ধৰ্মীয় আৰু সাংস্কৃতিক বৈচিত্ৰ্যৰ এনাজৰী amargarh rasta ka vidyalayon ke theek karana government Masjid No.3 Malibari Pathar

ধুবুৰী সমষ্টিৰ বিধায়িকা বেবী বেগমে মহিলাৰ বাবে ৩৩% সংৰক্ষণ বিধেয়ক আৰু UCC বিল সন্দৰ্ভত নিজৰ প্ৰতিক্ৰিয়া প্ৰকাশ কৰিছে। তেওঁ স্পষ্ট কৰিছে যে তেওঁ মহিলাৰ ৩৩% সংৰক্ষণ বিধেয়ক আৰু UCC বিলৰ বিৰোধিতা কৰা নাই, বৰঞ্চ সমৰ্থন কৰিছে, কিন্তু তেওঁৰ কথাখিনি কোনোৱে বুজিবলৈ চেষ্টা কৰা নাই বুলি আক্ষেপ কৰিছে। বিধায়িকা গৰাকীয়ে কয় যে ডেলিমিটেশ্যন হোৱাৰ পিছত মহি কিয় আজিয়ে ৩৩% সংৰক্ষণ আইন বলবৎ কৰিব নালাগে। তেওঁৰ মতে, যদি এই আইন আজিয়ে বলবৎ কৰা হয়, তেন্তে কংগ্ৰেছৰ সকলো বিধায়কে ইয়াক সমৰ্থন কৰিব। UCC বিল সন্দৰ্ভত, তেওঁ প্ৰশ্ন উত্থাপন কৰিছে যে যি সময়ত মূল্যবৃদ্ধিয়ে মহিলাসকলক গ্ৰাস কৰিছে, তেনে সময়ত কিয় UCC বিল অনা হৈছে। তেওঁ চৰকাৰক সমালোচনা কৰি কয় যে যদি মহিলাৰ প্ৰতি ইমান দৰদ আছে, তেন্তে গেছ চিলিণ্ডাৰ আৰু অত্যাৱশ্যকীয় সামগ্ৰীৰ দাম নিয়ন্ত্ৰণ নকৰি UCC বিল কিয় অনা হৈছে। বেবী বেগমে বহু বিবাহক কেতিয়াও সমৰ্থন নকৰ বুলি দৃঢ়তাৰে মন্তব্য কৰে, কাৰণ কোনো মহিলাই নিবিচাৰে যে তেওঁৰ স্বামীয়ে আন এখন বিয়া পাতিব। তেওঁ লগতে এটা গুৰুত্বপূৰ্ণ প্ৰশ্ন উত্থাপন কৰে যে যদি UCC বিল সদনত গৃহীত হয় আৰু কোনো স্বামীৰ পত্নী জটিল ৰোগত আক্ৰান্ত হৈ মৃত্যুমুখত পৰে, তেন্তে স্বামীয়ে দ্বিতীয় বিয়া নকৰিব নেকি। বিধায়িকা গৰাকীয়ে অভিযোগ কৰে যে সদনত UCC সন্দৰ্ভত তেওঁৰ বক্তব্যৰ বিৰোধিতা কৰা আৰু তেওঁক ভাল নোপোৱা একাংশ লোক হৈছে বিজেপিৰ এজেণ্ট। তেওঁ শেষত কয় যে জনপ্ৰতিনিধি হিচাপে তেওঁলোকে সদায় ৰাইজৰ বাবে মাত মাতিব লাগিব।

অহা ৫ আৰু ৬ জুনত মৰিগাঁৱত জিলা শিক্ষা আৰু প্ৰশিক্ষণ প্ৰতিষ্ঠান (DIET)ৰ উদ্যোগত দুদিনীয়া এক ‘আন্তঃৰাষ্ট্ৰীয় শৈক্ষিক আলোচনা চক্ৰ’ অনুষ্ঠিত হ'ব। এই বৃহৎ আয়োজনৰ সন্দৰ্ভত কৰ্তৃপক্ষই এক বিশেষ সংবাদ মেলৰ আয়োজন কৰিছিল।

খটখটিত এক ভয়ংকৰ পথ দুৰ্ঘটনাত এজন স্কুটী আৰোহী গণেশ হাজৰিকাৰ ঘটনাস্থলীতে মৃত্যু হোৱাৰ লগতে আন এজন আৰোহী গুৰুতৰভাৱে আঘাতপ্ৰাপ্ত হয়। জানিব পৰা অনুসৰি, NL07 AA 4021 নম্বৰৰ এখন লোহা ভৰ্তি ট্ৰাক পাৰ্কিঙৰ পৰা ওলাবলৈ লোৱাৰ সময়তে ডিমাপুৰ দিশৰ পৰা তীব্ৰ বেগেৰে আহি থকা AS05J 5265 নম্বৰৰ এখন স্কুটীয়ে ইয়াক খুন্দা মাৰে। এই দুৰ্ঘটনাৰ ফলত স্কুটী আৰোহী গণেশ হাজৰিকাই ঘটনাস্থলীতে প্ৰাণ হেৰুৱায়। খটখটি আৰক্ষীয়ে স্থানীয় লোকৰ সহায়ত আঘাতপ্ৰাপ্ত যুৱকজনক প্ৰথমে আশা চিকিৎসালয়লৈ প্ৰেৰণ কৰে। পিছত আৰক্ষীয়ে নিহত যুৱকজনৰ মৃতদেহ আৰু দুৰ্ঘটনাত জড়িত বাহন দুখন নিজৰ জিম্মাত লয়।

নগাঁৱৰ জাজৰিৰ এজন যুৱকৰ মৃত্যুক কেন্দ্ৰ কৰি তীব্ৰ চাঞ্চল্যৰ সৃষ্টি হৈছে। মৰিগাঁৱৰ গেৰুৱাত প্ৰেমিকাৰ পৰিয়ালৰ বিৰুদ্ধে এই মৃত্যুক পৰিকল্পিত হত্যা বুলি গুৰুতৰ অভিযোগ উত্থাপন হৈছে। মৃত যুৱকজন জাজৰি বগৰিগুৰিৰ ৰিংকু দাস বুলি চিনাক্ত কৰা হৈছে। অভিযোগ অনুসৰি, ৰিংকু দাসৰ মৰিগাঁৱৰ গেৰুৱাৰ অনিতা পাটৰ নামৰ এগৰাকী যুৱতীৰ সৈতে প্ৰায় দুবছৰ ধৰি প্ৰেমৰ সম্পৰ্ক আছিল। পৰিয়ালৰ দাবী অনুসৰি, ২৫ মে’ তাৰিখে ৰিংকু দাস প্ৰেমিকাৰ ঘৰত ফুৰিবলৈ গৈছিল, কিন্তু তাৰ পিছতে তেওঁ জীৱিত হৈ ঘৰলৈ উভতি নাহিল আৰু শৱদেহ হিচাপেহে ওভতাই অনা হ'ল। এই ঘটনাক লৈ ৰিংকু দাসৰ পৰিয়াল আৰু স্থানীয় গাঁৱবাসীয়ে অভিযোগ কৰিছে যে, প্ৰেমৰ সম্পৰ্কক কেন্দ্ৰ কৰিয়েই প্ৰেমিকাৰ পৰিয়ালে ৰিংকুক পৰিকল্পিতভাৱে হত্যা কৰিছে। ইফালে, ভুক্তভোগী পৰিয়ালে এই ঘটনা সন্দৰ্ভত ইতিমধ্যে মৰিগাঁও আৰক্ষীৰ কাষ চাপিছে। পৰিয়াল আৰু গাঁৱবাসীয়ে উচিত তদন্তৰ জৰিয়তে দোষীক শাস্তি প্ৰদান কৰি ন্যায় নিশ্চিত কৰিবলৈ দাবী জনাইছে।

মৰিগাঁও জিলা আয়ুক্তৰ কাৰ্যালয়ৰ সভাকক্ষত জিলা পথ সুৰক্ষা সমিতিৰ এখন গুৰুত্বপূৰ্ণ সভা জিলা আয়ুক্ত অনামিকা তেৱাৰীৰ সভাপতিত্বত অনুষ্ঠিত হয়। এই সভাত জিলা আইন সেৱা প্ৰাধিকৰণৰ সচিব কুমাৰী আৰতি, অতিৰিক্ত জিলা আয়ুক্ত নীতিশা বৰা, অতিৰিক্ত আৰক্ষী অধীক্ষক অনিতা হাজৰিকা, সহকাৰী আয়ুক্ত সন্তোষ বুঢ়াগোহাঁই, জিলা পথ সুৰক্ষা সমিতিৰ সদস্য-সচিব জিন্নত আহমেদকে ধৰি বিভিন্ন বিভাগৰ বিষয়াসকল উপস্থিত আছিল। সভাৰ আৰম্ভণিতে সদস্য-সচিবগৰাকীয়ে পূৰ্বৰ সিদ্ধান্তসমূহৰ ৰূপায়ণৰ অগ্ৰগতি আৰু জিলাখনত চলি থকা বিভিন্ন পথ সুৰক্ষা কাৰ্যসূচীৰ পৰ্যালোচনা কৰে। সভাৰ অন্যতম মূল আলোচনা আছিল ৰাষ্ট্ৰীয় ঘাইপথত সুৰক্ষা ব্যৱস্থা শক্তিশালী কৰা আৰু পথ দুৰ্ঘটনাজনিত মৃত্যুৰ সংখ্যা হ্ৰাস কৰাৰ লক্ষ্যৰে উচ্চতম ন্যায়ালয়ে জাৰি কৰা শেহতীয়া নিৰ্দেশনাসমূহ। এই সন্দৰ্ভত বক্তব্য ৰাখি জিলা আইন সেৱা প্ৰাধিকৰণৰ সচিব কুমাৰী আৰতিয়ে সংশ্লিষ্ট সকলো বিভাগ আৰু সংস্থাক ন্যায়ালয়ৰ নিৰ্দেশনাসমূহ কঠোৰভাৱে পালন কৰিবলৈ আহ্বান জনায়। সভাত ৰাষ্ট্ৰীয় ঘাইপথৰ কাষত নিৰ্ধাৰিত পাৰ্কিং স্থান, লে'-বাই বা ৱে'ছাইড এমেনিটিৰ বাহিৰে গধুৰ আৰু বাণিজ্যিক বাহন পাৰ্কিং বা ৰখোৱাত নিষেধাজ্ঞা সম্পৰ্কীয় ন্যায়ালয়ৰ নিৰ্দেশনাৰ ওপৰত বিস্তৃত আলোচনা কৰা হয়। ইয়াৰ উপৰি, Advanced Traffic Management System, জি পি এছ ভিত্তিক নিৰীক্ষণ, ই-চালান ব্যৱস্থা আৰু নিয়মীয়া তহলদাৰীৰ জৰিয়তে আইন প্ৰয়োগ অধিক শক্তিশালী কৰাৰ বিষয়েও আলোচনা কৰা হয়। ৰাষ্ট্ৰীয় ঘাইপথৰ নিৰ্ধাৰিত এলেকাৰ ভিতৰত থকা বেদখল আৰু অনুমোদন নোহোৱাকৈ স্থাপন কৰা বাণিজ্যিক প্ৰতিষ্ঠানসমূহ উচ্ছেদ সম্পৰ্কীয় ন্যায়ালয়ৰ নিৰ্দেশনাৰ ওপৰতো সভাত বিশেষ গুৰুত্ব সহকাৰে আলোচনা কৰা হয়। নিৰ্দেশনা অনুসৰি, ঘাইপথ কৰ্তৃপক্ষৰ অনুমোদন অবিহনে অনুজ্ঞাপত্ৰ প্ৰদান, আপত্তিবিহীনতাৰ প্ৰমাণপত্ৰ বা ব্যৱসায়িক অনুমতি প্ৰদান বা নবীকৰণ কৰিব নোৱাৰিব বুলিও আলোচনা কৰা হয়। আন আন আলোচনাৰ ভিতৰত জিলা ঘাইপথ সুৰক্ষা টাস্ক ফ’ৰ্চ গঠন, দুৰ্ঘটনাপ্ৰৱণ স্থানসমূহ চিনাক্তকৰণ আৰু সংশোধন, কেমেৰা আৰু জৰুৰীকালীন সঁহাৰি ব্যৱস্থা স্থাপন, লগতে গধুৰ বাহন চালকসকলৰ বাবে নিৰাপদ বিশ্ৰাম আৰু পাৰ্কিঙৰ সুবিধা নিশ্চিত কৰিবলৈ ট্ৰাক লে'-বাই আৰু ৱে'ছাইড এমেনিটি বিকাশৰ বিষয়েও আলোচনা কৰা হয়। সভাৰ শেষত জিলা আয়ুক্তগৰাকীয়ে সকলো সংশ্লিষ্ট বিভাগক সমন্বয়েৰে কাম কৰি উচ্চতম ন্যায়ালয়ৰ নিৰ্দেশনাসমূহৰ কাৰ্যৰূপায়ণ নিশ্চিত কৰাৰ নিৰ্দেশ দিয়ে। তেওঁ জিলাখনত পথ সুৰক্ষা ব্যৱস্থা অধিক শক্তিশালী কৰি পথ দুৰ্ঘটনা হ্ৰাস কৰাৰ ক্ষেত্ৰত সকলোৱে মিলি কাম কৰাৰ ওপৰত গুৰুত্ব আৰোপ কৰে।

মৰিগাঁও ডায়েটত অনুষ্ঠিত এক সংবাদমেলযোগে জিলা শিক্ষা আৰু প্ৰশিক্ষণ প্ৰতিষ্ঠান (ডায়েট), মৰিগাঁৱৰ উদ্যোগত কটন বিশ্ববিদ্যালয় আৰু বড়োলেণ্ড বিশ্ববিদ্যালয়ৰ সহযোগত অহা ৫ আৰু ৬ জুনত দুদিনীয়া আন্তৰ্জাতিক আলোচনা চক্ৰ অনুষ্ঠিত হোৱাৰ কথা ঘোষণা কৰা হৈছে। বিশ্ব পৰিৱেশ দিৱসৰ সৈতে সংগতি ৰাখি আয়োজন কৰা এই আলোচনা চক্ৰ অনলাইন আৰু অফলাইন দুয়োটা পদ্ধতিৰে অনুষ্ঠিত হ'ব। ইয়াৰ মূল বিষয়বস্তু হৈছে— "Environment at the Crossroads: Balancing Development with Sustainability" (সংকট ক্ষণত পৰিৱেশ: বহনক্ষমতাৰ সৈতে উন্নয়নৰ ভাৰসাম্য ৰক্ষা)। এই দুদিনীয়া কাৰ্যসূচীৰ মুখ্য উদ্দেশ্য হৈছে বৰ্ধিত উন্নয়ন আৰু পৰিৱেশ ধ্বংসৰ ফলত হ'ব পৰা সাম্ভাব্য পৰিৱৰ্তনসমূহৰ বিষয়ে বিস্তৃত আলোচনা কৰা আৰু এই সন্দৰ্ভত সুচিন্তিত গৱেষণাক উৎসাহিত কৰা। অনুষ্ঠানৰ বিষয়ববীয়াসকলে জনোৱা অনুসৰি, এই আলোচনা চক্ৰত অংশগ্ৰহণৰ বাবে বহিঃৰাষ্ট্ৰৰ লগতে ভাৰতৰ বিভিন্ন প্ৰান্তৰ, বিশেষকৈ উত্তৰ-পূৰ্বাঞ্চল আৰু অসমৰ বিভিন্ন বিশ্ববিদ্যালয়ৰ বহু সমল ব্যক্তিক আমন্ত্ৰণ জনোৱা হৈছে।

মৰিগাঁও জিলাৰ কৰটিপাম বিদ্যা বিকাশ ইউনিটি এছচিয়েচনৰ উদ্যোগত গড়জান প্ৰাথমিক বিদ্যালয়ত এক গাম্ভীৰ্যপূৰ্ণ অনুষ্ঠানৰ মাজেৰে হাইস্কুল শিক্ষান্ত (HSLC) আৰু উচ্চতৰ মাধ্যমিক (HS) চূড়ান্ত পৰীক্ষাত উত্তীৰ্ণ হোৱা প্ৰায় ৩৫ গৰাকী কৃতী ছাত্ৰ-ছাত্ৰীক সম্বৰ্ধনা জনোৱা হয়। এই অনুষ্ঠানত গড়জান প্ৰাথমিক বিদ্যালয়ৰ প্ৰধান শিক্ষক আইনুদ্দিন আহমেদে সভাপতিত্ব কৰে। বিশিষ্ট অতিথি হিচাপে ‘বৰ অসম’ সাপ্তাহিক কাকতৰ সম্পাদক বিৰিঞ্চি কুমাৰ শৰ্মা, প্ৰতিদিন টাইমৰ জ্যেষ্ঠ সাংবাদিক নজৰুল ইছলাম আৰু Voice 365-ৰ মৰিগাঁও জিলাৰ যুৱ সাংবাদিক মহেশ কুমাৰ দাস উপস্থিত থাকে। সভাত শিক্ষাৰ গুৰুত্ব, অধ্যৱসায় আৰু ভৱিষ্যৎ জীৱনত সফলতা অৰ্জনৰ বাবে শিক্ষাৰ্থীসকলক উৎসাহব্যঞ্জক বক্তব্য আগবঢ়োৱা হয়, লগতে অতিথিসকলে সমাজ আৰু জাতি গঠনত শিক্ষাৰ ভূমিকা সম্পৰ্কে আলোকপাত কৰে। সম্বৰ্ধনা অনুষ্ঠানত কৃতী শিক্ষাৰ্থীসকলক ফুলাম গামোচা, মানপত্ৰ আৰু উপহাৰেৰে সম্বৰ্ধনা জনোৱা হয়। গড়জান প্ৰাথমিক বিদ্যালয়ৰ শিক্ষক-শিক্ষয়িত্ৰীসকল, কৰটিপাম বিদ্যা বিকাশ ইউনিটি এছচিয়েচনৰ বিষয়ববীয়াসকল, অভিভাৱক আৰু বহু গণ্যমান্য ব্যক্তি এই অনুষ্ঠানত উপস্থিত থাকে। ইয়াৰ জৰিয়তে কৃতী শিক্ষাৰ্থীসকলক সন্মান জনোৱাৰ লগতে আন শিক্ষাৰ্থীসকলকো অধ্যয়নত অধিক মনোযোগী হ'বলৈ উৎসাহিত কৰা হয়। উপস্থিত সকলোৱে এনে উদ্যোগক শলাগ লৈ ভৱিষ্যতেও ধাৰাবাহিকভাৱে অব্যাহত ৰখাৰ আহ্বান জনায়।

ধিং পৌৰসভাই শনিবাৰে সন্ধিয়া ধিং চহৰত এক বৃহৎ উচ্ছেদ অভিযান চলায়। এই অভিযানৰ জৰিয়তে ভূমি বেদখল কৰি একাংশই অবৈধভাৱে নিৰ্মাণ কৰা ব্যৱসায়িক প্ৰতিষ্ঠানসমূহ ভাঙি পেলোৱা হয়। পৌৰসভাৰ বিষয়াসকলে জে চি বি ব্যৱহাৰ কৰি এই উচ্ছেদ কাৰ্যসূচী ৰূপায়ণ কৰে। এই অভিযানৰ সময়ত অবৈধভাৱে মজুত ৰখা বহু সামগ্ৰীও জব্দ কৰা হয়।