अमरावती जिल्ह्यातील चांदूर रेल्वे, देवगाव, धामणगांव रेल्वे आणि मंगरूळ दस्तगीर परिसरातील सर्पमित्रांनी आपल्या विविध प्रलंबित मागण्यांसाठी साप पकडण्याचे काम अनिश्चित काळासाठी बंद करण्याचा निर्णय घेतला आहे. यासंदर्भात धामणगांव रेल्वे येथील शासकीय विश्रामगृहात सर्पमित्रांची एक महत्त्वपूर्ण बैठक पार पडली, ज्यामध्ये एकमताने या कामबंद आंदोलनाचा निर्णय घेण्यात आला. साप पकडताना अनेकदा सर्पदंश, अपघात तसेच इतर जीवितहानीच्या घटना घडतात, मात्र अशा वेळी वन विभागाकडून आवश्यक ते संरक्षण, मदत किंवा आर्थिक आधार मिळत नसल्याने सर्पमित्रांमध्ये तीव्र नाराजी आहे. त्यामुळे त्यांच्या विविध मागण्या मान्य होईपर्यंत हे आंदोलन सुरू ठेवण्याचा निर्धार बैठकीत करण्यात आला. सर्पमित्रांच्या प्रमुख मागण्यांमध्ये अधिकृत मान्यता व ओळखपत्र मिळणे, सर्पदंश झाल्यास उच्च दर्जाची मोफत वैद्यकीय सुविधा, किमान १० लाख रुपयांचा अपघात विमा, मानधन निश्चित करणे, आवश्यक बचाव साहित्य व प्रशिक्षण उपलब्ध करून देणे तसेच वन विभागाने सर्पमित्रांशी समन्वय साधून सहकार्य करणे या मागण्यांचा प्रामुख्याने समावेश आहे. या आंदोलनादरम्यान सर्पमित्रांनी नागरिकांना आवाहन केले आहे की, साप आढळल्यास त्यांनी स्वतः पकडण्याचा प्रयत्न करू नये. नागरिकांनी तत्काळ वन विभागाच्या अधिकाऱ्यांशी संपर्क साधावा किंवा आपत्कालीन क्रमांक १९२६ वर माहिती द्यावी, जेणेकरून सापांचे तसेच नागरिकांचेही सुरक्षितपणे रक्षण होईल. या बैठकीत राज्यभरातील सर्व सर्पमित्रांनी एकत्र येऊन आपल्या हक्कांसाठी लढा उभारण्याचे आवाहन करण्यात आले असून, वन विभागाने सर्पमित्रांच्या मागण्यांवर तातडीने सकारात्मक निर्णय घ्यावा, अशी मागणी करण्यात आली आहे.

Santosh Waghmare

T. V. News Reporter Dhamangaon Railway, Amravati•

2 hrs ago

अमरावती जिल्ह्यातील चांदूर रेल्वे, देवगाव, धामणगांव रेल्वे आणि मंगरूळ दस्तगीर परिसरातील सर्पमित्रांनी आपल्या विविध प्रलंबित मागण्यांसाठी साप पकडण्याचे काम अनिश्चित काळासाठी बंद करण्याचा निर्णय घेतला आहे. यासंदर्भात धामणगांव रेल्वे येथील शासकीय विश्रामगृहात सर्पमित्रांची एक महत्त्वपूर्ण बैठक पार पडली, ज्यामध्ये एकमताने या कामबंद आंदोलनाचा निर्णय घेण्यात आला. साप पकडताना अनेकदा सर्पदंश, अपघात तसेच इतर जीवितहानीच्या घटना घडतात, मात्र अशा वेळी वन विभागाकडून आवश्यक ते संरक्षण, मदत किंवा आर्थिक आधार मिळत नसल्याने सर्पमित्रांमध्ये तीव्र नाराजी आहे. त्यामुळे त्यांच्या विविध मागण्या मान्य होईपर्यंत हे आंदोलन सुरू ठेवण्याचा निर्धार बैठकीत करण्यात आला. सर्पमित्रांच्या प्रमुख मागण्यांमध्ये अधिकृत मान्यता व ओळखपत्र मिळणे, सर्पदंश झाल्यास उच्च दर्जाची मोफत वैद्यकीय सुविधा, किमान १० लाख रुपयांचा अपघात विमा, मानधन निश्चित करणे, आवश्यक बचाव साहित्य व प्रशिक्षण उपलब्ध करून देणे तसेच वन विभागाने सर्पमित्रांशी समन्वय साधून सहकार्य करणे या मागण्यांचा प्रामुख्याने समावेश आहे. या आंदोलनादरम्यान सर्पमित्रांनी नागरिकांना आवाहन केले आहे की, साप आढळल्यास त्यांनी स्वतः पकडण्याचा प्रयत्न करू नये. नागरिकांनी तत्काळ वन विभागाच्या अधिकाऱ्यांशी संपर्क साधावा किंवा आपत्कालीन क्रमांक १९२६ वर माहिती द्यावी, जेणेकरून सापांचे तसेच नागरिकांचेही सुरक्षितपणे रक्षण होईल. या बैठकीत राज्यभरातील सर्व सर्पमित्रांनी एकत्र येऊन आपल्या हक्कांसाठी लढा उभारण्याचे आवाहन करण्यात आले असून, वन विभागाने सर्पमित्रांच्या मागण्यांवर तातडीने सकारात्मक निर्णय घ्यावा, अशी मागणी करण्यात आली आहे.