તાપીના કુકરમુંડામાં દીકરીઓને સોશિયલ મીડિયાના ખોટા આકર્ષણથી બચવાની સલાહ આપવામાં આવી છે. આ અંગે સ્પષ્ટતા કરતા જણાવવામાં આવ્યું છે કે પ્રેમ કરવો એ કોઈ પાપ નથી, પરંતુ દીકરીઓએ સોશિયલ મીડિયાના ખોટા આકર્ષણોમાં ફસાયા વિના તેનાથી બચીને રહેવું જોઈએ.

તાપીના કુકરમુંડામાં દીકરીઓને સોશિયલ મીડિયાના ખોટા આકર્ષણથી બચવાની સલાહ આપવામાં આવી છે. આ અંગે સ્પષ્ટતા કરતા જણાવવામાં આવ્યું છે કે પ્રેમ કરવો એ કોઈ પાપ નથી, પરંતુ દીકરીઓએ સોશિયલ મીડિયાના ખોટા આકર્ષણોમાં ફસાયા વિના તેનાથી બચીને રહેવું જોઈએ.

હવે તમારા ફોનમાં જ રોકડા પૈસા રાખવા શક્ય બનશે, કારણ કે ડિજિટલ રૂપિયો (e₹) આ સુવિધા આપી રહ્યો છે. ભારતીય રિઝર્વ બેંક (RBI) દ્વારા બહાર પાડવામાં આવેલી આ ડિજિટલ કરન્સીના ઉપયોગથી લોકોને હવે છુટા પૈસા રાખવાની કે શોધવાની કોઈ ચિંતા રહેશે નહીં. આ ડિજિટલ રૂપિયો યુપીઆઈ (UPI) સહિતના તમામ ક્યુઆર કોડ પર પણ સરળતાથી કામ કરે છે. દેશની કેન્દ્રીય બેંકના વિશ્વાસ સાથે હવે સ્માર્ટ રીતે ચૂકવણી કરી શકાશે. આ અંગે આરબીઆઈનું કહેવું છે કે, ડિજિટલ રૂપિયો એટલે રોકડ, પરંતુ ડિજિટલ.

છોટાઉદેપુરના પાવી જેતપુરમાં પૂર્વ વનમંત્રી અને આદિવાસી સમાજના કદાવર નેતા મોહનસિંહ રાઠવાની પ્રાર્થના સભા યોજાઈ હતી. આ પ્રસંગે ગુજરાતના મુખ્યમંત્રી ભૂપેન્દ્રભાઈ પટેલ સહિત વિવિધ રાજકીય પક્ષોના નેતાઓ, જનપ્રતિનિધિઓ અને મોટી સંખ્યામાં લોકોએ ઉપસ્થિત રહીને તેમને ભાવભીની શ્રદ્ધાંજલિ અર્પણ કરી હતી.

ગુજરાત સરકારના કેબિનેટ વન મંત્રી અને છોટાઉદેપુર તથા પાવી જેતપુર વિસ્તારમાં ૧૧ વખત ધારાસભ્ય રહી ચૂકેલા પીઢ આદિવાસી આગેવાન અને આદિવાસી મસીહા સ્વ. મોહનસિંહ છોટુભાઈ રાઠવા તારીખ ૫/૭/૨૬ના રોજ ૮૨ વર્ષની વયે દેવલોક પામ્યા છે. તેમના અવસાનથી છોટાઉદેપુર જિલ્લાએ એક અમૂલ્ય રત્ન અને આગેવાનની છત્રછાયા ગુમાવી દીધી છે, જેના કારણે સમગ્ર જિલ્લામાં ઊંડા શોક અને દુઃખની લાગણી ફેલાઈ ગઈ છે. સ્વ. મોહનસિંહ રાઠવાની યાદમાં આજે પાવી જેતપુર કોલેજ ખાતે પ્રાર્થના સભા એટલે કે બેસણું રાખવામાં આવ્યું હતું, જ્યાં શ્રદ્ધાંજલિ આપવા માટે વિશાળ સંખ્યામાં જનમેદની ઉમટી પડી હતી. રાજકીય નેતાઓ, સામાજિક કાર્યકરો, મોટા વેપારીઓ અને સામાન્ય લોકોએ ભારે હૈયે આ લોકલાડીલા નેતાને શ્રદ્ધાંજલિ અર્પી પરિવારને સાંત્વના પાઠવી હતી. છોટાઉદેપુર વિસ્તારમાં છેલ્લા ૫૫ વર્ષોથી સક્રિય રાજકારણમાં ભૂમિકા ભજવી લાખો લોકોના દિલમાં પ્રેમભર્યું સ્થાન મેળવનાર સ્વ. મોહનસિંહ રાઠવાને શ્રદ્ધાંજલિ આપવા માટે ગુજરાત રાજ્યના મુખ્યમંત્રી ભુપેન્દ્રભાઈ પટેલ પાવી જેતપુર ખાતે આવી રહ્યા છે.

છોટાઉદેપુરના જેતપુર પાવીમાં મોહનસી રાઠવાની શ્રદ્ધાંજલિ સભા દરમિયાન મનસુખ વસાવાએ પોતાની પ્રતિક્રિયા આપી છે. આ શ્રદ્ધાંજલિ કાર્યક્રમમાં મનસુખ વસાવા શું કહી રહ્યા છે, તે આ બાઇટમાં વિગતવાર સાંભળી અને જોઈ શકાય છે.

છોટાઉદેપુરના પૂર્વ વન મંત્રી અને પૂર્વ ધારાસભ્ય મોહનસિંહ રાઠવાને ધર્મ ગુરુએ શ્રદ્ધાંજલિ અર્પણ કરી છે.

ભરૂચ જિલ્લાના અંકલેશ્વર ખાતે VHP અધ્યક્ષ આલોક કુમારે સંતો સાથે એક બેઠક યોજી હતી. આ બેઠક દરમિયાન તેમણે ડ્રગ્સના મુદ્દે ગંભીર ચિંતા વ્યક્ત કરી હતી.

છોટાઉદેપુર શહેરના કસભા જેર રોડ પર વર્ષો જૂનું લીમડાનું એક વિશાળ વૃક્ષ સમય જતાં સંપૂર્ણપણે સુકાઈ ગયું હતું, જેનું મોટું થડ આજે પણ ત્યાં ઊભું છે. આશ્ચર્યની વાત એ છે કે, આ જ સુકાઈ ગયેલા થડની અંદરથી હવે એક નવું લીલાછમ વૃક્ષ ઉગી નીકળ્યું છે. આ અનોખું દૃશ્ય સ્થાનિક લોકોમાં ભારે ચર્ચાનો વિષય બન્યું છે. સુકાઈ ગયેલા લાકડાની વચ્ચે હરિયાળું વૃક્ષ વિકસતું જોઈને લોકો તેને કુદરતનો ચમત્કાર ગણાવી રહ્યા છે અને આ અદ્ભુત દૃશ્યને નિહાળવા તેમજ તેના ફોટોગ્રાફ્સ લેવા માટે લોકો ત્યાં પહોંચી રહ્યા છે. પર્યાવરણપ્રેમીઓનું માનવું છે કે વર્ષો જૂના સુકાઈ ગયેલા થડમાંથી ફરી જીવન ફૂટવું એ ખરેખર કુદરતનો અનોખો સંદેશ છે, જે આપણને કુદરતની અદ્ભુત શક્તિ અને પુનર્જીવનની ક્ષમતા વિશે વિચારવાની પ્રેરણા આપે છે.