తెలంగాణ రాజ్యాధికార పార్టీ వ్యవస్థాపక అధ్యక్షుడు తీన్మార్ మల్లన్న గారు మహబూబాబాద్ జిల్లాలోని సిరోల్ మండలం, డోర్నకల్ నియోజకవర్గం పరిధిలోని ఉప్పరగూడెం గ్రామంలో మాట్లాడారు.

మహబూబాబాద్ జిల్లాలోని నాగారం–దమ్మాయిగూడెం రోడ్డు పరిస్థితి అత్యంత దారుణంగా ఉందని, అక్కడి గుంతలు ప్రజలకు నిత్యం ప్రమాదకరంగా మారాయని తెలంగాణ రాజ్యాధికార పార్టీ (టీఆర్‌పీ) నాయకత్వం స్పందించింది. ప్రజల ప్రాణాలు బలి తీసుకునేలోపు ఈ గుంతల రోడ్డుకు తాత్కాలిక మరమ్మతులు చేయించింది. ఈ చర్యను తెలంగాణ రాజ్యాధికార పార్టీ జిల్లా జాయింట్ సెక్రెటరీ గండ్ర కమలాకర్ పటేల్ గారు, టీఆర్‌పీ నాయకులు కోడూరి ప్రవీణ్ కుమార్ గారు పర్యవేక్షించారు. ప్రజల భద్రత కోసం ముందుకు వచ్చిన ఈ నాయకత్వాన్ని అభినందిస్తూ, అధికారుల నిర్లక్ష్యాన్ని ప్రశ్నించారు. పదవుల్లో ఉండటం నాయకత్వం కాదని, ప్రజల కష్టాల్లో నిలబడటమే నిజమైన నాయకత్వం అని టీఆర్‌పీ స్పష్టం చేసింది.

ఎర్రుపాలెం మండలం జమలాపురంలోని స్వయంభూ శ్రీ వెంకటేశ్వరస్వామి ఆలయంలో విగ్రహ ప్రతిష్ఠాపన జరిగి 50 ఏళ్లు పూర్తయిన సందర్భంగా, ఈ నెల 29 నుండి జులై 3వ తేదీ వరకు మహాకుంభాభిషేకం, నూతన ధ్వజస్తంభ ప్రతిష్ఠ కార్యక్రమాలు వైభవంగా నిర్వహించనున్నారు. ఈ వేడుకలకు శృంగేరి పీఠాధిపతి శ్రీ విధుశేఖర భారతి స్వామి హాజరుకానున్నారు. భక్తులకు ఎలాంటి అసౌకర్యం కలగకుండా ఉండేందుకు పోలీసు, విద్యుత్, వైద్య శాఖల అధికారులు సమన్వయంతో అవసరమైన అన్ని ఏర్పాట్లను పర్యవేక్షిస్తున్నారని ఆలయ అర్చకులు తెలిపారు.

వరంగల్ జిల్లా నర్సంపేట పట్టణంలోని కొన్ని ప్రైవేట్ పాఠశాలలు అధిక ఫీజులు వసూలు చేయడంతో పాటు పాఠ్యపుస్తకాలు, నోట్‌బుక్స్, ఇతర విద్యా సామగ్రిని మార్కెట్ ధరల కంటే ఎక్కువ ధరలకు విక్రయిస్తున్నాయని ఆరోపిస్తూ మండల విద్యాధికారి (ఎంఈఓ)కి ఫిర్యాదు పత్రం సమర్పించారు. ఈ ఫిర్యాదులో, పాఠశాల యాజమాన్యాలు తల్లిదండ్రులను తమ పాఠశాలల నుండే పుస్తకాలు, నోట్‌బుక్స్ కొనుగోలు చేయాలని బలవంతం చేస్తున్నాయని, దీనివల్ల సాధారణ మరియు మధ్యతరగతి కుటుంబాలు తీవ్ర ఆర్థిక ఇబ్బందులను ఎదుర్కొంటున్నాయని స్పష్టంగా పేర్కొన్నారు. ఈ నేపథ్యంలో, సంబంధిత పాఠశాలలపై సమగ్ర విచారణ చేపట్టి, అధిక ఫీజుల వసూలు మరియు విద్యా సామగ్రి విక్రయాలపై దర్యాప్తు నిర్వహించాలని ఫిర్యాదుదారులు విజ్ఞప్తి చేశారు. ప్రభుత్వ నిబంధనలను ఉల్లంఘించినట్లయితే చట్టపరమైన చర్యలు తీసుకోవాలని కూడా కోరారు. అలాగే, తల్లిదండ్రులకు నచ్చిన దుకాణాలలో పాఠ్యపుస్తకాలు, నోట్‌బుక్స్ కొనుగోలు చేసుకునే స్వేచ్ఛ కల్పించేలా చర్యలు తీసుకోవాలని ఎంఈఓను డిమాండ్ చేశారు.

భద్రాద్రి కొత్తగూడెం జిల్లాలోని పోస్ట్ మెట్రిక్ హాస్టళ్లలో పనిచేస్తున్న వర్కర్లపై షెడ్యూల్డ్ కాస్ట్ సంక్షేమ శాఖ డీడీ శ్రీలత కక్షసాధింపు చర్యలకు పాల్పడుతున్నారని సీపీఐ(ఎంఎల్) న్యూ డెమోక్రసీ భద్రాచలం డివిజన్ కార్యదర్శి కామ్రేడ్ ముసలి సతీష్ డిమాండ్ చేశారు. భద్రాచలంలో నిర్వహించిన ముఖ్య కార్యకర్తల సమావేశంలో ఆయన మాట్లాడుతూ, హాస్టల్ వర్కర్లకు 16 నెలలుగా వేతనాలు చెల్లించకపోవడం, తమ సమస్యలను కలెక్టర్ దృష్టికి తీసుకెళ్లినందుకు కొందరిపై చర్యలు తీసుకోవడం, ఎటువంటి నోటీసులు ఇవ్వకుండానే విధులను నిలిపివేయడం, నిబంధనలకు విరుద్ధంగా బదిలీలు చేయడం వంటివి జరుగుతున్నాయని ఆరోపించారు. అత్యల్ప వేతనాలతో కుటుంబాన్ని పోషిస్తున్న వర్కర్లను సుదూర ప్రాంతాలకు బదిలీ చేయడం వల్ల తీవ్ర ఆర్థిక ఇబ్బందులు ఎదురవుతున్నాయని కామ్రేడ్ సతీష్ తెలిపారు. పెండింగ్‌లో ఉన్న వేతనాలను వెంటనే విడుదల చేయాలని, హాస్టల్ వర్కర్ల సమస్యలపై జిల్లా కలెక్టర్ స్పందించి తక్షణమే తగిన చర్యలు తీసుకోవాలని ఆయన కోరారు. ఈ సమావేశంలో పీఓడబ్ల్యూ నాయకురాలు మడకం సమ్మక్క, పీవైఎల్ నాయకులు మట్ట నరసింహరావు, కారం జైరాజు, రమేష్ సహా పలువురు ముఖ్య కార్యకర్తలు పాల్గొన్నారు.

భద్రాద్రి కొత్తగూడెం జిల్లాలోని కొత్తగూడెం కేంద్రంలో గోదావరి వరదల నేపథ్యంలో చేపట్టవలసిన ముందస్తు ప్రణాళికలు, తీసుకోవలసిన చర్యలపై జిల్లాస్థాయి ఉన్నత అధికారుల సమీక్షా సమావేశం జరిగింది. ఈ సమావేశంలో మంత్రి తుమ్మల పాల్గొన్నారు. గత అనుభవాలను దృష్టిలో ఉంచుకొని, గోదావరి వరదల ముందస్తు ప్రణాళికకు సంబంధించి అధికారులకు మంత్రి తుమ్మల కీలక ఆదేశాలు జారీ చేశారు. ఈ జిల్లాస్థాయి సమీక్ష సమావేశంలో భద్రాద్రి కొత్తగూడెం జిల్లా శాసనసభ్యులు, ఉన్నత అధికారులు కూడా పాల్గొన్నారు.

తెలంగాణ రాజ్యాధికార పార్టీ వ్యవస్థాపక అధ్యక్షుడు తీన్మార్ మల్లన్న గారు మహబూబాబాద్ జిల్లాలోని సిరోల్ మండలం, డోర్నకల్ నియోజకవర్గం పరిధిలోని ఉప్పరగూడెం గ్రామంలో మాట్లాడారు.

ఈ నెల 28, 29, 30 తేదీల్లో చింతకాని మండలం జగన్నాథపురం – మత్కేపల్లి క్రాస్రోడ్డు వద్ద జరగనున్న రైతు మేళా మరియు సీఎం రైతు ఆశీర్వాద సభ ఏర్పాట్లను కలెక్టర్ దివాకర్ టీఎస్ పరిశీలించారు. ఈ సందర్బంగా ఆయన వేదిక, స్టాళ్లు, పార్కింగ్ స్థలాలు, భోజనశాలలు, తాగునీరు మరియు పారిశుద్ధ్య ఏర్పాట్లను క్షుణ్ణంగా తనిఖీ చేశారు. ఎలాంటి ఇబ్బందులు తలెత్తకుండా అన్ని పనులను సకాలంలో పూర్తి చేయాలని అధికారులకు సూచనలు జారీ చేయడంతో పాటు ఆదేశాలు ఇచ్చారు.