కరీంనగర్ జిల్లా కాంగ్రెస్ కార్యాలయంలో జిల్లా కాంగ్రెస్ బీసీ సెల్ చైర్మన్ పులి ఆంజనేయులు గౌడ్, ఇతర కాంగ్రెస్ నేతలు పత్రికా విలేకరుల సమావేశం నిర్వహించారు. ఈ సందర్భంగా చొప్పదండి ఎమ్మెల్యే, జిల్లా కాంగ్రెస్ అధ్యక్షులు డా. మేడిపల్లి సత్యంను ఉద్దేశించి మాజీ ఎమ్మెల్యే సుంకే రవిశంకర్ చేసిన వ్యాఖ్యలను వారు తీవ్రంగా ఖండించారు. నియోజకవర్గ రైతులను తన కుటుంబ సభ్యులుగా భావించి మేడిపల్లి సత్యం పనిచేస్తున్నారని కాంగ్రెస్ నాయకులు పేర్కొన్నారు. కేంద్ర ప్రభుత్వం ప్రవేశపెట్టిన జీపీఎస్ విధానంతో లారీల కొరత, అకాల వర్షాలకు ధాన్యం తడిసిపోవడం వంటి సమస్యలను ఎప్పటికప్పుడు పరిష్కరిస్తూ, మేడిపల్లి సత్యం అర్థరాత్రి వరకు ధాన్యం కొనుగోలు కేంద్రాల వద్దే ఉండి, మానవత్వంతో రైతుల బాధను అర్థం చేసుకొని స్వయంగా లారీ ఎక్కి ధాన్యం తరలింపును పర్యవేక్షించారని కాంగ్రెస్ నేతలు వివరించారు. అలాంటి సత్యం గారిని మాజీ ఎమ్మెల్యే సుంకే రవిశంకర్ "లారీ ఎక్కి వస్తావా.. బస్సు ఎక్కి వస్తావా" అంటూ పాటలు పాడుతూ వ్యంగ్యంగా మాట్లాడటం సరికాదని విమర్శించారు. గత బీఆర్ఎస్ పాలనలో రైతులు నీళ్లు అడిగితే, "ఈ ఏడాది రాళ్ల వాన పడి పంట కొట్టుకుపోయిందని అనుకోండి" అని నాటి ముఖ్యమంత్రి, మంత్రులు మాట్లాడటం వల్ల రైతులు ఎంతగానో ఆవేదన చెందారని గుర్తుచేశారు. బీఆర్ఎస్ పార్టీ రివెంజ్ రాజకీయాలకు పెట్టింది పేరని, అధికారంలోకి వచ్చిన రెండు నెలల్లోనే ఖమ్మంలో రైతుల చేతులకు బేడీలు వేసిన ఘనత బీఆర్ఎస్ కు దక్కిందని పులి ఆంజనేయులు గౌడ్ ఆరోపించారు. చొప్పదండిలో "మేడిపల్లి సత్యం అభివృద్ధి రాజ్యాంగమే" నడుస్తోందని, గంగాధరకు డిగ్రీ కళాశాల మంజూరు, ఆర్నకొండ నుండి మల్యాల వరకు రోడ్డు నిర్మాణం, కొండగట్టు ఆలయ అభివృద్ధికి రూ.36 కోట్లు మంజూరు వంటి నిర్మాణాత్మక పనులతో బీఆర్ఎస్ నేతలే స్వయంగా కాంగ్రెస్ ప్రభుత్వ పనులను ప్రశంసించిన సందర్భాలు ఉన్నాయని నేతలు తెలిపారు. నారాయణపూర్ ధాన్యం కొనుగోలు కేంద్రం ఘటనలో ఎమ్మెల్యే సత్యం గారిని టార్గెట్ చేస్తూ, రైతులపై కేసులు పెట్టారని సుంకే రవిశంకర్ చేస్తున్న ఆరోపణలు అవాస్తవమని వారు ఖండించారు. పూడూరు, గంగాధరలో ధర్నాలు జరిగినా కాంగ్రెస్ ప్రభుత్వం ఎవరిపైనా కేసులు పెట్టలేదని స్పష్టం చేశారు. రాజకీయాలకు అతీతంగా రైతులకు సహాయం చేయాల్సిన సమయంలో ఆరోపణలు చేయడం సరికాదని, రైతుల సెంటిమెంట్‌తో రాజకీయాలు చేస్తే ప్రజలు క్షమించరని హెచ్చరించారు. వరద కాలువ విషయంలో నీటిపారుదల శాఖ మంత్రిని కలిసి ముంపు బాధితులకు పరిహారం అందించాలని, చుక్కనీరు వృధా కాకుండా చూడాలని సత్యం కృషి చేస్తున్నారని కూడా కాంగ్రెస్ నేతలు పేర్కొన్నారు. నారాయణపూర్ గ్రామ సర్పంచ్ బాబా లక్ష్మి మధు మాట్లాడుతూ, తాను సర్పంచ్ గా ఎన్నికైన నెల రోజుల నుండి ప్రతి గ్రామసభను బీఆర్ఎస్ పార్టీ నాయకులు అడ్డుకుంటూ ఇబ్బందులకు గురి చేస్తున్నారని ఆవేదన వ్యక్తం చేశారు. అధికారులు గ్రామానికి రావాలంటే కూడా బెదిరింపుల కారణంగా భయపడుతున్నారని ఆమె తెలిపారు. నిన్న ఐకేపీ సెంటర్ లో జరిగిన సంఘటనకు గ్రామ సర్పంచ్ కు గాని, ఎమ్మెల్యే మేడిపల్లి సత్యంకు గాని ఎలాంటి సంబంధం లేదని స్పష్టం చేశారు. అది వారి వ్యక్తిగత విషయమని, అక్కడ ఉన్న నిర్వాహకురాలిని సుంకే రవిశంకర్ అనుచరులు వ్యక్తిగతంగా దూషించి బెదిరించడంతో వారు పోలీస్ స్టేషన్ కు వెళ్లి ఫిర్యాదు చేశారని వివరించారు. నారాయణపూర్ ముంపు గ్రామానికి సంబంధించి గతంలో శాసనసభ్యులుగా ఉన్న సుద్దాల దేవయ్య, బొడిగెశోభ, సుంకే రవిశంకర్ ఎప్పుడూ నష్టపరిహారం గురించి మాట్లాడలేదని, ప్రస్తుత శాసనసభ్యులు మేడిపల్లి సత్యం నిండు అసెంబ్లీలో ఈ విషయాన్ని ప్రస్తావించారని ఆమె గుర్తుచేశారు. మేడిపల్లి సత్యం రూ.23 కోట్ల నష్టపరిహారం మంజూరు చేయించి ముంపు గ్రామాల ప్రజలను ఆదుకోవాలని చూస్తుంటే, కాంగ్రెస్ పార్టీకి ఎక్కడ పేరు వస్తుందో అని ఓర్వలేని బీఆర్ఎస్ పార్టీ వారు అడ్డంకులు సృష్టించి అభివృద్ధిని అడ్డుకోవాలని చూస్తున్నారని, దీని వెనుక మాజీ శాసనసభ్యులు సుంకే రవిశంకర్ ఉన్నారని ఆమె ఆరోపించారు. ఈ విలేకరుల సమావేశంలో గంగాధర మండల కాంగ్రెస్ అధ్యక్షులు మంత్రి మహేందర్, మాజీ అధ్యక్షులు పురుమల్ల మనోహర్, జిల్లా యూత్ కాంగ్రెస్ అధ్యక్షులు ముత్యం శంకర్ గౌడ్, గంగాధర మార్కెట్ కమిటీ చైర్మన్ జాగిరపు శ్రీనివాస్ రెడ్డి, తాడి జెర్రీ సర్పంచ్ రామిడి రాజిరెడ్డి, నాయకులు రుద్ర మల్లేశం, సాయిని ఐలయ్య తదితరులు పాల్గొన్నారు. అర్థరాత్రి వరకు కొనుగోలు కేంద్రాల్లోనే ఎమ్మెల్యే మేడిపల్లి సత్యం ఉండటం ఆయన పనితనానికి నిదర్శనమని, నియోజకవర్గంలో "మేడిపల్లి సత్యం అభివృద్ధి రాజ్యాంగం" నడుస్తోందని జిల్లా కాంగ్రెస్ బీసీ సెల్ చైర్మన్ పులి ఆంజనేయులు గౌడ్ పునరుద్ఘాటించారు.

OM NAMSHIVAYA

Karimnagar, Telangana•

1 hr ago

కరీంనగర్ జిల్లా కాంగ్రెస్ కార్యాలయంలో జిల్లా కాంగ్రెస్ బీసీ సెల్ చైర్మన్ పులి ఆంజనేయులు గౌడ్, ఇతర కాంగ్రెస్ నేతలు పత్రికా విలేకరుల సమావేశం నిర్వహించారు. ఈ సందర్భంగా చొప్పదండి ఎమ్మెల్యే, జిల్లా కాంగ్రెస్ అధ్యక్షులు డా. మేడిపల్లి సత్యంను ఉద్దేశించి మాజీ ఎమ్మెల్యే సుంకే రవిశంకర్ చేసిన వ్యాఖ్యలను వారు తీవ్రంగా ఖండించారు. నియోజకవర్గ రైతులను తన కుటుంబ సభ్యులుగా భావించి మేడిపల్లి సత్యం పనిచేస్తున్నారని కాంగ్రెస్ నాయకులు పేర్కొన్నారు. కేంద్ర ప్రభుత్వం ప్రవేశపెట్టిన జీపీఎస్ విధానంతో లారీల కొరత, అకాల వర్షాలకు ధాన్యం తడిసిపోవడం వంటి సమస్యలను ఎప్పటికప్పుడు పరిష్కరిస్తూ, మేడిపల్లి సత్యం అర్థరాత్రి వరకు ధాన్యం కొనుగోలు కేంద్రాల వద్దే ఉండి, మానవత్వంతో రైతుల బాధను అర్థం చేసుకొని స్వయంగా లారీ ఎక్కి ధాన్యం తరలింపును పర్యవేక్షించారని కాంగ్రెస్ నేతలు వివరించారు. అలాంటి సత్యం గారిని మాజీ ఎమ్మెల్యే సుంకే రవిశంకర్ "లారీ ఎక్కి వస్తావా.. బస్సు ఎక్కి వస్తావా" అంటూ పాటలు పాడుతూ వ్యంగ్యంగా మాట్లాడటం సరికాదని విమర్శించారు. గత బీఆర్ఎస్ పాలనలో రైతులు నీళ్లు అడిగితే, "ఈ ఏడాది రాళ్ల వాన పడి పంట కొట్టుకుపోయిందని అనుకోండి" అని నాటి ముఖ్యమంత్రి, మంత్రులు మాట్లాడటం వల్ల రైతులు ఎంతగానో ఆవేదన చెందారని గుర్తుచేశారు. బీఆర్ఎస్ పార్టీ రివెంజ్ రాజకీయాలకు పెట్టింది పేరని, అధికారంలోకి వచ్చిన రెండు నెలల్లోనే ఖమ్మంలో రైతుల చేతులకు బేడీలు వేసిన ఘనత బీఆర్ఎస్ కు దక్కిందని పులి ఆంజనేయులు గౌడ్ ఆరోపించారు. చొప్పదండిలో "మేడిపల్లి సత్యం అభివృద్ధి రాజ్యాంగమే" నడుస్తోందని, గంగాధరకు డిగ్రీ కళాశాల మంజూరు, ఆర్నకొండ నుండి మల్యాల వరకు రోడ్డు నిర్మాణం, కొండగట్టు ఆలయ అభివృద్ధికి రూ.36 కోట్లు మంజూరు వంటి నిర్మాణాత్మక పనులతో బీఆర్ఎస్ నేతలే స్వయంగా కాంగ్రెస్ ప్రభుత్వ పనులను ప్రశంసించిన సందర్భాలు ఉన్నాయని నేతలు తెలిపారు. నారాయణపూర్ ధాన్యం కొనుగోలు కేంద్రం ఘటనలో ఎమ్మెల్యే సత్యం గారిని టార్గెట్ చేస్తూ, రైతులపై కేసులు పెట్టారని సుంకే రవిశంకర్ చేస్తున్న ఆరోపణలు అవాస్తవమని వారు ఖండించారు. పూడూరు, గంగాధరలో ధర్నాలు జరిగినా కాంగ్రెస్ ప్రభుత్వం ఎవరిపైనా కేసులు పెట్టలేదని స్పష్టం చేశారు. రాజకీయాలకు అతీతంగా రైతులకు సహాయం చేయాల్సిన సమయంలో ఆరోపణలు చేయడం సరికాదని, రైతుల సెంటిమెంట్‌తో రాజకీయాలు చేస్తే ప్రజలు క్షమించరని హెచ్చరించారు. వరద కాలువ విషయంలో నీటిపారుదల శాఖ మంత్రిని కలిసి ముంపు బాధితులకు పరిహారం అందించాలని, చుక్కనీరు వృధా కాకుండా చూడాలని సత్యం కృషి చేస్తున్నారని కూడా కాంగ్రెస్ నేతలు పేర్కొన్నారు. నారాయణపూర్ గ్రామ సర్పంచ్ బాబా లక్ష్మి మధు మాట్లాడుతూ, తాను సర్పంచ్ గా ఎన్నికైన నెల రోజుల నుండి ప్రతి గ్రామసభను బీఆర్ఎస్ పార్టీ నాయకులు అడ్డుకుంటూ ఇబ్బందులకు గురి చేస్తున్నారని ఆవేదన వ్యక్తం చేశారు. అధికారులు గ్రామానికి రావాలంటే కూడా బెదిరింపుల కారణంగా భయపడుతున్నారని ఆమె తెలిపారు. నిన్న ఐకేపీ సెంటర్ లో జరిగిన సంఘటనకు గ్రామ సర్పంచ్ కు గాని, ఎమ్మెల్యే మేడిపల్లి సత్యంకు గాని ఎలాంటి సంబంధం లేదని స్పష్టం చేశారు. అది వారి వ్యక్తిగత విషయమని, అక్కడ ఉన్న నిర్వాహకురాలిని సుంకే రవిశంకర్ అనుచరులు వ్యక్తిగతంగా దూషించి బెదిరించడంతో వారు పోలీస్ స్టేషన్ కు వెళ్లి ఫిర్యాదు చేశారని వివరించారు. నారాయణపూర్ ముంపు గ్రామానికి సంబంధించి గతంలో శాసనసభ్యులుగా ఉన్న సుద్దాల దేవయ్య, బొడిగెశోభ, సుంకే రవిశంకర్ ఎప్పుడూ నష్టపరిహారం గురించి మాట్లాడలేదని, ప్రస్తుత శాసనసభ్యులు మేడిపల్లి సత్యం నిండు అసెంబ్లీలో ఈ విషయాన్ని ప్రస్తావించారని ఆమె గుర్తుచేశారు. మేడిపల్లి సత్యం రూ.23 కోట్ల నష్టపరిహారం మంజూరు చేయించి ముంపు గ్రామాల ప్రజలను ఆదుకోవాలని చూస్తుంటే, కాంగ్రెస్ పార్టీకి ఎక్కడ పేరు వస్తుందో అని ఓర్వలేని బీఆర్ఎస్ పార్టీ వారు అడ్డంకులు సృష్టించి అభివృద్ధిని అడ్డుకోవాలని చూస్తున్నారని, దీని వెనుక మాజీ శాసనసభ్యులు సుంకే రవిశంకర్ ఉన్నారని ఆమె ఆరోపించారు. ఈ విలేకరుల సమావేశంలో గంగాధర మండల కాంగ్రెస్ అధ్యక్షులు మంత్రి మహేందర్, మాజీ అధ్యక్షులు పురుమల్ల మనోహర్, జిల్లా యూత్ కాంగ్రెస్ అధ్యక్షులు ముత్యం శంకర్ గౌడ్, గంగాధర మార్కెట్ కమిటీ చైర్మన్ జాగిరపు శ్రీనివాస్ రెడ్డి, తాడి జెర్రీ సర్పంచ్ రామిడి రాజిరెడ్డి, నాయకులు రుద్ర మల్లేశం, సాయిని ఐలయ్య తదితరులు పాల్గొన్నారు. అర్థరాత్రి వరకు కొనుగోలు కేంద్రాల్లోనే ఎమ్మెల్యే మేడిపల్లి సత్యం ఉండటం ఆయన పనితనానికి నిదర్శనమని, నియోజకవర్గంలో "మేడిపల్లి సత్యం అభివృద్ధి రాజ్యాంగం" నడుస్తోందని జిల్లా కాంగ్రెస్ బీసీ సెల్ చైర్మన్ పులి ఆంజనేయులు గౌడ్ పునరుద్ఘాటించారు.