ବୌଦ୍ଧ ଜିଲ୍ଲାପାଳ ବିଭୁତି ଭୁଷଣ ନାୟକ ଓ ହରଭଙ୍ଗା ଗୋଷ୍ଠୀ ଉନ୍ନୟନ ଅଧିକାରୀ ବିଜୟ କୁମାର ପ୍ରଧାନ ବାମଣ୍ଡା ସ୍ଥିତ ଆମ ଅଙ୍ଗନବାଡି କେନ୍ଦ୍ର ପରିଦର୍ଶନ କରିଛନ୍ତି | ଆଜି ଅଚାନକ ଗସ୍ତରେ ଯାଇ ଜିଲ୍ଲାପାଳ ଶ୍ରୀ ନାୟକ ଅଙ୍ଗନବାଡି କେନ୍ଦ୍ରରେ ପହଞ୍ଚି ଶିଶୁ ମାନଙ୍କ ସହ କଥା ହୋଇଥିଲେ |

ଜଙ୍ଗଲକୁ ନିଆଁ ଦାଉରୁ ସୁରକ୍ଷା ପାଇଁ ସଚେତନତା ସଭା l ବୌଦ୍ଧ ଜିଲ୍ଲାର ମାଧପୁର ବନାଞ୍ଚଳରେ ଜଙ୍ଗଲକୁ ନିଆଁ ଦାଉରୁ ସୁରକ୍ଷା କରିବା ନିମନ୍ତେ ଓଡିଶା ସରକାରଙ୍କ ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତନ ବିଭାଗ ପକ୍ଷରୁ ସଚେତନତା ସଭା ଅନୁଷ୍ଠିତ ହୋଇଯାଇଛି। ମାଧପୁର ରେଞ୍ଜଅଧିକାରୀ ଆସିକ କୁମାର ଡିଗାଲଙ୍କ ସଭାପତିତ୍ୱ ରେ ଆୟୋଜିତ ଏହି ସଚେତନତା ସଭାରେ ଅଞ୍ଚଳର ବହୁ ଜନସାଧାରଣ ଓ ବନ ସୁରକ୍ଷା ସହ ଜଡିତ ବ୍ୟକ୍ତିମାନେ ଉପସ୍ଥିତ ରହିଥିଲେ।ସଭାରେ ଗ୍ରୀଷ୍ମ ଋତୁ ଆରମ୍ଭ ସହିତ ଜଙ୍ଗଲରେ ନିଆଁ ଲାଗିବାର ଆଶଙ୍କା ବଢ଼ିଥାଏ ବୋଲି ବନ ବିଭାଗ ପକ୍ଷରୁ ଲୋକମାନଙ୍କୁ ସଚେତନ କରାଯାଇଥିଲା। ଜଙ୍ଗଲ ଆମ ପରିବେଶ, ଜଳବାୟୁ ସମତୁଳନ ଓ ବନ୍ୟପ୍ରାଣୀଙ୍କ ଜୀବନ ପାଇଁ ଅତ୍ୟନ୍ତ ଜରୁରୀ ଥିବାରୁ ଏହାକୁ ନିଆଁ ଦାଉରୁ ସୁରକ୍ଷା କରିବାରେ ସମସ୍ତଙ୍କ ସହଯୋଗ ଆବଶ୍ୟକ ବୋଲି ରେଞ୍ଜର ଡିଗାଲ ମତ ପ୍ରକାଶ କରିଥିଲେ। ଜଙ୍ଗଲରେ ଅବହେଳାବଶତଃ ନିଆଁ ନ ଲଗାଇବା, ଶୁଖିଲା ପତ୍ର କିମ୍ବା ଘାସକୁ ଅଗ୍ନି ସଂସ୍ପର୍ଶ ନ କରିବା ଏବଂ କୌଣସି ସ୍ଥାନରେ ନିଆଁ ଦେଖିଲେ ସତ୍ବରେ ବନ ବିଭାଗକୁ ସୂଚନା ଦେବାକୁ ଲୋକମାନଙ୍କୁ ଏସି ଏଫ ଆଶିଷ କହଁର ଅନୁରୋଧ କରିଥିଲେ l ଏହି କାର୍ଯ୍ୟକ୍ରମରେ ଏସି ଏଫ ଆଶିଷ କହଁର ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ଆଡଡେଣି ଗଡ଼ ପଞ୍ଚାୟତର ସରପଞ୍ଚ ଅଜିତ କୁମାର ପ୍ରଧାନ ଏବଂ ମାଧପୁର ରେଞ୍ଜରେ କାର୍ଯ୍ୟରତ ବନପାଳ ଅଭିମନ୍ୟୁ ମହାନ୍ତି, ଭକ୍ତ ବତ୍ସଳ ମଲ୍ଲିକ, ସୁମନ୍ତ ମଲ୍ଲିକ,ଫରେଷ୍ଟ ଗାର୍ଡ ଶରତ ନାଏକ, ସୀତାରାମ ବେହେରା, ମିଲି କିସ୍ପିଟା, ଗୀତା ଏକ୍କା, ବୀଣାପାଣି ଖଡୁଆ ସମେତ ସ୍କ୍ୱାର୍ଡ ଟିମ ଉପସ୍ଥିତ ରହିଥିଲେ। ସଭାରେ ଜଙ୍ଗଲ ସୁରକ୍ଷା ପାଇଁ ସମସ୍ତଙ୍କୁ ସଚେତନ ରହିବା ସହ ବନ ବିଭାଗକୁ ସହଯୋଗ କରିବାକୁ ଆହ୍ୱାନ କରାଯାଇଥିଲା।

ଆଜି ସନ୍ଧ୍ୟାରେ ମିଶନ ଶକ୍ତି ବିଭାଗ ଓ ଜ଼ିଲ୍ଲା ପ୍ରଶାସନ, ବୌଦ୍ଧଙ୍କ ମିଳିତ ଆନୁକୂଲ୍ୟରେ ଜ଼ିଲ୍ଲା ସ୍ତରୀୟ ସୁଭଦ୍ରା ଶକ୍ତି ମେଳାର ଷଷ୍ଠ ସନ୍ଧ୍ୟାର କାର୍ଯ୍ୟକ୍ରମ ଉଦଘାଟିତ ହୋଇଯାଇଛି l ଏହି ମେଳା ମାର୍ଚ୍ଚ 6 ତାରିଖ ଠାରୁ ଆରମ୍ଭ ହୋଇ 12 ମାର୍ଚ୍ଚ ପର୍ଯ୍ୟନ୍ତ କଚେରୀ ପଡିଆ ଠାରେ ଅନୁଷ୍ଠିତ ହେଉଛି l ଏହି ଉପଲକ୍ଷେ ମୋଟ 120 ଟି ଷ୍ଟଲ ଖୋଲା ଯାଇଛି l ଆଜିର ଷଷ୍ଠ ସନ୍ଧ୍ୟା କାର୍ଯ୍ୟକ୍ରମର ମୁଖ୍ୟ ଅତିଥି ଭାବେ ଯୋଗଦେଲେ ଜ଼ିଲ୍ଲାପାଳ ବିଭୁତି ଭୂଷଣ ନାୟକ

Post by Pitambar Sahu

Post by Sonepur news khulasa

ସୁବର୍ଣ୍ଣପୁର ଜିଲ୍ଲାରେ ଅଫିମ ଚାଷ l ଖବର ପାଇ ଏସପିଙ୍କ ନେତୃତ୍ୱରେ ଚଢ଼ାଉ କଲା ପୋଲିସ

ସୋନପୁର ଜିଲ୍ଲା ଉଲୁଣ୍ଡା ବ୍ଲକ ନାକଡେଇଁ ଗ୍ରାମର ଯୋଗଗୁରୁ ଡ. ହୃଷିକେଶ ଦେହେରି । ସେ ତାଙ୍କ ପ୍ରୟାସ ରେ ଅନେକ ଗ୍ରାମାଞ୍ଚଲ ମାନଙ୍କର ଛୋଟଵଡ ସମସ୍ତଙ୍କୁ ନେଇ ଯୋଗ ପ୍ରୟାସ ଜାରିରଖିଛନ୍ତି । ତାଙ୍କ ଯୋଗ ଅଭ୍ୟାସ ର କିଛି ଅଭୂଲା ସୃତି ।

ସୁବର୍ଣ୍ଣପୁର : ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଅନ୍ତର୍ଗତ ପଞ୍ଚମହଲା ଗ୍ରାମପଞ୍ଚାୟତରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା। ଜଣେ ଅସହାୟ ନିରୀହ ଦଳିତ ଯୋଗାଣ ସହାୟକ ଶ୍ରୀଯୁକ୍ତ ବିନୋଦ ଜଗଦଲା ଙ୍କୁ ଉଦ୍ଦେଶ୍ୟମୂଳକ ଭାବରେ ଜାତିଆଣ ଆକ୍ଷେପ କରି କର୍ତ୍ତବ୍ୟରୁ ଛଟେଇ କରିଛନ୍ତି ସ୍ଥାନୀୟ ସରପଞ୍ଚ ଅଶୋକ କୁମାର ପଣ୍ଡା। ହସ୍ତଗତ ସୂଚନା ଅନୁସାରେ ଶ୍ରୀଯୁକ୍ତ ବିନୋଦ ଜଗଦଲା ପଞ୍ଚମହଲା ଗ୍ରାମପଞ୍ଚାୟତ କାର୍ଯ୍ୟାଳୟରେ ଦୀର୍ଘ ୨୦ବର୍ଷରୁ ଉର୍ଦ୍ଧ୍ୱ ହେବ ସରକାର ଙ୍କ ଆଦେଶ ମୁତାବକ PDS ରେ ବଣ୍ଟନ ହେଉଥିବା ଚାଉଳ, ଗହମ, ତେଲ ଇତ୍ୟାଦି ସାମଗ୍ରୀ ସୂଚାରୁରୂପେ ବଣ୍ଟନ କରି ଆସୁଥିଲେ। ହେଲେ ବଡ଼ ଦୁଃଖର ବିଷୟ ସ୍ଥାନୀୟ ସରପଞ୍ଚ ଅଶୋକ କୁମାର ପଣ୍ଡା ଗ୍ରାମରେ ହେଉଥିବା ଗଣେଶ ପୂଜା କମିଟିକୁ ୨ କୁଇଣ୍ଟାଲ ଚାଉଳ ଓ କିରୋସିନ ଜାଳେଣି ୧୨ଲିଟର ଦେବାକୁ ବାଧ୍ୟ କରିଥିଲେ। ଯାହାଫଳରେ ଯୋଗାଣ ସହାୟକ ନିରୁପାୟ ହୋଇ ଗଣେଶ ପୂଜା କମିଟିକୁ ୨କୁଇଣ୍ଟାଲ ଚାଉଳ ଓ ୧୨ଲିଟର କିରୋସିନ ଜାଳେଣି ଚାନ୍ଦା ଆକାରରେ ଦେବାକୁ ବାଧ୍ୟ ହୋଇଥିଲେ। ପରିତାପର ବିଷୟ କିଛି ଦିନ ପରେ ଉପରିସ୍ଥ ବିଭାଗୀୟ ଅଧିକାରୀ ଆସି ଷ୍ଟକ ରୁମ ଚେକ କରିବାରୁ ଚାଉଳ ଓ କିରୋସିନ କମ ଥିବା ଦେଖିବାକୁ ପାଇଥିଲେ। ସରପଞ୍ଚ କୌଣସି ଲେଖା ନଦେଇ ମୌଖିକ ଭାବେ କହିଥିବାରୁ ଯୋଗାଣ ସହାୟକ ଙ୍କ ପାଖରେ କୌଣସି ପ୍ରମାଣ ନଥିବାରୁ ସଟ ହୋଇଥିବା ଚାଉଳ ଓ ତେଲ ତାଙ୍କ ଉପରେ ରିକଭରି କରି ତାଙ୍କୁ ଚାକିରୀରୁ ନିଲମ୍ବିତ କରିଦେଲେ। ନିରୀହ ଅସହାୟ ଯୋଗାଣ ସହାୟକ ପ୍ରଶାସନ ଙ୍କ ପାଖକୁ ଧାଇଁ ଧାଇଁ ନିରାସ ହେବା ପରେ ଶେଷରେ ମାନ୍ୟବର ଉଚ୍ଚ ନ୍ୟାୟାଳୟ ଙ୍କ ଆଶ୍ରୟ ନେଇ ନିର୍ଦ୍ଦୋଷ ପ୍ରମାଣିତ ହୋଇଥିଲେ।ମାନ୍ୟବର ସୁବର୍ଣ୍ଣପୁର ଜିଲ୍ଲାପାଳ ଙ୍କ ଠାରୁ ଆରମ୍ଭ କରି ବିଭାଗୀୟ ମହଲରେ ଥିବା ସମସ୍ତ ଅଧିକାରୀ ବିନୋଦଙ୍କୁ ନିର୍ଦ୍ଦୋଷ ପ୍ରମାଣ ପତ୍ର ଦେଇ ପୁନର୍ବାର ନିଯୁକ୍ତି ଦେବାପାଇଁ ଆଦେଶ ଦେଇଛନ୍ତି। ହେଲେ ଯୋଗାଣ ସହାୟକ ଗ୍ରାମପଞ୍ଚାୟତ ସରପଞ୍ଚ ଙ୍କ ପାଖକୁ ଧାଇଁ ଧାଇଁ ନିରାସ ହେବାରୁ ସରପଞ୍ଚ ଅଶୋକ ପଣ୍ଡା ଆଜି କାଲି କହି ଶେଷରେ ଯୋଗାଣ ସହାୟକ ଙ୍କୁ ଅଶ୍ଳୀଳ ଭାଷାରେ ଗାଳି ଗୁଲଜ କରିବା ସହିତ ଜାତିଆଣ ଆକ୍ଷେପ କରି ତୁ ଗଣ୍ଡା ଲୋକ ହୋଇଥିବାରୁ ମୁଁ ଅଶୋକ ପଣ୍ଡା ବଞ୍ଚିଥିବା ପର୍ଯ୍ୟନ୍ତ ତୋତେ ପଞ୍ଚାୟତରେ ନିଯୁକ୍ତି ଦେବି ନାହିଁ ତୁ ଯାହା କରିବା କଥା କରିଚାଲ ମୋ ଉପରେ ବଡ଼ ବଡ଼ ନେତା ମନ୍ତ୍ରୀ ଅଛନ୍ତି ବୋଲି ଧମକ ଦେଇଥିବା ଭଳି ସଙ୍ଗିନ୍ ଅଭିଯୋଗ ନେଇ ଉଲୁଣ୍ଡା ଥାନାର ଦ୍ୱାରସ୍ଥ ହୋଇଛନ୍ତି। ମାନସିକ ଚିନ୍ତିତ ଓ ଭୟଭୀତ ହୋଇ ଏନେଇ ଯୋଗାଣ ସହାୟକ ବିନୋଦ ନିରୁପାୟ ହୋଇ ଉଲୁଣ୍ଡା ଥାନାରେ ଗତ ତା.୦୩/୦୩/୨୦୨୬ ରିଖରେ ଏକ ଲିଖିତ ଅଭିଯୋଗ କରିଛନ୍ତି। ହେଲେ ଉଲୁଣ୍ଡା ପୋଲିସ ଆଜି ପର୍ଯ୍ୟନ୍ତ ଦୋଷୀ ବିରୋଧରେ କୌଣସି ପଦକ୍ଷେପ ଗ୍ରହଣ କରୁନାହାନ୍ତି। ଏପରିକି ସରପଞ୍ଚ ପୁଣି ଆସି ଏତଲାକାରୀ ବିନୋଦ ଜଗଦଲା ଙ୍କୁ ବିଭିନ୍ନ ପ୍ରକାର ଧମକ ଚମକ ଦେଇ କହୁଛି ତୁ ମୋର କିଛି ଉପାଡି ପାରିବୁ ନାହିଁ ବୋଲି କହୁଛନ୍ତି। ଏତଲାକାରୀଙ୍କ ପ୍ରତିକ୍ରିୟା ଅନୁସାରେ ମାନ୍ୟବର ଉଚ୍ଚତମ ନ୍ୟାୟାଧୀଶ ଙ୍କ ନିର୍ଦ୍ଦେଶକୁ ଉପେକ୍ଷା କରୁଥିବା ଦୋଷୀ ମାନଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରା ନ ଗଲେ ସେ ଆତ୍ମହତ୍ୟା କରିବାକୁ ବାଧ୍ୟ ହେବେ କହି କ୍ଷୋଭ ପ୍ରକାଶ କରିଛନ୍ତି।

ବୌଦ୍ଧ ସହର ନିକଟ ସରସରା ଗ୍ରାମକୁ ଜିଲ୍ଲାପାଳଙ୍କ ଅଚାନକ ପରିଦର୍ଶନ । ବୃଦ୍ଧାଙ୍କୁ ସରକାରୀ ଯୋଜନାରେ ସାମିଲ କରିବାକୁ ହରଭଙ୍ଗା ବିଡ଼ିଓଙ୍କୁ ନିର୍ଦ୍ଦେଶ । ସରକାରୀ ଯୋଜନାରୁ ବଞ୍ଚିତ ନେଇ ଗାମା କହଁର ଜନଶୁଣାଣୀରେ ଅଭିଯୋଗ କରିଥିଲେ ।