लातूर स्थानिक गुन्हे शाखेच्या पथकाने चाकूर पोलीस ठाण्यात दाखल असलेल्या एका गंभीर दरोड्याच्या गुन्ह्याचा अवघ्या काही दिवसांतच छडा लावला आहे. पोलीस अधीक्षक श्री. अमोल तांबे आणि अपर पोलीस अधीक्षक श्री. मंगेश चव्हाण यांच्या मार्गदर्शनाखाली, पोलीस निरीक्षक श्री. सुधाकर बावकर यांच्या नेतृत्वाखालील पथकाने ही उल्लेखनीय कामगिरी बजावली आहे. या कारवाईत एका आरोपीला अटक करण्यात आली असून, त्याच्याकडून चोरीतील सोन्याचे दागिने आणि गुन्ह्यात वापरण्यात आलेली बोलेरो जीप असा एकूण १७ लाख २२ हजार रुपयांचा मुद्देमाल जप्त करण्यात आला आहे. चाकूर पोलीस ठाण्यात गुन्हा क्रमांक ३३७/२०२६ अन्वये भारतीय न्याय संहितेच्या कलम १२६(२), ३०९(६) व ३(५) अंतर्गत दरोड्याचा गुन्हा दाखल होता. स्थानिक गुन्हे शाखेकडून या गुन्ह्याचा समांतर तपास सुरू असताना, पोलीस निरीक्षक बावकर यांनी पथकाला विविध तांत्रिक माहिती, गुप्त बातमीदारांचे जाळे आणि सराईत गुन्हेगारांच्या हालचालींवर सातत्याने लक्ष ठेवण्याच्या सूचना दिल्या होत्या. दिनांक २७ जून २०२६ रोजी स्थानिक गुन्हे शाखेचे सहायक पोलीस निरीक्षक पांडुरंग व्यंकट माने यांच्या नेतृत्वाखालील पथकाला गुप्त बातमीदाराकडून खात्रीशीर माहिती मिळाली की, दरोड्यात चोरीस गेलेले सोन्याचे दागिने विकण्याच्या उद्देशाने काही संशयित ढोकी–मुरूड मार्गावर येणार आहेत. या माहितीची खातरजमा करून नियोजनबद्ध सापळा रचण्यात आला. काही वेळातच संशयित महिंद्रा बोलेरो (एमएच-०६-जे-९८१९) घटनास्थळी येताच, पोलिसांनी वाहन अडवण्याचा प्रयत्न केला. यावेळी वाहनातील तिघांनी पळून जाण्याचा प्रयत्न केला, मात्र पथकाने तात्काळ पाठलाग करून रवि मोहन काळे (वय १९ वर्षे, रा. खामकरवाडी पारधीपेढी, ता. वाशी, जि. धाराशिव) याला ताब्यात घेतले. त्याचे इतर साथीदार मात्र पोलिसांची चाहूल लागताच घटनास्थळावरून पसार झाले. आरोपी आणि वाहनाची सखोल झडती घेतली असता, बोलेरोमध्ये ठेवलेल्या पिशवीत दोन सोन्याचे मंगळसूत्र, चार सोन्याच्या अंगठ्या आणि एक चांदीची चैन असा मौल्यवान ऐवज आढळला. त्यानंतर आरोपीची विश्वासात घेऊन चौकशी केली असता त्याने आपल्या फरार साथीदारांसह दिनांक २० जून २०२६ रोजी नांदेड-लातूर मार्गावर दोन कार अडवून प्रवाशांना मारहाण करून त्यांच्याकडील सोन्याचे दागिने व रोख रक्कम जबरीने लुटल्याची कबुली दिली. जप्त केलेल्या दागिन्यांची तपासणी केली असता, सदर ऐवज चाकूर पोलीस ठाण्यात दाखल गुन्हा क्रमांक ३३७/२०२६ मधील चोरीस गेलेलाच मुद्देमाल असल्याचे निष्पन्न झाले. या गुन्ह्यात ४३ ग्रॅम ५ मिली वजनाचे सोन्याचे दागिने (दोन मंगळसूत्र, चार अंगठ्या) आणि एक चांदीची चैन, ज्याची किंमत ०६ लाख २२ हजार रुपये आहे, तसेच ११ लाख रुपये किमतीची महिंद्रा बोलेरो जीप (एमएच-०६-जे-९८१९) असा एकूण १७ लाख २२ हजार रुपयांचा मुद्देमाल जप्त करण्यात आला आहे. या दरोडा प्रकरणात अनिल उर्फ शेंड्या आबा काळे, छगन उर्फ पवन महादेव काळे, महालिंग अर्जुन काळे, राहुल अंकुश शिंदे आणि कृष्णा मोतीराम शिंदे (सर्व रा. खामकरवाडी पारधी पेडी, ता. वाशी, जि. धाराशिव) हे पाच आरोपी अद्याप फरार असून, त्यांचा शोध घेण्यासाठी विशेष पथके रवाना करण्यात आली आहेत. अटक करण्यात आलेला आरोपी आणि जप्त मुद्देमाल पुढील तपासासाठी चाकूर पोलीस ठाण्याच्या ताब्यात देण्यात आले आहेत. पोलीस निरीक्षक सुधाकर बावकर यांच्या नेतृत्वाखालील या उल्लेखनीय कारवाईत सहायक पोलीस निरीक्षक पांडुरंग माने, अमित पुणेकर, पोलीस उपनिरीक्षक राजाभाऊ घाडगे, अमर केंद्रे, तसेच पोलीस अंमलदार युवराज गिरी, संजय कांबळे, मोहन सुरवसे, सूर्यकांत कलमे, राजेश कंचे, प्रदीप स्वामी, सिद्धेश्वर मदने, काकासाहेब बोचरे, राहुल कांबळे, जमीर शेख, तुळशीराम बरुरे, पीराजी पुटेवाड, गोविंद भोसले, चंद्रकांत केंद्रे, संतोष खांडेकर, बंडू नीटुरे, शैलेश सुडे, अंजली गायकवाड, रामदास बाचीफळे, गोरोबा इंगोले, दयानंद सूर्यवंशी आणि पोलीस फोटोग्राफर सुहास जाधव यांनी कौशल्य आणि नियोजनबद्ध पद्धतीने काम केले.

Nitin Chalak

Media company शिरूर-अनंतपाळ, लातूर, महाराष्ट्र•

2 hrs ago

लातूर स्थानिक गुन्हे शाखेच्या पथकाने चाकूर पोलीस ठाण्यात दाखल असलेल्या एका गंभीर दरोड्याच्या गुन्ह्याचा अवघ्या काही दिवसांतच छडा लावला आहे. पोलीस अधीक्षक श्री. अमोल तांबे आणि अपर पोलीस अधीक्षक श्री. मंगेश चव्हाण यांच्या मार्गदर्शनाखाली, पोलीस निरीक्षक श्री. सुधाकर बावकर यांच्या नेतृत्वाखालील पथकाने ही उल्लेखनीय कामगिरी बजावली आहे. या कारवाईत एका आरोपीला अटक करण्यात आली असून, त्याच्याकडून चोरीतील सोन्याचे दागिने आणि गुन्ह्यात वापरण्यात आलेली बोलेरो जीप असा एकूण १७ लाख २२ हजार रुपयांचा मुद्देमाल जप्त करण्यात आला आहे. चाकूर पोलीस ठाण्यात गुन्हा क्रमांक ३३७/२०२६ अन्वये भारतीय न्याय संहितेच्या कलम १२६(२), ३०९(६) व ३(५) अंतर्गत दरोड्याचा गुन्हा दाखल होता. स्थानिक गुन्हे शाखेकडून या गुन्ह्याचा समांतर तपास सुरू असताना, पोलीस निरीक्षक बावकर यांनी पथकाला विविध तांत्रिक माहिती, गुप्त बातमीदारांचे जाळे आणि सराईत गुन्हेगारांच्या हालचालींवर सातत्याने

लक्ष ठेवण्याच्या सूचना दिल्या होत्या. दिनांक २७ जून २०२६ रोजी स्थानिक गुन्हे शाखेचे सहायक पोलीस निरीक्षक पांडुरंग व्यंकट माने यांच्या नेतृत्वाखालील पथकाला गुप्त बातमीदाराकडून खात्रीशीर माहिती मिळाली की, दरोड्यात चोरीस गेलेले सोन्याचे दागिने विकण्याच्या उद्देशाने काही संशयित ढोकी–मुरूड मार्गावर येणार आहेत. या माहितीची खातरजमा करून नियोजनबद्ध सापळा रचण्यात आला. काही वेळातच संशयित महिंद्रा बोलेरो (एमएच-०६-जे-९८१९) घटनास्थळी येताच, पोलिसांनी वाहन अडवण्याचा प्रयत्न केला. यावेळी वाहनातील तिघांनी पळून जाण्याचा प्रयत्न केला, मात्र पथकाने तात्काळ पाठलाग करून रवि मोहन काळे (वय १९ वर्षे, रा. खामकरवाडी पारधीपेढी, ता. वाशी, जि. धाराशिव) याला ताब्यात घेतले. त्याचे इतर साथीदार मात्र पोलिसांची चाहूल लागताच घटनास्थळावरून पसार झाले. आरोपी आणि वाहनाची सखोल झडती घेतली असता, बोलेरोमध्ये ठेवलेल्या पिशवीत दोन सोन्याचे मंगळसूत्र, चार सोन्याच्या अंगठ्या आणि एक चांदीची चैन असा मौल्यवान ऐवज

आढळला. त्यानंतर आरोपीची विश्वासात घेऊन चौकशी केली असता त्याने आपल्या फरार साथीदारांसह दिनांक २० जून २०२६ रोजी नांदेड-लातूर मार्गावर दोन कार अडवून प्रवाशांना मारहाण करून त्यांच्याकडील सोन्याचे दागिने व रोख रक्कम जबरीने लुटल्याची कबुली दिली. जप्त केलेल्या दागिन्यांची तपासणी केली असता, सदर ऐवज चाकूर पोलीस ठाण्यात दाखल गुन्हा क्रमांक ३३७/२०२६ मधील चोरीस गेलेलाच मुद्देमाल असल्याचे निष्पन्न झाले. या गुन्ह्यात ४३ ग्रॅम ५ मिली वजनाचे सोन्याचे दागिने (दोन मंगळसूत्र, चार अंगठ्या) आणि एक चांदीची चैन, ज्याची किंमत ०६ लाख २२ हजार रुपये आहे, तसेच ११ लाख रुपये किमतीची महिंद्रा बोलेरो जीप (एमएच-०६-जे-९८१९) असा एकूण १७ लाख २२ हजार रुपयांचा मुद्देमाल जप्त करण्यात आला आहे. या दरोडा प्रकरणात अनिल उर्फ शेंड्या आबा काळे, छगन उर्फ पवन महादेव काळे, महालिंग अर्जुन काळे, राहुल अंकुश शिंदे आणि

कृष्णा मोतीराम शिंदे (सर्व रा. खामकरवाडी पारधी पेडी, ता. वाशी, जि. धाराशिव) हे पाच आरोपी अद्याप फरार असून, त्यांचा शोध घेण्यासाठी विशेष पथके रवाना करण्यात आली आहेत. अटक करण्यात आलेला आरोपी आणि जप्त मुद्देमाल पुढील तपासासाठी चाकूर पोलीस ठाण्याच्या ताब्यात देण्यात आले आहेत. पोलीस निरीक्षक सुधाकर बावकर यांच्या नेतृत्वाखालील या उल्लेखनीय कारवाईत सहायक पोलीस निरीक्षक पांडुरंग माने, अमित पुणेकर, पोलीस उपनिरीक्षक राजाभाऊ घाडगे, अमर केंद्रे, तसेच पोलीस अंमलदार युवराज गिरी, संजय कांबळे, मोहन सुरवसे, सूर्यकांत कलमे, राजेश कंचे, प्रदीप स्वामी, सिद्धेश्वर मदने, काकासाहेब बोचरे, राहुल कांबळे, जमीर शेख, तुळशीराम बरुरे, पीराजी पुटेवाड, गोविंद भोसले, चंद्रकांत केंद्रे, संतोष खांडेकर, बंडू नीटुरे, शैलेश सुडे, अंजली गायकवाड, रामदास बाचीफळे, गोरोबा इंगोले, दयानंद सूर्यवंशी आणि पोलीस फोटोग्राफर सुहास जाधव यांनी कौशल्य आणि नियोजनबद्ध पद्धतीने काम केले.