अमरावतीमध्ये कोलकात्याहून आलेल्या एका व्यावसायिकाची निर्घृण हत्या झाल्याने शहरात संतापाची लाट उसळली आहे. सकल हिंदू समाज आणि हिंदुत्ववादी संघटनांनी तातडीने कठोर कारवाईची मागणी करत बंदचा इशारा दिला आहे. पोलिसांनी दोन आरोपींना अटक केली असून, उर्वरित आरोपींनाही लवकरच पकडण्याचे आश्वासन दिले आहे.

बुलढाणा जिल्ह्यातील खरेदी केंद्रांवर 'टार्गेट संपले' असे सांगत नोंदणीकृत शेतकऱ्यांकडून हरभरा खरेदी बंद झाली आहे. यामुळे आधीच नैसर्गिक आपत्तींनी त्रस्त असलेल्या शेतकऱ्यांचे मोठे नुकसान होत असून व्यापाऱ्यांकडून लुटीचा आरोप आहे. शासनाने तात्काळ खरेदी सुरू न केल्यास राज्यभरात मोठे आंदोलन करण्याचा इशारा शेतकऱ्यांनी दिला आहे.

श्री गजानन महाराज संस्थानने शेगाव मंदिर परिसरात मोबाईल वापरास पूर्ण बंदी लागू केली आहे. मंदिर परिसरातील वाढती गर्दी आणि गोंधळामुळे मंदिराचे पावित्र्य राखण्यासाठी हा कठोर निर्णय घेण्यात आला आहे. नियम मोडणाऱ्या भाविकांचा मोबाईल तात्काळ जप्त केला जाईल, असा कडक इशारा संस्थानने दिला आहे.

Har bimariyo ka elaj riyansh amrit juce ke pass... har har riyansh har ghar riyansh

महाराष्ट्रामध्ये एका जीआरमुळे ५०% दिव्यांग बांधव मानधनापासून वंचित झाले आहेत. यावर प्रहार जनशक्ती पक्षाचे प्रमुख बच्चू कडू यांनी राज्य सरकारला कठोर इशारा दिला आहे.

"हातात मोबाईल नाही म्हणत फक्त श्रींचे नाव जिथे शांततेत ऐकू येते फक्त गण गण गणात बोते."...... त्या पवित्र शेगाव नगरीत आता भक्तीला मिळणार अधिक शांततेचा स्पर्श… श्री गजानन महाराज संस्थानने मंदिर परिसरात मोबाईल वापरण्यावर सक्त बंदी लागू केली आहे. मंदिराचे पावित्र्य अबाधित राहावे, भाविकांना श्रींचे सहज आणि सुरक्षित दर्शन मिळावे, तसेच गर्दीचे व्यवस्थापन अधिक प्रभावी व्हावे यासाठी हा महत्त्वपूर्ण निर्णय घेण्यात आला आहे. संस्थानच्या सूचनेनुसार, मंदिरात प्रवेश करतानाच मुख्य प्रवेशद्वारावर भाविकांनी आपला मोबाईल बंद करणे आवश्यक राहणार आहे. मंदिर परिसरात मोबाईल वापरताना कोणी आढळल्यास संबंधित मोबाईल जमा करण्यात येईल, असेही स्पष्ट करण्यात आले आहे. दररोज हजारो भक्त श्रींच्या दर्शनासाठी शेगावमध्ये येतात… कोणी डोळ्यात श्रद्धा घेऊन… कोणी मनात नवस घेऊन… तर कोणी फक्त श्रींच्या चरणी दोन क्षण शांत बसण्यासाठी… अशावेळी मोबाईलच्या रिंगटोन, फोटो-व्हिडिओची गर्दी आणि गोंधळामुळे दर्शनाचा भाव खंडित होऊ नये, यासाठी संस्थान प्रशासनाने हे कठोर पण महत्त्वाचे पाऊल उचलले आहे. 🙏 “श्रींचा अनुभव कॅमेऱ्यात नाही… तो भक्तांच्या मनात जपला जातो…” भाविकांनी नियमांचे पालन करून संस्थानला सहकार्य करावे, असे आवाहन व्यवस्थापकीय विश्वस्तांकडून करण्यात आले आहे.

बुलडाणा जिल्ह्यातील धरणगावाजवळ राष्ट्रीय महामार्ग ५३ वर धावत्या ट्रकला अचानक भीषण आग लागली. या घटनेमुळे परिसरात खळबळ उडाली असली तरी, सुदैवाने कोणतीही जीवितहानी टळली.

जळगाव जिल्ह्यातील चोपडा तालुक्यात विष्णूपुरकडे जाणाऱ्या रस्त्याचे काम अद्यापही पूर्ण झालेले नाही. यामुळे स्थानिक नागरिकांना ये-जा करताना प्रचंड गैरसोयीचा सामना करावा लागत असून, कामाची तातडीने पूर्तता करण्याची मागणी होत आहे.

जळगाव (जामोद) तालुक्यातील पळशी वैद्य फाटा – आडोळ – मांडवा रस्त्याची भीषण दुरवस्था झाली असून तो 'मृत्यूचा सापळा' बनला आहे. यामुळे नागरिक, विद्यार्थी आणि रुग्णांसह सर्वांना जीव धोक्यात घालून प्रवास करावा लागत आहे, ज्यावर संतप्त ग्रामस्थांनी प्रशासनाला अंतिम इशारा दिला आहे.