বিষ্ণুজ্যোতি সংগীত মহাবিদ্যালয়ৰ বাৰ্ষিক দিৱস উলহমালহেৰে উদযাপন আজি তিনিচুকীয়াৰ বিষ্ণুজ্যোতি সাংস্কৃতিক সমাজৰ অংশবিশেষ বিষ্ণুজ্যোতি সংগীত মহাবিদ্যালয় দিৱসটো ছাত্ৰ-ছাত্ৰীসকলৰ বিভিন্ন গীত-মাত, নৃত্য, বাদ্য পৰিবেশনৰ মাজেৰে উলহ মালহেৰে উদযাপন কৰা হয়। বিষ্ণুজ্যোতি সাংস্কৃতিক সমাজৰ সম্পাদক পূৰ্ণ কাকতিয়ে সংগীত মহাবিদ্যালয়খনৰ ৫০ বছৰীয়া চমু ইতিবৃত্ত দাঙি ধৰি নৱ প্ৰজন্মৰ প্ৰেৰণা আৰু দক্ষতা বিকাশৰ অৰ্থে আয়োজিত অনুষ্ঠানটিলৈ সকলোকে আদৰণি জনায়। অনুষ্ঠান আৰম্ভ হয় ছাত্ৰ-ছাত্ৰীসকলে পৰিৱেশন কৰা সমাজৰ নিৰ্দিষ্ট কোৰাচেৰে। তাৰ পাছত অতি সম্প্ৰতি হৈ যোৱা প্ৰলয়ংকৰী বানত মৃত্যু হোৱা লোকসকলৰ প্ৰতি শ্ৰদ্ধা জনাই এক মিনিট সময় মৌনতা অৱলম্বন কৰা হয়। সংগীত শিক্ষক পিনাকী বালা আৰু লক্ষীন্দ্ৰ ৰাজখোৱাৰ পৰিচালনাত গীত পৰিৱেশন কৰে শিক্ষাৰ্থীসকলে৷ সভাৰ অন্যতম বিশেষত্ব হ'ল, ছাত্ৰ-ছাত্ৰীসকলৰ মাজত ইতিবাচক প্ৰতিযোগিতাৰ মনোভাৱ বৃদ্ধিৰ হকে, এই সংগীত মহাবিদ্যালয়ৰ পৰা ভাতখাণ্ডে পৰীক্ষাত অৱতীৰ্ণ হৈ আটাইকেইটা শ্ৰেণীৰ মাজত ৬০ শতাংশৰ ওপৰত সৰ্বোচ্চ নম্বৰ পোৱা ছাত্ৰ বা ছাত্ৰীক অনুষ্ঠানৰ কাৰ্যনিৰ্বাহক সদস্য দুন্দুভি প্ৰসাদ ভট্টাচাৰ্যই তেখেতৰ স্নেহময়ী জননী অনুপমা ভট্টাচাৰ্যৰ সোঁৱৰণত ধাৰাবাহিক ভাৱে প্ৰদান কৰিব বুলি ঘোষণা কৰা এক হাজাৰ টকাৰ এটি বঁটা। আজি প্ৰথমবাৰ এই বঁটা লাভ কৰিছে তবলাত ৬৫ শতাংশ নম্বৰ লৈ বিশাৰদ হোৱা কংকণা হাজৰিকাই। বিষ্ণুজ্যোতি সঙ্গীত মহাবিদ্যালয়ৰ ভাৰপ্ৰাপ্ত অধ্যক্ষ জোনাবৰ গোহাঁয়ে আঁত ধৰা বঁটা প্ৰদান অনুষ্ঠানত বিষ্ণুজ্য়োতি সাংস্কৃতিক সমাজৰ তৰফৰ পৰা দাতা আৰু প্ৰাপক দুয়োকে ফুলাম গামোচাৰে সম্বৰ্ধনা আৰু শুভেচ্ছা জনোৱাৰ লগতে শিক্ষাৰ্থী গৰাকীক গ্ৰন্থ প্ৰদান কৰা হয৷

Tinsukia TIME

তিনিচুকীয়া, তিনিচুকীয়া, অসম•

7 hrs ago

বিষ্ণুজ্যোতি সংগীত মহাবিদ্যালয়ৰ বাৰ্ষিক দিৱস উলহমালহেৰে উদযাপন আজি তিনিচুকীয়াৰ বিষ্ণুজ্যোতি সাংস্কৃতিক সমাজৰ অংশবিশেষ বিষ্ণুজ্যোতি সংগীত মহাবিদ্যালয় দিৱসটো ছাত্ৰ-ছাত্ৰীসকলৰ বিভিন্ন গীত-মাত, নৃত্য, বাদ্য পৰিবেশনৰ মাজেৰে উলহ মালহেৰে উদযাপন কৰা হয়। বিষ্ণুজ্যোতি সাংস্কৃতিক সমাজৰ সম্পাদক পূৰ্ণ কাকতিয়ে সংগীত মহাবিদ্যালয়খনৰ ৫০ বছৰীয়া চমু ইতিবৃত্ত দাঙি ধৰি নৱ প্ৰজন্মৰ প্ৰেৰণা আৰু দক্ষতা বিকাশৰ অৰ্থে আয়োজিত অনুষ্ঠানটিলৈ সকলোকে আদৰণি জনায়। অনুষ্ঠান আৰম্ভ হয় ছাত্ৰ-ছাত্ৰীসকলে পৰিৱেশন কৰা সমাজৰ নিৰ্দিষ্ট কোৰাচেৰে। তাৰ পাছত অতি সম্প্ৰতি হৈ যোৱা প্ৰলয়ংকৰী বানত মৃত্যু হোৱা লোকসকলৰ প্ৰতি শ্ৰদ্ধা জনাই এক মিনিট সময় মৌনতা অৱলম্বন কৰা হয়। সংগীত শিক্ষক পিনাকী বালা আৰু লক্ষীন্দ্ৰ ৰাজখোৱাৰ পৰিচালনাত গীত পৰিৱেশন কৰে শিক্ষাৰ্থীসকলে৷ সভাৰ অন্যতম বিশেষত্ব হ'ল,

ছাত্ৰ-ছাত্ৰীসকলৰ মাজত ইতিবাচক প্ৰতিযোগিতাৰ মনোভাৱ বৃদ্ধিৰ হকে, এই সংগীত মহাবিদ্যালয়ৰ পৰা ভাতখাণ্ডে পৰীক্ষাত অৱতীৰ্ণ হৈ আটাইকেইটা শ্ৰেণীৰ মাজত ৬০ শতাংশৰ ওপৰত সৰ্বোচ্চ নম্বৰ পোৱা ছাত্ৰ বা ছাত্ৰীক অনুষ্ঠানৰ কাৰ্যনিৰ্বাহক সদস্য দুন্দুভি প্ৰসাদ ভট্টাচাৰ্যই তেখেতৰ স্নেহময়ী জননী অনুপমা ভট্টাচাৰ্যৰ সোঁৱৰণত ধাৰাবাহিক ভাৱে প্ৰদান কৰিব বুলি ঘোষণা কৰা এক হাজাৰ টকাৰ এটি বঁটা। আজি প্ৰথমবাৰ এই বঁটা লাভ কৰিছে তবলাত ৬৫ শতাংশ নম্বৰ লৈ বিশাৰদ হোৱা কংকণা হাজৰিকাই। বিষ্ণুজ্যোতি সঙ্গীত মহাবিদ্যালয়ৰ ভাৰপ্ৰাপ্ত অধ্যক্ষ জোনাবৰ গোহাঁয়ে আঁত ধৰা বঁটা প্ৰদান অনুষ্ঠানত বিষ্ণুজ্য়োতি সাংস্কৃতিক সমাজৰ তৰফৰ পৰা দাতা আৰু প্ৰাপক দুয়োকে ফুলাম গামোচাৰে সম্বৰ্ধনা আৰু শুভেচ্ছা জনোৱাৰ লগতে শিক্ষাৰ্থী গৰাকীক গ্ৰন্থ প্ৰদান কৰা হয৷