ભાવેશભાઈ મહારાજ કોસીન્દ્રા

છોટાઉદેપુર જિલ્લાના પાવીજેતપુરથી રંગલી ચાર રસ્તા જતા મુખ્ય માર્ગ પર ચુડેલ ગામ પાસે આવેલ બ્રિજની હાલત દયનીય બની ગઈ છે. બ્રિજના કોંક્રીટમાંથી લોખંડના સળિયા તથા હંગાળ બહાર આવી ગયા હોવાથી માર્ગ પરથી પસાર થતા વાહનચાલકો ભારે મુશ્કેલીમાં મુકાયા છે. બ્રિજ પર સળિયા બહાર નીકળી જતા વાહનના ટાયર ફાટવાની તેમજ અકસ્માત સર્જાવાની ભીતિ ઊભી થઈ છે. આ રસ્તા પર રોજિંદા નાના-મોટા અનેક વાહનોની અવરજવર રહે છે, જેના કારણે જોખમ વધુ વધી રહ્યું છે. લાંબા સમયથી બ્રિજની મરામત ન થતાં માર્ગની હાલત વધુ ખરાબ બની રહી છે. સ્થાનિક રહીશોએ તંત્રને વહેલી તકે બ્રિજની મરામત કરાવવા માંગ કરી છે, જેથી કોઈ અકસ્માત સર્જાય તે પહેલાં સમસ્યાનો ઉકેલ આવે.

Post by Jasmin B Shah

તારીખ 8/10/25 ના રોજ પાદરા તાલુકા ના ડભાસા ગામ રોડ ખાતે લુણા ગામ નર્મદા કેનાલ ઉપર ગ્લેમર ડેકોટ કંપની દ્રારા પેવર બ્લોક નાખીને ગેરદેસનું દબાણ કરવામાં આવ્યું છે તો આ સમગ્ર ઘટનાની જાણ નર્મદા નીગમ ના અધિકારી દુષ્યંત સિગલીકર તથા પાદરા મામલતદાર કચેરીમાં અને વડોદરા શહેર કલેક્ટર શ્રી ને લેખીત રજુઆત કરવા છતાં અધીકારીઓ મોન કેમ???

અમિતનગર બ્રિજ નીચે પાર્ક કરેલી બાઈક ચોરી કરનાર રીઢો આરોપી ઝડપાયો, વડોદરા ક્રાઇમ બ્રાન્ચે ગુનો ઉકેલ્યો વડોદરા: શહેરમાં વધતા વાહનચોરીના ગુનાઓ અટકાવવા તથા આવા ગુનાઓમાં સંડોવાયેલા આરોપીઓને ઝડપવા માટે વડોદરા શહેર ક્રાઇમ બ્રાન્ચ દ્વારા સતત કાર્યવાહી કરવામાં આવી રહી છે. પોલીસ કમિશ્નર નરસિંહ કોમાર અને સંયુક્ત પોલીસ કમિશ્નર નિલેશ જાજડીયાના માર્ગદર્શન હેઠળ ક્રાઇમ બ્રાન્ચે વાહનચોરીના એક ગુનાનો ભેદ ઉકેલવામાં સફળતા મેળવી છે. ક્રાઇમ બ્રાન્ચના DCP હિમાંશુ કુમાર વર્મા અને ઇન્ચાર્જ ACP ડી.જે. ચાવડાના માર્ગદર્શન હેઠળ PI આર.જી. જાડેજા અને PI એચ.ડી. તુવરની ટીમ શહેરમાં વાહનચોરીના આરોપીઓની શોધમાં પેટ્રોલિંગ કરી રહી હતી. પેટ્રોલિંગ દરમિયાન મળેલી બાતમીના આધારે PSI વાય.ડી. ગામીતની ટીમે આરાધના સિનેમા પાસે શંકાસ્પદ હાલતમાં નંબર પ્લેટ વગરની હિરો સ્પ્લેન્ડર મોટરસાયકલ સાથે ફરતા **દુર્ગેશ ગીરીશકુમાર ઠાકોર (ઉ.વ. 40)**ને ઝડપી પાડ્યો. આરોપી પાસે વાહનના કોઈ દસ્તાવેજો ન મળતા પોલીસે સઘન પૂછપરછ હાથ ધરી હતી. પૂછપરછ દરમિયાન આરોપીએ સ્વીકાર્યું કે તેણે લગભગ પાંચ દિવસ પહેલા અમિતનગર બ્રિજ નીચે પાર્ક કરેલી મોટરસાયકલ ચોરી કરી હતી અને પછી નંબર પ્લેટ કાઢી આ બાઈકને રેપિડો (Rapido) માટે ઉપયોગમાં લેતો હતો. પોલીસે આરોપી પાસેથી મળેલી હિરો સ્પ્લેન્ડર મોટરસાયકલ (કિંમત રૂ. 25,000) કબજે કરી તપાસ કરતા જાણવા મળ્યું કે આ અંગે હરણી પોલીસ સ્ટેશનમાં વાહનચોરીનો ગુનો નોંધાયેલ હતો. જેથી આ અનડીટેક્ટ ગુનાનો ભેદ ઉકેલી વધુ તપાસ માટે હરણી પોલીસ સ્ટેશનને સોંપવામાં આવ્યો છે. આરોપીનો ગુનાહિત ઇતિહાસ પકડાયેલ આરોપી દુર્ગેશ ગીરીશકુમાર ઠાકોર, રહે. જયનારાયણ કુંજ સોસાયટી, છાણી ગામ, વડોદરા, મૂળ હરણી-વારસિયા રિંગ રોડ વિસ્તારનો રહેવાસી છે. પોલીસ તપાસમાં સામે આવ્યું છે કે તે વાહનચોરીની ગુનાહિત પ્રવૃત્તિમાં રીઢો છે. તેના સામે વડોદરા શહેરના વિવિધ પોલીસ સ્ટેશનોમાં કુલ 18 જેટલા વાહનચોરીના ગુનાઓ નોંધાયેલા છે. અગાઉ તેની સામે PASA હેઠળ પણ કાર્યવાહી થઈ ચૂકી છે. કામગીરી કરનાર ટીમ આ સફળ કામગીરીમાં ક્રાઇમ બ્રાન્ચના PI આર.જી. જાડેજા, PI એચ.ડી. તુવર, PSI વાય.ડી. ગામીત તથા ગોવિંદસિંહ, વિજયકુમાર, યોગેશભાઈ, નરેશભાઈ, અનિરુદ્ધસિંહ, રમેશભાઈ, હરેશકુમાર, કાનાભાઈ, અભીભાઈ અને કોમલબેન સહિતની ટીમે મહત્વપૂર્ણ ભૂમિકા ભજવી હતી.

દાહોદ જિલ્લાના ઝાલોદ તાલુકાના પૂજારીની હત્યા કરી દેવામાં આવી હતી અને તેને લઈને પોલીસની ટીમોએ તપાસ તેજ કરી અજય પરમાર નામના ઈસમને ઝડપી પાડ્યો છે તેને પોલીસની પૂછપરછમાં કબૂલ્યું હતું કે તેનું લગ્નનું દેવું વધી જતા તેને પૂજારીની હત્યા કરી અને તેના સોનાના આભૂષણોની લુંટ ચલાવી ફરાર થયો હતો પોલીસે આરોપીને ઝડપી જેલ ભેગો કર્યો છે

Dahod Breaking_आम आदमी पार्टी नरेश भाई बारिया ने गुजरात के CM से मांगे 10 मिनट #news #dahodlive #aap

બાજવા ગામ ના સરપંચ શ્રી રોમલ પટેલ દ્વારા પત્રકારો ને લાંચ રૂશ્વત આપતા વિડિયો વાઇરલ

ગુજસીટોક અને ઘરફોડ ચોરીના ગુનામાં નાસતો ફરતો રીઢો આરોપી ઝડપાયો, વડોદરા ક્રાઇમ બ્રાન્ચે પાંચ દિવસમાં બે ગુનાઓ ઉકેલ્યા વડોદરા: શહેરમાં મિલ્કત સંબંધિત ગુનાઓમાં સંડોવાયેલા અને ધરપકડ ટાળવા માટે નાસતા ફરતા આરોપીઓને શોધી કાઢવા માટે વડોદરા શહેર પોલીસ દ્વારા સતત કાર્યવાહી કરવામાં આવી રહી છે. પોલીસ કમિશ્નર નરસિંહ કોમાર તથા સંયુક્ત પોલીસ કમિશ્નર નિલેશ જાજડીયાના માર્ગદર્શન હેઠળ ક્રાઇમ બ્રાન્ચે મોટી સફળતા મેળવી છે. ક્રાઇમ બ્રાન્ચના DCP હિમાંશુ કુમાર વર્મા અને ઇન્ચાર્જ ACP ડી.જે. ચાવડાના માર્ગદર્શન હેઠળ પોલીસ ઇન્સ્પેક્ટર આર.જી. જાડેજા અને એચ.ડી. તુવરની ટીમ શહેરમાં પેટ્રોલિંગ દરમિયાન મિલ્કત સંબંધિત ગુનાઓમાં સંડોવાયેલા આરોપીઓને શોધી રહી હતી. પેટ્રોલિંગ દરમિયાન મળેલી બાતમીના આધારે ક્રાઇમ બ્રાન્ચની ટીમે વિશ્વામિત્રી બ્રિજ નીચે શંકાસ્પદ હાલતમાં ફરતા **જશપાલસિંહ ઉર્ફે બચ્ચુસિંહ મનજીતસિંહ દુધાણી (શિકલીગર) (ઉ.વ. 24)**ને ઝડપી પાડ્યો. આરોપી પાસે રહેલી શાઇન મોટરસાયકલ, ચાંદીનું એક બિસ્કીટ, એક ચાંદીનો સિક્કો, રોકડા રૂ. 23,500 અને વિવો મોબાઇલ ફોન મળી આવ્યા હતા. પોલીસે આરોપીની સઘન પૂછપરછ કરતા તેણે પોતાના સાગરીત સાથે મળીને ફતેપુરા કોયલી ફળીયા અને ગોત્રી ગોકુલ પાર્ટી પ્લોટ નજીક આવેલા બંધ મકાનોના તાળા તોડી ઘરફોડ ચોરી કર્યાની કબૂલાત કરી હતી. આરોપી પાસેથી મળેલ ચાંદીના બિસ્કીટ, સિક્કો અને રોકડ રકમ આ ચોરીમાંથી મેળવેલ હોવાની જાણકારી પણ બહાર આવી હતી. તપાસમાં વધુમાં સામે આવ્યું કે આરોપી મકરપુરા પોલીસ સ્ટેશનમાં નોંધાયેલા ગુજસીટોક (GCTOC)ના ગુના ઉપરાંત અમદાવાદના ઇસનપુર વિસ્તારમાં ચાર ઘરફોડ અને વાહન ચોરીના ગુનાઓમાં પણ સંડોવાયેલ છે અને તે તમામ કેસોમાંથી ફરાર હતો. આરોપીએ છેલ્લા પાંચ દિવસમાં વડોદરા શહેરમાં કરેલી ઘરફોડ ચોરીના બે ગુનાઓ ગોત્રી પોલીસ સ્ટેશન અને સિટી પોલીસ સ્ટેશન વિસ્તારમાં નોંધાયેલા હતા. ક્રાઇમ બ્રાન્ચે આ બંને ગુનાઓ ઉકેલી સંબંધિત પોલીસ સ્ટેશનને વધુ તપાસ માટે સોંપ્યા છે. કબજે કરાયેલ મુદ્દામાલ પોલીસે આરોપી પાસેથી કુલ રૂ. 1,07,100ની કિંમતનો મુદ્દામાલ કબજે કર્યો છે, જેમાં ચાંદીનું બિસ્કીટ અને સિક્કો – રૂ. 28,600 રોકડા રૂપિયા – રૂ. 23,500 વિવો મોબાઇલ ફોન – રૂ. 5,000 શાઇન મોટરસાયકલ – રૂ. 50,000 આરોપીનો ગુનાહિત ઇતિહાસ આરોપી જશપાલસિંહ ઉર્ફે બચ્ચુસિંહ મિલ્કત સંબંધિત ગુનાઓમાં રીઢો ગુનેગાર હોવાનું પોલીસ તપાસમાં બહાર આવ્યું છે. તે વડોદરા શહેરના વિવિધ પોલીસ સ્ટેશનોમાં નોંધાયેલા કુલ 16 ગુનાઓમાં સંડોવાયેલ હોવાનું સામે આવ્યું છે. અગાઉ તેની સામે ઘરફોડ ચોરી અને વાહન ચોરીના અનેક કેસ નોંધાયેલા છે તેમજ એક વખત તેને પાસા (PASA) હેઠળ જેલમાં મોકલવામાં આવ્યો હતો. કામગીરી કરનાર ટીમ આ સફળ કામગીરીમાં ક્રાઇમ બ્રાન્ચના PI આર.જી. જાડેજા, PI એચ.ડી. તુવર, PSI સી.ડી. યાદવ, PSI એ.જે. રાઠવા તેમજ પંકજકુમાર, જયદીપસિંહ, શક્તિસિંહ, જશવંતકુમાર, વિક્રમસિંહ, અબ્દુલભાઈ, જામસિંહ, મુન્નાભાઈ, હરીશભાઈ, દેવેન્દ્રકુમાર, વનરાજસિંહ અને ઇબ્રાહિમભાઈએ મહત્વની ભૂમિકા ભજવી હતી.

દાહોદના ગવર્મેન્ટ પોલિટેકનિક ખાતે Farmson CII Model Career Centre દ્વારા જોબ ડ્રાઇવનું આયોજન કરાયું આજે તારીખ 14/03/2026 શનિવારના રોજ સાંજે 5 કલાકે સુધીમાં આ જોબ ડ્રાઇવ દ્વારા વિદ્યાર્થીઓ અને નોકરી શોધતા યુવાનોને કારકિર્દી માટે નવી તક મળી. વી.ઓ.:- દાહોદ સ્થિત ગવર્મેન્ટ પોલિટેકનિક ખાતે Farmson CII Model Career Centre દ્વારા જોબ ડ્રાઇવનું સફળ આયોજન કરવામાં આવ્યું. આ કાર્યક્રમમાં વિદ્યાર્થીઓ અને નોકરી શોધતા યુવાનોને વિવિધ કંપનીઓ સાથે સીધી મુલાકાત કરવાની તક મળી. જોબ ડ્રાઇવ દરમિયાન યુવાનોને કારકિર્દી અંગે માર્ગદર્શન આપવામાં આવ્યું તેમજ વિવિધ રોજગાર તક વિશે માહિતી આપવામાં આવી. કાર્યક્રમનો મુખ્ય હેતુ વિદ્યાર્થીઓ અને યુવાનોને રોજગાર સાથે જોડીને તેમના ઉજ્જવળ ભવિષ્ય તરફ એક મહત્વપૂર્ણ પગલું ભરવાનો હતો. આ કાર્યક્રમમાં મોટી સંખ્યામાં વિદ્યાર્થીઓ અને યુવાનો ઉપસ્થિત રહ્યા અને રોજગાર માટેની તકનો લાભ લીધો.