🙏 `श्री प्रेमानंद महाराज जी को जन्मदिन की कोटि-कोटि वंदनाएं` 🙏 हे गुरुदेव,आपके श्री मुख से निकले हर शब्द में भक्ति का अमृत बहता है,आपकी कृपा से ही जीवन में प्रेम, शांति और सच्चा मार्ग मिलता है। `ईश्वर से यही प्रार्थना है कि आप सदा स्वस्थ, प्रसन्न और दीर्घायु रहें,और हम सभी पर अपनी कृपा दृष्टि बनाए रखें।`

અધ્યક્ષ શંકરભાઇ ચૌધરી વાલ્મીકી સમાજની મહિલાઓ માટે વિધાનસભા સમય કઢ્યો

ગુજરાતમાં આરોગ્ય વ્યવસ્થાની કથળી ગયેલી પરિસ્થિતિ અંગે ભાજપના જ સુરતના ધારાસભ્યએ ગતરોજ વિધાનસભામાં પોતાની વેદના ઠાલવી હતી. 🔹વિકાસની મોટી મોટી વાતો અને વિકાસનો દુષ્પ્રચાર કરી લોકોને છેતરવાના કામો કરતી

વડગામ ગાયત્રી પરિવાર દ્વારા ચૈત્રી નવરાત્રી અનુષ્ઠાન નિમિત્તે ઘટસ્થાપના કરવામાં આવી.

વિજાપુર: હિંમતનગરથી વતન જતા દરમિયાન ઇક્કોમાં બેઠેલા અજાણ્યા ચોરોએ રૂ. ૫.૨૦ લાખના સોના-ચાંદીના દાગીના તથા રોકડની ચોરી મહેસાણા જિલ્લાના વિજાપુર પોલીસ સ્ટેશન હેઠળના વિસ્તારમાં એક અજાણ્યા ચોરોએ ઈકોમાં બેઠેલા પરિવારની નજર ચુકાવીને મોટા પ્રમાણમાં સોના-ચાંદીના દાગીના તથા રોકડ રકમની ચોરી કરી લીધી હતી. આ ઘટના ગત ૨૭ ડિસેમ્બર ૨૦૨૫ના રોજ બપોરના આશરે ૩ વાગ્યાના સુમારે હિંમતનગર મહેતાપુરા થી આનંદપુરા ચોકડી વચ્ચેના રસ્તા પર બની હતી. ફરિયાદીએ આજે (૧૭ માર્ચ ૨૦૨૬) આજરોજ આ ચોરોને રસ્તા પર ઓળખીને પોલીસને જાણ કરી હતી. ફરિયાદી સંદીપસિંહ નટવરસિંહ ચૌહાણ (ઉં. ૩૫) રહે. હિંમતનગર, મહેતાપુરા વિસ્તારે રહે છે અને તેઓ એક ખાનગી કંપનીમાં માર્કેટિંગની નોકરી કરે છે. તેઓ પત્ની તથા નાના દીકરા સાથે હિંમતનગરથી મૂળ વતન ગેરીતા (તા. વિજાપુર) જવા નીકળ્યા હતા. તેમણે પોતાના તથા પરિવારના સોના-ચાંદીના દાગીના એક થેલીમાં મૂકીને ઇક્કો ગાડીમાં મુસાફરી કરી હતી. ગાડીમાં તેઓ તથા પત્ની વચ્ચેની સીટ પર બેઠા હતા અને બે અજાણ્યા ઇસમો પણ બેઠા હતા. આનંદપુરા ચોકડી પાસે ઉતર્યા બાદ પ્રાઇવેટ વાહનથી વતન ગેરીતા પહોંચ્યા. બીજા દિવસે થેલી ખોલી તપાસ કરતાં દાગીના તથા રોકડ ગાયબ હોવાનું જણાયું. ચોરોએ નજર ચુકાવીને થેલીમાંથી સોનાના બુટ્ટી, ચુની, વિંટી, ઓમ, પેન્ડન્ટ તથા ચાંદીના છરા, વેટલા, કડા, લક્કી વગેરે ચોરી લીધા હતા. આ ઉપરાંત રોકડ રૂ. ૨૭,૦૦૦/- તથા બે બેંકના એ.ટી.એમ. કાર્ડ પણ ગુમ થયા હતા. કુલ નુકસાનીની રકમ રૂ. ૫,૨૦,૭૦૦/- આંકવામાં આવી છે. ફરિયાદીએ તે સમયે તાત્કાલિક ફરિયાદ ન કરી હતી, પરંતુ આજે રસ્તા પર ચોરોને ઓળખતા પોલીસને જાણ કરી અને તેમને સ્ટેશન ખાતે લાવીને ફરિયાદ નોંધાવી હતી. વિજાપુર પોલીસે ભારતીય નાગરિક સુરક્ષા સંહિતાની કલમ ૩૦૩(૨), ૫૪ હેઠળ ગુનો નોંધીને તપાસ શરૂ કરી છે. તપાસનો હવાલો પો.સબ.ઇન્સ્પેક્ટર રવિદસિંહ રાયસિંહ બારીયાને સોંપવામાં આવ્યો છે. પોલીસે આરોપીઓને ઝડપવા માટે તપાસ હાથ ધરી છે અને ફરિયાદીના પરિવારના સભ્યો તથા સાક્ષીઓના નિવેદન લેવાની પ્રક્રિયા ચાલુ છે.

રાજ્યના હવામાન વિભાગ દ્વારા કરવામાં આવેલી આગાહીના અનુસંધાનમાં ગુરુવારે મોડી રાત્રે ધ્રાંગધ્રા પંથકમાં અચાનક વાતાવરણમાં પલટો આવ્યો હતો. ભારે પવન સાથે વરસાદી ઝાપટા વરસતા ખેડૂતોના ખેતરમાં ઉભા પાકને ભારે નુકસાન પહોંચ્યું છે. મોડી રાત્રે આવેલા જોરદાર પવનના કારણે ખેતરમાં ઉભા પાક જમીનદોષ થયા હતા તેમજ અનેક જગ્યાએ પાક ખરી પડી ગયો હતો. ખાસ કરીને પાકના અંતિમ તબક્કામાં આ કુદરતી આફત આવતા ખેડૂતોને આર્થિક રીતે મોટું નુકસાન સહન કરવું પડ્યું છે. ખેડૂતોના જણાવ્યા અનુસાર, થોડા જ સમયના તોફાની પવન અને વરસાદે મહેનતનો પાક બરબાદ કરી નાખ્યો છે. આ ઘટનાના પગલે પંથકના ખેડૂતોમાં ચિંતા અને નિરાશા ફેલાઈ છે. સ્થાનિક ખેડૂતો દ્વારા નુકસાનનો પ્રાથમિક અંદાજ લેવા સરકાર સમક્ષ વહેલી તકે સહાય અને વળતર આપવાની માંગ ઉઠી રહી છે.

ચૈત્ર નવરાત્રીના પ્રથમ નોરતે ચોટીલા ખાતે ભક્તોનો ઘોડાપૂર | ચામુંડા માતાજીના દર્શનથી ભક્તિમય માહોલ

સરસ્વતી માધ્યમિક અને ઉ મા શાળા વડગામ ખાતે આનંદ મેળો યોજાયો.

ધ્રાંગધ્રા તાલુકાના નવલગઢ ગામના પ્રગતિશીલ ખેડૂત પ્રકાશભાઈ પટેલ અગાઉ વર્ષોથી ચાલી આવતી કપાસ અને ધાણા-ચણાની પરંપરાગત ખેતીન બદલે હવે આધુનિક ખેતી તરફ વળ્યા છે અને પોતાની ખેતી લાયક જમીનમાં ટેટી-તરબૂચના વાવેતર થકી લાખોની કમાણી કરી રહ્યા છે. નવલગઢ ગામના સામાન્ય ખેડૂત પ્રકાશભાઈ રતિલાલભાઈ પટેલ વર્ષોથી પરંપરાગત ખેતી કરતા હતા, જેમાં મોંઘા બિયારણ, ખાતર અને કાળી મજૂરી સામે માંડ ૧૦ મણનો ઉતારો આવતો હતો. આ આવકથી માત્ર ગુજરાન ચાલતું હતું. તેવામાં ખેડૂત પ્રકાશભાઈએ આધુનિક ખેતી પદ્ધતિ અપનાવવાનો વિચાર આવતા પોતાની ૪૫ વીઘા જમીનમાં તરબૂચ અને ૩૦ વીઘા જમીનમાં ટેટીનું સફળ વાવેતર કરીને આસપાસના ખેડૂતો માટે એક પ્રેરણારૂપ ઉદાહરણ પૂરું પાડ્યું છે. પ્રકાશભાઈની સફળતા પાછળ તેમની ગજબની કોઠાસૂઝ પણ રહેલી છે. તેમણે ૩૫ વીઘા જમીનમાં દાડમનો બગીચો બનાવ્યો છે. સામાન્ય રીતે દાડમનો પાક તૈયાર થતા લાંબો સમય લાગે છે, પરંતુ આ સમયગાળા દરમિયાન જમીન ખાલી રાખવાને બદલે તેમણે આંતરપાક તરીકે ટેટી અને તરબૂચનું વાવેતર કર્યું છે. આ પદ્ધતિથી જમીનનો એક પણ ઇંચ ભાગ વ્યર્થ જતો નથી. મુખ્ય પાક તૈયાર થાય તે પહેલાં જ ટૂંકા ગાળાના આ પાકો દ્વારા તેમને રોકડી આવક મળવા લાગે છે. આ ઉપરાંત તેઓ ટમેટા અને કાકડી જેવા શાકભાજીનું પણ વાવેતર કરી ખેતીને વિવિધતાસભર બનાવી રહ્યા છે. ખેતીમાં ગુણવત્તા જાળવવા માટે પ્રકાશભાઈ મલ્ચિંગ અને ગ્રો-કવર જેવી આધુનિક પદ્ધતિઓનો ઉપયોગ કરે છે. મલ્ચિંગથી પાણીની બચત થાય છે અને નિંદામણનો પ્રશ્ન ઉકેલાય છે, જ્યારે ગ્રો-કવર પાકને રોગ-જીવાત અને પ્રતિકૂળ હવામાનથી બચાવે છે. આ આધુનિક સાધનો અને પદ્ધતિઓ માટે રાજ્ય સરકારના બાગાયત વિભાગ તરફથી મળતી સબસિડીએ તેમનો આર્થિક બોજ હળવો કર્યો છે. તેમની ખેતપેદાશોની ગુણવત્તા એટલી શ્રેષ્ઠ હોય છે કે વેપારીઓ સામે ચાલીને ખેતરે આવીને માલ ખરીદે છે, જેનાથી ટ્રાન્સપોર્ટેશનનો ખર્ચ બચે છે અને વચેટિયામુક્ત સીધું વેચાણ શક્ય બને છે. પ્રકાશભાઈને ગત વર્ષે વીઘે અંદાજે રૂ. ૮૦,૦૦૦ સુધીનું મબલખ ઉત્પાદન મળ્યું હતું. આ વર્ષે પણ શિયાળુ અને ઉનાળુ પાક દ્વારા તેઓ લાખોની કમાણીની અપેક્ષા રાખી રહ્યા છે. તેમનું માનવું છે કે જો ખેડૂત જાગૃત બનીને વૈજ્ઞાનિક અભિગમ અપનાવે, તો ખેતી ક્યારેય ખોટનો ધંધો નથી, પરંતુ સોનાની લગડી સમાન બની શકે છે. ત્યારે નવલગઢ ગામના પ્રકાશભાઈ માત્ર એક સફળ ખેડૂત નહીં પણ આસપાસના વિસ્તારના ખેડૂતો માટે આદર્શ બની ગયા છે. જો ખેડૂત પરંપરાગત ઢબ છોડીને વૈજ્ઞાનિક અભિગમ અપનાવે, તો ખેતી ખરેખર સમૃદ્ધિનું દ્વાર ખોલી શકે છે.

લીંબડી પોલીસ સ્ટેશન ખાતે 20 માર્ચે યોજાશે સંવાદસેતુ નાયબ પોલીસ અધિક્ષક શ્રી એ આપી પ્રતિક્રિયા