राजर्षी शाहू महाराज ज्येष्ठ साहित्यिक व कलाकार मानधन सन्मान योजनेसाठी १५ ऑगस्टपर्यंत मुदतवाढ नाशिक,महाराष्ट्र शासनाच्या पर्यटन व सांस्कृतिक कार्य विभागामार्फत राबविण्यात येणाऱ्या "राजर्षी शाहू महाराज ज्येष्ठ साहित्यिक व कलाकार मानधन सन्मान योजना" अंतर्गत ऑनलाईन अर्ज सादर करण्याची मुदत १५ ऑगस्ट, २०२६ पर्यंत वाढविण्यात आली आहे. महाराष्ट्र शासनाच्या पर्यटन व सांस्कृतिक कार्य विभागाच्या शासन निर्णय क्र. वकृमा-४३२१/(१५)/प्र.क्र.१४५/सां.का.४, दिनांक १६ मार्च, २०२४ नुसार कला व साहित्य क्षेत्राशी संपूर्णपणे निगडित असून त्यावरच उपजीविका अवलंबून असलेल्या ज्येष्ठ साहित्यिक व कलाकारांना दरमहा रुपये ५ हजार मानधन देण्यात येते. योजनेसाठी पात्रता अर्जदाराचे वय ५० वर्षांपेक्षा अधिक असावे. दिव्यांग कलाकारांसाठी वयोमर्यादेत १० वर्षांची शिथिलता असून त्यांच्यासाठी किमान वय ४० वर्षे आहे. कला किंवा साहित्य क्षेत्रात किमान १५ वर्षांचे योगदान असावे. साहित्य व कला क्षेत्रात सातत्यपूर्ण, दर्जेदार व मोलाची भर घातलेली असावी. वयोवृद्ध विधवा, परित्यक्ता व दिव्यांग कलाकारांना प्राधान्य दिले जाईल. कलाकाराच्या कुटुंबाचे सर्व मार्गांद्वारे मिळणारे वार्षिक उत्पन्न रु. ६० हजार पेक्षा जास्त नसावे. उपजीविका केवळ कलेवर अवलंबून असलेले किंवा पूर्वी कलेवर अवलंबून होते, मात्र सध्या इतर कोणतेही उत्पन्न नसलेले कलाकार पात्र राहतील. केंद्र किंवा राज्य शासनाच्या कोणत्याही नियमित मासिक पेन्शन योजनेचा लाभ घेत नसलेले कलाकार पात्र असतील. अर्जदार महाराष्ट्राचा रहिवासी असणे बंधनकारक आहे. यापूर्वी या योजनेसाठी १ जुलै ते ३१ जुलै, २०२६ या कालावधीत अर्ज मागविण्यात आले होते. मात्र पर्यटन व सांस्कृतिक कार्य विभागाकडून प्राप्त झालेल्या माहितीनुसार, आपले सरकार पोर्टलवर ऑनलाईन अर्ज सादर करण्याची अंतिम मुदत आता १५ ऑगस्ट, २०२६ पर्यंत वाढविण्यात आली आहे. पात्र ज्येष्ठ साहित्यिक व कलाकारांनी आवश्यक कागदपत्रांसह आपले सरकार पोर्टलवर ऑनलाईन अर्ज करून या योजनेचा लाभ घ्यावा, असे आवाहन जिल्हा परिषदेचे सहायक गटविकास अधिकारी प्रशांत पवार यांनी केले आहे.

Kapil Katyare

Photographer नाशिक, नाशिक, महाराष्ट्र•

3 hrs ago

राजर्षी शाहू महाराज ज्येष्ठ साहित्यिक व कलाकार मानधन सन्मान योजनेसाठी १५ ऑगस्टपर्यंत मुदतवाढ नाशिक,महाराष्ट्र शासनाच्या पर्यटन व सांस्कृतिक कार्य विभागामार्फत राबविण्यात येणाऱ्या "राजर्षी शाहू महाराज ज्येष्ठ साहित्यिक व कलाकार मानधन सन्मान योजना" अंतर्गत ऑनलाईन अर्ज सादर करण्याची मुदत १५ ऑगस्ट, २०२६ पर्यंत वाढविण्यात आली आहे. महाराष्ट्र शासनाच्या पर्यटन व सांस्कृतिक कार्य विभागाच्या शासन निर्णय क्र. वकृमा-४३२१/(१५)/प्र.क्र.१४५/सां.का.४, दिनांक १६ मार्च, २०२४ नुसार कला व साहित्य क्षेत्राशी संपूर्णपणे निगडित असून त्यावरच उपजीविका अवलंबून असलेल्या ज्येष्ठ साहित्यिक व कलाकारांना दरमहा रुपये ५ हजार मानधन देण्यात येते. योजनेसाठी पात्रता अर्जदाराचे वय ५० वर्षांपेक्षा अधिक असावे. दिव्यांग कलाकारांसाठी वयोमर्यादेत १० वर्षांची शिथिलता असून त्यांच्यासाठी किमान वय ४० वर्षे आहे. कला किंवा साहित्य क्षेत्रात किमान १५ वर्षांचे योगदान असावे. साहित्य व कला क्षेत्रात सातत्यपूर्ण, दर्जेदार व मोलाची भर घातलेली असावी. वयोवृद्ध विधवा, परित्यक्ता व दिव्यांग कलाकारांना प्राधान्य दिले जाईल. कलाकाराच्या कुटुंबाचे सर्व मार्गांद्वारे मिळणारे वार्षिक उत्पन्न रु. ६० हजार पेक्षा जास्त नसावे. उपजीविका केवळ कलेवर अवलंबून असलेले किंवा पूर्वी कलेवर अवलंबून होते, मात्र सध्या इतर कोणतेही उत्पन्न नसलेले कलाकार पात्र राहतील. केंद्र किंवा राज्य शासनाच्या कोणत्याही नियमित मासिक पेन्शन योजनेचा लाभ घेत नसलेले कलाकार पात्र असतील. अर्जदार महाराष्ट्राचा रहिवासी असणे बंधनकारक आहे. यापूर्वी या योजनेसाठी १ जुलै ते ३१ जुलै, २०२६ या कालावधीत अर्ज मागविण्यात आले होते. मात्र पर्यटन व सांस्कृतिक कार्य विभागाकडून प्राप्त झालेल्या माहितीनुसार, आपले सरकार पोर्टलवर ऑनलाईन अर्ज सादर करण्याची अंतिम मुदत आता १५ ऑगस्ट, २०२६ पर्यंत वाढविण्यात आली आहे. पात्र ज्येष्ठ साहित्यिक व कलाकारांनी आवश्यक कागदपत्रांसह आपले सरकार पोर्टलवर ऑनलाईन अर्ज करून या योजनेचा लाभ घ्यावा, असे आवाहन जिल्हा परिषदेचे सहायक गटविकास अधिकारी प्रशांत पवार यांनी केले आहे.