नाशिक जिल्ह्यातील सुरगाणा तालुक्यात शनिवारी सकाळी सुमारे १० वाजेच्या सुमारास अवघ्या काही मिनिटांच्या कालावधीत सलग चार वेळा भूकंपाचे सौम्य धक्के जाणवले. प्राथमिक माहितीनुसार सकाळी ९:५६ वाजता पहिला, ९:५९ वाजता दुसरा, १०:०० वाजता तुलनेने अधिक तीव्र आणि १०:०१ वाजता चौथा धक्का बसला. मुसळधार पावसाच्या पार्श्वभूमीवर अचानक जमिनीला कंपने जाणवल्याने सराड, घागबारी, वाझुळपाडा, हरणटेकडी, रोटी, शिंदे दिगर, भिंतघर आणि जामनेमाळ या गावांमध्ये नागरिकांमध्ये भीतीचे वातावरण निर्माण झाले. घरांमधील पंखे व भांडी हलल्याने नागरिक, महिला व लहान मुलांनी भर पावसातच मोकळ्या जागेत धाव घेतली. सराड गावातील शिवसेना (शिंदे गट) तालुका अध्यक्ष हरिभाऊ भोये, पोलीस पाटील कांतीलाल भोये, रामचंद्र चौरे, लक्ष्मण चौरे व पंडित भोये तसेच घागबारी येथील सेवानिवृत्त कर्मचारी संघटनेचे सदस्य चिंतामण गायकवाड, माजी उपसरपंच तुळशीदास पिठे, पोलीस पाटील गोपाळ गायकवाड व प्रकाश गायकवाड यांनी या भूकंपाच्या धक्क्यांची पुष्टी केली. भूकंपाचे धक्के जाणवताच महसूल विभाग, पोलीस प्रशासन आणि आपत्ती व्यवस्थापन यंत्रणा तात्काळ सतर्क झाली. प्राथमिक पंचनामे आणि माहिती संकलनानंतर कोणत्याही प्रकारची जीवितहानी किंवा मोठी वित्तहानी झाली नसल्याचे प्रशासनाने स्पष्ट केले आहे. तलाठी व मंडळ अधिकाऱ्यांनी संकलित केलेली माहिती तहसील कार्यालयामार्फत नाशिक येथील भूकंप मापन केंद्राकडे पाठवण्यात आली असून तज्ज्ञांच्या पुढील तांत्रिक अहवालाची प्रतीक्षा आहे. सुरगाणाचे तहसीलदार रामजी राठोड यांनी परिस्थितीवर सतत लक्ष असल्याचे सांगत नागरिकांना अफवांवर विश्वास न ठेवण्याचे आवाहन केले आहे. काही ठिकाणी घरांच्या भिंतींना तडे गेल्याच्या अफवा पसरल्या असल्या तरी प्रशासनाने त्याला अधिकृत दुजोरा दिलेला नाही. डोंगराळ व आदिवासीबहुल असलेल्या सुरगाणा तालुक्यात आपत्ती व्यवस्थापन विभागाने नागरिकांना शांत राहण्याचे, इमारती व विजेच्या खांबांपासून दूर राहण्याचे आणि सोशल मीडियावरील अप्रमाणित संदेशांवर विश्वास न ठेवण्याचे निर्देश दिले आहेत.

दिव्य भारत बीएसएम न्यूज

Tour Guide नाशिक, नाशिक, महाराष्ट्र•

4 hrs ago

नाशिक जिल्ह्यातील सुरगाणा तालुक्यात शनिवारी सकाळी सुमारे १० वाजेच्या सुमारास अवघ्या काही मिनिटांच्या कालावधीत सलग चार वेळा भूकंपाचे सौम्य धक्के जाणवले. प्राथमिक माहितीनुसार सकाळी ९:५६ वाजता पहिला, ९:५९ वाजता दुसरा, १०:०० वाजता तुलनेने अधिक तीव्र आणि १०:०१ वाजता चौथा धक्का बसला. मुसळधार पावसाच्या पार्श्वभूमीवर अचानक जमिनीला कंपने जाणवल्याने सराड, घागबारी, वाझुळपाडा, हरणटेकडी, रोटी, शिंदे दिगर, भिंतघर आणि जामनेमाळ या गावांमध्ये नागरिकांमध्ये भीतीचे वातावरण निर्माण झाले. घरांमधील पंखे व भांडी हलल्याने नागरिक, महिला व लहान मुलांनी भर पावसातच मोकळ्या जागेत धाव घेतली. सराड गावातील शिवसेना (शिंदे गट) तालुका अध्यक्ष हरिभाऊ भोये, पोलीस पाटील कांतीलाल भोये, रामचंद्र चौरे, लक्ष्मण चौरे व पंडित भोये तसेच घागबारी येथील सेवानिवृत्त कर्मचारी संघटनेचे सदस्य चिंतामण गायकवाड, माजी उपसरपंच तुळशीदास पिठे, पोलीस पाटील गोपाळ गायकवाड व प्रकाश गायकवाड यांनी

या भूकंपाच्या धक्क्यांची पुष्टी केली. भूकंपाचे धक्के जाणवताच महसूल विभाग, पोलीस प्रशासन आणि आपत्ती व्यवस्थापन यंत्रणा तात्काळ सतर्क झाली. प्राथमिक पंचनामे आणि माहिती संकलनानंतर कोणत्याही प्रकारची जीवितहानी किंवा मोठी वित्तहानी झाली नसल्याचे प्रशासनाने स्पष्ट केले आहे. तलाठी व मंडळ अधिकाऱ्यांनी संकलित केलेली माहिती तहसील कार्यालयामार्फत नाशिक येथील भूकंप मापन केंद्राकडे पाठवण्यात आली असून तज्ज्ञांच्या पुढील तांत्रिक अहवालाची प्रतीक्षा आहे. सुरगाणाचे तहसीलदार रामजी राठोड यांनी परिस्थितीवर सतत लक्ष असल्याचे सांगत नागरिकांना अफवांवर विश्वास न ठेवण्याचे आवाहन केले आहे. काही ठिकाणी घरांच्या भिंतींना तडे गेल्याच्या अफवा पसरल्या असल्या तरी प्रशासनाने त्याला अधिकृत दुजोरा दिलेला नाही. डोंगराळ व आदिवासीबहुल असलेल्या सुरगाणा तालुक्यात आपत्ती व्यवस्थापन विभागाने नागरिकांना शांत राहण्याचे, इमारती व विजेच्या खांबांपासून दूर राहण्याचे आणि सोशल मीडियावरील अप्रमाणित संदेशांवर विश्वास न ठेवण्याचे निर्देश दिले आहेत.