కరీంనగర్ జిల్లాలోని చిగురుమామిడి మండలం రేకొండ గ్రామంలో బిఆర్ఎస్ పార్టీ ఆధ్వర్యంలో గ్రామస్తులు తీవ్ర నిరసన చేపట్టారు. రేకొండ గ్రామం నుండి ఎగ్లాస్పూర్ గ్రామానికి వెళ్లే తొక్కుడు బండల వాగుపై బ్రిడ్జి నిర్మించాలని డిమాండ్ చేస్తూ టెంటు వేసుకొని ఆందోళన వ్యక్తం చేశారు. గ్రామం చుట్టూ ఉన్న లో లెవెల్ రహదారులపై కూడా బ్రిడ్జిలను నిర్మించాలని వారు కోరారు. స్థానిక ఎమ్మెల్యే, మంత్రి పొన్నం ప్రభాకర్ ఎన్నికల ప్రచారంలో ఇచ్చిన హామీ మేరకు వాగుపై బ్రిడ్జిని నిర్మించాలని గ్రామస్తులు డిమాండ్ చేశారు. వర్షాకాలంలో వాగు ప్రవాహం పెరిగి, వాగుకు అవతలి వైపు ఉన్న ఊర్లకు, పంట పొలాలకు వెళ్లడానికి ఇబ్బందిగా మారుతోందని రైతులు, గ్రామస్తులు ఆవేదన వ్యక్తం చేశారు. వాగులో ఉన్న బండలు నీటి ప్రవాహానికి పాకురు పడుతుండడంతో వాటిపై నుండి వెళ్లే వాహనదారులు, రైతులు జారిపడి తీవ్ర గాయాల పాలవుతున్నారని తెలిపారు. వాగు ప్రవాహం పెరిగిన సమయంలో అవతలి వైపు వెళ్లాలంటే 10 నుండి 15 కిలోమీటర్ల దూరం తిరిగి ప్రయాణించాల్సి వస్తోందని పేర్కొన్నారు. గత బిఆర్ఎస్ ప్రభుత్వ హయాంలో బ్రిడ్జిల నిర్మాణానికి నిధులు మంజూరైనప్పటికీ, ఇంతవరకు నిర్మాణం చేపట్టలేదని బిఆర్ఎస్ నాయకులు ఆరోపించారు. ఈ విషయమై వెంటనే మంత్రి పొన్నం ప్రభాకర్ స్పందించి బ్రిడ్జిల నిర్మాణం చేపట్టి తమ ఇబ్బందులను తొలగించాలని విజ్ఞప్తి చేశారు. బ్రిడ్జిల నిర్మాణం వెంటనే చేపట్టకుంటే తీవ్ర ఆందోళనలు చేపడతామని, ఉద్యమాన్ని మరింత ఉధృతం చేస్తామని వారు హెచ్చరించారు.

కరీంనగర్ జిల్లాలోని చిగురుమామిడి మండలం రేకొండ గ్రామంలో బిఆర్ఎస్ పార్టీ ఆధ్వర్యంలో గ్రామస్తులు తీవ్ర నిరసన చేపట్టారు. రేకొండ గ్రామం నుండి ఎగ్లాస్పూర్ గ్రామానికి వెళ్లే తొక్కుడు బండల వాగుపై బ్రిడ్జి నిర్మించాలని డిమాండ్ చేస్తూ టెంటు వేసుకొని ఆందోళన వ్యక్తం చేశారు. గ్రామం చుట్టూ ఉన్న లో లెవెల్ రహదారులపై కూడా బ్రిడ్జిలను నిర్మించాలని వారు కోరారు. స్థానిక ఎమ్మెల్యే, మంత్రి పొన్నం ప్రభాకర్ ఎన్నికల ప్రచారంలో ఇచ్చిన హామీ మేరకు వాగుపై బ్రిడ్జిని నిర్మించాలని గ్రామస్తులు డిమాండ్ చేశారు. వర్షాకాలంలో వాగు ప్రవాహం పెరిగి, వాగుకు అవతలి వైపు ఉన్న ఊర్లకు, పంట పొలాలకు వెళ్లడానికి ఇబ్బందిగా మారుతోందని రైతులు, గ్రామస్తులు ఆవేదన వ్యక్తం చేశారు. వాగులో ఉన్న బండలు నీటి ప్రవాహానికి పాకురు పడుతుండడంతో వాటిపై నుండి వెళ్లే వాహనదారులు, రైతులు జారిపడి తీవ్ర గాయాల పాలవుతున్నారని తెలిపారు. వాగు ప్రవాహం పెరిగిన సమయంలో అవతలి వైపు వెళ్లాలంటే 10 నుండి 15 కిలోమీటర్ల దూరం తిరిగి ప్రయాణించాల్సి వస్తోందని పేర్కొన్నారు. గత బిఆర్ఎస్ ప్రభుత్వ హయాంలో బ్రిడ్జిల నిర్మాణానికి నిధులు మంజూరైనప్పటికీ, ఇంతవరకు నిర్మాణం చేపట్టలేదని బిఆర్ఎస్ నాయకులు ఆరోపించారు. ఈ విషయమై వెంటనే మంత్రి పొన్నం ప్రభాకర్ స్పందించి బ్రిడ్జిల నిర్మాణం చేపట్టి తమ ఇబ్బందులను తొలగించాలని విజ్ఞప్తి చేశారు. బ్రిడ్జిల నిర్మాణం వెంటనే చేపట్టకుంటే తీవ్ర ఆందోళనలు చేపడతామని, ఉద్యమాన్ని మరింత ఉధృతం చేస్తామని వారు హెచ్చరించారు.

సిద్దిపేట జిల్లాలోని హుస్నాబాద్‌లో ఉమ్మడి ఆంధ్రప్రదేశ్ మాజీ ముఖ్యమంత్రి, దివంగత డాక్టర్ వై.ఎస్. రాజశేఖర్ రెడ్డి జయంతి వేడుకలను కాంగ్రెస్ పార్టీ నాయకులు, అభిమానులు అత్యంత ఘనంగా నిర్వహించారు. ఈ సందర్భంగా వారు వై.ఎస్. రాజశేఖర్ రెడ్డి చిత్రపటానికి పూలమాలలు వేసి నివాళులర్పించారు. ఈ కార్యక్రమంలో పాల్గొన్న కాంగ్రెస్ పార్టీ సీనియర్ నాయకుడు కేడం లింగమూర్తి మాట్లాడుతూ, ముఖ్యమంత్రిగా వై.ఎస్. రాజశేఖర్ రెడ్డి నాడు ప్రవేశపెట్టిన పథకాలు నేటికీ కొనసాగుతున్నాయని అన్నారు. ఆయన దుర్మరణం చెంది 17 సంవత్సరాలు గడుస్తున్నా, నేటికీ ఉమ్మడి రాష్ట్ర ప్రజల గుండెల్లో చిరస్థాయిగా నిలిచిపోయారని లింగమూర్తి గుర్తుచేశారు. హుస్నాబాద్ మెట్ట ప్రాంతానికి వరప్రదాయినిగా భావించే గౌరవెల్లి, గండిపల్లి ప్రాజెక్ట్‌లకు ఆయన కాలంలోనే శంకుస్థాపనలు జరిగాయని వివరించారు. ప్రస్తుత ప్రజా పాలన ప్రభుత్వం, ముఖ్యమంత్రి రేవంత్ రెడ్డి వై.ఎస్. రాజశేఖర్ రెడ్డి ఆశయాలను స్ఫూర్తిగా తీసుకొని ముందుకు సాగుతున్నారని లింగమూర్తి పేర్కొన్నారు.

కరీంనగర్ జిల్లాలోని చిగురుమామిడి మండలం రేకొండ గ్రామంలో గ్రామస్తులు బీఆర్ఎస్ ఆధ్వర్యంలో నిరసన చేపట్టారు. రేకొండ-ఎగ్లాస్‌పూర్ గ్రామాల మధ్య ఉన్న తొక్కుడు బండల వాగుపై శాశ్వత బ్రిడ్జిని నిర్మించాలని డిమాండ్ చేస్తూ గ్రామస్తులు టెంటు ఏర్పాటు చేసి ఆందోళన నిర్వహించారు. ఎన్నికల సమయంలో ఇచ్చిన హామీ మేరకు మంత్రి పొన్నం ప్రభాకర్ వెంటనే బ్రిడ్జి నిర్మాణానికి చర్యలు తీసుకోవాలని నిరసనకారులు కోరారు. వర్షాకాలంలో వాగు ఉప్పొంగడంతో రైతులు, గ్రామస్తులు, వాహనదారులు తీవ్ర ఇబ్బందులు ఎదుర్కొంటున్నారని, ప్రమాదాలు కూడా జరుగుతున్నాయని తెలిపారు. వాగు దాటలేని పరిస్థితుల్లో 10 నుంచి 15 కిలోమీటర్లు అదనంగా ప్రయాణించాల్సి వస్తోందని వారు ఆవేదన వ్యక్తం చేశారు. గత ప్రభుత్వంలో నిధులు మంజూరైనా పనులు ప్రారంభం కాలేదని బీఆర్ఎస్ నాయకులు ఆరోపించారు. వెంటనే బ్రిడ్జి నిర్మాణం చేపట్టకపోతే ఉద్యమాన్ని మరింత ఉధృతం చేస్తామని వారు హెచ్చరించారు. బ్రిడ్జి నిర్మాణం చేపట్టాలని టిఆర్ఎస్ పార్టీ ఆధ్వర్యంలో ఈ ఆందోళన జరిగినట్లు కూడా పేర్కొన్నారు.

దివంగత మాజీ ముఖ్యమంత్రి వైయస్ రాజశేఖర్ రెడ్డి గారి జయంతి సందర్భంగా నేడు కరీంనగర్‌లోని డిసిసి కార్యాలయంలో ప్రత్యేక కార్యక్రమం నిర్వహించారు. ఈ కార్యక్రమానికి చొప్పదండి ఎమ్మెల్యే మరియు కరీంనగర్ జిల్లా కాంగ్రెస్ అధ్యక్షులు డాక్టర్ మేడిపల్లి సత్యం గారు హాజరయ్యారు. కార్పొరేషన్ కాంగ్రెస్ అధ్యక్షులు వైద్యుల అంజన్ కుమార్, సుడా చైర్మన్ కోమటిరెడ్డి నరేందర్ రెడ్డి, మార్కెట్ కమిటీ చైర్మన్ ఆకుల నరసయ్య తదితరులతో కలిసి వైఎస్సార్ చిత్రపటానికి పూలమాలలు వేసి ఘనంగా నివాళులర్పించారు. ఈ సందర్భంగా ఎమ్మెల్యే మేడిపల్లి సత్యం మాట్లాడుతూ, వైయస్ రాజశేఖర్ రెడ్డి గారు చిన్న వయసులోనే శాసనసభకు ఎన్నికై మంత్రిగా, ప్రదేశ్ కాంగ్రెస్ కమిటీ అధ్యక్షులుగా, రాష్ట్రంలో ప్రతిపక్ష నాయకుడిగా కాంగ్రెస్ పార్టీ బలోపేతానికి ఎనలేని సేవలు అందించారని కొనియాడారు. 2003లో రాష్ట్రవ్యాప్తంగా సుదీర్ఘమైన పాదయాత్ర చేపట్టి, 2004లో ఉమ్మడి రాష్ట్రంలో కాంగ్రెస్ పార్టీ అధికారంలోకి రావడానికి ఆయన కీలక పాత్ర పోషించారని గుర్తుచేశారు. ముఖ్యమంత్రి అయిన తర్వాత రాజశేఖర్ రెడ్డి గారు దేశంలోనే 'సంక్షేమం' అనే పదానికి పూర్తి చిరునామాగా నిలిచారని, వారి హయాంలో పేద ప్రజలకు ఉపయోగపడేలా రాజీవ్ ఆరోగ్యశ్రీ, 108 అంబులెన్స్ సేవలు, ఫీజు రీయింబర్స్‌మెంట్ వంటి ఎన్నో పథకాలు అమలు చేశారని వివరించారు. ముఖ్యంగా రైతాంగానికి అండగా నిలిచి, జలయజ్ఞం ద్వారా అనేక సాగునీటి ప్రాజెక్టులు నిర్మించారని, ఉమ్మడి కరీంనగర్ జిల్లాలో శ్రీపాద ఎల్లంపల్లి ప్రాజెక్టు మరియు వరద కాలువల నిర్మాణం చేపట్టిన గొప్ప నాయకుడిగా ఆయన ప్రశంసలు అందుకున్నారని తెలిపారు. వారి హయాంలోనే కరీంనగర్ జిల్లాలో శాతవాహన యూనివర్సిటీ, చొప్పదండి నియోజకవర్గంలో జేఎన్టీయూ వంటి ఎన్నో విద్యాసంస్థలను నెలకొల్పడం ద్వారా ప్రజల మనసులో చెరగని ముద్ర వేసుకున్నారని, నేటికీ కీర్తించబడుతున్నారని అన్నారు. రాజశేఖర్ రెడ్డి గారు ముఖ్యమంత్రిగా ఈ రాష్ట్రానికి ఇంకా ఎన్నో సేవలు అందించాల్సి ఉన్నప్పటికీ, దురదృష్టవశాత్తు హెలికాప్టర్ ప్రమాదంలో మరణించి రాష్ట్ర ప్రజలను, ముఖ్యంగా కాంగ్రెస్ పార్టీ శ్రేణులను శోకసంద్రంలో ముంచారని మేడిపల్లి సత్యం ఆవేదన వ్యక్తం చేశారు. ప్రస్తుతం తెలంగాణ రాష్ట్రంలో ముఖ్యమంత్రి రేవంత్ రెడ్డి గారు వైయస్ రాజశేఖర్ రెడ్డి గారి స్ఫూర్తితో సంక్షేమ పరిపాలన కొనసాగిస్తున్నారని పేర్కొన్నారు. రాజశేఖర్ రెడ్డి గారు చూపిన పోరాట పటిమను ప్రతి కాంగ్రెస్ పార్టీ కార్యకర్త అందిపుచ్చుకోవాలని కోరుతూ, కాంగ్రెస్ పార్టీకి, ప్రజలకు ఆయన చేసిన సేవలను ఈ సందర్భంగా స్మరించుకున్నామని తెలిపారు. ఈ కార్యక్రమంలో నాయకులు ఆకారపు భాస్కర్ రెడ్డి, ఎండి తాజ్, మడుపు మోహన్, కర్ర సత్య ప్రసన్న, బానోతు శ్రావన్ నాయక్, వెన్న రాజమల్లయ్య, సిరాజ్ హుస్సేన్, సురేందర్ రెడ్డి ముదుగంటి, గంట శ్రీనివాస కళ్యాణి, కాంతాల జగన్ రెడ్డి, చర్ల పద్మ, గుండాటి శ్రీనివాస్ రెడ్డి, వంగల విద్యాసాగర్, దిండిగాల మధు, మాదాసు శ్రీనివాస్, కుంభాల రాజు కుమార్, కల్వల రామ్ చందర్, షబానా మహమ్మద్, పోరండ్ల రమేష్, గడప శ్రీనివాస్, మంద మహేష్, శిల్ప, స్వప్నశ్రీ, అందే శంకర్, తోట అంజయ్య, భారీ, మూల కృష్ణారెడ్డి, నూనె గోపాల్ రెడ్డి, మాలోతు మహాలక్ష్మి, హైమద్, మహమ్మద్ చాంద్, గన్ను మహేందర్ రెడ్డి, హనీఫ్, జొన్నల రమేష్, ముక్క భాస్కర్, సత్తినేని శ్రీకాంత్, విక్టర్, శారద, కట్టెకోల ప్రభాకర్, జ్యోతి రెడ్డి, కాంపల్లి కీర్తి కుమార్ తదితరులు పాల్గొన్నారు.

కరీంనగర్ పోలీస్ కమిషనరేట్ పరిధిలోని రామడుగు మండలం, వెలిచాల గ్రామంలో బుధవారం “పోలీస్ మీ కోసం” అవగాహన కార్యక్రమం అత్యంత వైభవంగా నిర్వహించబడింది. ఈ సందర్భంగా గ్రామంలో కొత్తగా ఏర్పాటు చేసిన 40 సీసీటీవీ కెమెరాలను పోలీసు ఉన్నతాధికారులు రిబ్బన్ కట్ చేసి ప్రారంభించారు. ఈ సదస్సులో దాదాపు 500 మందికి పైగా గ్రామ ప్రజలు, యువకులు, మహిళలు పెద్ద సంఖ్యలో పాల్గొన్నారు. ఈ కార్యక్రమం సందర్భంగా మాట్లాడిన పోలీస్ కమిషనర్ గౌష్ ఆలం, శాంతిభద్రతల పరిరక్షణలో మరియు నేరాల నియంత్రణలో సాంకేతిక పరిజ్ఞానం, ముఖ్యంగా సీసీటీవీ కెమెరాల ప్రాధాన్యతను వివరించారు. వెలిచాల గ్రామంలో పాత కెమెరాల స్థానంలో నలభై అధునాతన సాంకేతికతతో కూడిన కొత్త సీసీటీవీ కెమెరాలను అమర్చినట్లు తెలిపారు. కమిషనరేట్ పరిధిలోని ప్రతి గ్రామం, పట్టణం, ప్రతి మూలను సీసీటీవీ నిఘా నీడలోకి తీసుకురావడమే పోలీసుల ముఖ్య ఉద్దేశమని స్పష్టం చేశారు. రాబోయే రోజుల్లో కమిషనరేట్ పరిధిలో లోపాలను అధిగమిస్తూ మరో 700 కొత్త కెమెరాలను అమర్చడమే లక్ష్యంగా పెట్టుకున్నట్లు ప్రకటించారు. కమీషనర్ ప్రజలకు సైబర్ నేరాలు, డ్రగ్స్, రోడ్డు ప్రమాదాలపై అవగాహన కల్పించారు. ప్రస్తుతం సమాజంలో పెరుగుతున్న సైబర్ నేరాలు, వాటి వల్ల జరిగే నష్టాల పట్ల ప్రజలు అప్రమత్తంగా ఉండాలని ఆయన కోరారు. ముఖ్యంగా చిన్న పిల్లలు, యువత ఆన్‌లైన్ గేమింగ్ బారిన పడి ఆత్మహత్యలకు పాల్పడటం లేదా డబ్బులు నష్టపోవడం వంటి ఘటనలు కరీంనగర్ జిల్లాలో కూడా వెలుగు చూస్తున్నాయని, ఈ విషయంలో తల్లిదండ్రులు తమ పిల్లల ప్రవర్తనపై నిరంతరం నిఘా ఉంచాలని ప్రత్యేకంగా అవగాహన కల్పించారు. యువత డ్రగ్స్ మరియు ఇతర మత్తు పదార్థాల అలవాట్లకు దూరంగా ఉండాలని, గ్రామీణ ప్రాంతాల్లో వీటి సరఫరా లేదా వాడకంపై సమాచారం ఉంటే వెంటనే స్థానిక పోలీసులకు లేదా డయల్ 100 ద్వారా తెలియజేయాలని పిలుపునిచ్చారు. రోడ్డు ప్రమాదాల నివారణకు ప్రతి ఒక్కరూ ట్రాఫిక్ నిబంధనలను పాటించాలని ఆయన కోరారు. రహవీర్ పథకం ద్వారా రోడ్డు ప్రమాద బాధితులను సకాలంలో ఆసుపత్రికి చేర్చి వారి ప్రాణాలు కాపాడితే ప్రభుత్వం అందించే 25 వేల రూపాయల పథకాన్ని గూర్చి కూడా అవగాహన కల్పించారు. ఈ అవగాహన కార్యక్రమం, సీసీటీవీల ఏర్పాటుకు సహకరించిన స్థానిక సర్పంచ్ వీర్ల నర్సింగ రావు, గ్రామ ప్రజాప్రతినిధులకు, అలాగే గ్రామ ప్రజలందరికీ పోలీస్ శాఖ తరఫున ప్రత్యేక కృతజ్ఞతలు తెలియజేశారు. ఈ కార్యక్రమంలో రూరల్ ఏసీపీ విజయకుమార్, చొప్పదండి సర్కిల్ ఇన్స్పెక్టర్ ప్రదీప్ కుమార్, యాంటీ నార్కోటిక్ యూనిట్ ఇన్స్పెక్టర్ రఫీక్, రామడుగు ఎస్సై రాజు, స్థానిక సర్పంచ్ వీర్ల నర్సింగ రావు, స్థానిక పోలీస్ సిబ్బంది మరియు గ్రామ పెద్దలు తదితరులు పాల్గొన్నారు.

గంగాధర మండలంలోని మధురానగర్ గ్రామంలో గుర్తు తెలియని దుండగులు ఒక ఉపాధ్యాయుడి ఇంటి తాళాలు పగులగొట్టి చోరీకి పాల్పడ్డారు. ఈ ఘటనలో సుమారు రెండు గ్రాముల బంగారు ఉంగరాలతో పాటు, అద్దెకు ఉన్న వ్యక్తికి చెందిన ఒక పల్సర్‌ మోటార్‌ సైకిల్‌ కూడా అపహరణకు గురైంది. గ్రామానికి చెందిన బోడ్ల శ్రీనివాస్ (43) అనే ఎస్‌జీటీ ఉపాధ్యాయుడు తన పిల్లల విద్యాభ్యాసం నిమిత్తం నెల రోజుల క్రితం కుటుంబంతో కరీంనగర్‌కు మారారు. మధురానగర్‌లోని తన ఇంటి మొదటి అంతస్తును విజయ్ అనే వ్యక్తికి అద్దెకు ఇచ్చి, ప్రతిరోజూ పాఠశాలకు వెళ్లే సమయంలో ఇంటిని పరిశీలించేవారు. జూలై 7న సాయంత్రం 5 గంటల సమయంలో ఇంటిని చూసి వెళ్లినప్పుడు అన్నీ సక్రమంగా ఉన్నాయని శ్రీనివాస్ తెలిపారు. అయితే, బుధవారం జూలై 8న ఉదయం సుమారు 5:59 గంటలకు అద్దెదారు విజయ్ ఫోన్ చేసి ఇంటి తాళాలు పగులగొట్టినట్లు శ్రీనివాస్‌కు సమాచారం ఇచ్చారు. వెంటనే ఘటనా స్థలానికి చేరుకున్న శ్రీనివాస్ ప్రధాన ద్వారం తాళాలతో పాటు ఇంట్లోని అల్మిరాల తాళాలు కూడా పగులగొట్టినట్లు గుర్తించారు. దుండగులు అల్మిరాలో ఉంచిన సుమారు 2 గ్రాముల బంగారు ఉంగరాలను దొంగిలించడంతో పాటు, అద్దెదారు విజయ్‌కు చెందిన TS 02 FJ 1298 రిజిస్ట్రేషన్ నంబర్ గల పల్సర్ మోటార్ సైకిల్‌ను కూడా ఎత్తుకెళ్లినట్లు ఫిర్యాదులో పేర్కొన్నారు. ఈ ఫిర్యాదు మేరకు గంగాధర ఎస్సై వంశీకృష్ణ కేసు నమోదు చేసి దర్యాప్తు చేస్తున్నారు.

తంగళ్లపల్లి మండల కేంద్రంలో ఏడేళ్లుగా ప్రేమించుకుంటున్న ఓ యువతికి పెద్దలు బలవంతంగా వేరే వ్యక్తితో వివాహం నిశ్చయించారనే ఆరోపణలతో ఆమె ప్రియుడు అర్ధరాత్రి వేళ వినూత్న పద్ధతిలో నిరసనకు దిగడం స్థానికంగా తీవ్ర కలకలం రేపింది. సిద్దిపేట జిల్లాకు చెందిన ఈ యువతి, యువకుడు గత ఏడు సంవత్సరాలుగా ప్రేమించుకుంటున్నారు. అయితే, యువతి కుటుంబ సభ్యులు ఆమెకు తంగళ్లపల్లికి చెందిన మరో యువకుడితో పెళ్లి నిశ్చయించి, ముహూర్తాలు కూడా కుదిర్చారు. తమ ప్రేమ విషయం అమ్మాయి ఇంట్లో చెప్పినా వినకుండా, ఇష్టం లేకపోయినా బలవంతంగా ఒప్పించి ఈ పెళ్లి చేస్తున్నారని ప్రియుడు తీవ్ర మనస్తాపానికి గురయ్యాడు. కేవలం 16 తులాల బంగారం కోసమే తంగళ్లపల్లికి చెందిన ఆ యువకుడు తన ప్రేమించిన అమ్మాయిని బలవంతంగా పెళ్లి చేసుకుంటున్నాడంటూ ప్రియుడు ఆరోపించాడు. ఎలాగైనా తన ప్రేమను కాపాడుకోవాలనే ఉద్దేశంతో, తాను ఆ అమ్మాయితో దిగిన ఫోటోను, పెళ్లి చేసుకోబోయే తంగళ్లపల్లి అబ్బాయి ఫోటోను కలిపి వాల్ పోస్టర్లు సిద్ధం చేశాడు. ఈ పోస్టర్లలో కాబోయే వరుడు, అతని తండ్రి పేరు, ఫోన్ నంబర్లతో సహా పూర్తి వివరాలను ముద్రించాడు. అర్ధరాత్రి వేళ కారులో వచ్చి తంగళ్లపల్లి ప్రధాన కూడళ్లు, వీధులు, గోడలపై ఈ వాల్ పోస్టర్లను ప్రియుడు స్వయంగా అతికించాడు. ఉదయం నిద్రలేచిన గ్రామస్థులు గోడలపై వెలిసిన ఈ వాల్ పోస్టర్లను చూసి ఒక్కసారిగా ఆశ్చర్యానికి గురయ్యారు. యువకుడు కారులో వచ్చి ఫ్లెక్సీలు అతికిస్తున్న దృశ్యాలు పరిసరాల్లోని సీసీ కెమెరాల్లో స్పష్టంగా రికార్డయ్యాయి. ఈ వినూత్న నిరసన ఘటన ఇప్పుడు స్థానికంగా తీవ్ర చర్చనీయాంశంగా మారింది. ఈ సంఘటనకు సంబంధించిన పూర్తి సమాచారం ఇంకా తెలియాల్సి ఉంది.

రాజన్న సిరిసిల్ల జిల్లాలోని తంగళ్ళపల్లిలో ఒక ప్రేమ వ్యవహారం పెద్ద కలకలం సృష్టించింది. తనను ప్రేమించిన యువకుడిని కాదని, మరో యువకుడితో పెళ్లి చేయడానికి అమ్మాయి కుటుంబ సభ్యులు ఏర్పాట్లు చేశారు. దీంతో సిద్దిపేటకు చెందిన ప్రియుడు, ఆ అమ్మాయి పెళ్లి చేసుకోబోయే తంగళ్ళపల్లి గ్రామానికి చెందిన యువకుడి ఇంటి గోడలకు పోస్టర్లు అతికించాడు. ఈ పోస్టర్లలో, ఆ అమ్మాయి, తాను ఏడేళ్ళుగా ప్రేమించుకుంటున్నామని స్పష్టం చేశాడు. రాత్రిపూట తంగళ్ళపల్లికి కారులో వచ్చి గోడలపై ఈ పోస్టర్లను అంటిస్తున్న సిద్దిపేట జిల్లా యువకుడి దృశ్యాలు సీసీ కెమెరాలో రికార్డు అయ్యాయి. ఈ పోస్టర్లను చూసిన గ్రామస్థులు ఆశ్చర్యానికి గురవగా, అమ్మాయి కుటుంబ సభ్యులు మరియు పెళ్లి చేసుకోబోయే యువకుడి కుటుంబ సభ్యులు ఆందోళనకు గురయ్యారు. ఈ ఘటనపై అమ్మాయి, అబ్బాయి కుటుంబ సభ్యులు పోలీసులను ఆశ్రయించారు. ప్రస్తుతం పోలీసులు ఈ వ్యవహారంపై విచారణ చేపట్టి, తగిన చర్యలు తీసుకోవడానికి ప్రయత్నిస్తున్నారు.