ଜୟପୁରରେ ଜାତୀୟ ଡ୍ରାଇଭର ଦିବସ ପାଳିତ #Jeypore #National24 #OdishaNews

ଚିତ୍ରକୋଣ୍ଡାରେ ପାନୀୟଜଳ ସମସ୍ୟା: ଅଚଳ ସୋଲାର ମଟର, ଫାଟିଛି ପାଣିଟାଙ୍କି; ତଥ୍ୟ ଖୋଜୁଛି ପ୍ରଶାସନ ନା ଅପେକ୍ଷାରେ ଗ୍ରାମବାସୀ? ଚିତ୍ରକୋଣ୍ଡା: ସରକାରଙ୍କ ପକ୍ଷରୁ ଗ୍ରାମାଞ୍ଚଳର ଲୋକଙ୍କୁ ନିରାପଦ ପାନୀୟଜଳ ଯୋଗାଇଦେବା ପାଇଁ ବିଭିନ୍ନ ଯୋଜନା ଚାଲୁଥିଲେ ମଧ୍ୟ ଚିତ୍ରକୋଣ୍ଡା ବ୍ଲକ୍‌ର କିଛି ଅଞ୍ଚଳରେ ଏବେ ବି ପାଣି ସମସ୍ୟା ଲୋକଙ୍କ ଚିନ୍ତା ବଢ଼ାଇଛି। ବଡ଼ପଦର ପଞ୍ଚାୟତର ବନଗୁରୁ ଗ୍ରାମରେ ପାଣି ମଟର କାମ କରୁନଥିବା ବେଳେ, ସେହି ପଞ୍ଚାୟତର ରେଖାପାଲି କଲୋନିରେ ମଧ୍ୟ ପାଣି ମଟର ଅଚଳ ଥିବା ଅଭିଯୋଗ ହୋଇଛି। ଅନ୍ୟପଟେ ପଣସପୁଟ ପଞ୍ଚାୟତର ଶିନ୍ଦିପୁଟ ଗ୍ରାମରେ ପାଣିଟାଙ୍କି ଫାଟିଯାଇଥିବା ଅଭିଯୋଗ ସାମ୍ନାକୁ ଆସିଛି। ସ୍ଥାନୀୟ ଲୋକଙ୍କ କହିବା ଅନୁସାରେ, ଅନେକ ସ୍ଥାନରେ ପାନୀୟଜଳ ପାଇଁ ଲୋକଙ୍କୁ ଭଗବାନଙ୍କ ଭରସା ଓ ପାହାଡ଼ରୁ ବହିଆସୁଥିବା ଝରଣା ଉପରେ ନିର୍ଭର କରିବାକୁ ପଡ଼ୁଛି। ପ୍ରାୟ ୫୦ ବର୍ଷ ପୁରୁଣା ଖୋଲା ପଥର କୂଅ ମଧ୍ୟ ଖରାଦିନେ ଶୁଖିଯାଉଥିବାରୁ ସମସ୍ୟା ଆହୁରି ଗମ୍ଭୀର ହେଉଛି। ପାଣି ମଟର ଅଚଳ ହେବା ପରେ କେତେକ ପରିବାର ନିଜସ୍ୱ ଖର୍ଚ୍ଚରେ ମଟର ଲଗାଇ ପାଣି ଉଠାଉଥିବା ଏବଂ ଏଥିପାଇଁ ପ୍ରାୟ ୮୦୦ରୁ ୧,୦୦୦ ଟଙ୍କା ପର୍ଯ୍ୟନ୍ତ ଅତିରିକ୍ତ ଖର୍ଚ୍ଚ ହେଉଥିବା କୁହାଯାଉଛି। ଏଠାରେ ଆଉ ଏକ ବଡ଼ ପ୍ରଶ୍ନ ହେଉଛି—ଚିତ୍ରକୋଣ୍ଡା ବ୍ଲକ୍‌ରେ କେତୋଟି ସୋଲାର ମଟର ପମ୍ପ ସ୍ଥାପନ ହୋଇଛି? ସେଥିରୁ କେତୋଟି କାର୍ଯ୍ୟକ୍ଷମ ଏବଂ କେତୋଟି ଅଚଳ? କେତେ ଦିନ ହେଲା ଅଚଳ ରହିଛି? କେଉଁଗୁଡ଼ିକ ମରାମତି ହୋଇପାରିବ ଏବଂ କେଉଁ ସ୍ଥାନରେ ନୂଆ ନଳକୂପ ଆବଶ୍ୟକ—ଏହାର ସଠିକ୍ ତଥ୍ୟ କଣ? ଚିତ୍ରକୋଣ୍ଡା ବ୍ଲକ୍‌ରେ ପୂର୍ବରୁ ଦୁଇଜଣ କନିଷ୍ଠ ଯନ୍ତ୍ରୀ ଦାୟିତ୍ୱରେ ଥିବା ବେଳେ, ସେମାନଙ୍କ ମଧ୍ୟରୁ ଜଣେ ବର୍ତ୍ତମାନ ଅବସର ନେଇଛନ୍ତି। ନୂତନ କନିଷ୍ଠ ଯନ୍ତ୍ରୀ ସେପ୍ଟେମ୍ବର ମାସରୁ ଦାୟିତ୍ୱ ନେବେ ବୋଲି ଜଣାପଡ଼ିଛି। ବର୍ତ୍ତମାନ ଦାୟିତ୍ୱରେ ଥିବା କନିଷ୍ଠ ଯନ୍ତ୍ରୀଙ୍କ ମଧ୍ୟରେ ସୁଗଡ଼ା ଚରଣ ହେମ୍ବ୍ରମ୍ ଏବଂ ଏନ୍. ମହାନ୍ତିଙ୍କ ନାମ ରହିଛି। ବସୁଧା ଯୋଜନା ସମ୍ପର୍କିତ ସମସ୍ୟା ପାଇଁ ୧୯୧୬ ହେଲ୍ପଲାଇନ୍‌ରେ ଅଭିଯୋଗ କରିବାର ବ୍ୟବସ୍ଥା ରହିଛି। ତେବେ ପ୍ରଶ୍ନ ଉଠୁଛି—ଯଦି ବର୍ଷ ବର୍ଷ ଧରି ଗ୍ରାମରେ ପାଣି ସମସ୍ୟା ରହିଛି, ତେବେ ଅଭିଯୋଗ ଓ ସମାଧାନ ମଧ୍ୟରେ ଏତେ ବିଳମ୍ବ କାହିଁକି? କନିଷ୍ଠ ଯନ୍ତ୍ରୀ ଗ୍ରାମକୁ ଯାଇ ସ୍ଥିତି ଅନୁଧ୍ୟାନ କରୁଛନ୍ତି କି? ପଞ୍ଚାୟତ ଅଧିକାରୀ ଓ ଜନପ୍ରତିନିଧିମାନେ ଏ ସମସ୍ୟା ସମ୍ପର୍କରେ ନିୟମିତ ଭାବେ ଉପରିସ୍ଥ ଅଧିକାରୀଙ୍କୁ ଜଣାଉଛନ୍ତି କି? ସ୍ୱାଭିମାନ ଅଞ୍ଚଳର ସର୍ବାଙ୍ଗୀଣ ବିକାଶ ପାଇଁ ରାଜ୍ୟ ଓ କେନ୍ଦ୍ର ସରକାରଙ୍କ ବିଭିନ୍ନ ସ୍ୱତନ୍ତ୍ର ଯୋଜନା ସହ ସେତୁ ପ୍ରକଳ୍ପ ଭଳି କାର୍ଯ୍ୟକ୍ରମ ଚାଲିଥିବା ସତ୍ତ୍ୱେ, ଯଦି ମୌଳିକ ଆବଶ୍ୟକତା ଭାବେ ପରିଗଣିତ ପିଇବା ପାଣି ମଧ୍ୟ ଲୋକଙ୍କ ନିକଟରେ ସୁବ୍ୟବସ୍ଥିତ ଭାବେ ପହଞ୍ଚୁନାହିଁ, ତେବେ ଏହା ନିଶ୍ଚିତ ଭାବେ ଚିନ୍ତାର ବିଷୟ। ପୂର୍ବରୁ ଶହେ ଦିନ ମଧ୍ୟରେ ଆବାସ ଯୋଜନାର ଅବ୍ୟବସ୍ଥା ସମ୍ପର୍କରେ ଦୃଷ୍ଟି ଆକର୍ଷଣ କରାଯାଇଥିଲା। ଏବେ ପାନୀୟଜଳ ସମସ୍ୟା ଉପରେ ମଧ୍ୟ ବ୍ଲକ୍ ଓ ଜିଲ୍ଲା ପ୍ରଶାସନ ତୁରନ୍ତ ଦୃଷ୍ଟି ଦେଇ, ସରକାରୀ ଅର୍ଥର ସଠିକ୍ ଓ ସ୍ୱଚ୍ଛ ବ୍ୟବହାର ସହ ଲୋକଙ୍କ ସମସ୍ୟାର ସ୍ଥାୟୀ ସମାଧାନ କରିବେ ବୋଲି ଆଶା କରାଯାଉଛି। କନିଷ୍ଠ ଯନ୍ତ୍ରୀ ଓ ସମ୍ପୃକ୍ତ କର୍ମଚାରୀଙ୍କ ପାଇଁ ଅନୁରୋଧ—ନିଜ ଦାୟିତ୍ୱ ଅଧୀନରେ ଥିବା ସମସ୍ତ ଗ୍ରାମର ପାନୀୟଜଳ ବ୍ୟବସ୍ଥା ସମ୍ପର୍କରେ ନିୟମିତ ଭାବେ ଅବଗତ ରୁହନ୍ତୁ ଏବଂ ଅଚଳ ମଟର, ଫାଟିଥିବା ଟାଙ୍କି ଓ ଅନ୍ୟାନ୍ୟ ସମସ୍ୟାକୁ ଯଥାଶୀଘ୍ର ମରାମତି କରି ଲୋକଙ୍କୁ ନିରବଚ୍ଛିନ୍ନ ପାନୀୟଜଳ ଯୋଗାଇଦିଅନ୍ତୁ। ଭୁଲ୍ କି ଠିକ୍—ତାହା ତଦନ୍ତ ପରେ ସ୍ପଷ୍ଟ ହେବ। କିନ୍ତୁ ଲୋକଙ୍କ ପାଣି ସମସ୍ୟାର ସମାଧାନ ହେବା ହିଁ ଏବେ ସବୁଠାରୁ ବଡ଼ ପ୍ରଶ୍ନ।

ନର୍ଲା ପୋଲିସର ବଡ ସଫଳତା,ଚିପୁଲ ଜୋର ଠାରେ ଡକାୟତି ଘଟଣାକୁ ନେଇ ସାମ୍ବାଦିକ ସମ୍ମିଳନୀ।

ମ, ରାମପୁର, କଳାହାଣ୍ଡି ଜିଲ୍ଲା ମ ରାମପୁର ଠାରେ ୨୦୮ ଆମ୍ବୁଲାନ୍ସ ଖତ ଖାଉଛି ଫଳରେ ରୋଗୀ ସେବା ବାଧାପ୍ରାପ୍ତ ହେଉଥିବା ଅଭିଯୋଗ ହୋଇଛି। ଏଣୁ ତୁରନ୍ତ ୧୦୮ ଆମ୍ବୁଲାନ୍ସ କୁ ସଜାଡି ରୋଗୀ ସେବା ରେ ଲାଗିବା ପାଇଁ ସାଧାରଣ ରେ ଦାବି ହେଉଛି।

ଜଳବାୟୁ ସହନଶୀଳ ଜିଲ୍ଲା ହେବ ନୂଆପଡ଼ା : ADAPT4R ପ୍ରକଳ୍ପର ଅଗ୍ରଗତି ଓ ଆଗାମୀ କାର୍ଯ୍ୟଯୋଜନା ନେଇ DPIC -2 ବୈଠକ। ନୂଆପଡ଼ା -୦୨/୦୯- ଜଳବାୟୁ ପରିବର୍ତ୍ତନଜନିତ ଆହ୍ୱାନର ମୁକାବିଲା ସହ ଜିଲ୍ଲାର ତୃଣମୂଳସ୍ତରରେ ସହନଶୀଳତା ବୃଦ୍ଧି କରିବା ଲକ୍ଷ୍ୟରେ ନୂଆପଡ଼ାରେ ଆଡାପ୍ଟ-୪-ଆର୍‌ (ADAPT4R–Adaptation for Resilience) ପ୍ରକଳ୍ପକୁ ଆହୁରି ଗତିଶୀଳ କରାଯାଉଛି। ପ୍ରକଳ୍ପର କାର୍ଯ୍ୟାନ୍ୱୟନ ଅଗ୍ରଗତି ଓ ଆଗାମୀ କାର୍ଯ୍ୟଯୋଜନା ସମୀକ୍ଷା ନେଇ ଦ୍ୱିତୀୟ ଜିଲ୍ଲା ପ୍ରକଳ୍ପ କାର୍ଯ୍ୟାନ୍ୱୟନ କମିଟି (DPIC-2) ବୈଠକ ସଦ୍‌ଭାବନା ସଭାଗୃହରେ ଜିଲ୍ଲାପାଳ ମଧୁସୂଦନ ଦାଶଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ବୈଠକରେ ପ୍ରକଳ୍ପର ଏପର୍ଯ୍ୟନ୍ତ ଅଗ୍ରଗତି, ପ୍ରଥମ DPIC ବୈଠକରେ ନିଆଯାଇଥିବା ନିଷ୍ପତ୍ତିର ଅନୁପାଳନ ଏବଂ ଆଗାମୀ ମାସଗୁଡ଼ିକର କାର୍ଯ୍ୟଯୋଜନା ଉପରେ ବିସ୍ତୃତ ଆଲୋଚନା ହୋଇଥିଲା। ବିଶେଷକରି ଜୀବିକା ସୁଦୃଢ଼ୀକରଣ, ସମ୍ପତ୍ତିକୁ ଜଳବାୟୁ ସହନଶୀଳ କରିବା, Last Mile Climate Services (LMCS), Climate Adaptation and Inclusive Communities (CAICs) ସହିତ ବିଭିନ୍ନ ସରକାରୀ ଯୋଜନାର ସମନ୍ୱୟ ଉପରେ ଗୁରୁତ୍ୱ ଦିଆଯାଇଥିଲା। ପ୍ରକଳ୍ପର ଜିଲ୍ଲା ନୋଡାଲ୍‌ ଅଧିକାରୀ ତଥା ଖଡ଼ିଆଳ DFO ଅଜିଜ ଖାନ୍‌ ପ୍ରକଳ୍ପର ବର୍ତ୍ତମାନ ସ୍ଥିତି, ଅଗ୍ରଗତି ଏବଂ ଆଗାମୀ କାର୍ଯ୍ୟଯୋଜନା ସମ୍ପର୍କରେ ବିସ୍ତୃତ ଉପସ୍ଥାପନ କରିଥିଲେ। ତୃଣମୂଳସ୍ତରରେ ପ୍ରକଳ୍ପର ଲକ୍ଷ୍ୟ ହାସଲ ପାଇଁ ବିଭିନ୍ନ ବିଭାଗ ମଧ୍ୟରେ ଅଧିକ ସମନ୍ୱୟ ଓ ସମ୍ମିଳିତ ପ୍ରୟାସର ଆବଶ୍ୟକତା ଉପରେ ସେ ଆଲୋକପାତ କରିଥିଲେ। 🎯 ହିତାଧିକାରୀଙ୍କ ପାଖରେ ପହଞ୍ଚୁ ସମସ୍ତ ସୁବିଧା। ଜିଲ୍ଲାପାଳ ମଧୁସୂଦନ ଦାଶ ପ୍ରକଳ୍ପ ଅଧୀନରେ ଥିବା ସମସ୍ତ ଯୋଜନା ଓ ସୁବିଧା ଯୋଗ୍ୟ ହିତାଧିକାରୀଙ୍କ ନିକଟରେ ଶତପ୍ରତିଶତ ପହଞ୍ଚିବା ଉପରେ ଗୁରୁତ୍ୱ ଦେଇଥିଲେ। ଏଥିପାଇଁ ବିଭାଗୀୟ ସମନ୍ୱୟ ବଢ଼ାଇବା ସହ ଆବଶ୍ୟକ ସ୍ଥଳରେ ସ୍ୱତନ୍ତ୍ର ଅଭିଯାନ ଆୟୋଜନ କରିବାକୁ ସେ ପରାମର୍ଶ ଦେଇଥିଲେ। ସେହିପରି ଆର୍ଥିକ ଅନ୍ତର୍ଭୁକ୍ତିକରଣ ଓ ଆର୍ଥିକ ସାକ୍ଷରତା ବୃଦ୍ଧି ପାଇଁ ସ୍ୱତନ୍ତ୍ର ଡ୍ରାଇଭ୍‌, ଜଳବାୟୁ ପରିବର୍ତ୍ତନର ପ୍ରଭାବ ସମ୍ପର୍କରେ ଜନସଚେତନତା ଏବଂ ‘କ୍ଲାଇମେଟ୍‌ ଚାମ୍ପିଅନ୍‌’ମାନଙ୍କ ତାଲିମ ଓ ଦକ୍ଷତା ବିକାଶ ଉପରେ ମଧ୍ୟ ଜିଲ୍ଲାପାଳ ଗୁରୁତ୍ୱାରୋପ କରିଥିଲେ। 🌍 ‘କ୍ଲାଇମେଟ୍‌ ରେଜିଲିଏଣ୍ଟ୍‌ ମଡେଲ୍‌ ଡିଷ୍ଟ୍ରିକ୍ଟ’ ହେବ ନୂଆପଡ଼ା। ନିୟମିତ ନିରୀକ୍ଷଣ, ସମୀକ୍ଷା ଏବଂ ସମ୍ପୃକ୍ତ ବିଭାଗଗୁଡ଼ିକର ସକ୍ରିୟ ସମନ୍ୱୟ ମାଧ୍ୟମରେ ନୂଆପଡ଼ାକୁ ଏକ ‘ଜଳବାୟୁ ସହନଶୀଳ ମଡେଲ୍‌ ଜିଲ୍ଲା’ ଭାବେ ଗଢ଼ିତୋଳିବା ଆଡାପ୍ଟ-୪-ଆର୍‌ ପ୍ରକଳ୍ପର ପ୍ରମୁଖ ଲକ୍ଷ୍ୟ ବୋଲି ବୈଠକରେ ଗୁରୁତ୍ୱାରୋପ କରାଯାଇଥିଲା। ପରବର୍ତ୍ତୀ ସମୟରେ ଏହି ମଡେଲ୍‌କୁ ଅନ୍ୟ ଜିଲ୍ଲା ଓ ରାଜ୍ୟରେ ପ୍ରୟୋଗ କରିବାର ଲକ୍ଷ୍ୟ ରହିଛି। ବୈଠକରେ DFO, ସୁନାବେଡ଼ା ବନ୍ୟପ୍ରାଣୀ ବିଭାଗ ସମୀର ସାହୁ, ଉପଜିଲ୍ଲାପାଳ ସୁର୍ମି ସୋରେନ୍‌, ଜିଲ୍ଲା ପରିଷଦର ଅତିରିକ୍ତ କାର୍ଯ୍ୟନିର୍ବାହୀ ଅଧିକାରୀ କ୍ଷମାନିଧି ଭୋଇଙ୍କ ସମେତ ବିଭିନ୍ନ ବିଭାଗର ଅଧିକାରୀମାନେ ଯୋଗଦେଇଥିଲେ। ଏଥିସହ ଜିଲ୍ଲା ଜରୁରୀକାଳୀନ ଅଧିକାରୀ, କୃଷି, ପ୍ରାଣୀ ସମ୍ପଦ, ମତ୍ସ୍ୟ, ଶ୍ରମ, ଜଳସମ୍ପଦ, କଲ୍ୟାଣ, ଓଡ଼ିଶା ଜୀବିକା ମିଶନ, NABARD, LDM, KVK-ନୂଆପଡ଼ା, ବନ ବିଭାଗ ସମେତ ବୋଡେ଼ନ ଓ ଖଡ଼ିଆଳ ବ୍ଲକର BDOମାନେ ଉପସ୍ଥିତ ଥିଲେ। ପ୍ରକଳ୍ପ କାର୍ଯ୍ୟାନ୍ୱୟନ ସଂସ୍ଥା AJSA-Indiaର କର୍ମଚାରୀ ଏବଂ ବିଶ୍ୱ ଖାଦ୍ୟ କାର୍ଯ୍ୟକ୍ରମ (WFP) ର SPMU କର୍ମଚାରୀମାନେ ମଧ୍ୟ ବୈଠକରେ ଯୋଗଦେଇଥିଲେ। ଏହାସହ WFP ନୂଆଦିଲ୍ଲୀର NPMU ଟିମ୍‌ ଏବଂ WFP ଓଡ଼ିଶା ମୁଖ୍ୟାଳୟ, ଭୁବନେଶ୍ୱରର ପ୍ରତିନିଧିମାନେ ଭର୍ଚୁଆଲ୍‌ ମାଧ୍ୟମରେ ବୈଠକରେ ସାମିଲ ହୋଇଥିଲେ। ଜଳବାୟୁ ପରିବର୍ତ୍ତନର ପ୍ରଭାବକୁ ମୁକାବିଲା କରି ଲୋକଙ୍କ ଜୀବିକା, ସମ୍ପତ୍ତି ଓ ଜୀବନକୁ ଅଧିକ ସୁରକ୍ଷିତ ଓ ସହନଶୀଳ କରିବା ଦିଗରେ ଆଡାପ୍ଟ-୪-ଆର୍‌ ପ୍ରକଳ୍ପ ନୂଆପଡ଼ା ପାଇଁ ଏକ ନୂଆ ଆଶାର ଦିଗ ଖୋଲିବ ବୋଲି ବୈଠକରେ ଆଶା ପ୍ରକାଶ ପାଇଥିଲା।

ଗୁମ୍ମା ବ୍ଲକ ସହକାରୀ କାର୍ଯ୍ୟନିର୍ବାହୀ ଯନ୍ତ୍ରୀ ବିଭୁ ଚନ୍ଦନ ପୂଜାରୀ ଙ୍କୁ ବଦଳି ପାଇଁ ସାଂସଦ ପ୍ରଦୀପ ପାଣିଗ୍ରାହୀ ଙ୍କୁ ଦାବିପତ୍ର ପ୍ରଦାନ ଗଜପତି ଜିଲା ଗୁମ୍ମା ବ୍ଲକ ରେ ଗତ ମଙ୍ଗଳବାର ଦିନ ଅନୁଷ୍ଠିତ ପଞ୍ଚାୟତ ସମିତି ବୈଠକ ରେ ବ୍ରହ୍ମପୁର ସାଂସଦ ପ୍ରଦୀପ ପାଣିଗ୍ରାହୀ ମୂଖ୍ୟ ଅତିଥି ଭାବେ ଯୋଗଦେଇଥିଲେ। ଏହି କାର୍ଯ୍ୟକ୍ରମରେ ଯୋଗ ଦେବା ପରେ ଗୁମ୍ମା ବ୍ଲକର କିଛି ବ୍ୟକ୍ତି ସାଂସଦ ଓ ବିଧାୟକଙ୍କୁ ଗୁମ୍ମା ବ୍ଲକ ସହକାରୀ କାର୍ଯ୍ୟନିର୍ବାହୀ ଯନ୍ତ୍ରୀ ବିଭୁ ଚନ୍ଦନ ପୂଜାରୀ ବିଭିନ୍ନ ଦୁର୍ନୀତି ରେ ଲିପ୍ତ ଥିବା ଅଭିଯୋଗ କରିଛନ୍ତି। ଗୋଟିଏ କାମ କରି ତିନୋଟି ବିଲ୍ କରିବା, ଉଦ୍ଦେଶ୍ୟ ମୂଳକ ଭାବେ ଫାଇଲ୍ ଲୁଚାଇ ଲୋକଙ୍କୁ ହଇରାଣ ହରକତ କରିବା, ଦୂର ଦୂରାନ୍ତ ରୁ ଆସୁଥିବା ଆଦିବାସୀ ଅଧ୍ୟୁଷିତ ଲୋକଙ୍କୁ ନ ଭେଟି ଫେରାଇ ଦେବା ଇତ୍ଯାଦି ଅଭିଯୋଗ ଆଣିବା ସହ ପ୍ରାୟ 5 ବର୍ଷ ଧରି ରହିବା ପରେ ମଧ୍ୟ ଗୁମ୍ମା ସମସ୍ତ ଜିଲ୍ଲାରେ ପଛୁଆ ବ୍ଳକ୍ ଭାବେ ରହିଛି, କୌଣସି କାମର ସଠିକ୍ ବିଲ୍ ହେଉ ନ ଥିବାରୁ କାମ କରୁଥିବା ବ୍ୟକ୍ତି ମାନସିକ ଅଶାନ୍ତ ସେ ରହୁଥିବାରୁ ନିୟମ ଅନୁଯାୟୀ ତାଙ୍କୁ ବଦଳି କରିବା ପାଇଁ ମୋୟାବ ଗମାଙ୍ଗ, ଅନନ୍ତ ଗମାଙ୍ଗ, ଏଲିସ୍ପନ୍ ଗମାଙ୍ଗ, ଲାକିଆ ଶବର, ପ୍ରୀତମ ପାଲ, ଅଜୟ ବଡ ନାୟକ ଙ୍କ ସହ ଦୁଇ ଶହ ରୁ ଉର୍ଦ୍ଧ୍ୱ ସ୍ଥାନୀୟ ବୁଦ୍ଧିଜୀବୀ ଦାବିପତ୍ର ପ୍ରଦାନ କରିଛନ୍ତି। ଜାଣିଶୁଣି ଅପମାନିତ କରିବା ଉଦ୍ଦେଶ୍ୟରେ ଉନ୍ନୟନ ମୂଳକ କାର୍ଯ୍ୟର ଉଦଘାଟନୀ ଫଳକ ରେ ଜିଲ୍ଲାର ଅନ୍ୟତମ ଗୁରୁତ୍ୱପୂର୍ଣ୍ଣ ବ୍ୟକ୍ତି ତଥା ଜିଲ୍ଲା ପରିଷଦ ଅଧ୍ୟକ୍ଷ ନାମ ନଥିବାରୁ ଏବଂ ଅଜୟଗଡ ସରପଞ୍ଚ ଙ୍କ ନାମ ଭୁଲ୍ ଥିବା ହେତୁ ଅଞ୍ଚଳ ବାସୀ କ୍ଷୋଭ ପ୍ରକାଶ କରିବା ସହ ଭବିଷ୍ୟତରେ ଏଭଳି ଭୁଲ୍ ନ କରିବା ପାଇଁ ଚେତାବନୀ ଦେଇଛନ୍ତି।

ମୋହନା ବ୍ଲକ ମର୍ଚ୍ଚମା ଗ୍ରାମ ର ସିନା କର୍ମଚାରୀ ଙ୍କ ଅବସର ପରେ ଗ୍ରାମ ରେ ଭବ୍ୟ ସ୍ୱାଗତ

ଅତିରିକ୍ତ ଶ୍ରେଣୀ ଗୃହ ଉଦଘାଟନ ଉତ୍ସବ ମ. ରାମପୁର, ୦୨/୦୯, କଳାହାଣ୍ଡି ଜ଼ିଲା ଏମ. ରାମପୁର ସହର ତଳସାଗର ପଡା ଉଚ୍ଚ ପ୍ରାଥମିକ ବିଦ୍ୟାଳୟ ରେ ବୁଧବାର ଏକନବ ନିର୍ମିତ ଅତିରିକ୍ତ ଶ୍ରେଣୀ ଗୃହ ଓ ୩ ଗୋଟି ଶୌଚାଳୟ ଉଦଘାଟନ ହେଇ ଯାଇଛି. କଳାହାଣ୍ଡି ଜ଼ିଲା ଶିକ୍ଷା ବିଭାଗ ଜ଼ିଲା ଅତିରିକ୍ତ ଜ଼ିଲା ଶିକ୍ଷା ଅଧିକାରୀ ତପି ମଣି ଜାନି ମୁଖ୍ୟ ଅତିଥି ଭାବେ ଉଦଘାଟନ କରିଥିଲେ. ଏହି ଉପେଲକ୍ଷେ ଆୟୋଜିତ ଛାତ୍ରୀ ଛାତ୍ର ସଭା ରେ ସଂସ୍କାର ଯୁକ୍ତ କାର୍ଯ୍ୟ ପାଈଁ ଉପଯୁକ୍ତ ପରିବେଶ ରେ ଶିକ୍ଷା ଗ୍ରହଣ ଆବଶ୍ୟକ ବୋଲି ଦିଗଦର୍ଶନ ପ୍ରଦାନ କରିଥିଲେ. ଆୟୋଜିତ ସଭା ରେ ଉକ୍ତ ବିଦ୍ୟାଳୟ ଭାରପ୍ରାପ୍ତ ପ୍ରଧାନ ଶିକ୍ଷୟତ୍ରୀ ପ୍ରଣତି ଖମାରି ସଭାପତିତ୍ୱ କରିଥିଲେ. ଉକ୍ତ ସଭାରେ ବିଇଓ ପବିତ୍ର ଗଡତିଆ, ଏବିଇଓ ଜୟସେନ ନିଆଲ, ସିଆରସିସି ରାଜୀବ କୁମାର, ପ୍ରାକ୍ତନ ପ୍ରଧାନ ଶିକ୍ଷକ କୁବେର ମହାଖୁଡ଼, ପୂର୍ବତନ ପ୍ରଧାନ ଶିକ୍ଷକ ବସନ୍ତ ଦାସ, ସାମାଜିକ କର୍ମୀ ଶଶି ଭୂଷଣ ପ୍ରହରାଜ ପ୍ରମୁଖ ମଂଚାସୀନ ହେଇ ଶିକ୍ଷା ଶିକ୍ଷକ ଶିକ୍ଷାୟତନ ବିଷୟକ ମନ୍ତବ୍ୟ ପ୍ରଦାନ କରିଥିଲେ. ଶର୍ମିଷ୍ଠା ମୁଣ୍ଡ, କବିତା ସାହୁ , ପ୍ରକାଶିନି ନାଏକ ପ୍ରମୁଖ ଶିକ୍ଷୟତ୍ରୀ ସ୍ୱାଗତ, ପୁଷ୍ପ ଗୁଚ୍ଛ ପ୍ରଦାନ, ଉତ୍ତରୀୟ ପ୍ରଦାନ ଆଦି କାର୍ଯ୍ୟ ରେ ସହଯୋଗ କରିଥିଲେ. NB- Attach with photo ୧.-ମଂଚାସୀନ ଅତିଥି, ଏଡ଼ିଓ ଙ୍କ ଅଭିଭାଷଣ.୨ ଓ ୩ ଏ ବିଇ ଓ, ବିଇଓ ଉପସ୍ଥିତି ରେ ଏ ଡ଼ି ଇ ଓ ଫିତା କାଟି ନୂତନ ଶ୍ରେଣୀ ଗୃହ ଉଦଘାଟନ କରୁଛନ୍ତି।

ମୋହନା ହିଲ ଟପ ସ୍ନାତକ କଲେଜ ରେ ବିଳମ୍ବ ରାତି ପଯନ୍ତ ଚାଲିଲା ପରୀକ୍ଷା ଅଦକ୍ଷ କଣ କଇଲେ

अपर राटूगुड़ा बरड़ापड़ा सड़क जर्जर, आवागमन बाधित: मरम्मत की मांग को लेकर ग्रामीणों ने जिलाधिकारी को सौंपा ज्ञापन अपर राटूगुड़ा बरड़ापड़ा सड़क जर्जर, आवागमन बाधित: मरम्मत की मांग को लेकर ग्रामीणों ने जिलाधिकारी को सौंपा ज्ञापन ​कालाहांडी, 02/09 : कालाहांडी जिले के सदर मुख्यालय अंतर्गत अपर राटूगुड़ा बरड़ापड़ा को जोड़ने वाली मुख्य सड़क लंबे समय से मरम्मत के अभाव में अत्यंत जर्जर हो चुकी है। सड़क पर बने बड़े-बड़े गड्ढों के कारण जनजीवन और आवागमन पूरी तरह से प्रभावित हो रहा है। ​विशेष रूप से बारिश के मौसम में इन गड्ढों में पानी भर जाने से अक्सर बाइक और साइकिल दुर्घटनाएं हो रही हैं। गांव की जीवनरेखा मानी जाने वाली इस सड़क का कोई अन्य वैकल्पिक रास्ता नहीं है, जिससे मरीजों, गर्भवती महिलाओं, स्कूली बच्चों और एम्बुलेंस की आवाजाही में भारी परेशानी आ रही है। स्थानीय पंचायत और ब्लॉक प्रशासन से कोई मदद न मिलने पर अंततः ग्रामीणों ने सड़क मरम्मत की मांग को लेकर जिलाधिकारी को लिखित शिकायत सौंपी है। ​कालाहांडी से लक्ष्मण बनुआ की रिपोर्ट