अनुसूचित जातीतील आरक्षणाच्या उपवर्गीकरणाच्या विरोधात १० ऑगस्ट रोजी बीड जिल्ह्यातील परळी येथे एका भव्य महामोर्चाचे आयोजन करण्यात आले आहे. राज्यातील अनुसूचित जातींमध्ये फूट पाडण्याचे षडयंत्र राज्य सरकार करत असल्याचा आरोप करत, अनुसूचित जातीतील सर्व ५९ जातींचे ऐक्य अबाधित राखण्यासाठी हा महामोर्चा काढण्यात येणार आहे. या मोर्चात रिपब्लिकन सेनेचे सरसेनापती आनंदराज आंबेडकर उपस्थित राहून मार्गदर्शन करणार आहेत. या महामोर्चाच्या नियोजनासाठी परळी शहरातील कृषी उत्पन्न बाजार समितीच्या सभागृहात १२ जुलै रोजी सकाळी ११ वाजता चर्मकार महासंघाचे प्रवक्ते रोहिदास बनसोडे यांच्या अध्यक्षतेखाली एक महत्त्वपूर्ण बैठक पार पडली. या बैठकीत मोर्चाच्या तयारीसाठी १ लाख २६ हजार ७०० रुपये जमा करण्यात आले असून, लवकरच एक कृती समिती जाहीर केली जाणार आहे. १० ऑगस्ट रोजी परळीत आयोजित करण्यात आलेल्या या मोर्चाला रिपब्लिकन सेनेचे सरसेनापती आनंदराज आंबेडकर यांच्यासोबतच माजी मंत्री व चर्मकार महासंघाचे नेते बबनराव घोलप, लहुजी क्रांती मोर्चाचे प्रदेशाध्यक्ष विकास पाथरीकर आणि सत्यशोधक समाज संघाचे लक्ष्मण शिंदे आदी नेते उपस्थित राहणार असल्याचे या बैठकीत निश्चित करण्यात आले. २६ जानेवारी १९५० रोजी भारतीय राज्यघटनेची अंमलबजावणी सुरू झाल्यापासून संविधान निर्माते डॉ. बाबासाहेब आंबेडकर यांनी सर्वांसाठी समान पातळीवर आरक्षण उपलब्ध करून दिले आहे. मात्र, आता उपवर्गीकरण झाले तर या जातींमध्ये फूट पडेल आणि आरक्षणालाही धोका निर्माण होईल, अशी भीती व्यक्त करण्यात आली आहे. सरकारचे हे मनसुबे उधळून लावण्यासाठी आणि अनुसूचित जातीतील ऐक्य अबाधित राखण्यासाठी परळी वैजनाथ येथील या महामोर्चात अनुसूचित जातीतील लोकांनी मोठ्या संख्येने उपस्थित राहावे, असे आवाहन सकल अनुसूचित जाती-जमाती व आंबेडकरी अनुयायांच्या वतीने करण्यात आले आहे.

M. p. gitte

परळी, बीड, महाराष्ट्र•

1 hr ago

अनुसूचित जातीतील आरक्षणाच्या उपवर्गीकरणाच्या विरोधात १० ऑगस्ट रोजी बीड जिल्ह्यातील परळी येथे एका भव्य महामोर्चाचे आयोजन करण्यात आले आहे. राज्यातील अनुसूचित जातींमध्ये फूट पाडण्याचे षडयंत्र राज्य सरकार करत असल्याचा आरोप करत, अनुसूचित जातीतील सर्व ५९ जातींचे ऐक्य अबाधित राखण्यासाठी हा महामोर्चा काढण्यात येणार आहे. या मोर्चात रिपब्लिकन सेनेचे सरसेनापती आनंदराज आंबेडकर उपस्थित राहून मार्गदर्शन करणार आहेत. या महामोर्चाच्या नियोजनासाठी परळी शहरातील कृषी उत्पन्न बाजार समितीच्या सभागृहात १२ जुलै रोजी सकाळी ११ वाजता चर्मकार महासंघाचे प्रवक्ते रोहिदास बनसोडे यांच्या अध्यक्षतेखाली एक महत्त्वपूर्ण बैठक पार पडली. या बैठकीत मोर्चाच्या तयारीसाठी १ लाख २६ हजार ७०० रुपये जमा करण्यात आले असून, लवकरच एक कृती समिती जाहीर केली जाणार आहे. १० ऑगस्ट रोजी परळीत आयोजित करण्यात आलेल्या या मोर्चाला रिपब्लिकन सेनेचे सरसेनापती आनंदराज आंबेडकर यांच्यासोबतच माजी मंत्री व चर्मकार महासंघाचे नेते बबनराव घोलप, लहुजी क्रांती मोर्चाचे प्रदेशाध्यक्ष विकास पाथरीकर आणि सत्यशोधक समाज संघाचे लक्ष्मण शिंदे आदी नेते उपस्थित राहणार असल्याचे या बैठकीत निश्चित करण्यात आले. २६ जानेवारी १९५० रोजी भारतीय राज्यघटनेची अंमलबजावणी सुरू झाल्यापासून संविधान निर्माते डॉ. बाबासाहेब आंबेडकर यांनी सर्वांसाठी समान पातळीवर आरक्षण उपलब्ध करून दिले आहे. मात्र, आता उपवर्गीकरण झाले तर या जातींमध्ये फूट पडेल आणि आरक्षणालाही धोका निर्माण होईल, अशी भीती व्यक्त करण्यात आली आहे. सरकारचे हे मनसुबे उधळून लावण्यासाठी आणि अनुसूचित जातीतील ऐक्य अबाधित राखण्यासाठी परळी वैजनाथ येथील या महामोर्चात अनुसूचित जातीतील लोकांनी मोठ्या संख्येने उपस्थित राहावे, असे आवाहन सकल अनुसूचित जाती-जमाती व आंबेडकरी अनुयायांच्या वतीने करण्यात आले आहे.