लातूर स्थानिक गुन्हे शाखेने मालमत्तेविरुद्धचे गुन्हे उघडकीस आणण्याच्या विशेष मोहिमेअंतर्गत एक मोठी कारवाई केली आहे. पोलिसांनी लातूर आणि धाराशिव जिल्ह्यातील कॉपर वायर व डीसी केबल चोरीच्या प्रकरणांमधील एका सराईत आरोपीला अटक केली असून त्याच्याकडून चोरीचा माल विकून मिळालेली २,५०,००० रुपयांची रोकड जप्त केली आहे. प्राथमिक चौकशीत या आरोपीने लातूर जिल्ह्यातील ६ आणि धाराशिव जिल्ह्यातील ३ अशा एकूण ९ गुन्ह्यांमध्ये आपला सहभाग असल्याची कबुली दिली आहे. स्थानिक गुन्हे शाखेचे पथक १२ जुलै २०२६ रोजी दुपारी २:३० वाजेच्या सुमारास हरंगुळ रेल्वे पुलाजवळ गस्त घालत असताना संशयास्पदरीत्या थांबलेल्या विकास विलास जाधव (वय ४० वर्षे, रा. आवंतीनगर, पीव्हीआर चौक, लातूर) याला ताब्यात घेण्यात आले. त्याची झडती घेतली असता त्याच्या पिशवीत २,५०,००० रुपयांची रोख रक्कम आढळून आली. ही रक्कम चोरीच्या कॉपर वायर आणि डीसी केबलच्या विक्रीतून मिळाल्याची कबुली त्याने दिली. तसेच, आपले साथीदार सागर मच्छिंद्र माने (रा. उमरगा, जि. धाराशिव) आणि नरसिंग दत्तात्रय माने (रा. तगरखेडा, ता. निलंगा, जि. लातूर) यांच्यासोबत मिळून ओम्नी कार व ऑटो रिक्षाचा वापर करून औसा, चाकूर आणि लातूर शहर परिसरातील इलेक्ट्रिकल दुकाने व गोदामांमधून चोरी केल्याचे त्याने कबूल केले. आरोपीच्या कबुलीमुळे लातूर जिल्ह्यातील औसा पोलीस ठाण्यातील तीन, चाकूर पोलीस ठाण्यातील दोन आणि गांधी चौक पोलीस ठाण्यातील एक, तसेच धाराशिव जिल्ह्यातील उमरगा, नळदुर्ग व शिराढोण पोलीस ठाण्यातील प्रत्येकी एक असे एकूण नऊ गुन्हे उघडकीस आले आहेत. ही कारवाई पोलीस अधीक्षक श्री. अमोल तांबे, अपर पोलीस अधीक्षक श्री. मंगेश चव्हाण यांच्या मार्गदर्शनाखाली आणि स्थानिक गुन्हे शाखेचे पोलीस निरीक्षक श्री. सुधाकर बावकर यांच्या नेतृत्वात पोलीस उपनिरीक्षक राजाभाऊ घाडगे, अंमलदार युवराज गिरी, प्रदीप स्वामी, राजेश कंचे, मोहन सुरवसे, सिद्धेश्वर मदने, जमीर शेख, राहुल कांबळे, काकासाहेब बोचरे, रामदास बाचीफळे व अंजली गायकवाड यांच्या पथकाने केली. सध्या आरोपीला पुढील तपासासाठी औसा पोलिसांच्या स्वाधीन करण्यात आले असून फरार आरोपींचा आणि चोरीतील इतर मुद्देमालाचा शोध सुरू आहे.

Dede Khanderao Nivrutti

Advertising agency Latur, Maharashtra•

1 hr ago

लातूर स्थानिक गुन्हे शाखेने मालमत्तेविरुद्धचे गुन्हे उघडकीस आणण्याच्या विशेष मोहिमेअंतर्गत एक मोठी कारवाई केली आहे. पोलिसांनी लातूर आणि धाराशिव जिल्ह्यातील कॉपर वायर व डीसी केबल चोरीच्या प्रकरणांमधील एका सराईत आरोपीला अटक केली असून त्याच्याकडून चोरीचा माल विकून मिळालेली २,५०,००० रुपयांची रोकड जप्त केली आहे. प्राथमिक चौकशीत या आरोपीने लातूर जिल्ह्यातील ६ आणि धाराशिव जिल्ह्यातील ३ अशा एकूण ९ गुन्ह्यांमध्ये आपला सहभाग असल्याची कबुली दिली आहे. स्थानिक गुन्हे शाखेचे पथक १२ जुलै २०२६ रोजी दुपारी २:३० वाजेच्या सुमारास हरंगुळ रेल्वे पुलाजवळ गस्त घालत असताना संशयास्पदरीत्या थांबलेल्या विकास विलास जाधव (वय ४० वर्षे, रा. आवंतीनगर, पीव्हीआर चौक, लातूर) याला ताब्यात घेण्यात आले. त्याची झडती घेतली असता त्याच्या पिशवीत २,५०,००० रुपयांची रोख रक्कम आढळून आली. ही रक्कम चोरीच्या कॉपर वायर आणि डीसी केबलच्या विक्रीतून मिळाल्याची कबुली त्याने दिली. तसेच, आपले साथीदार सागर मच्छिंद्र माने (रा. उमरगा, जि. धाराशिव) आणि नरसिंग दत्तात्रय माने (रा. तगरखेडा, ता. निलंगा, जि. लातूर) यांच्यासोबत मिळून ओम्नी कार व ऑटो रिक्षाचा वापर करून औसा, चाकूर आणि लातूर शहर परिसरातील इलेक्ट्रिकल दुकाने व गोदामांमधून चोरी केल्याचे त्याने कबूल केले. आरोपीच्या कबुलीमुळे लातूर जिल्ह्यातील औसा पोलीस ठाण्यातील तीन, चाकूर पोलीस ठाण्यातील दोन आणि गांधी चौक पोलीस ठाण्यातील एक, तसेच धाराशिव जिल्ह्यातील उमरगा, नळदुर्ग व शिराढोण पोलीस ठाण्यातील प्रत्येकी एक असे एकूण नऊ गुन्हे उघडकीस आले आहेत. ही कारवाई पोलीस अधीक्षक श्री. अमोल तांबे, अपर पोलीस अधीक्षक श्री. मंगेश चव्हाण यांच्या मार्गदर्शनाखाली आणि स्थानिक गुन्हे शाखेचे पोलीस निरीक्षक श्री. सुधाकर बावकर यांच्या नेतृत्वात पोलीस उपनिरीक्षक राजाभाऊ घाडगे, अंमलदार युवराज गिरी, प्रदीप स्वामी, राजेश कंचे, मोहन सुरवसे, सिद्धेश्वर मदने, जमीर शेख, राहुल कांबळे, काकासाहेब बोचरे, रामदास बाचीफळे व अंजली गायकवाड यांच्या पथकाने केली. सध्या आरोपीला पुढील तपासासाठी औसा पोलिसांच्या स्वाधीन करण्यात आले असून फरार आरोपींचा आणि चोरीतील इतर मुद्देमालाचा शोध सुरू आहे.