दिल्लीत युथ काँग्रेस कार्यकर्त्यांवर झालेला लाठीहल्ला आणि खासदार राहुल गांधी यांच्या अटकेच्या निषेधार्थ नाशिकमध्ये काँग्रेस व मनसेच्या वतीने जिल्हाधिकारी कार्यालयावर जोरदार आंदोलन करण्यात आले. या कारवाईमुळे नाशिकमधील राजकीय वातावरण चांगलेच तापले आहे. आंदोलनादरम्यान शेकडो कार्यकर्त्यांनी सहभाग घेत केंद्र सरकार आणि दिल्ली पोलिसांच्या कारवाईविरोधात तीव्र घोषणाबाजी केली. आंदोलकांनी सरकारच्या भूमिकेवर कडक शब्दांत टीका करत या कारवाईबाबत तीव्र निषेध व्यक्त केला असून परिसरात निषेधाची मोठी लाट पाहायला मिळाली.

बाढ उपविभागातील सम्यागड पंचायतीमध्ये असलेल्या आयुष्मान भारत आरोग्य केंद्राच्या जर्जर अवस्थेबाबत रोगी कल्याण समितीचे सदस्य रण विजय कुमार यांनी आपल्या सहकाऱ्यांसह आमदार अनंत कुमार सिंह यांची भेट घेतली. या शिष्टमंडळाने रुग्णालयातील डॉक्टरांची कमतरता, औषधांचा अभाव, इमारतीची दुरवस्था, तुटलेली स्टाफ क्वार्टर्स तसेच तातडीची (इमर्जन्सी) आणि रात्रीची सेवा सुरू करण्याची मागणी लावून धरली. याशिवाय, नियमित ड्युटी न करता पगार घेणाऱ्या डॉक्टर व आरोग्य कर्मचाऱ्यांची चौकशी करून त्यांच्यावर कारवाई करण्याची मागणीही आमदारांकडे करण्यात आली. या आरोग्य केंद्रावर सम्यागडसह आसपासच्या पाच पंचायतींमधील सुमारे २५ हजार लोकसंख्या उपचारासाठी अवलंबून आहे. आता या गंभीर समस्येवर आरोग्य विभाग आणि प्रशासन काय पावले उचलते, याकडे सर्वांचे लक्ष लागले आहे.

नाशिकच्या जुन्या बिटको हॉस्पिटल परिसरात एकाच रात्री पाच दुकाने फोडून ₹१,१२,००० ची रोकड लांबवणाऱ्या सराईत चोरट्याला नाशिक गुन्हे शाखेच्या नाशिकरोड युनिटने अटक केली आहे. धन्ना रामलाल राठोड (वय ४०, रा. लक्ष्मी टॉकीजजवळ, मोंढा मार्केट, वैजापूर, जि. छत्रपती संभाजीनगर) असे अटक करण्यात आलेल्या आरोपीचे नाव असून, त्याने आपल्या तीन साथीदारांसह ही चोरी केल्याची कबुली दिली आहे. या प्रकरणी नाशिकरोड पोलीस ठाण्यात बीएनएस कलम ३०५, ३३१(३) आणि ३३१(४) अन्वये गुन्हा दाखल करण्यात आला होता. १४ जुलै रोजी रात्री चोरट्यांनी जुन्या बिटको हॉस्पिटल परिसरातील एक भांडी दुकान, दोन मेडिकल, एक एजन्सी आणि एक मिठाईचे दुकान अशी पाच दुकाने फोडून १ लाख १२ हजार रुपयांची रोकड चोरून नेली होती. गुन्ह्याचा तपास करताना नाशिकरोड गुन्हे शाखेच्या पथकाने मानवी माहिती आणि तांत्रिक विश्लेषणाच्या आधारे आरोपी रेल्वे स्थानक परिसरात फिरत असल्याची माहिती मिळवली. त्या आधारे सापळा रचून धन्ना राठोड याला ताब्यात घेण्यात आले. चौकशीत त्याने चोरीची कबुली दिली असून, त्याच्या फरार तीन साथीदारांचा शोध पोलीस घेत आहेत. ही धडाकेबाज कारवाई पोलीस आयुक्त संदीप कर्णिक, पोलीस उपआयुक्त (गुन्हे) किरणकुमार चव्हाण आणि सहायक पोलीस आयुक्त संदीप मिटके यांच्या मार्गदर्शनाखाली पार पडली. या कारवाईत पोउनि संदीप पवार, ग्रेड पोउनि दिलीप भोई, पोह अविनाश देवरे, दत्तात्रय चकोर, राहुल जगझाप तसेच पोशि केतन सोनवणे, कुणाल घोरपडे, सुशांत दिघे आणि समाधान जाधव यांच्या पथकाने सहभाग घेतला.

दिल्लीत युथ काँग्रेस कार्यकर्त्यांवर झालेला लाठीहल्ला आणि खासदार राहुल गांधी यांच्या अटकेच्या निषेधार्थ नाशिकमध्ये काँग्रेस व मनसेच्या वतीने जिल्हाधिकारी कार्यालयावर जोरदार आंदोलन करण्यात आले. या कारवाईमुळे नाशिकमधील राजकीय वातावरण चांगलेच तापले आहे. आंदोलनादरम्यान शेकडो कार्यकर्त्यांनी सहभाग घेत केंद्र सरकार आणि दिल्ली पोलिसांच्या कारवाईविरोधात तीव्र घोषणाबाजी केली. आंदोलकांनी सरकारच्या भूमिकेवर कडक शब्दांत टीका करत या कारवाईबाबत तीव्र निषेध व्यक्त केला असून परिसरात निषेधाची मोठी लाट पाहायला मिळाली.

नाशिकच्या भद्रकाली क्षेत्रात चालणाऱ्या कथित अवैध जुगार, मटका आणि सट्टा व्यवसायाविरोधात कारवाईच्या मागणीसाठी आवामी विकास पार्टीचे नाशिक शहर अध्यक्ष सरफराज पठाण यांनी पोलीस प्रशासनाला लेखी निवेदन दिले आहे. हे निवेदन पोलीस आयुक्त, पोलीस उपायुक्त, सहाय्यक पोलीस आयुक्त आणि भद्रकाली पोलीस ठाण्याच्या वरिष्ठ पोलीस निरीक्षकांना सुपूर्द करण्यात आले. या निवेदनात शहरातील कथित बेकायदेशीर उपक्रमांची सखोल चौकशी करून दोषी, संबंधित चालक आणि गरज भासल्यास जागा उपलब्ध करून देणाऱ्यांवर कायद्यानुसार कठोर कारवाई करण्याची तसेच गुन्हे दाखल करण्याची मागणी करण्यात आली आहे.

सुरगाणा तहसील कार्यालयावर भर पावसात श्रमजीवी संघटनेकडून विविध मागण्यांसाठी ठिया आंदोलन करण्यात आले आहे. जोरदार पाऊस सुरू असतानाही आंदोलकांनी तहसील कार्यालयासमोर एकत्र येत आपल्या विविध मागण्यांसाठी हे आंदोलन सुरू ठेवले.

सुरगाणा तालुक्यातील आदिवासी भागात धावणाऱ्या नाशिक–करंजुल एसटी बसची अत्यंत दुरवस्था समोर आली आहे. पावसाळ्यात बसच्या छतामधून मोठ्या प्रमाणात पाणी गळत असल्याने प्रवाशांना चक्क बसमध्येच छत्री धरून प्रवास करावा लागत आहे. छताला अनेक ठिकाणी गळती लागल्याने आसनांवर पाणी साचत असून दररोज प्रवास करणाऱ्या विद्यार्थी, शेतकरी, महिला, कामगार व ज्येष्ठ नागरिकांचे कपडे, पुस्तके आणि सामान भिजत आहे. बसमध्ये उभे राहण्यासाठीही पुरेशी जागा नसल्याने प्रवाशांना अत्यंत असुरक्षित वातावरणात गैरसोयीचा सामना करावा लागत आहे. आदिवासी भागात सातत्याने जुन्या, जीर्ण आणि भंगार बसेस पाठवल्या जात असल्याची तक्रार नागरिक अनेक वर्षांपासून करत आहेत. विकासाच्या मोठमोठ्या घोषणा होत असताना दुर्गम भागातील लोकांना मूलभूत सुविधांपासून वंचित ठेवून दुय्यम दर्जाची वागणूक दिली जात असल्याची तीव्र भावना व्यक्त होत आहे. लोकप्रतिनिधी झोपलेत का असा सवाल करत श्री. गणेश एकनाथ महाले हट्टी यांनी राज्य सरकार आणि एसटी महामंडळाने नाशिक–करंजुलसह सुरगाणा तालुक्यातील इतर मार्गांवर तातडीने नवीन व सुस्थितीतील बसेस उपलब्ध करून द्याव्यात अशी मागणी केली आहे. गळक्या आणि निकृष्ट बसेसमुळे प्रवाशांच्या जीवाला धोका निर्माण होत असून प्रशासनाने या गंभीर प्रश्नाकडे तातडीने लक्ष देऊन कायमस्वरूपी तोडगा काढावा, अशी मागणी प्रवाशांकडून केली जात आहे.

वंचित बहुजन आघाडीच्या वतीने उद्या महाराष्ट्र बंदची हाक देण्यात आली आहे. या संदर्भात डॉ. प्रकाश आंबेडकर यांनी महाराष्ट्र बंदची घोषणा केली आहे.

पाटण्यातील काँग्रेस कार्यालय 'सदाकत आश्रम'च्या दिशेने निदर्शने करण्यासाठी निघालेल्या भाजप कार्यकर्त्यांची काँग्रेस कार्यकर्त्यांशी तुफान भिडंत झाली. भाजपचे कार्यकर्ते काँग्रेस कार्यालयाकडे आंदोलन करण्यासाठी पुढे जात असतानाच दोन्ही पक्षांचे कार्यकर्ते आमनेसामने आले आणि त्यांच्यात ही भिडंत झाली.