীৰ ইতিবাচক মনোভাৱ প্ৰকাশ কৰিছে। অঞ্চলটোৰ ৰাইজে এই উৰণীয়া সেঁতুখনৰ বাবে ধন্যবাদ জ্ঞাপন কৰিছে।1RAJIB Gogoi
- ৰাজ্যত চাৰিবছৰীয়া স্নাতক পাঠ্যক্ৰম (FYUGP) ৰূপায়ণক কেন্দ্ৰ কৰি সৃষ্টি হোৱা অচলাৱস্থা সন্দৰ্ভত আজি শিক্ষামন্ত্ৰীৰ সৈতে সদৌ অসম ছাত্ৰ সন্থা (আছু)ৰ এক গুৰুত্বপূৰ্ণ বৈঠক অনুষ্ঠিত হয়। এই বৈঠকৰ অন্তত 'আছু'ৰ নেতৃত্বই সংবাদ মাধ্যমৰ আগত নিজৰ প্ৰতিক্ৰিয়া ব্যক্ত কৰে। ছাত্ৰ সন্থাই অভিযোগ কৰিছে যে পৰ্যাপ্ত আন্তঃগাঁথনি আৰু শিক্ষক অবিহনে এই পাঠ্যক্ৰম আৰম্ভ কৰাৰ ফলত লাখ লাখ শিক্ষাৰ্থীয়ে চৰম বিভ্ৰাটৰ সন্মুখীন হ'বলগীয়া হৈছে। আলোচনাত 'আছু'ৱে কলেজসমূহৰ আন্তঃগাঁথনি উন্নয়ন আৰু খালী হৈ থকা অধ্যাপকৰ পদসমূহ শীঘ্ৰে পূৰণ কৰিবলৈ চৰকাৰক দাবী জনায়। শিক্ষামন্ত্ৰীগৰাকীয়ে এই সমস্যাসমূহ গুৰুত্বসহকাৰে লৈ অতি সোনকালে সমাধান কৰাৰ আশ্বাস প্ৰদান কৰে। ইয়াৰ প্ৰতি সঁহাৰি জনাই ছাত্ৰ সন্থাই স্পষ্ট কৰি দিয়ে যে যদি চৰকাৰে জৰুৰী পদক্ষেপ গ্ৰহণ নকৰে, তেন্তে ছাত্ৰ সমাজে এক তীব্ৰ আন্দোলন গঢ়ি তুলিব।1Farid Ali.
- মেঘালয়ত ধাৰাবাহিকভাৱে হৈ থকা প্ৰচণ্ড বৰষুণৰ ফলত শ্বিলং-ডাউকি পথত এক বৃহৎ ভূমিস্খলন হৈছে। পথৰ এক গুৰুত্বপূৰ্ণ অংশ সম্পূৰ্ণৰূপে খহি গহ্বৰত উটি গৈছে। এই পৰিস্থিতিৰ প্ৰতি লক্ষ্য ৰাখি স্থানীয় বাসিন্দা আৰু কৰ্তৃপক্ষই সকলো পৰ্যটক আৰু যাত্ৰীক বৰ্তমান ডাউকিৰ দিশে যাত্ৰা নকৰিবলৈ আহ্বান জনাইছে। বৰ্তমান সক্ৰিয় মৌচুমী বতৰৰ বাবে পথটো অত্যন্ত বিপদজনক হৈ আছে। সেয়ে, সকলোকে সুৰক্ষিত থাকিবলৈ আৰু নিজৰ ভ্ৰমণৰ পৰিকল্পনা সেই অনুসৰি সলনি কৰিবলৈ অনুৰোধ জনোৱা হৈছে।1Shyam Jadhav
