ગોંડલ તાલુકાના સુલતાનપુર ગામની સીમ વિસ્તારમાં દીપડો જોવા મળતાં સ્થાનિક ખેડૂતો અને ગ્રામજનોમાં કૌતુક સાથે ભયનો માહોલ સર્જાયો છે. મળતી માહિતી મુજબ, દેવડા-અમરનગર રોડ વચ્ચે આવેલી ઠેબા વોકરી નજીક ખેડૂત ચેતનભાઈ વાછાણીની વાડી આવેલી છે. ચેતનભાઈની વાડીમાં કામ કરતા મજૂરે રાત્રિના સમયે દીપડો જોયો હતો. આ અંગે મજૂરે તુરંત જ વાડી માલિક ચેતનભાઈને જાણ કરી હતી. સવારે ચેતનભાઈ વાડીએ પહોંચતા ત્યાં જમીન પર દીપડાના પગના નિશાન(પગમાર્ક) જોવા મળ્યા હતા. બનાવ અંગે તુરંત જ વન વિભાગ (ફોરેસ્ટ ડિપાર્ટમેન્ટ)ને જાણ કરવામાં આવી હતી. ઘટનાની ગંભીરતાને ધ્યાને લઈ વન વિભાગની ટીમ સ્થળ પર દોડી આવી હતી અને સમગ્ર સીમ વિસ્તારમાં તપાસ હાથ ધરી હતી. વન વિભાગની ટીમને તપાસ દરમિયાન સ્થળ પરથી દીપડાના હગાર(મળ) મળી આવ્યા હતા, જેના આધારે ફોરેસ્ટ અધિકારીઓએ સીમ વિસ્તારમાં દીપડાની હાજરી હોવાની સત્તાવાર પુષ્ટિ કરી છે. વન વિભાગ દ્વારા આસપાસના વાડી વિસ્તારના ખેડૂતો અને ગ્રામજનોને રાત્રિના સમયે સાવચેત રહેવા, એકલા અટુલા ન નીકળવા તેમજ પાલતુ પશુઓની યોગ્ય સુરક્ષા રાખવા અપીલ કરવામાં આવી છે. સ્થિતિ પર નજર રાખવા માટે વન વિભાગે પેટ્રોલિંગ વધારો કર્યો છે રીપોર્ટર/ચિંતન વાગડીયા મો/8000834888

Vagadiya chintan dilipbhai

બોટાદ, બોટાદ, ગુજરાત•

23 hrs ago

ગોંડલ તાલુકાના સુલતાનપુર ગામની સીમ વિસ્તારમાં દીપડો જોવા મળતાં સ્થાનિક ખેડૂતો અને ગ્રામજનોમાં કૌતુક સાથે ભયનો માહોલ સર્જાયો છે. મળતી માહિતી મુજબ, દેવડા-અમરનગર રોડ વચ્ચે આવેલી ઠેબા વોકરી નજીક ખેડૂત ચેતનભાઈ વાછાણીની વાડી આવેલી છે. ચેતનભાઈની વાડીમાં કામ કરતા મજૂરે રાત્રિના સમયે દીપડો જોયો હતો. આ અંગે મજૂરે તુરંત જ વાડી માલિક ચેતનભાઈને જાણ કરી હતી.

સવારે ચેતનભાઈ વાડીએ પહોંચતા ત્યાં જમીન પર દીપડાના પગના નિશાન(પગમાર્ક) જોવા મળ્યા હતા. બનાવ અંગે તુરંત જ વન વિભાગ (ફોરેસ્ટ ડિપાર્ટમેન્ટ)ને જાણ કરવામાં આવી હતી. ઘટનાની ગંભીરતાને ધ્યાને લઈ વન વિભાગની ટીમ સ્થળ પર દોડી આવી હતી અને સમગ્ર સીમ વિસ્તારમાં તપાસ હાથ ધરી હતી. વન વિભાગની ટીમને તપાસ દરમિયાન સ્થળ પરથી દીપડાના હગાર(મળ) મળી આવ્યા

હતા, જેના આધારે ફોરેસ્ટ અધિકારીઓએ સીમ વિસ્તારમાં દીપડાની હાજરી હોવાની સત્તાવાર પુષ્ટિ કરી છે. વન વિભાગ દ્વારા આસપાસના વાડી વિસ્તારના ખેડૂતો અને ગ્રામજનોને રાત્રિના સમયે સાવચેત રહેવા, એકલા અટુલા ન નીકળવા તેમજ પાલતુ પશુઓની યોગ્ય સુરક્ષા રાખવા અપીલ કરવામાં આવી છે. સ્થિતિ પર નજર રાખવા માટે વન વિભાગે પેટ્રોલિંગ વધારો કર્યો છે રીપોર્ટર/ચિંતન વાગડીયા મો/8000834888