नाशिक शहर सायबर पोलिसांनी आंतरराज्यीय ऑनलाइन बेटिंग (सट्टा) आणि जुगाराचे रॅकेट चालवणाऱ्या टोळीवर धडक कारवाई केली असून, यात पाच जणांना अटक करण्यात आली आहे. पोलीस आयुक्त संदीप कर्णिक यांच्या निर्देशानुसार फेक कॉल सेंटर, ऑनलाइन बेटिंग आणि इतर सायबर गुन्ह्यांविरोधात सुरू असलेल्या मोहिमेदरम्यान पोलिसांना देवळाली परिसरात ऑनलाइन सट्टा सुरू असल्याची गोपनीय माहिती मिळाली होती. या माहितीच्या आधारे गंगा निवास, कळवण रोड परिसरातील एका ठिकाणावर छापा टाकण्यात आला. कारवाईदरम्यान पोलिसांनी चार लॅपटॉप, १८ मोबाईल, तीन राऊटर, ५४ बँक पासबुक, चार चेकबुक, २५ एटीएम कार्ड, २६ सिमकार्ड आणि आर्थिक व्यवहारांच्या नोंदी असलेले साहित्य असा मोठा मुद्देमाल जप्त केला. छाप्यात अरबाज शब्बीर शेख, आसीफ जाफर हुसेन, अरबाज खान फरीद खान पठाण, पंकज नामदेव आहेर आणि सागर कांबळे हे आरोपी विविध वेबसाइटच्या माध्यमातून ग्राहकांकडून ऑनलाइन पैसे जमा करून सट्ट्याचे व्यवहार करत असल्याचे उघड झाले. या प्रकरणी सायबर पोलीस ठाण्यात गुन्हा दाखल करण्यात आला असून, अटक करण्यात आलेल्या पाचही संशयितांची चौकशी सुरू आहे. जप्त करण्यात आलेल्या बँकिंग आणि डिजिटल उपकरणांच्या आधारे आर्थिक व्यवहारांचा आणि रॅकेटच्या इतर दुव्यांचा तपास केला जात आहे. पुढील तपास वरिष्ठ पोलीस निरीक्षक संजय पिसे आणि सहाय्यक पोलीस निरीक्षक धिरज गवारे यांच्या मार्गदर्शनाखाली सुरू आहे.

Anil GUNJAL

नाशिक, नाशिक, महाराष्ट्र•

14 hrs ago

नाशिक शहर सायबर पोलिसांनी आंतरराज्यीय ऑनलाइन बेटिंग (सट्टा) आणि जुगाराचे रॅकेट चालवणाऱ्या टोळीवर धडक कारवाई केली असून, यात पाच जणांना अटक करण्यात आली आहे. पोलीस आयुक्त संदीप कर्णिक यांच्या निर्देशानुसार फेक कॉल सेंटर, ऑनलाइन बेटिंग आणि इतर सायबर गुन्ह्यांविरोधात सुरू असलेल्या मोहिमेदरम्यान पोलिसांना देवळाली परिसरात ऑनलाइन सट्टा सुरू असल्याची गोपनीय माहिती मिळाली होती. या माहितीच्या आधारे गंगा निवास, कळवण रोड परिसरातील

एका ठिकाणावर छापा टाकण्यात आला. कारवाईदरम्यान पोलिसांनी चार लॅपटॉप, १८ मोबाईल, तीन राऊटर, ५४ बँक पासबुक, चार चेकबुक, २५ एटीएम कार्ड, २६ सिमकार्ड आणि आर्थिक व्यवहारांच्या नोंदी असलेले साहित्य असा मोठा मुद्देमाल जप्त केला. छाप्यात अरबाज शब्बीर शेख, आसीफ जाफर हुसेन, अरबाज खान फरीद खान पठाण, पंकज नामदेव आहेर आणि सागर कांबळे हे आरोपी विविध वेबसाइटच्या माध्यमातून ग्राहकांकडून ऑनलाइन पैसे

जमा करून सट्ट्याचे व्यवहार करत असल्याचे उघड झाले. या प्रकरणी सायबर पोलीस ठाण्यात गुन्हा दाखल करण्यात आला असून, अटक करण्यात आलेल्या पाचही संशयितांची चौकशी सुरू आहे. जप्त करण्यात आलेल्या बँकिंग आणि डिजिटल उपकरणांच्या आधारे आर्थिक व्यवहारांचा आणि रॅकेटच्या इतर दुव्यांचा तपास केला जात आहे. पुढील तपास वरिष्ठ पोलीस निरीक्षक संजय पिसे आणि सहाय्यक पोलीस निरीक्षक धिरज गवारे यांच्या मार्गदर्शनाखाली सुरू आहे.