સુરત ગ્રામ્ય પોલીસના માર્ગદર્શન હેઠળ કડોદરા GIDC પોલીસે મોબાઈલ સ્નેચિંગ કરતી એક ટોળકીનો પર્દાફાશ કરીને બે આરોપીઓને ઝડપી પાડ્યા છે. પોલીસે તેમની પાસેથી અલગ-અલગ કંપનીના કુલ 25 મોબાઈલ ફોન અને નંબર પ્લેટ વગરની એક મોટરસાયકલ સહિત કુલ ₹3,20,198નો મુદ્દામાલ કબજે કર્યો છે. આ કાર્યવાહી દ્વારા કામરેજ, કડોદરા અને કીમ ચોકડી સહિતના વિસ્તારોમાં રાહદારીઓ પાસેથી મોબાઈલ ફોન છીનવી લેવાના ગુનાઓ કબૂલ્યા બાદ કુલ 7 ગુનાઓનો ભેદ ઉકેલાઈ ગયો છે. ઝડપાયેલા આરોપીઓમાં કામરેજના ભાદા ગામનો દીપકભાઈ રાકેશભાઈ વસાવા અને ખોલવડનો સાહિલ છનાભાઈ રાઠોડનો સમાવેશ થાય છે. પોલીસે કબજે કરેલા 25 મોબાઈલ ફોનની અંદાજિત કિંમત ₹2,12,198 અને મોટરસાયકલની કિંમત ₹50,000 મળી, કુલ ₹3.20 લાખનો મુદ્દામાલ જપ્ત કર્યો છે. આ કેસમાં રાકેશ ઉર્ફે ગોરખો રાજેશ રાઠોડ અને સાહિલ ઉર્ફે સંતોષ નામના અન્ય બે સાગરિતોને વોન્ટેડ જાહેર કરવામાં આવ્યા છે. પોલીસ દ્વારા આરોપીઓ વિરુદ્ધ BNSSS કલમ 35(1) અને 106 હેઠળ કાયદેસરની કાર્યવાહી હાથ ધરવામાં આવી છે. તપાસમાં એ પણ સામે આવ્યું છે કે દીપક વસાવા સામે અગાઉ પણ ચોરી અને સ્નેચિંગના અનેક ગુનાઓ નોંધાયેલા છે. આ સમગ્ર સફળ કાર્યવાહી પોલીસ ઇન્સ્પેક્ટર વી.એ. દેસાઈના માર્ગદર્શન હેઠળ એએસઆઈ હરેશભાઈ ખુમાભાઈ, પીએસઆઈ બી.બી. વાઘેલા તથા કડોદરા GIDC પોલીસની ટીમે ચોક્કસ બાતમીના આધારે પાર પાડી હતી.

રમેશ ખંભાતી

Photographer બારડોલી, સુરત, ગુજરાત•

1 hr ago

સુરત ગ્રામ્ય પોલીસના માર્ગદર્શન હેઠળ કડોદરા GIDC પોલીસે મોબાઈલ સ્નેચિંગ કરતી એક ટોળકીનો પર્દાફાશ કરીને બે આરોપીઓને ઝડપી પાડ્યા છે. પોલીસે તેમની પાસેથી અલગ-અલગ કંપનીના કુલ 25 મોબાઈલ ફોન અને નંબર પ્લેટ વગરની એક મોટરસાયકલ સહિત કુલ ₹3,20,198નો મુદ્દામાલ કબજે કર્યો છે. આ કાર્યવાહી દ્વારા કામરેજ, કડોદરા અને કીમ ચોકડી સહિતના વિસ્તારોમાં રાહદારીઓ પાસેથી મોબાઈલ ફોન છીનવી લેવાના ગુનાઓ કબૂલ્યા બાદ કુલ 7 ગુનાઓનો ભેદ ઉકેલાઈ ગયો છે. ઝડપાયેલા આરોપીઓમાં કામરેજના ભાદા ગામનો દીપકભાઈ રાકેશભાઈ વસાવા અને ખોલવડનો સાહિલ છનાભાઈ રાઠોડનો સમાવેશ થાય છે. પોલીસે કબજે કરેલા 25 મોબાઈલ ફોનની અંદાજિત કિંમત ₹2,12,198 અને મોટરસાયકલની કિંમત ₹50,000 મળી, કુલ ₹3.20 લાખનો મુદ્દામાલ જપ્ત કર્યો છે. આ કેસમાં રાકેશ ઉર્ફે ગોરખો રાજેશ રાઠોડ અને સાહિલ ઉર્ફે સંતોષ નામના અન્ય બે સાગરિતોને વોન્ટેડ જાહેર કરવામાં આવ્યા છે. પોલીસ દ્વારા આરોપીઓ વિરુદ્ધ BNSSS કલમ 35(1) અને 106 હેઠળ કાયદેસરની કાર્યવાહી હાથ ધરવામાં આવી છે. તપાસમાં એ પણ સામે આવ્યું છે કે દીપક વસાવા સામે અગાઉ પણ ચોરી અને સ્નેચિંગના અનેક ગુનાઓ નોંધાયેલા છે. આ સમગ્ર સફળ કાર્યવાહી પોલીસ ઇન્સ્પેક્ટર વી.એ. દેસાઈના માર્ગદર્શન હેઠળ એએસઆઈ હરેશભાઈ ખુમાભાઈ, પીએસઆઈ બી.બી. વાઘેલા તથા કડોદરા GIDC પોલીસની ટીમે ચોક્કસ બાતમીના આધારે પાર પાડી હતી.