नांदेड जिल्ह्यातील देगलूर येथील उपजिल्हा रुग्णालयात शिवसेना उद्धव बाळासाहेब ठाकरे पक्षाच्या वतीने गोंधळ आंदोलन करण्यात आले. रुग्णालयात 12 वैद्यकीय अधिकाऱ्यांची नियुक्ती असूनही केवळ 1 ते 2 अधिकारी कार्यरत असल्याने रुग्णांची गैरसोय होत असल्याचा आरोप आंदोलनकर्त्यांनी केला आहे. सर्व वैद्यकीय अधिकाऱ्यांनी दिवसभर उपस्थित राहून गरीब, दलित, शेतकरी आणि शेतमजूर रुग्णांना आरोग्य सेवा द्यावी, अशी त्यांची प्रमुख मागणी आहे. या आंदोलनात 100 खाटांचे रुग्णालय त्वरित कार्यान्वित करण्याची मागणीही जोरकसपणे करण्यात आली. माजी आमदार सुभाष साबणे यांच्या कार्यकाळात 100 खाटांच्या रुग्णालयाला मंजुरी मिळाली होती, परंतु 8 वर्षे उलटूनही त्याचे रूपांतर झाले नाही. सध्याच्या आमदार जितेश अंतापूरकर यांना नव्याने 100 खाटांच्या रुग्णालयाची मंजुरी मिळाल्याची चर्चा असली तरी, त्याचे प्रत्यक्ष रूपांतर झालेले नाही, असे कार्यकर्त्यांनी म्हटले आहे. वैद्यकीय अधिकारी शासकीय रुग्णालयात उपस्थित न राहता खासगी रुग्णालयात व्यस्त असतात, ज्यामुळे गोरगरीब जनतेला जिल्ह्याच्या ठिकाणी असलेल्या खासगी रुग्णालयात उपचार घ्यावे लागतात, जे त्यांना परवडत नाही. यामुळे रुग्णांच्या नातेवाईकांना मानसिक, शारीरिक आणि आर्थिक त्रास सहन करावा लागत आहे. उपजिल्हा रुग्णालयात नियुक्त असलेल्या सर्व वैद्यकीय अधिकाऱ्यांनी दररोज उपस्थित राहून वैद्यकीय सेवा द्यावी आणि 100 खाटांचे रुग्णालय सुरू करावे, अशी मागणी शिवसेनेच्या वतीने करण्यात आली. मागण्या मान्य न झाल्यास तीव्र आंदोलन छेडण्याचा इशारा शिवसेना उपजिल्हाप्रमुख महेश पाटील अल्लापूरकर यांनी दिला आहे. यावेळी देगलूर-बिलोली विधानसभा मतदारसंघ प्रमुख पांडू पाटील थडके देगावकर, शिवसेना देगलूर शहर प्रमुख भगवान जाधव, युवा सेना तालुका प्रमुख भागवत पाटील सोमुरकर, युवा सेना शहर प्रमुख विनोद सोनकांबळे, नागनाथ वाडेकर, मानाजी लोणे पाटील लोणीकर यांच्यासह प्रतिष्ठित नागरिक व शिवसैनिक मोठ्या संख्येने उपस्थित होते.

जयपाल चांदोबा दावनगीरकर

Social worker देगलूर, नांदेड, महाराष्ट्र•

4 hrs ago

नांदेड जिल्ह्यातील देगलूर येथील उपजिल्हा रुग्णालयात शिवसेना उद्धव बाळासाहेब ठाकरे पक्षाच्या वतीने गोंधळ आंदोलन करण्यात आले. रुग्णालयात 12 वैद्यकीय अधिकाऱ्यांची नियुक्ती असूनही केवळ 1 ते 2 अधिकारी कार्यरत असल्याने रुग्णांची गैरसोय होत असल्याचा आरोप आंदोलनकर्त्यांनी केला आहे. सर्व वैद्यकीय अधिकाऱ्यांनी दिवसभर उपस्थित राहून गरीब, दलित, शेतकरी आणि शेतमजूर रुग्णांना आरोग्य सेवा द्यावी, अशी त्यांची प्रमुख मागणी आहे. या आंदोलनात 100 खाटांचे रुग्णालय त्वरित कार्यान्वित करण्याची मागणीही जोरकसपणे करण्यात आली. माजी आमदार सुभाष साबणे यांच्या कार्यकाळात 100 खाटांच्या रुग्णालयाला मंजुरी मिळाली होती, परंतु 8 वर्षे उलटूनही त्याचे रूपांतर झाले नाही. सध्याच्या आमदार जितेश अंतापूरकर यांना नव्याने 100 खाटांच्या रुग्णालयाची मंजुरी मिळाल्याची चर्चा असली तरी, त्याचे प्रत्यक्ष रूपांतर झालेले नाही, असे कार्यकर्त्यांनी म्हटले आहे. वैद्यकीय अधिकारी शासकीय रुग्णालयात उपस्थित न राहता खासगी रुग्णालयात व्यस्त असतात, ज्यामुळे गोरगरीब जनतेला जिल्ह्याच्या ठिकाणी असलेल्या खासगी रुग्णालयात उपचार घ्यावे लागतात, जे त्यांना परवडत नाही. यामुळे रुग्णांच्या नातेवाईकांना मानसिक, शारीरिक आणि आर्थिक त्रास सहन करावा लागत आहे. उपजिल्हा रुग्णालयात नियुक्त असलेल्या सर्व वैद्यकीय अधिकाऱ्यांनी दररोज उपस्थित राहून वैद्यकीय सेवा द्यावी आणि 100 खाटांचे रुग्णालय सुरू करावे, अशी मागणी शिवसेनेच्या वतीने करण्यात आली. मागण्या मान्य न झाल्यास तीव्र आंदोलन छेडण्याचा इशारा शिवसेना उपजिल्हाप्रमुख महेश पाटील अल्लापूरकर यांनी दिला आहे. यावेळी देगलूर-बिलोली विधानसभा मतदारसंघ प्रमुख पांडू पाटील थडके देगावकर, शिवसेना देगलूर शहर प्रमुख भगवान जाधव, युवा सेना तालुका प्रमुख भागवत पाटील सोमुरकर, युवा सेना शहर प्रमुख विनोद सोनकांबळे, नागनाथ वाडेकर, मानाजी लोणे पाटील लोणीकर यांच्यासह प्रतिष्ठित नागरिक व शिवसैनिक मोठ्या संख्येने उपस्थित होते.