అక్షరానికి ఆటంకంగా మారిన వాగులు: ప్రాణాలకు తెగించి బడికి వెళ్తున్న గిరిజన విద్యార్థులు దేవరపల్లి (అనకాపల్లి జిల్లా): అనకాపల్లి జిల్లా దేవరపల్లి మండలం సింతలపూడి పంచాయతీ పరిధిలోని గిరిజన గ్రామాల్లో విద్యార్థుల పరిస్థితి అత్యంత దయనీయంగా మారింది. చదువుకోవాలన్న ఆశ ఉన్నా, అంతులేని ఆటంకాలు వారిని బడికి దూరం చేస్తున్నాయి. ముఖ్యంగా కడరేవు, కొట్టెంగూడ గ్రామాల నుంచి బోడిగరువు గ్రామ పాఠశాలకు వెళ్లే విద్యార్థులు ప్రతిరోజూ మృత్యువుతో పోరాటం చేస్తున్నారు..కడరేవు నుంచి నలుగురు, కొట్టెంగూడ నుంచి ఎనిమిది మంది పిల్లలు ప్రతిరోజూ 4 కిలోమీటర్ల మేర నడవాల్సి వస్తోంది. ఈ దారిలో ఏకంగా నాలుగు వాగులు ఉన్నాయి. వర్షాకాలంలో ఈ వాగులు ఉధృతంగా ప్రవహిస్తుండటంతో చిన్న పిల్లలు వాటిని దాటడం ప్రాణసంకటంగా మారింది.   ఈ రెండు గ్రామాల్లో కలిపి సుమారు 20 మంది విద్యార్థులు ఉండగా, ఈ ప్రమాదకర ప్రయాణం చేయలేక కేవలం 11 మంది విద్యార్థులు మాత్రమే బడికి వెళ్తున్నారు. మిగిలిన వారు చదువుకు దూరమవుతున్నారు. నేర్లపాడు నుండి కొట్టెంగూడ, కడరేవు, కర్రిగూడ మీదుగా గుమ్మ వరకు 9 కిలోమీటర్ల మేర రోడ్డు నిర్మాణానికి ₹7.5 కోట్లు మంజూరయ్యాయి. కానీ, అధికారుల నిర్లక్ష్యం వల్ల కేవలం 1.5 కిలోమీటర్లు మాత్రమే పని జరిగి ఆగిపోయింది. మిగిలిన రోడ్డు పనులు ఎప్పుడు పూర్తి అవుతాయో ఎవరికీ తెలియని పరిస్థితి. "మా పిల్లలు ప్రాణాలు అరచేతిలో పెట్టుకుని బడికి వెళ్తున్నారు. వాగులు దాటించేటప్పుడు ఏదైనా ప్రమాదం జరిగితే ఎవరు బాధ్యత వహిస్తారు? నిధులు మంజూరైనా రోడ్డు పనులు ఎందుకు ముందుకు సాగడం లేదు?" అని స్థానిక గిరిజనులు ప్రశ్నిస్తున్నారు. తక్షణమే జిల్లా కలెక్టర్ గారు మరియు విద్యాశాఖ అధికారులు స్పందించి, నిలిచిపోయిన రోడ్డు పనులను పూర్తి చేయాలని, విద్యార్థులు సురక్షితంగా బడికి వెళ్లేలా చర్యలు తీసుకోవాలని గ్రామస్తులు కోరుతున్నారు.

Giridhar singh

రిపోర్టర్ విజయనగరం విజయనగరం, విజయనగరం, ఆంధ్రప్రదేశ్•

2 hrs ago

అక్షరానికి ఆటంకంగా మారిన వాగులు: ప్రాణాలకు తెగించి బడికి వెళ్తున్న గిరిజన విద్యార్థులు దేవరపల్లి (అనకాపల్లి జిల్లా): అనకాపల్లి జిల్లా దేవరపల్లి మండలం సింతలపూడి పంచాయతీ పరిధిలోని గిరిజన గ్రామాల్లో విద్యార్థుల పరిస్థితి అత్యంత దయనీయంగా మారింది. చదువుకోవాలన్న ఆశ ఉన్నా, అంతులేని ఆటంకాలు వారిని బడికి దూరం చేస్తున్నాయి. ముఖ్యంగా కడరేవు, కొట్టెంగూడ గ్రామాల నుంచి బోడిగరువు గ్రామ పాఠశాలకు వెళ్లే విద్యార్థులు ప్రతిరోజూ మృత్యువుతో పోరాటం చేస్తున్నారు..కడరేవు నుంచి నలుగురు, కొట్టెంగూడ నుంచి ఎనిమిది మంది పిల్లలు ప్రతిరోజూ 4 కిలోమీటర్ల మేర నడవాల్సి వస్తోంది. ఈ దారిలో ఏకంగా నాలుగు వాగులు ఉన్నాయి. వర్షాకాలంలో ఈ వాగులు ఉధృతంగా ప్రవహిస్తుండటంతో చిన్న పిల్లలు వాటిని దాటడం ప్రాణసంకటంగా మారింది.   ఈ రెండు గ్రామాల్లో కలిపి సుమారు 20 మంది విద్యార్థులు ఉండగా, ఈ ప్రమాదకర ప్రయాణం చేయలేక కేవలం 11 మంది విద్యార్థులు మాత్రమే బడికి వెళ్తున్నారు. మిగిలిన వారు చదువుకు దూరమవుతున్నారు. నేర్లపాడు నుండి కొట్టెంగూడ, కడరేవు, కర్రిగూడ మీదుగా గుమ్మ వరకు 9 కిలోమీటర్ల మేర రోడ్డు నిర్మాణానికి ₹7.5 కోట్లు మంజూరయ్యాయి. కానీ, అధికారుల నిర్లక్ష్యం వల్ల కేవలం 1.5 కిలోమీటర్లు మాత్రమే పని జరిగి ఆగిపోయింది. మిగిలిన రోడ్డు పనులు ఎప్పుడు పూర్తి అవుతాయో ఎవరికీ తెలియని పరిస్థితి. "మా పిల్లలు ప్రాణాలు అరచేతిలో పెట్టుకుని బడికి వెళ్తున్నారు. వాగులు దాటించేటప్పుడు ఏదైనా ప్రమాదం జరిగితే ఎవరు బాధ్యత వహిస్తారు? నిధులు మంజూరైనా రోడ్డు పనులు ఎందుకు ముందుకు సాగడం లేదు?" అని స్థానిక గిరిజనులు ప్రశ్నిస్తున్నారు. తక్షణమే జిల్లా కలెక్టర్ గారు మరియు విద్యాశాఖ అధికారులు స్పందించి, నిలిచిపోయిన రోడ్డు పనులను పూర్తి చేయాలని, విద్యార్థులు సురక్షితంగా బడికి వెళ్లేలా చర్యలు తీసుకోవాలని గ్రామస్తులు కోరుతున్నారు.