सोलापूर जिल्ह्यातील अक्कलकोट तालुक्यातील घोळसगाव येथील टाटा पॉवर सोलार कंपनीच्या आवारात सुरक्षा रक्षकांना शस्त्राचा धाक दाखवून कॉपर केबलची धाडसी चोरी केल्याची घटना घडली आहे. चोरट्यांनी कंपनीचे कंपाऊंड कापून आत प्रवेश केला आणि सुरक्षा रक्षकांना धमकावून चोरी केली. याप्रकरणी अक्कलकोट उत्तर पोलिस ठाण्यात १० जणांविरुद्ध गुन्हा दाखल करण्यात आला आहे. पोलिसांनी दिलेल्या माहितीनुसार, ही घटना १४ जुलै रोजी रात्री १२:३० ते पहाटे २:०० वाजण्याच्या दरम्यान घडली. आरोपींनी संगनमत करून सोलार कंपनीचे कंपाऊंड कटरने कापले आणि आत प्रवेश केला. त्यानंतर तेथील सुरक्षा रक्षकांना शस्त्राचा धाक दाखवत, शिवीगाळ व दमदाटी करून कंपनीतील कॉपर केबल कटरने तोडून चोरून नेली. या चोरीत ५० हजार रुपये किमतीची ५० मीटर लांबीची कॉपर केबल चोरीला गेली आहे. तसेच सीसीटीव्ही फुटेजची केबल तोडून अंदाजे १० हजार रुपयांचे आणि लाईट खांबाची केबल तोडून जंक्शन बॉक्स फोडल्याने सुमारे ३ हजार रुपयांचे नुकसान झाले आहे. चोरी आणि तोडफोडीमुळे कंपनीचे एकूण ६३ हजार रुपयांचे नुकसान झाले असल्याचे पोलिसांनी सांगितले आहे. याप्रकरणी घोळसगाव येथील २८ वर्षीय गणपती इरण्णा पाटील यांनी दिलेल्या फिर्यादीवरून परशुराम हरिश्चंद्र पवार, हरिश्चंद्र इरप्पा पवार, कन्हैय्या अर्जुन चव्हाण, शिवानंद सिद्राम काळे, अजय अनंत चव्हाण, सिताराम लिंबा चव्हाण आणि इतर चार अनोळखी व्यक्तींविरुद्ध भारतीय न्याय संहिता २०२३ मधील कलम ३१०(२), ३५१(२), ३२४(४), ३५२ अन्वये गुन्हा दाखल करण्यात आला आहे. गुन्हा दाखल करण्याची कार्यवाही पोलीस उपनिरीक्षक सुतार यांनी केली असून, या प्रकरणाचा पुढील तपास पोलीस उपनिरीक्षक सतीश रणवरे करत आहेत.

Akkalkot news

Fitness Trainer अक्कलकोट, सोलापूर, महाराष्ट्र•

9 hrs ago

सोलापूर जिल्ह्यातील अक्कलकोट तालुक्यातील घोळसगाव येथील टाटा पॉवर सोलार कंपनीच्या आवारात सुरक्षा रक्षकांना शस्त्राचा धाक दाखवून कॉपर केबलची धाडसी चोरी केल्याची घटना घडली आहे. चोरट्यांनी कंपनीचे कंपाऊंड कापून आत प्रवेश केला आणि सुरक्षा रक्षकांना धमकावून चोरी केली. याप्रकरणी अक्कलकोट उत्तर पोलिस ठाण्यात १० जणांविरुद्ध गुन्हा दाखल करण्यात आला आहे. पोलिसांनी दिलेल्या माहितीनुसार, ही घटना १४ जुलै रोजी रात्री १२:३० ते पहाटे २:०० वाजण्याच्या दरम्यान घडली. आरोपींनी संगनमत करून सोलार कंपनीचे कंपाऊंड कटरने कापले आणि आत प्रवेश केला. त्यानंतर तेथील सुरक्षा रक्षकांना शस्त्राचा धाक दाखवत, शिवीगाळ व दमदाटी करून कंपनीतील कॉपर केबल कटरने तोडून चोरून नेली. या चोरीत ५० हजार रुपये किमतीची ५० मीटर लांबीची कॉपर केबल चोरीला गेली आहे. तसेच सीसीटीव्ही फुटेजची केबल तोडून अंदाजे १० हजार रुपयांचे आणि लाईट खांबाची केबल तोडून जंक्शन बॉक्स फोडल्याने सुमारे ३ हजार रुपयांचे नुकसान झाले आहे. चोरी आणि तोडफोडीमुळे कंपनीचे एकूण ६३ हजार रुपयांचे नुकसान झाले असल्याचे पोलिसांनी सांगितले आहे. याप्रकरणी घोळसगाव येथील २८ वर्षीय गणपती इरण्णा पाटील यांनी दिलेल्या फिर्यादीवरून परशुराम हरिश्चंद्र पवार, हरिश्चंद्र इरप्पा पवार, कन्हैय्या अर्जुन चव्हाण, शिवानंद सिद्राम काळे, अजय अनंत चव्हाण, सिताराम लिंबा चव्हाण आणि इतर चार अनोळखी व्यक्तींविरुद्ध भारतीय न्याय संहिता २०२३ मधील कलम ३१०(२), ३५१(२), ३२४(४), ३५२ अन्वये गुन्हा दाखल करण्यात आला आहे. गुन्हा दाखल करण्याची कार्यवाही पोलीस उपनिरीक्षक सुतार यांनी केली असून, या प्रकरणाचा पुढील तपास पोलीस उपनिरीक्षक सतीश रणवरे करत आहेत.