పరిశ్రమల అభివృద్ధితో పాటు స్థానిక ప్రజల ప్రయోజనాలకు ప్రాధాన్యత నంద్యాలలో పారిశ్రామిక ప్రాజెక్టులకు ప్రోత్సాహం.. ఎంఎస్‌ఎంఈలకు విస్తృత ప్రచారం: జిల్లా కలెక్టర్ జి. రాజకుమారి నంద్యాల జిల్లాలో పారిశ్రామికాభివృద్ధిని వేగవంతం చేయడంతో పాటు పరిశ్రమల పరిధిలోని స్థానిక ప్రజల సమస్యలను పరిష్కరించేందుకు సమన్వయంతో చర్యలు చేపట్టాలని జిల్లా కలెక్టర్ జి. రాజకుమారి అధికారులను ఆదేశించారు. బుధవారం కలెక్టరేట్‌లోని వీడియో కాన్ఫరెన్స్ హాల్లో జిల్లా పరిశ్రమలు మరియు ఎగుమతి ప్రోత్సాహక కమిటీ (డీఐఈపీసీ) సమావేశాన్ని కలెక్టర్ అధ్యక్షతన నిర్వహించారు. ఈ సందర్భంగా పరిశ్రమలకు సంబంధించిన భూ సమస్యలు, పర్యావరణ అనుమతులు, వెబ్‌ల్యాండ్ నవీకరణలు, పెట్టుబడి ప్రాజెక్టులు, ఎంఎస్‌ఎంఈలు, పర్యాటకాభివృద్ధి, పునరుత్పాదక ఇంధన ప్రాజెక్టుల పురోగతిపై సమీక్షించారు. ఈ సందర్భంగా జిల్లా కలెక్టర్ జి. రాజకుమారి మాట్లాడుతూ రెయిన్ సిమెంట్స్ పరిశ్రమకు సంబంధించి స్థానిక ప్రజలు ఎదుర్కొంటున్న భూములు, తాగునీటి సమస్యలను మరోసారి క్షేత్రస్థాయిలో పరిశీలించి నివేదిక సమర్పించాలని  పరిశ్రమల బృంద సభ్యులను ఆదేశించారు. రాచర్ల గ్రామంలో రెయిన్ సిమెంట్స్ ఏర్పాటు చేసిన ఆర్వో ప్లాంట్‌ను వెంటనే ప్రజలకు అందుబాటులోకి తీసుకురావాలని సూచించారు. పరిశ్రమల యాజమాన్యాలు తమ సమస్యలను నేరుగా జిల్లా యంత్రాంగం దృష్టికి తీసుకురావాలని, పరస్పర సమన్వయంతో సమస్యలను పరిష్కరించుకోవాలని స్పష్టం చేశారు. జిల్లాలో ప్రారంభమైన ఎంఎస్‌ఎంఈ యూనిట్లను స్వయంగా పరిశీలిస్తానని, ఎంఎస్‌ఎంఈ పార్కులపై ఔత్సాహిక పారిశ్రామికవేత్తలకు విస్తృతంగా అవగాహన కల్పించాలని తెలిపారు. సింగిల్ డెస్క్ విధానం కింద అందిన 36 దరఖాస్తుల్లో 27 పరిశ్రమలకు అనుమతులు మంజూరు కాగా, పరిశీలనలో ఉన్న 9 దరఖాస్తులను నిబంధనల మేరకు త్వరితగతిన పరిష్కరించాలని కలెక్టర్ ఆదేశించారు. పెట్టుబడి రాయితీ, పావలా వడ్డీ, విద్యుత్ సబ్సిడీ, పన్ను రాయితీలు తదితర ప్రోత్సాహకాల కింద ఐదు ఉత్పాదక, సేవా రంగ యూనిట్లకు రూ.52.27 లక్షల రాయితీ ప్రయోజనాలు మంజూరు చేసేందుకు కమిటీ ఆమోదం తెలిపింది. శ్రీశైలం సీ ప్లేన్ టెర్మినల్‌కు సంబంధించి డిసెంబర్‌లోగా పబ్లిక్ హియరింగ్ నిర్వహించాలని, హెలిపోర్ట్‌కు అవసరమైన భూమి కేటాయింపు ప్రక్రియను వేగవంతం చేయాలని కలెక్టర్ ఆదేశించారు. ఈ సమావేశంలో జిల్లా పరిశ్రమల కేంద్రం జనరల్ మేనేజర్ ఎన్. అరుణతో పాటు సంబంధిత శాఖల అధికారులు పాల్గొన్నారు.

Naga kanth

బండి ఆత్మకూరు, నంద్యాల, ఆంధ్రప్రదేశ్•

1 day ago

పరిశ్రమల అభివృద్ధితో పాటు స్థానిక ప్రజల ప్రయోజనాలకు ప్రాధాన్యత నంద్యాలలో పారిశ్రామిక ప్రాజెక్టులకు ప్రోత్సాహం.. ఎంఎస్‌ఎంఈలకు విస్తృత ప్రచారం: జిల్లా కలెక్టర్ జి. రాజకుమారి నంద్యాల జిల్లాలో పారిశ్రామికాభివృద్ధిని వేగవంతం చేయడంతో పాటు పరిశ్రమల పరిధిలోని స్థానిక ప్రజల సమస్యలను పరిష్కరించేందుకు సమన్వయంతో చర్యలు చేపట్టాలని జిల్లా కలెక్టర్ జి. రాజకుమారి అధికారులను ఆదేశించారు. బుధవారం కలెక్టరేట్‌లోని వీడియో కాన్ఫరెన్స్ హాల్లో జిల్లా పరిశ్రమలు మరియు ఎగుమతి ప్రోత్సాహక కమిటీ (డీఐఈపీసీ) సమావేశాన్ని కలెక్టర్ అధ్యక్షతన నిర్వహించారు. ఈ సందర్భంగా పరిశ్రమలకు సంబంధించిన భూ సమస్యలు, పర్యావరణ అనుమతులు, వెబ్‌ల్యాండ్ నవీకరణలు, పెట్టుబడి ప్రాజెక్టులు, ఎంఎస్‌ఎంఈలు, పర్యాటకాభివృద్ధి, పునరుత్పాదక ఇంధన ప్రాజెక్టుల పురోగతిపై సమీక్షించారు. ఈ సందర్భంగా జిల్లా కలెక్టర్ జి. రాజకుమారి మాట్లాడుతూ రెయిన్ సిమెంట్స్ పరిశ్రమకు సంబంధించి స్థానిక ప్రజలు ఎదుర్కొంటున్న భూములు, తాగునీటి సమస్యలను మరోసారి క్షేత్రస్థాయిలో పరిశీలించి నివేదిక సమర్పించాలని  పరిశ్రమల బృంద సభ్యులను ఆదేశించారు. రాచర్ల గ్రామంలో రెయిన్ సిమెంట్స్ ఏర్పాటు చేసిన ఆర్వో ప్లాంట్‌ను వెంటనే ప్రజలకు అందుబాటులోకి తీసుకురావాలని సూచించారు. పరిశ్రమల యాజమాన్యాలు తమ సమస్యలను నేరుగా జిల్లా యంత్రాంగం దృష్టికి తీసుకురావాలని, పరస్పర సమన్వయంతో సమస్యలను పరిష్కరించుకోవాలని స్పష్టం చేశారు. జిల్లాలో ప్రారంభమైన ఎంఎస్‌ఎంఈ యూనిట్లను స్వయంగా పరిశీలిస్తానని, ఎంఎస్‌ఎంఈ పార్కులపై ఔత్సాహిక పారిశ్రామికవేత్తలకు విస్తృతంగా అవగాహన కల్పించాలని తెలిపారు. సింగిల్ డెస్క్ విధానం కింద అందిన 36 దరఖాస్తుల్లో 27 పరిశ్రమలకు అనుమతులు మంజూరు కాగా, పరిశీలనలో ఉన్న 9 దరఖాస్తులను నిబంధనల మేరకు త్వరితగతిన పరిష్కరించాలని కలెక్టర్ ఆదేశించారు. పెట్టుబడి రాయితీ, పావలా వడ్డీ, విద్యుత్ సబ్సిడీ, పన్ను రాయితీలు తదితర ప్రోత్సాహకాల కింద ఐదు ఉత్పాదక, సేవా రంగ యూనిట్లకు రూ.52.27 లక్షల రాయితీ ప్రయోజనాలు మంజూరు చేసేందుకు కమిటీ ఆమోదం తెలిపింది. శ్రీశైలం సీ ప్లేన్ టెర్మినల్‌కు సంబంధించి డిసెంబర్‌లోగా పబ్లిక్ హియరింగ్ నిర్వహించాలని, హెలిపోర్ట్‌కు అవసరమైన భూమి కేటాయింపు ప్రక్రియను వేగవంతం చేయాలని కలెక్టర్ ఆదేశించారు. ఈ సమావేశంలో జిల్లా పరిశ్రమల కేంద్రం జనరల్ మేనేజర్ ఎన్. అరుణతో పాటు సంబంధిత శాఖల అధికారులు పాల్గొన్నారు.