ભરૂચ ક્રાઈમ બ્રાન્ચે અંકલેશ્વર GIDCમાં એક મોટી રેડ પાડી છે. આ દરોડા દરમિયાન ₹૭૦ લાખની કિંમતનો શંકાસ્પદ કેમિકલ પાવડર મળી આવ્યો છે. આ શંકાસ્પદ કેમિકલ પાવડરના જથ્થા સાથે બે શખ્સોને ઝડપી પાડવામાં આવ્યા છે.

સુરતના ડિંડોલીમાં ભારે વરસાદ બાદ વરસાદી પાણીની ખાડીના કિનારે આવેલી લોખંડની જાળી પર પ્લાસ્ટિક, લાકડા, કપડાં અને અન્ય કચરાનો એક વિશાળ ઢગલો એકઠો થઈ ગયો છે. આ કચરાના ઢગલાને દૂરથી જોતા એવું લાગે છે કે જાણે અહીં કોઈ "કચરાની દિવાલ" ઊભી થઈ ગઈ હોય. આ ગંભીર દૃશ્ય માત્ર ગંદકી જ નથી ફેલાવી રહ્યું, પરંતુ શહેરની ડ્રેનેજ વ્યવસ્થા, કચરા વ્યવસ્થાપન અને નાગરિકોની જાગૃતિ સામે પણ ગંભીર પ્રશ્નો ઊભા કરે છે. જો આ એકઠા થયેલા કચરાને સમયસર દૂર કરવામાં નહીં આવે, તો આગામી વરસાદ દરમિયાન પાણીના પ્રવાહમાં અવરોધ ઊભો થશે અને ફરી એકવાર ભારે પાણી ભરાવા જેવી ગંભીર પરિસ્થિતિ સર્જાઈ શકે છે. આ ગંભીર સ્થિતિને લઈને હવે અનેક સવાલો ઊભા થઈ રહ્યા છે કે આ કચરા માટે આખરે જવાબદાર કોણ છે? શું આ કચરાની સમયસર સફાઈ કરવામાં આવશે? અને શું શહેરને ફરી એકવાર પૂર જેવી મુશ્કેલ પરિસ્થિતિનો સામનો કરવો પડશે? આ મામલે 'વંચિત વાણી' દ્વારા જનહિતમાં સુરત મહાનગર પાલિકાને તાત્કાલિક ધોરણે આ કચરો દૂર કરવા માટે અપીલ કરવામાં આવી છે. સાથે જ નાગરિકોને પણ જાહેર સ્થળોએ કચરો ન ફેંકીને પોતાની જવાબદારી નિભાવવા માટે કહેવામાં આવ્યું છે, કારણ કે સ્વચ્છ શહેર જ ખરેખર સુરક્ષિત શહેર છે.

સુરત શહેરમાં તાજેતરમાં પડેલા ભારે વરસાદ અને તેનાથી પ્રભાવિત લોકોની પીડાને શબ્દો તેમજ સંગીતના માધ્યમથી રજૂ કરવાનો પ્રયાસ કરવામાં આવ્યો છે. શહેરના વરિષ્ઠ તબીબ ડૉ. નિર્મલ વાણિયાવાલા દ્વારા લખાયેલા એક પ્રેરણાદાયી ગીતને પારસ મ્યુઝિક સ્ટુડિયોમાં સંગીતબદ્ધ અને મિક્સ કરવામાં આવ્યું છે. ત્યારબાદ, આ ગીતને વરસાદ સાથે જોડાયેલા દ્રશ્યો સાથે તૈયાર કરીને લોકો વચ્ચે જાહેર કરવામાં આવ્યું છે. પારસ મ્યુઝિક સ્ટુડિયોમાં તૈયાર થયેલું આ ગીત લોકોની લાગણીઓનો અવાજ બન્યું છે અને તેના દ્વારા સેવાનો સંદેશ આપવામાં આવ્યો છે.

સુરતના પાલી ગામ વિસ્તારના વિવિધ સ્થળો પર પહોંચીને સચિન જીઆઈડીસી પોલીસે ગૌવંશને ભૂસું ખવડાવીને માનવતા અને સેવાનું અનોખું ઉદાહરણ રજૂ કર્યું છે. કાયદો અને વ્યવસ્થાની સાથે સામાજિક સેવા અને જીવો પ્રત્યે સંવેદનશીલતા દર્શાવતી પોલીસની આ પ્રશંસનીય પહેલે આખા શહેરમાં સંવેદનશીલ પોલીસિંગનો એક સકારાત્મક સંદેશ આપ્યો છે. આ સેવા કાર્યક્રમમાં જે ડિવિઝનના એસીપી એ.સી. તર્ડે ખાસ ઉપસ્થિત રહ્યા હતા. આ સાથે જ સચિન જીઆઈડીસી પોલીસ સ્ટેશનના પીઆઈ કુલદીપસિંહ ગોહિલ, સેકન્ડ પીઆઈ કે.એ. ચૌહાણ અને ડી-સ્ટાફના તમામ પોલીસકર્મીઓએ સક્રિય રીતે આ ગૌસેવા અભિયાનમાં ભાગ લીધો હતો. પોલીસની આ અનોખી પહેલની સ્થાનિક લોકો દ્વારા ભારે પ્રશંસા કરવામાં આવી રહી છે. લોકોનું કહેવું છે કે કાયદો અને વ્યવસ્થાની સુરક્ષા કરવાની સાથે જીવો પ્રત્યે આવી સંવેદનશીલતા દાખવવાથી પોલીસની સકારાત્મક છબી સમાજમાં વધુ મજબૂત બને છે.

સુરત જિલ્લાના તાતીથૈયા ગામમાંથી મોટર સાઇકલ ચોરી કરનાર એક ઇસમને ચોરીની મોટર સાઇકલ સાથે ઝડપી પાડવામાં આવ્યો છે.

મહેસાણા નુગર બાયપાસ પાસે એક ગેસ્ટ હાઉસની આડમાં વેશ્યાલય ચાલી રહ્યું હોવાના સવાલ ઉઠી રહ્યા છે, જેને પગલે સ્થાનિક લોકોમાં ભારે ગુસ્સો જોવા મળી રહ્યો છે. ગેસ્ટ હાઉસના ઓઠા હેઠળ આ પ્રકારની પ્રવૃત્તિ ચાલતી હોવાની શંકાથી સ્થાનિકો અત્યંત આક્રોશમાં છે.

અંકલેશ્વરના શારદા ભવન ટાઉન હોલ ખાતે માતોશ્રી ચેરીટેબલ ટ્રસ્ટ દ્વારા ટીઆરબી જવાનો, ટ્રાફિક પોલીસકર્મીઓ, પાલિકાના ફાયરના જવાનો અને મીડિયાકર્મીઓને રેઇનકોટનું વિતરણ કરવામાં આવ્યું હતું.

સુરતના સલાબતપુરા વિસ્તારમાં આવેલા ઉમરવાડા ખાતે માત્ર 6 વર્ષની માસૂમ બાળકી સાથે શારીરિક અડપલાં કરવાનો મામલો સામે આવ્યો છે. આ માસૂમ બાળકી ઉપર શારીરિક અડપલાં કરનાર 82 વર્ષના વૃદ્ધની સલાબતપુરા પોલીસે ધરપકડ કરી લીધી છે.