विहिरीत पडलेल्या बिबट्याला जीवदान; वनविभागाच्या रेस्क्यू टीमने केली यशस्वी सुटका ​खामगाव : तालुक्यातील निरोड बीट अंतर्गत येणाऱ्या धारोड भाग-२ परिसरात एका विहिरीत पडलेल्या बिबट्याला वनविभागाच्या सतर्कतेमुळे आणि धाडसी रेस्क्यू ऑपरेशनमुळे जीवदान मिळाले आहे. गुरुवारी, १६ एप्रिल २०२६ रोजी रात्री उशिरापर्यंत चाललेल्या या कारवाईनंतर बिबट्याला जेरबंद करून सुखरूप नैसर्गिक अधिवासात सोडण्यात आले. ​मिळालेल्या माहितीनुसार, निरोड बीटमधील मौजे धारोड भाग-२ येथील शेतमालक श्री. वाळू दगडू मारकड यांच्या शेत गट नंबर ३४६ मधील विहिरीत एक वन्यप्राणी बिबट्या पडल्याचे निदर्शनास आले. निरोडचे पोलीस पाटील श्री. गजानन काळे यांनी तातडीने या घटनेची माहिती वनविभागाला दिली.घटनेचे गांभीर्य ओळखून खामगाव वनपरिक्षेत्र अधिकारी कार्यालयाचे अधिकारी, कर्मचारी आणि बुलढाणा येथील शीघ्र कृती दल (RRT - रेस्क्यू टीम) सर्व आवश्यक साहित्यासह तातडीने घटनास्थळी दाखल झाले. विहिरीत पडलेला बिबट्या घाबरलेल्या अवस्थेत होता. रेस्क्यू टीमने अत्यंत कौशल्याने बिबट्याला जेरबंद केले आणि विहिरीबाहेर सुरक्षितपणे काढले. ​विहिरीबाहेर काढल्यानंतर पशुधन विकास अधिकारी डॉ. रुपेश कोल्हे यांनी बिबट्याची प्राथमिक आरोग्य तपासणी केली. बिबट्या पूर्णपणे सुदृढ असल्याचे डॉक्टरांनी घोषित केल्यानंतर, वरिष्ठ अधिकाऱ्यांच्या मार्गदर्शनाखाली त्याला ज्ञानगंगा अभयारण्यात सोडण्याचा निर्णय घेण्यात आला. ​सदर कारवाई उपवनसंरक्षक (बुलढाणा) सुमंत सोळंके आणि सहाय्यक वनसंरक्षक काकडे यांच्या मार्गदर्शनाखाली खामगावचे वनपरिक्षेत्र अधिकारी स्वप्निल पवार यांनी यशस्वीरीत्या पूर्ण केली असून या मोहिमेत संदीप मडावी, पवन, अमोल, प्रवीण,वनपाल सोनोने,आंग्रे, बोबडे,वानखेडे; वनरक्षक मोरे,लठाड, कु. लता अंबुलकर वाहन चालक रोहिदास आडे आणि वनमजूर राहुल राठोड, मिलिंद इंगळे,निरोडचे सरपंच अशोक लांडे, पोलीस पाटील गजानन काळे आणि ग्रामस्थांनी या मोहिमेत मोलाचे सहकार्य केले. ​रात्रीच्या अंधारात पार पडलेल्या या यशस्वी मोहिमेमुळे वनविभागाचे परिसरात कौतुक होत आहे.

Shivaji Bhosale

Journalist खामगाव, बुलढाणा, महाराष्ट्र•

3 hrs ago

विहिरीत पडलेल्या बिबट्याला जीवदान; वनविभागाच्या रेस्क्यू टीमने केली यशस्वी सुटका ​खामगाव : तालुक्यातील निरोड बीट अंतर्गत येणाऱ्या धारोड भाग-२ परिसरात एका विहिरीत पडलेल्या बिबट्याला वनविभागाच्या सतर्कतेमुळे आणि धाडसी रेस्क्यू ऑपरेशनमुळे जीवदान मिळाले आहे. गुरुवारी, १६ एप्रिल २०२६ रोजी रात्री उशिरापर्यंत चाललेल्या या कारवाईनंतर बिबट्याला जेरबंद करून सुखरूप नैसर्गिक अधिवासात सोडण्यात आले. ​मिळालेल्या माहितीनुसार, निरोड बीटमधील मौजे धारोड भाग-२ येथील शेतमालक श्री. वाळू दगडू मारकड यांच्या शेत गट नंबर ३४६ मधील विहिरीत एक वन्यप्राणी बिबट्या पडल्याचे निदर्शनास आले. निरोडचे पोलीस पाटील श्री. गजानन काळे यांनी तातडीने या घटनेची माहिती वनविभागाला दिली.घटनेचे गांभीर्य ओळखून खामगाव वनपरिक्षेत्र अधिकारी कार्यालयाचे अधिकारी, कर्मचारी आणि बुलढाणा येथील शीघ्र कृती दल (RRT - रेस्क्यू टीम) सर्व आवश्यक साहित्यासह तातडीने घटनास्थळी दाखल झाले. विहिरीत पडलेला बिबट्या घाबरलेल्या अवस्थेत होता. रेस्क्यू टीमने अत्यंत कौशल्याने बिबट्याला जेरबंद केले आणि विहिरीबाहेर सुरक्षितपणे काढले. ​विहिरीबाहेर काढल्यानंतर पशुधन विकास अधिकारी डॉ. रुपेश कोल्हे यांनी बिबट्याची प्राथमिक आरोग्य तपासणी केली. बिबट्या पूर्णपणे सुदृढ असल्याचे डॉक्टरांनी घोषित केल्यानंतर, वरिष्ठ अधिकाऱ्यांच्या मार्गदर्शनाखाली त्याला ज्ञानगंगा अभयारण्यात सोडण्याचा निर्णय घेण्यात आला. ​सदर कारवाई उपवनसंरक्षक (बुलढाणा) सुमंत सोळंके आणि सहाय्यक वनसंरक्षक काकडे यांच्या मार्गदर्शनाखाली खामगावचे वनपरिक्षेत्र अधिकारी स्वप्निल पवार यांनी यशस्वीरीत्या पूर्ण केली असून या मोहिमेत संदीप मडावी, पवन, अमोल, प्रवीण,वनपाल सोनोने,आंग्रे, बोबडे,वानखेडे; वनरक्षक मोरे,लठाड, कु. लता अंबुलकर वाहन चालक रोहिदास आडे आणि वनमजूर राहुल राठोड, मिलिंद इंगळे,निरोडचे सरपंच अशोक लांडे, पोलीस पाटील गजानन काळे आणि ग्रामस्थांनी या मोहिमेत मोलाचे सहकार्य केले. ​रात्रीच्या अंधारात पार पडलेल्या या यशस्वी मोहिमेमुळे वनविभागाचे परिसरात कौतुक होत आहे.