*अकोली जहागीर शेतशिवारात बिबट्याची दहशत; शेतकरी, शेतमजुरांमध्ये भीतीचे वातावरण* कुत्र्याची शिकार; दोन-तीन दिवसांपूर्वी रुईखेड शेतशिवारात गायीचीही शिकार केल्याची घटना अहेमद शेख / अकोट अकोट तालुक्यातील अकोली जहागीर परिसरातील शेतशिवारात गेल्या दोन-तीन दिवसांपासून बिबट्याचा मुक्त संचार वाढल्याने शेतकरी व शेतमजूर वर्गामध्ये प्रचंड भीतीचे वातावरण निर्माण झाले आहे. मिळालेल्या विश्वसनीय माहितीनुसार, काल रात्री अकोली जहागीर शिवारात बिबट्याने एका कुत्र्याची शिकार केली आहे. तसेच यापूर्वी दोन-तीन दिवसांपूर्वी लगत असलेल्या रुईखेड शेतशिवारात एका गायीवर हल्ला करून तिची शिकार केल्याची घटना घडली आहे. शेतात गायीचे अवशेष आढळून आल्याचे स्थानिक शेतकऱ्यांनी सांगितले. या सलग घटनांमुळे परिसरात एकच खळबळ उडाली आहे. सध्या खरीप हंगामातील सोयाबीन, कापूस व तूर काढणीची व इतर कामे सुरू आहेत. त्यामुळे शेतकऱ्यांना पहाटे व सायंकाळी शेतात जावे लागते. मात्र बिबट्याच्या दहशतीमुळे शेतमजूर शेतात जायला घाबरत असून, शेतीची कामे खोळंबली आहेत. महिला मजुरांमध्ये तर जास्तच भीतीचे वातावरण आहे. बिबट्याचा वावर दिवसेंदिवस वाढत असल्याने भविष्यात एखाद्या मनुष्यावर किंवा पाळीव प्राण्यांवर गंभीर हल्ला होण्याची शक्यता नाकारता येत नाही. त्यामुळे वन विभागाने तातडीने या भागाची पाहणी करावी, शेतशिवारात ट्रॅप कॅमेरे लावावे, पिंजरा लावून बिबट्याचा बंदोबस्त करावा, अशी जोरदार मागणी अकोली जहागीर, रुईखेडसह परिसरातील शेतकरी व नागरिकांकडून होत आहे. *वन विभागाचे नागरिकांना आवाहन* या संदर्भात वन विभागाशी संपर्क साधला असता, त्या परिसरात बिबट्या असल्याचे शेतकरी सांगत आहेत. वन विभागाची टीम लवकरच त्या परिसराची पाहणी करणार आहे. बिबट्याचा वावर आढळल्यास पिंजरे लावण्यासाठी वरिष्ठ कार्यालयाला प्रस्ताव पाठवण्यात येईल. तोपर्यंत शेतकऱ्यांनी शेतात एकटे जाऊ नये, रात्रीच्या वेळी शेतात जाणे टाळावे, लहान मुलांना शेतात पाठवू नये, असे आवाहन वन विभागाच्या वतीने करण्यात आले आहे.

पत्रकार अहेमद शेख

अकोट, अकोला, महाराष्ट्र•

2 hrs ago

*अकोली जहागीर शेतशिवारात बिबट्याची दहशत; शेतकरी, शेतमजुरांमध्ये भीतीचे वातावरण* कुत्र्याची शिकार; दोन-तीन दिवसांपूर्वी रुईखेड शेतशिवारात गायीचीही शिकार केल्याची घटना अहेमद शेख / अकोट अकोट तालुक्यातील अकोली जहागीर परिसरातील शेतशिवारात गेल्या दोन-तीन दिवसांपासून बिबट्याचा मुक्त संचार वाढल्याने शेतकरी व शेतमजूर वर्गामध्ये प्रचंड भीतीचे वातावरण निर्माण झाले आहे. मिळालेल्या विश्वसनीय माहितीनुसार, काल रात्री अकोली जहागीर शिवारात बिबट्याने एका कुत्र्याची शिकार केली आहे. तसेच यापूर्वी दोन-तीन दिवसांपूर्वी लगत असलेल्या रुईखेड शेतशिवारात एका गायीवर हल्ला करून तिची शिकार केल्याची घटना घडली आहे. शेतात गायीचे अवशेष आढळून आल्याचे स्थानिक शेतकऱ्यांनी सांगितले. या सलग घटनांमुळे परिसरात एकच खळबळ उडाली आहे. सध्या खरीप हंगामातील सोयाबीन, कापूस व तूर काढणीची व इतर कामे सुरू आहेत. त्यामुळे शेतकऱ्यांना पहाटे व सायंकाळी शेतात जावे लागते. मात्र बिबट्याच्या दहशतीमुळे शेतमजूर शेतात जायला

घाबरत असून, शेतीची कामे खोळंबली आहेत. महिला मजुरांमध्ये तर जास्तच भीतीचे वातावरण आहे. बिबट्याचा वावर दिवसेंदिवस वाढत असल्याने भविष्यात एखाद्या मनुष्यावर किंवा पाळीव प्राण्यांवर गंभीर हल्ला होण्याची शक्यता नाकारता येत नाही. त्यामुळे वन विभागाने तातडीने या भागाची पाहणी करावी, शेतशिवारात ट्रॅप कॅमेरे लावावे, पिंजरा लावून बिबट्याचा बंदोबस्त करावा, अशी जोरदार मागणी अकोली जहागीर, रुईखेडसह परिसरातील शेतकरी व नागरिकांकडून होत आहे. *वन विभागाचे नागरिकांना आवाहन* या संदर्भात वन विभागाशी संपर्क साधला असता, त्या परिसरात बिबट्या असल्याचे शेतकरी सांगत आहेत. वन विभागाची टीम लवकरच त्या परिसराची पाहणी करणार आहे. बिबट्याचा वावर आढळल्यास पिंजरे लावण्यासाठी वरिष्ठ कार्यालयाला प्रस्ताव पाठवण्यात येईल. तोपर्यंत शेतकऱ्यांनी शेतात एकटे जाऊ नये, रात्रीच्या वेळी शेतात जाणे टाळावे, लहान मुलांना शेतात पाठवू नये, असे आवाहन वन विभागाच्या वतीने करण्यात आले आहे.