રાજ્યમાં ક્રિકેટ સીઝન દરમિયાન સટ્ટાબાજી જેવી ગેરકાયદેસર પ્રવૃત્તિઓમાં વધારો થતો જોવા મળે છે. આવી પ્રવૃત્તિઓને અટકાવવા માટે પોલીસ દ્વારા સતત વોચ રાખવામાં આવી રહી છે. ત્યારે અમરેલી જિલ્લામાંથી આવી જ એક ઘટના સામે આવી છે, જેમાં એલ.સી.બી. ટીમે ટીંબી ગામે રેઈડ કરીને સટ્ટો રમાડતા ઇસમને ઝડપી પાડ્યો છે. માહિતી મુજબ, Lucknow Super Giants અને Royal Challengers Bengaluru વચ્ચે ચાલી રહેલી લાઈવ ક્રિકેટ મેચ દરમિયાન આરોપી એન્ડ્રોઇડ મોબાઈલમાં CREX એપ્લિકેશન મારફતે સ્કોર પર નજર રાખતો હતો. સાથે સાથે ફોન દ્વારા સટ્ટાની લેવડ-દેવડ કરતો અને કાગળમાં પોતાના નામ સામે આંકડાઓ નોંધતો હતો. આ રીતે ક્રિકેટના સટ્ટા જેવી ગેરકાયદેસર પ્રવૃત્તિ ચલાવતો હોવાની બાતમી પોલીસને મળતા તરત જ કાર્યવાહી હાથ ધરવામાં આવી. અમરેલી એલ.સી.બી. પોલીસ ઇન્સ્પેક્ટર શ્રી સી.પી. વાઘેલાની રાહબરી હેઠળ ટીમે તા. ૧૫ એપ્રિલ ૨૦૨૬ના રોજ નાગેશ્રી પોલીસ સ્ટેશન હદના ટીંબી ગામે રેઈડ કરી હતી. દરમિયાન અશરફ ઉર્ફે આદમ બમાણી (ઉંમર ૪૦, રહે. ટીંબી, મસ્જીદ પાસે, તા. જાફરાબાદ, જિ. અમરેલી)ને ઝડપી પાડવામાં આવ્યો હતો. પોલીસે સ્થળ પરથી કુલ રૂ. ૨૮,૫૦૦નો મુદ્દામાલ કબજે કર્યો હતો, જેમાં રૂ. ૧૭,૫૦૦ રોકડ રકમ, રૂ. ૧૧,૦૦૦ના બે મોબાઈલ ફોન તથા ક્રિકેટ ટીમોના નામ અને આંકડાઓ લખેલી ચીઠ્ઠી અને પેનનો સમાવેશ થાય છે. આ મામલે વધુ એક આરોપી અમિતબાપુ મેઘનાથીનું નામ સામે આવ્યું છે, જે હાલ ફરાર હોવાનું પોલીસ સૂત્રો જણાવે છે. તેની શોધખોળ શરૂ કરવામાં આવી છે. પકડાયેલા આરોપી વિરુદ્ધ જુગાર અધિનિયમ હેઠળ ગુનો નોંધી ધોરણસર કાર્યવાહી હાથ ધરવામાં આવી છે અને તેને નાગેશ્રી પોલીસ સ્ટેશનમાં સોંપવામાં આવ્યો છે. આ કામગીરીમાં એલ.સી.બી. ટીમના હેડ કોન્સ્ટેબલ ગોકુળભાઈ કળોતરા, મહેશભાઈ રાઠોડ, જનકભાઈ હિમાસીયા તેમજ પોલીસ કોન્સ્ટેબલ યુવરાજસિંહ વાળા, પરેશભાઈ દાફડા, રવિરાજભાઈ વરૂ અને મહેશભાઈ બારૈયા સહિતના સ્ટાફે મહત્વપૂર્ણ ભૂમિકા ભજવી હતી. પોલીસની આ કાર્યવાહીથી વિસ્તારમાં સટ્ટાબાજી કરતા તત્વોમાં ભયનો માહોલ જોવા મળ્યો છે, અને આવનારા સમયમાં આવી ગેરકાયદેસર પ્રવૃત્તિઓ સામે વધુ કડક પગલાં લેવામાં આવશે તેવું સ્પષ્ટ સંકેત મળ્યો છે.

RAJULANEWSUPDATE

News Update રાજુલા, અમરેલી, ગુજરાત•

9 hrs ago

રાજ્યમાં ક્રિકેટ સીઝન દરમિયાન સટ્ટાબાજી જેવી ગેરકાયદેસર પ્રવૃત્તિઓમાં વધારો થતો જોવા મળે છે. આવી પ્રવૃત્તિઓને અટકાવવા માટે પોલીસ દ્વારા સતત વોચ રાખવામાં આવી રહી છે. ત્યારે અમરેલી જિલ્લામાંથી આવી જ એક ઘટના સામે આવી છે, જેમાં એલ.સી.બી. ટીમે ટીંબી ગામે રેઈડ કરીને સટ્ટો રમાડતા ઇસમને ઝડપી પાડ્યો છે. માહિતી મુજબ, Lucknow Super Giants અને Royal Challengers Bengaluru વચ્ચે ચાલી રહેલી લાઈવ ક્રિકેટ મેચ દરમિયાન આરોપી એન્ડ્રોઇડ મોબાઈલમાં CREX એપ્લિકેશન મારફતે સ્કોર પર નજર રાખતો હતો. સાથે સાથે ફોન દ્વારા સટ્ટાની લેવડ-દેવડ કરતો અને કાગળમાં પોતાના નામ સામે આંકડાઓ નોંધતો હતો. આ રીતે ક્રિકેટના સટ્ટા જેવી ગેરકાયદેસર પ્રવૃત્તિ ચલાવતો હોવાની બાતમી પોલીસને મળતા તરત જ કાર્યવાહી હાથ ધરવામાં આવી. અમરેલી એલ.સી.બી. પોલીસ ઇન્સ્પેક્ટર શ્રી સી.પી. વાઘેલાની રાહબરી હેઠળ ટીમે તા. ૧૫ એપ્રિલ ૨૦૨૬ના રોજ નાગેશ્રી પોલીસ સ્ટેશન હદના ટીંબી ગામે રેઈડ કરી હતી. દરમિયાન અશરફ ઉર્ફે આદમ બમાણી (ઉંમર ૪૦, રહે. ટીંબી, મસ્જીદ પાસે, તા. જાફરાબાદ, જિ. અમરેલી)ને ઝડપી પાડવામાં આવ્યો હતો. પોલીસે સ્થળ પરથી કુલ રૂ. ૨૮,૫૦૦નો મુદ્દામાલ કબજે કર્યો હતો, જેમાં રૂ. ૧૭,૫૦૦ રોકડ રકમ, રૂ. ૧૧,૦૦૦ના બે મોબાઈલ ફોન તથા ક્રિકેટ ટીમોના નામ અને આંકડાઓ લખેલી ચીઠ્ઠી અને પેનનો સમાવેશ થાય છે. આ મામલે વધુ એક આરોપી અમિતબાપુ મેઘનાથીનું નામ સામે આવ્યું છે, જે હાલ ફરાર હોવાનું પોલીસ સૂત્રો જણાવે છે. તેની શોધખોળ શરૂ કરવામાં આવી છે. પકડાયેલા આરોપી વિરુદ્ધ જુગાર અધિનિયમ હેઠળ ગુનો નોંધી ધોરણસર કાર્યવાહી હાથ ધરવામાં આવી છે અને તેને નાગેશ્રી પોલીસ સ્ટેશનમાં સોંપવામાં આવ્યો છે. આ કામગીરીમાં એલ.સી.બી. ટીમના હેડ કોન્સ્ટેબલ ગોકુળભાઈ કળોતરા, મહેશભાઈ રાઠોડ, જનકભાઈ હિમાસીયા તેમજ પોલીસ કોન્સ્ટેબલ યુવરાજસિંહ વાળા, પરેશભાઈ દાફડા, રવિરાજભાઈ વરૂ અને મહેશભાઈ બારૈયા સહિતના સ્ટાફે મહત્વપૂર્ણ ભૂમિકા ભજવી હતી. પોલીસની આ કાર્યવાહીથી વિસ્તારમાં સટ્ટાબાજી કરતા તત્વોમાં ભયનો માહોલ જોવા મળ્યો છે, અને આવનારા સમયમાં આવી ગેરકાયદેસર પ્રવૃત્તિઓ સામે વધુ કડક પગલાં લેવામાં આવશે તેવું સ્પષ્ટ સંકેત મળ્યો છે.